مجروووحه من اغلى الناس محتاجه دعواتكم

[مجروووحه]

السلام عليكم ورحمة الله وبركاته

اخواتي .. محتاجة دعواتكم بهاليالي المباركه

محد يدري لعل فيكم وحدة دعواتها مستجابه

والله اني اكتب وابكي ومدري وش اقول من الهم اللي انا فيه



بعد صلاة التراويح اخوي عمره 16 سنه ينفخ على امي وشوي يضربها

جيت دافعت عنها وذكرته بعقوق الوالدين .. قام يسبني ويشتمني وكان بيدخل رجله بفمي

قالي يـا مطلقه انتي ماتتكلمين

والله كانها رصاصه مو كلمه

حسيت بدمعتي بتطلع وحسيت بغصه بس مابي ابين له اني مكسوره

عادها مرة ومرتين وثلاثه

ومهي اول مرة يقولها لي هو واختي الاصغر مني

شكيت لامي ليه ماسكتته وانا دافعت عنها .. سبتني وشتمتني وقالت هو صادق انتي مطلقه

حتى ابوي نخيته يأخذ لي حقي ويوقفهم عند حدهم بس للاسف .. مثلهم

يعايروني بطلاقي وهم السبب الاول والاخير فيه

يعايروني بطلاقي .. وانا شايلتهم بعيوني وصايره لهم خدامه .. طبخ .. غسيل .. شغل بالبيت

والله اني خدمتهم ومابي شي منهم ابي رضاهم وبس

ليه الدنيا كذا .. اخوي ينفخ على امي وشايلته فوق الراس واختي نفس الشي

وانا اللي جيت ادافع عنها يقلبونها علي

وش صار بالدنيا .. اختلت الموازين .. ؟؟

مهو اول موقف يصير كذا .. الله يخرس لسانه اللي جرحني فيه

بنات انا منهاره وابكي بحرقه .. مالي غير رب العالمين ثم انتم

ادعوا لي .. ان الله يسخر لي الزوج الصالح يعوضني عن كل اللي شفته من اهلي

ويطلعني من الجحيم اللي انا فيه

حسبي الله نعم الوكيل
حسبي الله ونعم الوكيل
حسبي الله ونعم الوكيل

 

[sokar]

طيب حبيبتي انتي هدي وبعدين اذا انتي نفسك تعتبرين لقب مطلقه مسبه لا تشرهين على اهلك ولا عالمجتمع المتخلف الي يعتبر هالكلمه اهانه ومسبه
قالك يا مطلقه
وخير يا طير ؟؟؟؟

قوليله اي نعم انا مطلقه وياااربي لك الحمد الي وراي ظهر يسندني والا كان ما زلت في شقاي ومعاناتي

 

[الاميرة الحسناء]

الله يكون في عونك يا أختي ويرزقك الزوج الصالح

 

[دلع النعيريه]

اختي اسال الله العزيز القدير ان يرزقك برجل صالح يكون عونا لك بعد الله في اجتياز حياتك ويعوضك عن كل الي شفتيه واكثري من الاستفغااار والذكر في هاذا الشهر المباااارك ولك مني دعوه بضهر الغيب يالغاااااااااااااااااليه ولا تنسيني من دعائك يالغلاااااااااااااااا

 

[قطـــــريه]

اسمحي لي اختي كلمه مطلقة مو عيب ولا مسبة ولا معايره .. هالكلمة ذكرت في القران وذكر الطلاق اكثر من مره .. انتي مجروحه في داخلك ومضغوطة وتعبانه نفسيا .. بس يا اختي اي شي نسويه لازم نتحمل نتيجته وما نحمل غيرنا اخطائنا .. كملي دراستج واشتغلي واعتمدي على ربج ونفسج واخدمي امج وابوج وحبيهم وحبي نفسج اول .. وكرري كلمه مطلقة الف مره لنفسج عشان تتعودين عليها وما تنجرحين منها ..

 

[سنكرس]

هوّني عليك حبيبتي ،ولا تحزني فأنا لا أرى في الطلاق وصمة عار تخجلين منها بل بالعكس أحياناً يكون الطلاق فرج ورحمة من رب العالمين
وإن كنتِ مجروحة وتريدين إخراس ألسنتهم فما عليك سوى الرد على من يعايرك بالآتي :قولي لهم ( لا تسخر من أخيك فيعافيه الله ويبتليك) والذي ابتلاني بشئٍ بسيط قادر على ابتلائك بعاهةٍ مستديمة تكون وصمة عارٍ في جبينك ما حييت
وعندنا مثل شعبي في نجد دايم أمي الله يجعلها في الفردوس الأعلى تردده وهو:( من له عينٍ لايامن العمى ومن له عقل لايامن الهبال)
والمعنى ان كل شخص حي معرّض لكل حدث سيئ في هذه الدنيا
فالجأي حبيبتي لمن هو أحنُّ عليك من والدتك ووالدك والناس أجمعين ، من لم يجعل على بابه حاجباً ولا حرّاساً اطرقي بابه ولوذي بجنابه وأكثري من ذكره واستغفاره واستمدي قوتك من قربك منه وأنا أضمن لك الهدوء والراحة النفسية
بإذن الله تعالى.

 

[سنكرس]

حبيبتي
نسيت أقول لك :ياليت تقرأين توقيعي وتتمعنين فيه وتطبقينه عدل.

 

[خافيه غلاها]

ياحياتي دوبي كنت ارد على موضوعك الاول
الله يهدي اخوووكي

 

[الاميرة الصغيره]

اختي اسال الله العزيز القدير ان يرزقك برجل صالح يكون عونا لك بعد الله في اجتياز حياتك ويعوضك عن كل الي شفتيه واكثري من الاستفغااار والذكر في هاذا الشهر المباااارك ولك مني دعوه بضهر الغيب يالغاااااااااااااااااليه ولا تنسيني من دعائك يالغلاااااااااااااااا
اختي عليك بالاستغفار واخوك طنشيه لانه بسن مراهقه ماعليك الله يهديه ويصلحه يارررررررررررب
الله يعوضك بالاحسن وحاولي تشغلي نفسك واخوك اذ تكلم على الوالده ماعليه هاوشيه بس انتي حاولي طنشي

 

[بقايا فتاه]

آآآآآآآآآآآآآآآآآآآآآآه ياحبيبتي إنتي وربي حاسه فيك ياغلاتي

تكفين بطلبك طلب لاتدعين على أخـــوك الله يخرس لسانه ..

والله بلحضة غضب تدعين وبكره تبكين دم ..

وذكرتيني بمواقف كثير رجعيتيني لورا ااااااااااااااااااااه بس الله يعوضنا خير

معليه أمك تحمليها .. وحاولي تبتعدين عن أخوك مهما صار أوسوا

إن سمعتين قام يصارخ ويسب وخري واتركيه هو وأمك وأختك وروحي غرفة ثانيه ..

يارب يارب يارب ياحي ياقيوم يعوضنا وياك خيـــر وسعاده وراحة بال بالدنيا والآخره

يارب يسخر لك ابن الحلال اللي يسترك ويعزك ويكون زوج وسند وأخ وعوض لك ياحي ياقيوم

الله يسخر لك أهلك ويريح بالك يارب ويهدي أخوي وأخوك

 

[خافيه غلاها]

ياحياتي دوبي كنت ارد على موضوعك الاول
الله يهدي اخوووكي

يؤ سوري في نفس النك هنا تقريباااا لخبطت

 

[طلة شيوخ]

الله يكون بعونك انا مع كلام خواتي والله يرزقك الزوووووج الصاااالح ياااارب​

 

[أحلامي كوابيس]

أسأل الله العلي القدير أن يفرج همك وهمي ويرزقك زوجا صالحا يعوضك عن ما كنتي تعانين منه وعقبال ما تنزلين موضوع تخبرينا إنك تزوجتي​

 

[س ر]

الله يكون بعونك ويرزقك ويعوضك بالزوج الصالح
ليش انتي تقولين انه اهلك هم السبب في طلاقك

 

[بينكـْ دريمـْ]

الله يفرج همك ياربي =(

 

[سكن قلبه]

الله يكون في عونك ويصبرك ويرزقك بالزوج اللي يعوضك ويهدي اهلك جميعا ويسر امورك

 

[ذكيه]

الله يفرج همج يارب العالـــــمين

 

[ريم الغلاااا]

الله يفرج همج الغلا


يرزقج بالزوج الصالح يارب


ان شا ءالله بالعيد تفرحين بفرحتين فرة العيد وفرحة خطوبتج تفائلي بالخير الغلا



سبحانه موجود مايظلم حد




الله يسعدج دنيا واخره يارب


يبعد عنج كل ضيج وهم

 

[**أموووله**]

الله يفرج همك ويرزقك بالزوج الصالح اللي يعوضك
يااااااااااااااااااارب ياكريم ..

 

[فرنسيسة]

الله يصبرك اختي بس نصيحتي حاولي انك تقوي شخصيتك كوني واثقه من نفسك مطلقة طيب انا مطلقة عادي ياكثر الي يطلقون قوي قلبك لا تضعفي انا مريت بظروف خليها على ربك بس واجهتهم بارادة قوية وكنت اتجنب الجلوس مع اهلي وحاولي انك تتوظفي او تتدرسي او ادخلي تحفيظ قران عشان تنشغلي وينشغلو عنك والله يصبرك ويفرج لك..وبيني انك قوية عشان مايستضعفوكي