مجربات البيبي فيس

[علمتني الحياة2]

السلام عليكم
صباحكم ورد وسرور يا احلى منتدى
سمعت كثير عن محلول التقشير بيبي فيس
ورحت امس اشتريته وجربته اليوم لاول مرة
وبوافيكم بالنتايج بأذن الله
واي وحدة جربته تقولنا عن تجربتها عشان نفيد بعض:34:​

 

[ورده ورديه soso]

ماجربته صراحه

بس خبرنا وفيدينا ربي يكتب لك العافيه والاجر

 

[ملكة بعيونه]

منتظر تجربتك

 

[علمتني الحياة2]

صباح العسل والورد على اطيب ناس
هذا لي اليوم الثاني من استخدام البيبي فيس
ماحسيت بشي ملحوظ سوى جفاف بسيط
مع اني ما اتبعت طريقة الفلبينيات اتبعت طريقة عضوة من منتدى ثاني اسمها دريم فور ابو ظبي
حسيتها مريحة وسهلة
ويارب تكون النتايج طيبة واخبركم اول باول بأذن الله ​

 

[توته22]

الله يعطيك العافيه عزيزتي وياليت تكتبي لنا الطريقه
ومن فين اشتريتيه وشكراء

 

[عيبي في طيبي]

الله يعطيك عافيه قولي طريقته والله بشرتي بعد الحمل يرثى لهاوباقي لي شهرين ان شاءالله واولدواحاول اصلاح ماافسده الحمل_

 

[غيـــثا]

يارب يجيب نتيجه حلوه معاك

 

[علمتني الحياة2]

صباح العسل والياسمين على كل القلوب الطيبة
الان لي اليوم الثالث احس وجهي مروق شوي لان اليوم الثاني كان محمر وبدا بالتقشير
بس مادخلت امس لان مافتح معي النت
توته22 وعيبي في طيبي بكتب لكم الطريقة كامله بحذاريفها من مصدرها بس شوي ابروح انسخها والصقها لكم دقايق وراجعة

 

[علمتني الحياة2]

مرحبا بالغاليات .

من خلال جوابي على اسئلتكم بنوع الاساس والبودر لاحظت الاغلبيه تصادفها مشكله الحبوب والبقع و المناطق الغامجه

اللي ما تكون بلون موحد مع البشره سوا كانت حواليين الفم او الخد وطبعا النتيجه الاغلبيه يدورون حلول موقته لاخفاء هاي العيوب من المصححات والكونسيلرات .
.

طبعا اغلبيتكم مر عليها محلول baby face الي يستخدمون الفلبينيات وطبعا اكيد في منكم استخدمه بالغلط وهيج البشره وزادت الطين بله ..

وحده من الخوات كانت منزلتنه في باب العنايه للبشره بس لاسف طريقتها كانت مثل الفلبينيات والاغلبيه استخدموه والنتيجه بشرتهم متهيجه ويدورون اي مرطب عشان يقشرها واللي يضحك

في الموضوع كل وحده متردده تستخدمه وتقولها شو النتيجه عشان تغامر مثلها ولما تهيج البشره ... اهني العله ولا وحده قدرت اطلع كريم مرطب يسحب الاحمرار ويقشر البشره .

اولا يا عمري انت وهي بشرتنا ابدا مالها اي وجه تشابه ببشره الفلبينيات احنا جونا حار واقل مستحضر تقشير لهب لنا البشره

وهذا المستحضر له 3 ارقام .. واكبر غلط انكم تستخدمونه مثل طريقه الفلبينيات تبتدون ب3 ولما تخلصون تبتدون ب2 ولما يخلص تبتدون ب1

غلط غلط غلط حتى لو كانت الطريقه مكتوبه على علبه المحلول ما ينفع لنا يا مؤمنه انت وهي ..

وانا نزلت هذا الموضوع في باب المكياج عشان افيد خواتي من مشكله البقع والكلف وحيرتهم من خلال رسايلهم اللي وصلتني عالخاص والعام بنوع المصحح والكونسيلر اللي تخفي العيوب اللي ذكروها لي ..صح اني فاديتهم بمصححات بس في النهايه تكون

ا لنتيجه مؤقته و كلها ساعات والمصحح يخفي العيوب. ..........وترجع ريما لعادتها الاديمه ..صح؟؟؟؟

شوفي يا الغاليه .. البقع والكلف والحبوب امرهم واااايد سهل ..

انا يا عمري اريدج تعالجين عيوب البشره ....كم بتخفينها بالمصححات ..لكن ****لله لا المصححات بنستخدمها فتره ولا لناحاجه لها ..

وهذي الطريقه يشهد علي ربي جربتها في نفسى ولما عطتني الطريقه المرضيه بدون اي تردد نزلتها اليوم وانا على استعداد كاااااااااااامل لاى سؤال تتطرحون لي سواء قبل او بعد ما تستخدمون هذا المحلول ..

ركزي معاي خطوه خطوه ... شوفي الغاليه

اريدج تروحين الجمعيه وتشترين محلول فى علبه برتقاليه اسمه بيبي فيس

.RDL - Baby Face NO 1- ASTRINGENT -

RDL - Baby Fac RX3

BABY JOHNSONS BABY OIL GEL WITH CAMOMILE

ومن الصيدليه

مرهم Fucicort

غسول Cyteal

ROC 60%

ياليت يا بنات تبتدون هذطريقه استخدام المحلول في الوكند عشان ما تتعرضون للشمس بس يومين .

وانصحكم من يوم ورايح دائما اغسلي وجهك بغسول Cyteal صبح ومساء

هذا الغسول طبي ومعقم ويزيل البقع الداكنه ويطهرلج البشره من الحبوب والاوساخ وينصحون فيه اطباء الجلديه ..انا ما استغني عنه سواء لوجهي او وقت الاستحمام اللجسم .

اليوم الاول

1-اول ما تنظفين ويهج جيبي قطن وحطي من RDL - Baby Fac RX3

{استخديه بس مرتين ليوم واحد فقط لا غير....ارجوج لا تنسين}

وامسحي كامل وجهج علشان لما يتقشر يكون لونه واحد وركزيي تمسحين حولين المنطقه الداكنه والكلف والبقع .


2-حطي مرهم Fucicort لازززززززم على طول وراه ؟؟؟ وبعد كل وضوء حطي من المرهم وبالذات لما تنامين

علشان ثاني يوم بشرتك بتهيج وتتقشر من المحلول فعشان ما يسبلك هذا الاحمرار هذا المرهم بتتقشر بشرتك بسرعه وبدون اي تهيج للبشره

اليوم الثاني

1) لما تصحي بعد ما تغسلي وجهك بغسول Cytealحطي الواقي ROC 60% في الوجه .بتلاحظين كل القشور نزلت من البشره ..
واذا كنت خارج البيت ورجعتي اغسلي وجهك بغسول Cytea وارجعي استخدمي مرهم Fucicort


2)في وقت المغرب وانت تتوضي لصلاه المغرب اغسلي وجهك غسول Cyteal
وحطي الواقي في بشرتك ROC 60% الى الليل .بعد بتلاحظي من قوه المحلول ما عنك استخدمتي ليوم واحد ومرتين بس البشره لازالت تتقشر وقبل لا تنامي اغسلي وجهك غسول Cyteal وضعي مرهم Fucicort



اليوم الثالث

1) لما تصحي بعد ما تغسلي وجهك بغسول Cytealحطي الواقي ROC 60% في الوجه

.وحطي البودره او الاساس المفضل لك اذا كنت خارجه من البيت بس اذا ما بتطلعين اكتفي بالواقيROC 60% . الى صلاه الظهر واغسلى وجهك بالغسول وارجعي حطي الواقي ROC 60%

2)عند صلاه العصر اتمسحي وغسلي وجهك بغسول Cyteal -جيبي قطن وحطي من -

.RDL - Baby Face NO 1- ASTRINGENT بتلاحظين بشرتج تنبض نظافه وبدون اي احمرار

وقشور بسيطه والنتيجه حصلتي على طبقه جلد نظيفه غير الطبقه اللى كانت فيها البقع والكلف وعشان تحافظين عليها ضعي الواقي ROC 60% .


دائما يالغاليات سواء كنتوا خارج البيت ورجعتوا اغسلوا بشرتكم بغسول Cyteal وعقموها وطهروها RDL - Baby Face NO 1- ASTRINGENT

في منطقه الوجه والرقبه ومنطقه خلف الرقبه بتلاحظين القطن شلت بلاوي من الاوساخ وبالذات اللون الاسود اللى تسببه الشيله ..


وانصحج استعملي المحلول دائما RDL - Baby Face NO 1- ASTRINGENT كمنظف رئيسي بدل الغسول والتونك اللي كله غلا عالفاضي ..

واللي زاد وغطى التقشيرات القويه مثل اوباجي والرتن A ..


يا بنات انا بشرتي مثلكم بالضبط وجوانا اكيد حار وما نتحمل الحراره والرطوبه اللي تهيج بشرتنا ..

رجاءا هذي الطريقه استخدمتها لنفسى ولا زلت لليوم ما اقدر استغنى لا عن الغسول ولا الواقي ولا المطهر بتستخدمون طريقه ثانبه انا بريت ذمتي وعطيتكم الطريقه .

وعلى فكره اللي في ظهرها حبوب وبقع تستخدم RDL - Baby Fac RX3


بعد الاستحمام بغسول Cyteal للجسم ولا ن منطقه الظهر خشنه وما بتسببلها اي احمرار تكتفي بالمحلول المطهر ولما تلاحظ بشره الظهر بدت الحبوب والبقع تختفي تستخدم شاور جل زيت الاطفال بالبابونج من بيبي جونسن

واتريا الردود لهذ الموضوع لاني صدق ما اريد البقع ولا الكلف يكون لها اي اثر لا في البشره ولا الجسم ونكتفي بكريم الاساس والبودره بدون اي مصحح.

بااااااااااااااي يالغلا
انا استخدمت نفس هالطريقة بس اليوم الاول ماحسيت بتقشير فكررت الطريقة يوم ثاني
يعني يومين فقط مع المقشر
وانا شريتة من صيدلية الكردي بالرياض بشارع الملك عبدالعزيز
ممكن تتصلو على الاستعلامات وتاخذو الرقم
واتمنى الفايدة والبياض للجميع
ولا تنسوني من دعاااااااااااااااكم
اللهم صلي على محمد صلى الله عليه وسلم

 

[علمتني الحياة2]

على فكرة بنات لو جت مدة مارديت ع الموضوع لا تزعلون مني لانة مودايم يفتح النت معي
الله يسعدكم جميعا يارب
اللهم صلي على محمد صلى الله عليه وسلم