مثواها الجنه اللي تفهمني

الكناري

الكناري

New member
إنضم
2007/03/20
المشاركات
480
خواتي الاميرات
راح ادخل بالموضوع بشكل مباشر واحاول بدون اطاله

اللي متابعين معاي مواضيعي تدرون اني الان صار لي 3 شهور بقطيعه تامه مع زوجي ما يكلمني نهائيا يسهر الى الصبح وينام طول النهار وطبعا اتصلت باحد مشايخ الدين لاخذ رأيه وشرحتله كل التفاصيل و هل انا آثمه بالقطيعه فقال لي لا لست آثمه وكان من ضمن الحلول التي قدمها لي شيخ الدين هو ان اتجاهل زوجي بالفتره الحاليه كنوع من العلاج

المهم اللي صار يا حبيباتي ان قبل يومين وانا اسمعه يقول لعيالي انه يبي يسافر وجاب شنطه السفر وحطها بغرفه النوم وانا اشوف كل شي وساكته

لما طلع قمت بعمليه التفتيش كالمعتاد ولقيت جوازه وتذكره السفر وعرفت موعد السفره

فتوقعت انه بيكلمني قبل لا يسافر يطلب مني ان احلله
"مصدقه روحي ":thumbdown::thumbdown::thumbdown: وهذا سفر الواحد مايدري يرجع او لا
المهم موعد سفرته كان الضحى فقعدت من النوم الصبح وهو موجود بس انا اتصرف على اساس اني ما اعرف متى بيسافر لانه ماقالي ووديت العيال المدارس ورجعت البيت وهو بالغرفه المهم ماصبرت لان الوضع جد ينرفز "كأني استجدي منه ان يكلمني " فطلعت من البيت وما رجعت الا الظهر
طبعا
داز الحبيب مسج يقولي فيه :

انا نزلت مالقيتك انا مسافر
ما كلف على روحه انه يتصل فيني
بذمتكم لو كنتوا مكاني شتسوون
فهموني الله يجزاكم الجنه
 
التعديل الأخير:
لو أنا مكانك؟؟؟؟

عادي ما بسوي شي
أصلن سافر والا قعد كله واحد
زي قلته على قولتهم..

مب أنتي تقولين ثلاث شهور ما يكلمج

حبيبتي الكناري

لين متى بتمين حاطه ايدج على خدج وتنتضرينه ايي ويكلمج او يعبرج

اتعرفين هو شو يحس

يحس انه راح والا رد كلمج او لا كله واحد تراج موجوده موجوده

اتخذي قرار حازم

ما تحسين انج ماشيه صح بس في شي غلط؟؟

تدرين انج ممكن تطلبين الطلاق بسبب هجره لج و3 شهور مب شويه

أنا بقترح عليج اقتراح بس عالخاص
خلينا نتواصل....​
 
مثواكم الجنه

اختي المستغربه شكرا لك حبوبه ومتواصله معاك على الخاص
 
أختي العزيزة ،،،بصراحه أنا ما أقدر أقاطع زوجي كل هذه الفترة....صعب وااااايد...لأن الريال يقدر يحصل بسهول الشي اللي يسليه بعكس المرأة وللأسف ذالك راجع للمجتمع اللي خلاه يستقوي علينا...والسكوت اذا طال بينكم تصير عادة بعدين....أنا أنصحج ابدي انتي معاه وتوكلي على الله...بس أقولج اقري سورة البقرة كل يوم.....وصدقيني بتشوفين العجب!!!!!
 
عزيزتي الله ايعينك بس في شي يمكن اخفف

على الاقل ما طنش الموضوع وسافر خبرك ---- لا تقولين بمسج بس --- لكن الحمد لله يعني الرجال امخلي لك اعتبار


اقول لا تسوين شي ولا شئ اتوكلي على الله والجي له بالدعاء والاستغفار وقراءةالقران بان الله يسخر لك قلبة


 
3 شهور واايد صراحة وصعبة انتي وزنيها في مخك انتي شايفة ان الموضوع اللي مختلفين علية يستاهل هالقطيعة وهالمدة كلها ولا انها كبرياء من الطرفين اخذ اكبر من حجمة

فكري فيها بتوازن وخذي لج وقت كافي خلي رجعته من السفر سبب انج تنهين هذي القطيعه بس باسلوب عادي
يعني بدون جو و رومانسي وهالسوالف مثلا اذا رجع ابعثي لة مسج الحمد لله على السلامة يمكن ايرد واذا رد اخذيها فرصة وحاولي اتعدلين الوضع

انا اشوف انه هو يمكن زهق لكن لا تنتظرين من الرجال انه يجي بعد 3 شهور عناد يعتذر اعتبري المسج هذا اعتذار
ويمكن بداية صفحة جديدة
اتنى لج التوفيق
 
يا اختي اثقي الله صالحي زوجك و ترى الملائكة تلعنك من ثلاث شهور و هو لا حرج عليه
اختي نصيحة اعتبري المسج بداية لمرحلة تتصالحين فيها معه دون اهدار لكرامتك و في كل الاحوال هو من بدا الصلح و لو بهده الطريقة الخجولة و هو هنا احسن منك اد هو الدي بدا الكلام معك
اختي هناك امور الدين اعطى فيها كلمته الاخيرة و لا علاقة للكبرياء و الكرامة بها
لا تكتحل عيناك بنوم الا وزوجك راض عنك وكفى
الدنيا ايام تمضي و الاخرة اجر و حساب و ان شاء الله جنة فلا تبيعي الغالية بالرخيصة
اكرمك الله في الدارين و جعل سفر زوجك ان شاء الله بداية لحياة سعيدة
دمتي بخير
 
طيب اختي بسألك رجلك سافر شغل ولا سياحة
؟؟
 
مثواكم الجنه

خواتي الاميرات شكرا على ردودكم
وبالنسبه للاخوات الي تطالبني بتقوى الله في قطيعه زوجي انا كلمت احد المشايخ وقالي علاج زوجك الاهمال التام من قبلي ومن قبل عيالي يعني ما نكلمه وما علي اي ذنب
وعلشان اوضح الموضوع اكثر
زوجي جدا بخيل علينا ويطلب مني مبلغ شهري اعطيه كل شهر

ارجو منكم تفهم موقفي
 
الله يساعدك اختي البخل شيء منفر ومزعج

وبعدين اختي عذريني في هذا الامر بس لا تعتمدين على الشيوخ في هذي الامور .. انا موقصدي انهم ما يصلحون لكن هذي الامور تحتاج استشارى اسرية يعني ما لها علاقه بالشيوخ...

وزوجك بصراحة قدرك وارسل لك مسج يخبرك بسفره ..لو غيره زعلانه منه ثلاث شهور سافر ولا عبرك... يعني هو باقي عليك .. وكان ارسلتي له رساله تدعين له بالسلامة
صدقيني لو راسله له كان رجع عن سفره ..

الله يعينك اول جدام عينك تشوفينه وتطنين عليه الحين اشلون ... صار بعيد عنك

يا اختي ... حاولي ترسلين له رساله بالجوال كلمة حلوة تسالين عنه يمكن يرق قلبه ويرجع او يرسل مسج رد عليك بعدها كلمية واذا رجع حلي معه الاشكال يكفي القطيعه ثلاث شهور... اذا زعلتي مع اخ مسلم لك تتعلق اعاملك طول فترة القطيعه الى ان تتصالحوا اشلون زوجك وابوا اولادك ... اعيالك اشلون حالهم ؟؟

فكري زين اختي ... ولا تهدمين بيتك بأيدك

ربي يصلح حالك
 
اختي كناري الرجال طبعهم صعب وصعب يعتذرون
وهم زي ما تعرفين عنيدين فانا اعتقد انوا كان المفروض تقبلي اي مبادرة منوا حتى لو شفتيها بسيطة وتحمدي ربك انو رسلك المسج وياريتك رديتي عليه بمسج حلو تتمنيلوا يرجع بالسلامة يمكن كان اثر عليه وصدق الرسول صلى الله عليه وسلم الي قال ان من البيان لسحرا
وبعدين الله موجود ليش ما نلجا اليه سبحانه ادعيله انو يصلح لك زوجك
ومرات الذنوب تكون سببا في مشاكلنا اذكر اني قريت قصة لاحد التابعين يقول انوا يعرف انوا في ذنب ارتكبوا من تغير زوجته عليه فعليك بالاستغفار ثم الاستغفار وتشوفين ان ما جا زوجك ومعاه هدية يراضيك بيها سبحان الله كلنا نعرف ان القلوب بين اصابع الله يقلبها كيف يشاء افلا يستطيع لله ان يغير حال زوجك
اسال الله ان يسخر زوجك لك ويرده اليكي ردا جميلا امين
 
3شهور والله فترة طويلة والغريب إنكم في بيت واحد...غريبة:dunno::dunno:
 
يا اخت عزيزه111 ليييش تلعنها الملائكه وهو اللي هاجرها ومقصر في حقوقها.ليش احنا يالستات عندنا ثقافة الرعب من حقوق الرجل.ياختي اغلب الاحاديث اللي ذكرت عن حقوق الزوج موضوعه او ضعيفه.وبالعكس ديننا يحث على حسن عشرة الزوجه والتغاضي عن زلاتها_ان وجدت_وبين ان ماكرمهن الا كريم ولا اهانهن الا لئيم.واذكري ايه في القران الكريم تحث المرأه على الطاعه الغبيه لزوجها.بل بالعكس فيه التكريم والعزه والوصايه بالمرأه اللي جعل كثير من الغربيات يعتنقن الاسلام.وبالنسبه للاخت كناري لا ارى بأسا من معاملة زوجك بالمثل مع القيام بقية حقوقه من طبخ ونظافه وحسن مظهر حتى يصالحك او يطلق والشرع معك 100% وتذكري سورة المجادله نزلت في صحابيه تشكو_رضي الله عنها_من هجر زوجها لها.:icon30::icon30:
 
بصراحه الله يعينج على البخل...واااااااايد صعب...أنا حاسه فيج..لكن في مثل يقول (ما ياكل مال البخيل الا العيار) أنا كنت أول لما أطلب من زوجي ويرفض..أزعل و أحزن وااايد..وأحيانا أحس بذل وما بتصدقين اني اضطريت أبيع شي من ذهبي علشان ما أحس بالمذله...لكن الحين صرت أحسن..اذا رفض أحاول ما أهتم وأتحايل عليه يعني خلي ويهج لوووووووح ...مب بالقوة لا بالتحايل لفي ودوري عليه صح متعبه لكن شوي شوي بيتعود...وادعي له بأحسن الأخلاق.....
 
مثواكم الجنه

solitude شكرا لك على تفهمك وضعي بس والله وضعي جدا صعب وافكاري مشوشه ماني عارفه شسوي

ام سالم شكرا اخيتي تتكلمين عن البخل واكيد عارفه شنو معنى تعيشين مع رجل بخيل
انا احمد ربي ان عندي راتب

سما الجنه
اختي شكرا لك بس اللي انا كلمته هو دكتور اسري وشيخ دين وقال لي دايما البخيل يشوف نفسه من اكرم الناس

ورده بلقيس..... شكرا حبوبه وفعلا غريبه ان احنا في بيت واحد و3 شهور قطيعه
على فكره من الاول هو طبعه جذيه يعني: حار جاف صيفا بارد ممطر شتاءا وانا اللي كنت ابتدي بالكلام حتى لو هو الغلطان ويمكن هذا اللي قواه علي

احلم بالرومانسيه ..... شكرا لك والله يديم عليك هالرومانسيه بس انا عايشه بعالم الواقع يا اختي مو بعالم رومانسي

ام نوره .... شكرا لك اختي ماعندك حل بس لاتنسيني بالدعاء الصالح
 
التعديل الأخير:
لا حول ولا قوة إلا بالله الله المستعان يارب يفرج لك كربك و همك و حزنك آمين يا رب العالمين
 
المفروض وإنتوا في بيت واحد ما تنقطعوا كل هاي الأيام .. الله يهديه ليكي .. ويهديكي ليه
 
اختي الحبيبة
نصيحتي لك ان اذا رجع من السفر تكونين انيقة ومتعدلة ولكن ببساطة وتكونين عملية
وتكلمينه بردود مقتضبة تبينين فيها انك مو مهتمة بس بدون اسلوب الاحتقار وخلك انيقة ومثيرة دائما بس بدون ما تعطينه وجه زياده ولا تعطينه فلس احمر خلي فلوسك ليك ولاولادك
والله يوفقك وينصرك يا عزيزتي
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى أسفل