القادم اجمل
New member
- إنضم
- 2011/07/12
- المشاركات
- 11
بالبداية احمد ربي أني انضميت لمنتدى مملكة بلقيس واتمنى أكون أخت خفيفة على الجميع
قرأت قصة لاخت لي بالمنتدى وتحمست أكتب قصتي ,,,
متزوجة لمرتين وادعو لي تنتهي سالفة زواجي الثاني بطلاق بدون محاكم وتعب نفسي زيادة ,,,
كانت البداية إني تزوجت,,, زوجي الاول وكنت مرتاحة مع أنو كان فيه فارق بينا من عدة نواحي بالمعنى ما نفهم على بعض وكانت شخصيتي متزنة وشخصيته حنون جداً وطيب لاقصى حد الموضوع الرئيسي للطلاق صعوبات بالانجاب تطلقت طلاق ايجابي بالاتفاق ..
تجربتي الثانية كانت مع شخص مطلق وعنده أطفال وساكن مع اهله سكن مؤقت
, وسألنا عنه و كل شي زين .. واشترط عليه الوالد بيت منفصل و اولاده غير مسؤوله عنهم إلا بتنازل مني لحد الان اموري زينه وهو موافق وانا مرتاحة ..
بعد الزواج كانت حياتنا اكثر من ممتازة وحبيت الحياة وحبيت عياله وعلاقتي باهله رسمية نوعا ما لكن بعد فترة بسيطة( الشهرين ) طلع لي بسالفة اني ما افهم عليه وأني حساسة ولا يقدر يتحمل حساستي النفسية وانه يفكر بالحب والحب بينا ما فيه مشاعر قوية وكلام بدري عليه وكان يضغط علي ويمنعني إني ازور اهلي أو انزل بيت اهله او اشوف عياله ويفتعل المشاكل ويوترني
واتحمل واتمسك بحياتي معاه لاني ما ابغى يتكرر الطلاق بعد 3 اشهر من الزواج تغير علي وصار يضغط علي نفسياً بطريقة غريبة أكثر من قبل بحجج تافهه , وبلا سبب يهددني بالانفصال واتعامل مع الموضوع بالبداية أنه زعلان مني وننهي الموضوع و اراضيه ويراضيني ,, ويرجع يكررها مرة ثانية وأنه لا داعي لانجاب اطفال و احنا على هالحال ...
وما كان فيه سبب يذكر للطلاق اقدر أواجه اهلي فيه فتحملت .. إلى أن وصل الامر إلى أن يشكيني لاهله و كنت في بيت اهلي ازور الوالد تعبان .... وأنا انتظر أنه يرجع يأخذني بعد كم ساعة ... إلا انه تركني يومين بلا اتصال فاتصلت به وجواله مغلق واتصلت باخته وارسلت لي رساله بان الموضوع بيد والدي وانه يطلب من والدي ان يتصل به فاتصل به اخوي لظروف الوالد الصحية فكانت المكالمة مفادها ( أنه طاب خاطره مني وأن عيوبي لن تتغير لانه شخصيتي قوية ,, واستحالة الحياة بيننا ) وحاول اخوي الكبير معالجة الموضوع لانه عارفني وكان مطلع على المشكلة مني من قبل ما يصير اللي صار إلا انه وصل لطريق مسدود معه .. حاول الوالد يتصل يفهم التفاصيل ولا يرد ,,,تركناه ولا عاد اتصلنا فيه ...
بعدها بيومين تتصل والدته وتشتمني و كأني فعلت الجرائم لولدها مع أنه ما كان يصارحني باي شيئ من اللي قالته عني وكله كذب بكذب ... وكلها كانت اسباب بالاصل شخصية بين زوجين لو كانت صدق ,,
,,,ودفاعاً عن نفسي ولحرة فيني من الظلم دعيت عليها بانها تشوف اللي سوته فيني ببناتها وبصحتها وبولدها وعياله وتحسبت عليها وقفلت السماعة لاني انظلمت وتحملت ,,,
فصار اللي ما توقعته ابداً كردة فعل للمكالمة ,, دبروا لي مكيدة واني سرقت منهم مبلغ وكلام يطول .. بعد اقل من اسبوع جتني ملابسي بعد ما اخذوا من أغراضي واخذوا من ذهبي قيمة السرقة الملفقة علي .. وصلتني بجوالي رسايل سب واهانة وطنشت بطلب من اخوي لانه باين أنهم بيرفعون ضغطي لا أكثر ,,,وغيرت رقمي ونسيتهم ,, وانتظر الفرج من ربي أني اخلص من اللي ما يخافون ربهم ...
لكن سؤال بخاطري نفسي أفهمه ليشششش يسوون فيني كذا على الرغم إني احسنت لهم ولا عمري غلطت على أي شخص وحياتي كلها معهم 4 شهور بس ..
...
اضيف كم نقطة كنت ألاحظها بحياتي معه ...
كان مهمل للصلاة بالمسجد و حاولت فيه شوي شوي وتغير لكن كانت مجامله منه لي لا اكثر ,,
والدته غيورة جداً وعالجت الموضوع أنا معها وصرت اتفهم غيرتها واكسبها لصفي والحمدلله ,,
بطبعي أنا حنونة كنت اهتم بعياله والكل لاحظ التغير بشخصياتهم وسلوكهم ,,
حتى هو شخصيا اهتميت فيه كزوجة مع هذا لاحظت الجفاء وتحملته ,,,
نفسي بتفسير للي صار لي يا ناس ؟؟؟؟
انا مقتنعه أنه رزقي ونصيبي وربي كاتب لي خير لكن ثقتي بالناس تغيرت كثير ,, الله يكون بعوني بس ,,,
