متملكة غير سعيدة ؟ ممكن النمط لزوجي لعلي افهم

[قمرا 11]

انا متملكه من شهر واسمع صديقاتي يقولون احلى فتره
اللي اشوفه العكس انصدمت
كل مكالماته يابطولاته او يذكر سلبياته ويقول انا صريييييييييح وكل خمس دقايق انا صريح
والادهى اذا قلت احب شي قال لااااااا مااحبه انا ماعجبني مو حلو
يعاكسني بكل شي
حتى السفره سال الكل وين نرووووووووح
ويتكلم ععن اهله كثير



كيف تكون مكالمه الملكه ممتعه وايش نقول فيها
وايش نمطه خايفه يطلع بخيل اعوذ بالله من الشر لانه بالسوالف يحسب قيمه الااشياء اللي يشتريه



استغفر الله استغفر الله كثيرا​

 

[chocolatta]

ya ekhti had bi koun zawjik la tkhali chaytan yal3ab bi rasek rah sa3dek cheway ya ekhti li anou ana kaman momalaka kifek

 

[chocolatta]

المكالمات بين المتملكين
تجربه جميله
يشهد بجمالها كل المتزوجات
إحسآس رائع تعيشه كل متملكه
ذكرى تتلذذ فيها كل متزوجه



شعور يخليك فوق السحآب





يحسسك بحلاوة الدنيا




يتكون بينكم حب بلهفه بشوق بشغف



كل شي بالدنيا له جانبين
وهالتجربه على روعتها تحمل جانب صعب
من ناحية :
هالمرحله حرجه حساسه
المشاكل التافهه اللي تصير فترة الملكه
على تفاهتها ممكن يصير لها تأثير حآد على النفسيه
والإنفصال بها الفتره لاسمح الله فكره وارده ومتاحه اكثر من بعد الزواج




خوف الزوجه من فقدان الحب , الاهتمام , الولع
من ابسط تغير بزوجها تبدى الهواجس
وتشعر انها غير مرغوبه وماعادت تهمه مثل اول

وأيضاً نواحي كثيره


طبعآ كل متملكه بها الفتره ماتشبع من الحب الغزل
و تتمنى تأسر قلب زوجها وتوصل فيه مرحلة العشق


من الواقع اللي عشته
من تجارب اللي حولي
من الكتب اللي قريتها
من المقاطع اللي شفتها
من المحاضرات اللي سمعتها
من الدورات اللي حضرتها


( ..كان موضوعي ..)

كيف لازم تكونين ك(أنثى) لما تكلمينه أكيد هو يختلف عن صديقتك لما تكلمينها أو أخوك وأبوك



في شي مهم جداً لاتحقرينه الصوت الناعم الأنوثي

صوتك الشي اللي تقدرين تدخلين قلبه من خلاله

كثار رجال يحبون بنات ماشافوهم بس من نبرة الصوت

( الأذن تعشق قبل العين )

شي ظروري يكون صوتك معه ناعم واطي
تتكلمين بهدوء

تدرين إن نبرة الصوت تدل بشكل أو ثاني على ثقتك بنفسك


نبرة صوتك تفنني فيها عشان تشعللينه

حسب المواقف

بتعاندينه ~> بإستهبال طبعاً مش العناد الحقيقي الممقوت عند الرجل

خلي بنبرتك دلع وطفوله

بتسألينه أو بتبينين استغرابك ~> نبرتك تكون بريئه وطفوليه

قالك شعوره ~> نبرتك يكون فيها خجل وحيا وصوتك متقطع يروح ويجي من الحيا



طبعاً المواقف كثيره والخيارات كثيره انا هنا اوضحلك بس

ضحكتك أنتبهي تضحكين بصوت عالي (

)

أذكر مره قريت قصه عن اعرابي غضب على زوجتك لأنهم كانوا بقافله وضحكت ضحكه شهقت بنهايتها ~> هذي الحركه تدووخ..

غضب عليها لأنه عارف تأثير ضحكة المرأه على الرجل

كثير ضحكات نحب نسمعها خصوصاً الضحكه الناعمه تخطف قلب الرجل

(ألفاظك)

لايسمع منك إلا كل لفظ جميل أبتعدي عن الألفاظ الذكوريه السوقيه (

)

خلي ألفاظك راقيه تدل عليك بريئه وغير متكلفه ولاتروحين تقولين له كل لفظ جديد متداول بين المراهقين

انتبهي نقظة الألفاظ هذي مره مهمه لاتخلينه يسمع منك شي ممكن يسمعه من ربعه إنتي غير


هذا بإختصار يتعلق بأنوثتك معه ع التلفون والباقي أكثر ​

بعد ماتدخلون بعز العلاقه وتتعودون شوي على بعض


لما تتعودين على اهتمامه حبه شوقه ولهفته عليك


فجأه تخف
أو تنعدم


أنتي هنا تكتئبين ويضيق صدرك
وتبدين تهوجسين ليش ماعاد يحبني
ماعدت أعجبه
مل مني


طفشته

 

[chocolatta]

الفراوله اللي تحبينها وتستلذين فيها
لما تاكلينها كل يوم
وممكن أكثر منن مره في اليوم بعد فتره نقول شهر أو أوقل
ايش بيصير فيك !


ماراح تملين منها ماراح يجيك وقت ماتبين فراوله أبداً مع إنك تحبينها
وماكرهتيها بس محتاجه تتركينها فتره عشان ترجعين لها بنفس النهم


بالظبط نفس الفكره مع الرجل


أعتبري نفسك فراولته
أنتبهي يشبع منك






بتكلم عن شغله من زمان ببالي كانت من الدوافع اللي دفعتني أسوي الموضوع

عزيزتي المتملكه



شي طبيعي إنك مسجله أو زائره لها المنتدى ومنتديات غيرها تقرين وتتعلمين كيف تتعاملين مع زوجك

أنا هنا بنصحك

لاتصدقين كل شي تقرينه !!

بذكرلك قصه صغيره حصلتلي

قريت مره عن رساله أرسلتها وحده لزوجها وتقول انها جننته وانه مره انبسط عليها

أنا أرسلتها لزوجي وندمت



المسج جداُ عادي بس هو مو متوقعه مني ..

الفكره اللي بوصلها لك ..

لما تقريت عن تجربه او موقف

لاتروحين تطبقينه مع ابو الشباب

لاتنسين إن اللي كاتبه التجربه غير

غير عنك انتي وزوجها غير عن زوجك
علاقتها بزوجها من حيث عمق العلاقه غير عنك
بيئتها غير مجتمعها غير تقاليدها غير

حطي ببالك هالشيء مو تروحين تنبرشين وتقلدينها


وكثير نصائح بالمنتدى صراحه مالها سنع



واغلبها توجه الزوجه انو اهتمي بزوجك وعوديه عليك صبحيه ومسيه على صوتك وغرقيه مسجات

يعني ألصقي فيه
والمسكينه تروح تصدق وتطبق هالكلام وتنشب لزوجها لين يعيفها

ترى فيه نصائح كثيره عشوائيه وغير مدروسه لاتصدقين كل شي تقرينه

ولاتصدقين أي وحده تجيك تنصح

هي ايش عرفها بزوجك ايش عرفها فيك عشان تنصحك بتصرفات ممكن مايتقبلها زوجك
ولاتصدر منك ..

قريت عضوه تكتب تجربتها مع نصائح صديقتها كانت تنصحها حسب المزاج لما تكون متضايقه ومالها خلق تشيشها على زوجها لما تكون رايقه توصيها عليه

شفتوا كيف خلتها ضحية مزاجها !





وعلى كل حال لاتنسين إن الرجال يختلفون
كل واحد وله شخصيته وميوله لاتعممين
اللي يعجب زوج صديقتك مايعجب زوجك
والل يحبه زوج العضوه بالمنتدى عيب عند زوجك

نقطه ثانيه لاتقل أهميه
(

)

انتي كـ أنثى رغبه فطريه فيك انك تحسين انك مرغوبه
محبوبه جميله

ودك إنك تخلينه يحس إنه ماخذ (لؤطه ) على قولتهم
​

 

[chocolatta]

أحذرك يالحبيبيه

أنتي كذا تحطين من قيمتك قدام نفسك قبل قيمتك عنده ..




انتي لما تتعرفين على وحده وتطيحلك مدح بعمرها وكلام الناس عنها واللي انبهروا فيها و....و.. الخ

وش بتحسينها !
طبعاً هالشي بينقص قيمتها بعينك ليش !
لأنها تهايط !
تتفشخر !
بتحسينها إنسانه مو واثقه بنفسها !

ولاليش تقولك هالمواقف !

بتقولين لي الرجل يختلف عن الأنثى و بيصدق كلامي والله مايضحكني غير هالكلام معتبرين الرجال غبي ومغفل

أنتبهي حبيبتي ترى الرجال ذكي ذكي ومن ذكاءه يتغابى ويمشيلك أرانبك


أدري ان المقصود تكبرين نفسك بعينه وتستثيرين غيرته عشان تتمتعين بجرعة حب

لاكن انتي بها الطريقه تشوهين صورتك وبس

غير عن إن الكذب مايجوز انتي نفسك بتحقرين ذاتك ..

مافيه مانع إنك تسوقين لنفسك مثل ماتقول الأستاذه ناعمه



لاكن بشي حقيقي حاصلك وبدون تهويل وإفتعال شي ماحصل
ولاتقحمين السالفه إقحام عشان يفهم انك تبين تمدحين نفسك
مع مجرى السوالف الطبيعي ممكن تذكرين موقف ..

ولايصير همك بس تحكين له عن حالك وجمالك ودلالك ..
خلي معدل سوالفك بها الأمور طبيعي لاتكثرين ..


رآح أختم هالجزئيه بهديتين والهدايا الباقي أكثر






كتاب( الرجال من المريخ النساء من الزهره)


مهم مهم مهم اقريه كله ومهما مليتي أظغطي على نفسك وكملي








http://www.4shared.com/file/fiLwZbgw/Men_From_Mars.html




دورة NLP مفيده وقيمه جداً جداً بيفوتك كثير لو ماقريتيها




http://www.4shared.com/document/C3Zl3AdN/corse_NLP.html














أساسيات



بتكلم عن شغلات مهمه لازم تكون بأسلوبك معه تخليك قريبه من قلبه




الأحترام


احترميه راح تكبرين بعينه ويبادلك الأحترام هالشي ظروري جداً يمكن انتي بدون ماتحسين معدمه الاحترام بينك وبينه تراه شي أساسي اذا انفقد يصير فيه نقص كبير




الغموض




هالنقطه مهمه كثير ومتشعبه ويصعب شرحها بتكلم عنها بإختصار عنها وبعدين بفصل فيها


عشان اوضحلكم بظرب لكم أمثله:


كلمك وقالك أخبارك حبيبتي وين طلعتي اليوم !




تنطين تقولين : طلعنا المول انا واخواتي وبنات خالتي مع سواق خالتي وشرينا وحطينا ورجعنا الساعه الفلانيه وانبسطنا و...........الخ




بينما كان المفروض منك تقولين: طلعنا المول وبس ..


تسكتين لاتتسمعينه تفاصيل هو مايحتاجها الرجل عموماً يكره التفاصيل ..




مثال ثاني :




تجين تقولين له ابوي قالي انه شافك وكقالي انكم تفاهمتوا وانا قلتله كذا وكذا وامي قالتله كذا ..........الخ




بينما لو هو من نفسه قالك:


أنا أمس صادفت ابوك بالمكان الفلاني وتفاهمنا على الشي الفلاني ..




تقولين : ايه ادري وبس




طبعاً هذي أمثله بسيطه ولا الموضوع أكبر من كذا




الخجل :


الخجل أو الحياء شي فطري عند كل انثى وكل مازاد ظاف لها كثير ..حطي حدود حمراء لجرائتك معه ترى اكثر الرجال إذا مو كلهم يحبون البنت الخجوله اللي تحسسهم برجولتهم وتثيرهم

.. مو تقولين بصير جريئه معه وادوخه وش بيفيدني الخجل اقولك ( ماوجد الحياء في شيء إلا زانه)




التقديروالمدح


مدخل مهم لقلب الرجل خصوصاً للبنات اللي ازواجهم خجولين او مش جريئين معهم عاطفياً


كل المستشارين والاطباء النفسيين والكتب تجمع على اهمية المدح والتقدير عند الرجل


امدحيه بطريقه حلوه مو شرط المدح يكون لشخصه مباشر إذا تستحين مثلاُ قالك ميوله او هوايته او رايه .. قوليله انا معجبه بالناس اللي يفكرون بها الطريقه شي حلو ....الخ


كوني مرحه


الرجال يحب البنت الفرفوشه المرحه اللي كلها حيويه وتفائل

انتي نفسك ماتميلين للشخص المرح البشوش اللي يحسسك ان الحياه حلوه .. خلك معه فرفوشه وخفيفة دم بس بحدود


مو يعني اذا شفتيه يضحك تعلقين نكت وتهرجين عنده لأن التهريج والقاء النكت صفه ذكوريه


تجنبي تسردين مشاكلك له ومئآسيك .. هو مايبي انسانه مليانه حزن وحولها مشاكل


هالشي ينكده , يبي إنسانه متفائله تحسسه إن الحياه حلوه







هذا اللي يحضرني اللحين واكيد فيه شغلات ثانيه ​

 

[اجمل ايام العمر]

حبيبتي كلام اختي شوكولاته صحيح ميه فالميه واللي يقولك ان فترت الملكة كلها حب ورمانسيه انا اقولك كذب هذي اهم فتره لتأسيس علاقه زوجيه ناجحه ان شاء الله انا وحده تعبت كثيير كثير قد م تتصورين لكن ولله الحمد كنت اتمتع بصفات كثيره من اللي قالت اختي شوكولاته م كنت اتعمدها كانت فطره من الله احمد ربي الف مره عليها بفضل الله شديته لي وغيرته 180 درجه اقري كلام اختي شوكولاته زين واهم شي إذا في شي مو عاجبك وتحسينه غلط لاتسكتين عنه ناقشيه بحب وهدوء الرجال يحبون البنت الواثقه من نفسها الدلوعه لكن بثقل مو بخبال بالجد يلاقيها وبالمزح يلاقيها
ربي يوفقك ويسخره لك