متلازمة ما قبل الحيض..ليلى كمثال

[راجيه الرضا]

عن #متلازمة_ما_قبل_الحيض pms

ليلى تعاني من حالة حزن و تقلب مزاج في فترة ما قبل الدورة الشهرية.
يشعر زوجها بها أنها تصبح أكثر حساسية، و تشعر هي أنها تبكي بسرعة لأقل سبب، مما أدى الى ازدياد المشاكل و الخلافات مع من حولها.

دار بيننا الحوار التالي:

▪︎ ليلى: عم حس حالي مخنوقة، بس بدي ابكي، متوترة كتير و مالي نفس اعمل شي بالبيت ولا اطلع من البيت حتى، ما عندي طاقة اعمل شي، بعصب بسرعة و بس بدي خانق دبان وجهي، قرأت عالإنترنت عن متلازمة ما قبل الحيض، يا ترى هاد تفسير يلي عم يصير معي ؟

▪︎المستشارة النفسية : متلازمة ما قبل الحيض لها أعراض جسدية، ولها أعراض نفسية مثل:

القلق والتوتر

الشعور بالحزن

البكاء

العصبية و الانفعال

فقدان الاهتمام بالأعمال المعتادة

انخفاض الطاقة أو الخمول

▪︎وإذا اشتدت هذه الأعراض، يصبح اسم الحالة اضطراب عسر المزاج ما قبل الحيض Premenstrual dysphoric disorder

▪︎ليلى: أي تماما هاد يلي عم يصير معي، بدون أي سبب ظاهر بيبرر مشاعري المزعجة هي، طيب شو سبب هي الحالة؟

▪︎المستشارة النفسية: قبل الدورة الشهرية بأسبوع لأسبوعين، ينخفض مستوى البروجسترون بجسم المرأة، و البروجسترون بإحدى أشكاله مرتبط بهرمون GABA المسؤول عن شعورنا بالهدوء و الاستقرار .. و بإنخفاض البروجسترون بينخض ال GABA وهالشي يسبب قلق وشعور بالحزن، و الشعور بهي الحالة بيكون فعلا مزعج و مؤلم، و الطبيبة النفسية ستايسي مارك شبهت هي الحالة متل شعور أعراض الانسحاب عند إدمان الكحول

▪︎ليلى: طيب شو الحل مع معاناتي هي؟ في علاج؟؟

▪︎المستشارة النفسية: في عدة خيارات للعلاج، حسب شو بيناسبك و حسب رؤيه طبيبك لوضعك:

العلاج الدوائي: أكتر علاج فعال ل عسر المزاج ما قبل الحيض هو مضاد الاكتئاب، و أهمها في هذا السياق ال SSRI، و يمكن أخذها قبل الدورة بأسبوع لأسبوعين فقط، و هو علاج فعال و آمن، يلزمه وصفة من الطبيب .

العلاج الهرموني : عن طريق طبيب النسائية

العلاج المعرفي السلوكي في حال وجود مشاكل أخرى تزيد القلق

الابتعاد عن المنبهات كالشاي و القهوة في هذه الفترة

الرياضة

تمارين الاسترخاء Mindfulness، meditation

الفيتامينات: كالفيتامين D و الماغنيزيوم
_______________________
الأخصائية هند علوش، ماجستير في علم النفس

مركز بصيرة

#بصيرة_للاستشارات_التربوية_والنفسي