متفشله من شعر وجهي كيف ازيله بدون ظهور حبوب لان بشرتي دهنيه؟؟

[غلطت بحقي]

:sadwalk:الله يعطيج العافيه دكتورتنا والله يزاج خير ع مساعدتنا,,
انا بشرتي دهنيه وفيها شعر في منطقه الاطراف يعني تحت الاذن للذقن مكان اللحيه عند الرجل والحين زاد الشعر بعد استخدامي لكريم مبيض للبشره
وانا ابا ازيل الشعر بس اخاف يطلع حبوب لانه من فتره زلت منطقة الشنب وطلع حبوب صغار بعد يومين بس ماطول يومين وراحت الحبوب بروحها يعني ماستخدمت شي

اباج تساعديني وتعطيني اسم كريم يمنع ظهور الحبوب لاني قريت في المنتديات عن كريمات كثيره واحترت؟؟

بليز ساعديني بسرعه لاني متفشله من الشعر بس مابزيله لين اعرف اسم كريم يمنع ظهور الحبوب لاني اعرف انه بيطلع حبوب

والسموحه منج


واذا فيه اي عضوه تقدر تساعدني ارجوج لاتخليني

 

[دلع بلقيس]

حبيبتي..
أهم شي لاتجربين الليزر لأنه مرررة مضر لهذه المنطقة والنتيجة عكسية وبالتأكيد فنحن جربنا أنا ومجموعه من الصديقات لكن للأسف كثر الشعر أكثر وأكثر.

قومي فقط بحجز شهري عند احد الصالونات او تأتيك هي لبيتك كي تقوم بمايسمى (الفتلــــة)
اللي بالخيط فأنا جربت كل شي ولم أرتح لشي مثل هذه الفتله.

وبعض الصالونات الجيدة تضع لك بعد ازالة الشعر بخاخ يريحك بشرتك.

أما الحلاوة فابتعدي عنها فهي تظهر الحبوب وتشوه الوجه جدا لأنها تنزع البشرة الرقيقة التي تحمي البشره وتظهر بعدها الحبوب.

تحياتي’’

 

[غلطت بحقي]

اشكرج اختي دلع عالرد,,
وان شاء الله اجرب الفتله الي قلتي عنها
واذا تعرفين مكان في ابوظبي اسير واسوي عندكم ياريت تساعديني لان اول مره بشيل شعري وخايفه من النتيجه
واذا اي حد دخل بليز يساعدني ويدلني ع احسن مكان في ابوظبي يسوي الفتله بدون مايظهر حبوب