متفاجأه من هالتصرف؟!

[نـرجس]

مساء الخير بلقيسيات كيفكم حبيباتي ان شاء الله بخير
ماابي اطول عليكم بس ابي استشيركم بشي....
انا صار لي متزوجه 3 سنوات تقريباا وانا وزوجي زي العسل ماشاء الله ..و الحمد لله
طبعا زوجي جنوبي بس ماادري شرقي او غربي
المهم هو كريم مرررررررررررره لأخر حد معي ومع اهلي ومع عياله هو طبعا مطلق ..
المهم ...
انا من تزوجته حسيته شوي مبذر وانا مو متعوده على كذا انا متعوده الشي اللي يستاهل تحط فيه فلوس حط
ولما اروح معه السوق دائما واشوفه بيتهور بشي غالي مره مره اقوله لا خذ شي ارخص طبعا انا اعتبر فلوس زوجي فلوسي وابي احافظ عليها ..
مثلا مره شرا لعياله لعبه ب900 ريال لكل واحد مع انه عندهم نفس اللعبه بس هذي متطوره اكثر سكت..ماقلت شي
بعد ماعطاهم اللعب ماعاد شافهم سألهم قالو ماعجبتنا ..
انا هنا تضايقت قلت الصغار المفروض ماتبالغ بسعر اللعب اللي تشتريها لهم يكره يكبرون ويتركونها او يملون منها قال صح معك حق
واحيانا لما نجي نشتري شي ماراح نستفيد منه كثير اقول غالي خذ ارخص وياخذ ارخص
بس الشهاده لله مايقصر معي بشي لو ابي الغالي جابه لي ..
واخر مره شراء لأبوي مشلح ( بشت) ب4000 يعني مره كريم بالهدايااا
المهم ...... نجي لموضوعنا
مثل ماقلت كرررررررررريم مع اهلي ماينساهم بكل زياره بس المشكله فيني انا
ماشفت منه شي من سنه اللهم عطر لما سافر بعد انا اللي قلت له ..
وعطيته هديه بجميع المناسبات اللي مرت علينا بس هو مايعطيني وقلت له مره وقال والله كنت ناوي بس الحين خربتي علي
قلت معليه نصبر شهوووووووور وماشفت شي مر احلى يوم ذكرى زواجنا وماجاب شي
قلت له وجاب لي بعدين سلسال (عقد) ..

ماادري ليش بخيل معي ......
عاد السالفه اللي ضايقتني حيييييييييل اهي انه قبل كم يوم فتح لي حساب بالبنك وحط لي فيه 1500 ريال
وبعد يومين كنت محتاجه عطور ورحت السوق
وهو بيحاسب بأول محل فتح بوكه وقال يؤ مالقيت البطاقه .. استغربت مع اني اشوفها قدامي
ببوكه وقال عطيني بطاقتك وحاسب فيها
وبالمحل الثاني والثالث نفس الحاله المهم مااعطيت الامر اهميه
بعد مارجعنا البيت ونمنا جاء بليس وقال قومي شوفي بوكه ورحت شفته لقيت البطاقه موجوده!!

انصدددددددددمت منه مره معقوله ماشافها او انا السبب انا اللي خليته يبخل بها الطريقه
انا والله يعلم ماهمني انه يدفع ببطاقتي او بطاقته لاني لو اطلب زياده مايقصر بس استغربت من حركته

معقوله انا غبيه وخربت طبعه الحلو بنفسي ؟؟
وشراكم افاتحه بالموضوع والا اسكت ولا كأن شي صارررر..؟​

 

[رازيا]

انصحك قولي الحمد لله والشكر على هذا الزوج وتصرفه اللي سواه في السوق احتمال كانت البطاقة الصراف مخلصة وما حب يجرح حاله قدامك لا تكبري الموضوع المهم انه طيب وكريم معك ومع اولادك وصلي ركعتين شكر لله انه رزقك زوج مثل هيك الله يخليه لك ويحفظه لكم

 

[عروسه منحوسه]

الافضل انك تسكتين دامه مايقصر عليك بشي
موفقه غلاي

 

[نـرجس]

رازيا وشفيك علي انا ماقلت شي اقول الحمد لله الف مره بس اسأل افاتحه بالموضوع والا اسكت​

 

[مجنونةحبيبها]

لا ياقلبي لا تفاتحينه بالموضوع ممكن تخسريه بالمره مدام انه يعطيك خلاص ولا تخلي ابليس يلعب ببالك

 

[الزوجه الاولى]

حبيبتي خلي الامور ماشيه ولا تفتحي الموضوع معاه بس اذا شفتي منه تصرف ثاني مايعجبج ناقشيه وقولي له الي في قلبج بطريقه هاديه

 

[ام-ابيها]

انتي اتقولين (( بس الشهاده لله مايقصر معي بشي لو ابي الغالي جابه لي ..

بعدين تقولين انه بخيل معاج .. مافهمت ..

 

[الجده الصغيره]

لو سواها مره ثاانيه نبهيه...وما يحتاج تعودينه على مسكةاليد...اريح لك...

 

[ام جيداء]

اشوف يا اختي مافيه داعي تفاتحينه بالموضوع تصرفه عادي
واقولك بعد انا يصير لي مثل هالموقف كثير مرات لما يحاسب زوجي يقولي عندك في بوكك شي
واعرف ان عنده في حسابه بس اعطيه دامني اعرف انه كريم وماراح يقصر لوطلبته
موفقه..........

 

[watyn]

لا تفاتحينه بالموضوع بس لاتتخاسري بشي لكي ولاولادك قدامه انتي واولاده اهم من غيركم .اي شي
للناس قولي خساره لكن لكي قولي لا بالعكس رخيص مرا .وانت عودتني عالكرم واجلسي مدح فيه .

 

[تشكرات]

انتي لا تفاتحيه بالكلام ...لأنه هو أصلآ كريم وسخي ....

لكن ( نبهيه ...بالايحاء ...) ..كأن تقولي له >>> ( حبيبي أحس

هداياك لي ( مميّزه ) عن ( هدايا الناس لي ) ..و ( هديّتك لي لها

طابع حلو على نفسيّتي ..والله يخلّيك لي يا أحلى وأحن رجل

بالعالم ....وكبّري راسه بالمدح لو جاب لك هديّه ( وأتعلّقي برقبته

وبوسيه وأتشكري منه ....) كنوع من التشجيع ...

وكل مرّه سوّي زي كذا >>> حتى تعطيه انطباع انه كريم معك

وسخي ....وربنا يوفقكم يارب.

 

[وردة الحنون]

..
لا تفاتحينة بشي اسكتي
ربي يسخر لك زوجك ويقر عينك فية ويسعدكم دنيا وآخره​

 

[وردة الحنون]

وللعلم بعض الازواج
يعد مثلا لو خرجتي للسوق واشترى عطور ومثل الاشياء هذي يعدها هدايا
وانتي اخترتيها بنفسك
يعني هدية من أختيارك
....​

 

[perfume]

حبيبتي انا أعرف هالنوع من الرجال المبذر
يبذرون لدرجة يوصلون لنص الشهر رصيدهم صفر
عندي احساس يقولي انه زوجج كان رصيده مخلص أو محتاجها لشي أهم بس يستحي يقول لج انه مايملك شي>> يظن انج راح تلوميه وتقولين عنه انه مسرف والريال بطبعه مايحب يطلع قليل حيلة قدام المراه
أخوي من هالنوع بالضبط>>> الله يهديهم بس

 

[ريميشي]

للأسف انتي خليتي زوجك يبخل عليك
تبين تعرفين روحي لقسم الزوج والزواج
واقرائي موضوع بعنوان (ناعمه الهاشمي)ل-اعشقه بجنون
اتمن لكي التوفيق

 

[حزينه حد الجنون]

دامه مومقصر واالي طلبيه يجيك اشلك بوجع الراس موفلوسك هي فلوسه عاادي احمدي الله واشكري ربك عالنعمه الله لايغيير عليكم

 

[-موج-]

انت الي علمتيه يمسك يده...من الان فصاعدا لا تنصحيه ان يقلل المصاريف خليه بمزاجه بالصرف وان سالك قوليله الغالي احسن لان كذا وكذا يعني حاولي ترجعيه على الغالي...ولا تساليه على الفلوس طالما هو غير مقصر..كثير من الرجال يكرهون نصح زوجاتهم ولو كانت صحيحه ويطبقون النصيحه بالمقلوب..

 

[@@الجوهره@@]

لاتفاتحينه بالمووضوع ابد
بس انتبهي اذ طلعتي وشراء لعيالك شي غالي تقولين خذ ارخص خليه هو اللي بيدفع لاتستكثرين شي على عيالك
حتى لو شرا لهم شي ب3000الاف وهو عندهم اصلا عادي
ترا كثرر ماتقولين له غالي خذ ارخص يتعوود بعدين مايفرح عيالك بلعبه من ابو ريالين
اتركيه كيفه خل يدفع اهم شي يدفع غالي بس مايقصر بعدين ويقول خلصت فلووس وكذا
انا مثلك كنت اقول لزوجي اول زواجنا غالي خذ ارخص الحين لو اشتري لولده كوره قال ليش ماله داعي
خليه يدفع بس ولاتتحسفسن على شي الدنيا رايحه والفلوس تروح اليوم وتجي بكره​

 

[مملكة الحرية]

انتي كيف تقولين ما يقصر معك
وترجعين تقولين بخير
والله يا الحريم محد يعرفلكم
احمدي ربك وشكري
غيرك مو لقيها
اللهم اني استغفرك واتوب اليك

 

[بخور العود]

ياغالية لا تفاتحيه بالموضوع يبغاك تفهمينها من نفسك هذا الحساب مصروف لك بس انتي شوفي هل كل شهر بيحط فيه مبلغ ?

استقلي بنفسك بهالحساب واشتري له هديه من المصروف وعياله نقطي عليهم بهدايا بسيطه منه عشان يطمئن لك اكثر والصدقة بعد

بالنسبة لي والله فتح الحساب احسن شي سواه

الله يتم لك النعمة يا غالية