متزوجة من سنة واحاول فهم الحياة الزوجية في (العلاقة الحميميه) ❤

[Shuda]

السلام عليكم يا نــسـوة :32:


اتمنى من كل قلبي ان كل وحدة تجاوبني تكون مراعية الله في كلامها ولا تقول شيء ممكن يقلب قلبي على زوجي وانها تحاول تعطيني الحل ( المجرب ) لو مرت بحالتي

طبعاً انا من بداية زواجي كنت احس زوجي صعب في العلاقه يعني متخيلين عروس لكن ما كان يجيني يومياً مثل ما كنت اسمع من كثير حريم انو ممكن توصل لاكثر من مره باليوم
كنت اعذره لان احس جسمه دايم تعبان و اكثر من مره ارتفعت حرارته وتعب غير اننا نكون طول النهار برا البيت بس يجي الليل ندور على النوم ، ما انكر اني كنت اتضايق جدا من هذا الموضوع ويوجعني قلبي

بعد مارجعنا من شهر العسل وقضيناه شهر كامل رجعنا لبيتنا و استقرينا صرت اكثر جرئه معه وصرت اتحرش فيه لين يتم الموضوع طبعا هو (شمالي غربي) ف ابدا ما يجذبه لبس ولا يتأثر فيه هو يتأثر بالشيء الصريح المباشر ( لمسات ، قبلات ، ودلع وغنج لمى يتم الموضوع) طلعاً سنة كاملة وتعبت من ان الموضوع ما يصير الا لما اطلبه بنفسي وكلمته اكثر من مره انو احتاج منه يبادر عشان احس بحبه ( رغم انه ابدا ابدا مو مقصر معي من ناحية المشاعر ممكن نكون جالسين يمسك رجلي ويبوسها انا احس في حبه لي لكن ابدا مايبادر وهذا الشيء جدا مضايقنين وكأنه ما يهمه الموضوع )

طبعا كل مره اناقشه يكون عذره ( انتي فاضيه وكل تفكيرك بهذا الشيء وانا لاني طول اليوم مهلوك ما افكر بهذا الشيء الا بأخر الليل واكون تعبان وهلكان ، ومره يقول لي انتي تبين حياتنا كلها جنس؟؟ )

طبعا انا صرت اطفش واخلي الموضوع عليه اجلس تقريباً 10 ايام لين يفكر يجيني < انا كثير قريت في الموقع ان *الشمالي الغربي* اغلبهم نفس النظام هذا وكل تفكيرهم الوناسة طول اليوم


بعد فتره اكتشفت انه يسوي العادة بعد ما شفت الاثار على ملابسه وتكلمت معاه قلت اذا عندك مشكلة نحلها سوا < طبعا من بداية الزواج مالاحظت ابدا هذا الشيء لكن يوم سحبت نفسي وصرت ما اجيه صرت الاحظ هذا الشيء ويوم صارحته زعل وقال انو مايسويها بس ممكن يطالع بالمقاطع بس ما يسوي العادة ابداً !! طيب والاثار الي اشوفها ؟ تعبت وانا اراقبه واتابعه وابليس مايقصر يجلس يوسوس لك < طبعا انا اعرف اغلب الرجال اذا ما كان كلهم يشوفون هذي المقاطع ومتأكده 100٪ من هذا الشيء لكن اغلبية الرجال يكون فيهم رغبه قويه ممكن يجي زوجته ويريح نفسه كمان على المقاطع


تعبت مره من كثر التفكير والتفكير
زوجي يحبني ويموت فيني وانا واثقه من هالشيء واحاول اعذره لان
دايم اسمع ان الإنسان يتعود هذي العادة لدرجة انه مايقدر يتركها ابدا!!


الي واجهة مشكلة مثل هذي وقدرت تحلها او قولوا لي متى ازواجكم تحسنوا معاكم في العلاقه الحميمة وصاروا متعلقين فيكم من هذي الناحيه
:4:

ايه صح زوجي يمكن يكون عنده ضعف هل هذا يأثر في رغبته ؟ بس مو ضعف قوي

اسفه اذا قلت كلام مايصلح بس اعتبركم اخواتي وامهاتي واتمنى كلكم تفيدوني بشيء حسن علاقتك الحميمه مع زوجك (بدون ما تقلبون قلبي ع زوجي او تكرهوني فيه ) اححتاج دعمكم :3:​

 

[صدقه جاريه]

الله يكون بعوونك فعلاً لان مشكله حلها طويييل بعض شئ بحااول قدر الامكان ااسعاادك لكن لازم تصبرين
1- اولاً بما انه يمارس العاده فعليك بسوال صريح واخباره بانها ليست في مصلحته لازم يستشير طبيب
2- انتي تنازلتي منذ البدايه عن حقك في ان تكوني مرغوبه لذالك اعيدي ذالك الحق عن طريق التغلي بمعنى دلال + غنج + لبس جرئي وممنوع المس يعني تخليه مايقرب منك بس يشووف هذا كله وتناامي طبيعي تحملي يوم يومين او ااكثر لاتخلين الجنس هوس ترى رجل اذا شاف المرءه جنسيه واعتذر عن هالكلمه يصير باارد او يتصنع البروود لانه عرف حاجتك له اين تكمن لذالك اقلبي طاوله وخليه هو الذي يحتاجك روحي بيت اهلك يومين وارجعي له بس لاتظهرين شووق له ابد كوني بااارده يصير ناار لذالك اصبري واشغلي نفسك عن تفكير بامور اخرى تهمك وتبينها والله يسهل امورك

 

[صدقه جاريه]

حبيبتي تاكدي مااراح اقلب قلبك على زوجك بس نصيحتي لك حتى يدووم حبك في قلبه ووحبه في قلبك والله يوفقكم

 

[الدكتورة سوسن ق]

لايوجد في كلامك مايدل على انه يمارس العادة السرية،هناك شيء يحصل عند الرجال واسمه الاحتلام ولايفرق عن العملية الجنسية الحقيقية من حيث اللذة وكمية السائل المنوي ،قد يكون زوجك يحتلم ؟؟