متزوجاااات و(مطلقااااااااات بالذات )ساعدوني

م

مشاعر انثـــــى

New member
إنضم
2010/10/10
المشاركات
58
السلام عليكم
مساء الخير

اخواتي ابغى حل لحالتي دايما في بالي اني راح( اطلق )هذا التفكير دايما في بالي واحيانا انا اتمنى الطلاق والسبب نفسي اعيش حياه جديده وابتديها من جديد احيانا اقول لنفسي يمكن لان زواجي كان وانا صغيره فما حسيت بطعم الزواج والفرحه ولما اسمع ان احد بيتزوج اتحسر على نفسي واتمنى اكون مكان العروسه اتمنى احس شعور العروسه وهي تجهز لنفسها
(شعور اني ابغى اعيش حياه جديد مايفارقني )
زوجي يحبني ومايقصر علي بشي بس مااحس بحبه يقول مااعرف اعبر وانا والله عاذرته بس هلافكار في راسي
مره قالي زوجي ان اغلب حالات الطلاق اللي يكون فرق العمر بينهم (تسع سنوات )وهذا فرق العمر بينا
انا اسفه يبنات ازعجتكم بمشاكلي بس ابغى اعرف ليش هذا الشعور وهل مر على وحده


وابغى بالذااااااااااااااات رأي المطلقاااااااااااااات وش شعورهم بعد الطلاق ؟؟<<يمكن اذا شفت رايهم تطير هلافكار من رأسي

وهذا رابط موضوع لي قبل في تلخبط مشااااااعري
http://www.niswh.com/vb/showthread.php?t=283382


رجاءآ يابنات انا ماجيت هنا الا ابغى المساعده
واعيش حياه طبيعيه

 
يابنت الحلال شيلي هالافكار من بالك وتعوذي من ابليس اشغلي وقتك بشي نافع واذا زوجك مو مقصر حرام تفكرين كذا وبعدين سالفة العمر مو شرط ياما فرق اكبر بعد ومتهنين. شوفي اختي تطلقت خمس سنين ورجعت لزوجها ترى الطلاق مو شي هين نفسيتك ونظرة المجتمع وبعدين احلمي تلقين زوج لك وحدك يارجال معه زوجه او مطلق وتنشبين بعياله

نصيحه لاتخلين هالفكره تطري ببالك ابد دعواتي لك
 
رمقه وفاء
مساله (التسع سنين) هذي احصائيه مو كلام من عنده
وسؤال نفسي اعرف اجابته
كيف اختك تطلقت خمس سنين وبعدين رجعت له (في القرآن مولازم تنكح رجل غيره قبل ماترجع له )فهميني
 
شيلي هالفكره من راسك مادام زوجك يحبك ومو شرط يعبر هاذا احساس بتحسيه انتي اذا مهتم فيكي مايزعلك وبخاف عليكي هاذا اكيد الحب وانتي حاولي تشغلي نفسك باي شيء وياما مطلقات يبي يعيشن افضل من عيشتهم يصير بالعكس وان شاء الله تحملي وتخلفي وتحبي زوجك وتقولين يارب يخليه ليه ولعياله والحمدلله يااختي انه ماهو من نوع الرجال اللي خبرك ياكثر الرجال بالهزمن فيهم الخاين والسكير وقاطع الصلاة وانتي الله يجعلك من السعيدات مع ازواجهم
 
صراحه مدري ايش اقولك وسواس شيطان الله يهديكي ايش الكلالالالالالالالام هدا احمدي ربك وونسي عمرك (وسالفه فرق العمر (هدا عذر وهمي )))انا الفرق بيني وبين زوجي 22سنه وبربي عياله كماااااان ومبسوطه صح مشااااااااااااااااااااااااااكل بشكل يومي بس ماافكر بالطلاق الحمدلله كل شي له حل او اني اتحاااااااشاه وعايشه ياربي لك الحمد))))شيلي هل الافكااااااااااار من راسك واتقي الله بزوجك ولاتخلين للشيطان مدخل ويمكن ربي يعاقبك محد يتزوجك لانك نكرررررت العشير



الله يهديكي ويصلح خاااااااااالنا واحوالنااااااااااااااااااا
 
مشاعر انثى انا جربت الطلاااق لاتفكرين فيه عذااب في عذااب خصوصا اذا كانت حياتك انتي وزوجك حلوه ومو مقصر معك لا تجيبين سيرة الطلاق عنده ابدا
عجزت اوصف لك شعوري بعد طلاقي
بس الحمد لله رجعت وعشت حياتي طبيعي وشلت الطلاق من راسي
الطلاق شتات
الطلاق عذاب
الطلاق هم لايطاااق
الطلاق يخليك تقومين تصرخين في الليل من شد الهم

 
بس افهمي زوجك وشوفي نمطه واعرفي كيف يعبر لك عن حبه
وترا الحب وتعبيره مو كل شي في الحياة
اهم شي
الاحترام بين الزوجين
والثقه
والمال
والحب

 
هدباء الرمش

معاك حق باللي قلتيه بس والله مو بيدي (احساس داخلي )
وانا متزوجه من عشر سنين وعندي ولد وبنتين ومااتمنى الحمل حاليا ابدااااااااااااااا


سأظل احبك
اختي انا ماقلت انه السبب فرق العمر
انا اقول انه يوجد احصائيه تقول ان اغلب حالات الطلاق يكون فارق العمر بينهم (تسع سنوات)<<هذي احصائيه اعتقد نشرت في الصحف لكن مو هنا المشكله
المشكله احساسي بأني راح اتطلق في يوم من الايام ومن كثر التفكير في الموضوع صرت اتمنى اتطلق وانا صغيره ولا اتطلق اذا كبرت


حياتي معك غير
ياليت احس الطلاق بنفس شعورك
لا انا تفكيري في الطلاق لاني اشوفه بنظره ثانيه
بنظري الطلاق يعني بدايه حياه جديده حلووووه وارجع اكون عروسه وشهر عسل ودلع وسفر وكل شي جديد <<اسفه على الصراحه بس والله احاول اوصف اللي بنفسي
 
هههههه تصدقين حتى انا احيانا كثيره افكر اتزوج مره ثانيه ودي اعيش الشعور من جديد احسني ماكنت متحمسه للزواج اول مره شي جديد ومرعوبه منه حتى لما اشوف عرايس بالتلفزيون بالمناسبات بالبرامج يجيني احساس ان ودي اكرر هالتجربه وطرحت الفكره على زوجي وناويه ان شاء الله بس تتعدل الاحوال الماديه راح اسوي حفله زواج ماصارت ولااستوت وباحلى فندق هههههه مع زوجي طبعا كانت المره الاولى عليه وهالمره علي انا.

شوفي حبيبتي حكاية الحفلة والرقص والفستان الابيض هذي بس مقبلات عشان تفتح نفسك للحياة الجديده اللي راح تدخلينها مو عشان تنخدعين فيها مثل ماانخدع كثير من البنات وظنو ان الزواج بس سفر وحفلات وغزل طول الوقت
الحياة اللي راح تبنينها بالتضحيه والصبر سعادتها ابدا ماتجي في البداية مايحين حصادها الا بعد سنين وعلى قد طولت بالك وتحملك تكون النتائج وياما شفنا نماذج كثير من ناس صبرو وضحو ووصلو لحلمهم بالذريه الصالحه والسكن وراحة البال والاسره الي كلها حب لكن بعد سنين وناس كثيييييييييير بس تسوي الي انا وانتي وغيرنا كثير بنات تتمنى تسويه وفي الاخير شهر شهرين وتتطلق كانت سعادتها مؤقته وهدفها قصير المدى كانت بس تبغى تلبس الابيض وتنزف وترقص وتنادي الي تعرف والي ماتعرف وتزعج الخلق بالكلام عنها وعن حفلتها وفي الاخيييييييير تتبخر بعد كم يوم لانها مابدات صح

غاليتي زوجك يحبك وتضحيات الرجل وافعاله هي اللي تدل على مافي قلبه صاحب الكلام والهرج ماتشوفين منه غير الخساره والندامه اذا الشيطان لقي له منفذ عليك من باب انتي تزوجتي بدري وفارق السن ومن هالخرابيط صدقيني راح يجلس ابليس يوسوس لك ومو بعيده بكره احد يدخل في الخط يزبط له الموضوع اكثر واكثر وتخسرين زوج طيب وحنون
اذا فيه عيوب اكيد انتي فيك عيوب مافينا احد خالي
ولو فكرتي تبداين تصلحين حالك مع زوجك صدقيني احسن بكثيييييييييييير وامكن انجح لك واجمل
لو فكرتي تبداين مع شخص ثاني ومشوار من اول وجديد
بالتوفيق
​
 
سكر
ماشاء الله عليك يابختك من جد بتسوينها <<< الله لايضرك ان شاء الله شكلك لسى ماعندك اولاد
تصدقين كم مره قلت هالفكره لزوجي من باب المزح ويقولي ايوا الله حتى انا ماحسيت فرحه الزواج وماحسيت شعور العريس خلاص انا ابغى اتزوج واعيش هالحظات مره ثانيه وانتي خلاص ماتقدرين لاني لازم اطلقك عشان تتزوجين وانا ماني مطلقك وااناااااااااا انقهههههههههههههر
عاد تصدقين توي اعرف ان الزواج المبكر اكبرغلط
انالمااتزوجت كان عمري توي داخله ال17 سنه
 
حياك الله من كنيتك باين انك محتاجه اشباع لمشاعرك زوجك مايعرف يعبر عن مشاعره عادي اغلب الرجال مثله بس انت اسئليه تحبني لاقال لك ايه قولي له قولها لي لبستي زين اسئليه شرايك فيني اكيد بيتكلم ويعبر يعني اسحبي الحكي منه والرجال ماعاد به رجال صاحين الشاذ جنسيا ولا العكس ضعيف جنسيا ولا الفقير ولا السكير ولا المطلق ومعه درز بزران ولا المريض النفسي والله البنات الابكار المزيونات بنات الحمايل يزوجون وينصدمون من رجال احوالهم الله العالم بها رغم الحرص والسؤال لكن الرجل يظل له اسرار لايكشفها الا الحياة معه وتضيق بهم الدنيا وينجبرون ويطلبون الطلاق وانت سبب حلم لا وسبق وتحقق بس تبين تعيشينه باحساس اقوى والله الحاله يعني اسمعيني انت بنعمه ناقصك مشاعر تطلقي بينقصك مليون شغله وشغله وانت كاتبه الطلاق بالي يعني موقاعدة دورين حل نصيحه ابدي حياة جديدة مثل حلمك بس مع زوجك مثلا تخيلي انك عروس قبل تاريخ زواجك وفصلي فستان سهرة هادي ولونه سكري وجهزي لهذيك الحفله وروحي لمشغل وسوي شعرك ومكياجك اللي كنك عروس جهز لعرسها وعطيه خبر وقوليله هو بعد يستعد وياخذ اجازة وسافرولو لبلد قريب لو بسياره وعيشي اجواء حلوة استغلي افكارك بالخير ومع زوجك والله لو المطلقات يحكون عن حياتهم قبل وبعد الطلاق مر وعذاب كان حمدت الله وشكرتيه
 
الطلاق عذاب اتذكر اختي كان كوابيس من كثر مااشوفه كنت ابكي واذا نمت بس حلوم وكوابيس
انتبهي شيلي الافكار هذي وشوفي الايجابيات بحياتك انسي السلبيات وعيشي عمرك
 
الجوهره
مشكوره اختي على نصايحك وفكرتك حلوه لكن صعب الا مستحيل تنفيذها
اقولك ليش لاني اول شي راح يضحك زوجي علي ولان زوجي مو صاحب مفاجات
وبعدين لو سويتها اذا جيت بجهز للحفله عيالي وين اوديهم انا ساكنه بعيد عن اهلي ماني في نفس المدينه
خليها على الله
 
استغفر الله العظيم اللي عندها مشكلة تدور تحلها وترتاح واللي مرتاحة تدور المشاكل

ليه ما تبحثي عن عمل يرضي الله ويكون سبب في دخولك الجنة بدل ما تسألي عن الطلاق

الذي يهتز له عرش الرحمن وخصوصا بدون سبب الله يهدينا ويهديك الى الصواب
 
حبيبتي تبين نصيحتي مدام زوجك يحبك ومو مقصر معاك بششي لاتفكرين بهالشي اذا انتي متضايقه لانه مايعبر عن حبه لك بالكلااام ومايعرف يقول كلام حلو خليه يسمع منك هالكلمات وانتي دايم تقولينها له كل يوم صدقيني هو بيتعلمها منك وراح يقوولها لك .. الطلااااق يكون بأصعب الحالات والضروف اذا نفذت الحلول بمعنى اصح اذا كان فييه مشاكل كبيره وماعاد ينفع اي حل هنا ممكن الوحده مننا تفكر بالطلااق لكن مسألة اني بطلق من زوجي عشان اسباب صغيره او نعتبرها تافهه مأيدك بهالشي ابدا وانا ماتكلم معك من فراغ انا اتكلم معك عن واقع تجربه كوني منفصله .. بالنسبه للاخت اللي قالت الطلااق عذاب وهم ومدري شنو اقولك بالعكس بيكون قمة الراحه والسعاده اذا كنت بفرج لنفسي واخلصها من عذاب انا كنت عايشته بزواجي يمكن يكون قصدك عشان نظرة المجتمع للمطلقه ؟؟ من الناحيه هذي ماعطيها اي اهتماااام اهم شي اعيش حيااتي واستانس واللي بيطالع للنااس بيتعب واذا مطلقه وش فيها ليش المطلقه مو انسانه ماعندها احساس لكن المجتمع داايم ينظر للمطلقه بانها هي الغلطااانه و و و كلاااام كثيير ماله دااعي ليش ماقالو انها تطلقت من زوجها لان زوجها فيه وفيه ؟؟ ولا عششانه رجال.. للاسف مجتمعنا مبني على العادات والتقاليد ويمشون عليها سواء كانت صح او غلط
 
طيب انا بسألك هل تضمنين انك إذا تطلقتي
بتلقين نفس الحياة اللي تحلمين فيها ؟؟؟؟
 
تمسكي بزوجج لانه طيب معج
تخيلي لو تزوجتي واحد اكبر منج بسنتين وسويتي احلى زواج وجهزتي احسن جهاااز
وبالاخير طلع خاين ومايصلي وما يهتم فيج ولا يعطيج حقوقج
فيه مثل يقول اقعد على مجنونك لا يجيك اللي اجن منه
والطلاق مو سهل كلشششششششش
راح تحسين بطعمه ومرارته عبد ما تجربينه عساااج ما تجربينه ان شاء الله
 
غاليتي ماينقصك هو شيء بسيط لكن في تأثيره عظيم وصدقيني نقصه اكبر منغص للسعادة الزوجية

الامر بسيط جدا انت بحاجة للرضا

بقدر ماان الامر بسيط الا انه صعب بعض الشيء يحتاج لبذل بعض الجهد
انا تزوجت بنفس عمرك وحفل زواجي كان اسوأ حفل زواج شفته بحياتي وبفتره خطوبتي ماتهنيت كنت مرعوبة وخايفة واتوقع الاسوأ كاني بتزوج وحش مو انسان مع اني ماشفت منه الا كل خير
واخذت فترة طويلة بعد الزواج بعد ماتقبلت الفكرة واحببت زوجي لم يحصل لي هذا الحب الا بعد حصولي على الرضا
فكري غاليتي
اولا انت الان لست صغيرة وهذا الامر ربما قد يكون ايجابيا لو كنت بكر تتزوج لاول مره
لكن بالنسبة لمطلقة ليس امرا جيدا
ثانيا انت ام عندك اطفال من يقبل الزواج بك بعد لا قدر الله ان يحصل الطلاق
ثالثا انت الان تعاني من فراغ عاطفي فما بالك لو لا قدر الله تغلب عليك الشيطان ووقع الطلاق هل تدركين مامدى الفراغ العاطفي الذي سينشأ في نفس اطفالك
اجيبيني كام هل تقبلين هذا الالم وهذه المعاناة لاطفالك فلذات كبدك؟؟
هل انت مستعدة لتحمل الفراغ الذي تعيشينه من اجلهم ؟؟ ام انك تحبين نفسك اكثر ؟؟

رابعا فكري غاليتي لو ان الطلاق تم وانك عدت لاهلك مطلقة وشتتي اسرتك واطفالك بلا ذنب يذكر
ثم علمت بزواج زوجك من فتاة في عمر ال25 بمواصفات خيالية وسافر معها للبلد الفلاني وسكن معها في الفندق الفلاني
تخيلي الامر هل تقبلين ان تنام امرأة اخرى في فراش زوجك وتتهنى بما تركته انت ؟؟

صدقيني قبل ان يرزقني الله نعمة الرضا كنت في كل زواج احضره اتمنى لو اني العروس واني سعيدة وحصلت على اشياء افضل بكثير من التي حصلت عليها
لكن الان لا والف لا
يستحيل نهائيا ان ابدل زوجي الغالي باحسن رجال الدنيا فزوجي رجل رائع بكل عيوبه بيني وبينه عشرة عمر لا يقبلني الا حين اطلب لكني على يقين بمحبته لي لا يعانقني الا قليلا واحيانا حين اعانقه يدفعني بعيدا لكن لن افكر يوما بتركه لغيري لهذا السبب الصغير
ولعلمك الفارق بيننا 10 سنوات
اشعر دائما واذكره باني مازلت الزوجة الامورة الصغيرة
وهو ايضا لا يزال يذكر ذلك
غاليتي لتحصلي على الرضا اتركي القبيح وابحثي عن الجميل
هل زوجك يحبك ؟؟
هل هو لا يخونك ؟؟
هلو هو على خلق ودين؟؟
انظري للجانب المضيء حبيبتي والمهم في الحياة الزوجية المودة والرحمة وليس العشق والهيام هذه تبعات لابد انها متوفرة لديك لكنها ليست القوام الاساس للحياة الزوجية السعيدة

غيرك غاليتي ذاقت مرارة الطلاق وعادت كسيرة لبيت اهلها تتمنى لو ان زوجها ابقاها وتزوج عليها
غيرك تطلقت وهي تموت في هوى زوجها لكنها لا تستطيع الانجاب
غيرك تطلقت بسبب مشاكل الاهل وهي تعشق زوجها
غيرك تتمنى الزواج اصلا فقد بلغت عمرك ولا تزال على امل .. لا تريد حفلا وعرسا وسفرا وغيره
تريد رجلا

فهل تعطيها زوجك ؟؟​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل