مب قادرة انسى
السلام عليكن حبيباتي
انا في حالة جدا سيئة الله يرضى عليها الي تفيدني بنصيحة او تساعدني لاني حس اني بديت اكتئب بصراحة
انا في حالة جدا سيئة الله يرضى عليها الي تفيدني بنصيحة او تساعدني لاني حس اني بديت اكتئب بصراحة
أولاً أنا متزوجة من سنة وزوجي من أيام الملجة صارحنيانه كان عنده علاقة مع وحدة وانتهت قبل زواجنا بثلاث سنين وخبرني عن كل شي وكلالتفاصيل وحلف لي انه تركها بارادته ولا يفكر يرجعلها
المشكلة صارت قبل شهرين تقريبا كان وايد مضغوط فالدواموقررت اغيرله جو ونحجز في فندق وحجزت وسرنا وقالي بنغلق تلفوناتنا ومانبي ازعاجقلت تمام وما خليت مساج بانيو وورود وصابون دلعته دلع وهو بروحه كان جدا مستانس
ثاني يوم طلعنا نتغدا وكان ناسي تلفونه فالفندق جان اشلالفون خفت حد يشله من عمال النظافة وحطيته فشنطتي وبعد الغدا دخلت الحمام وانتوبكرامه وما ابي اجذب ياني شيطان وسوسلي القي نظرة على تلفونه لاول مرة اول ما فتحت التلفون انصدمت صدمة عمري شفتها مطرشتلهمسج "حبيبي اشتقتلك انا سرت اخلص كمشغلة الصبح والحين برقد تمسي على خير حبيبي" بس ما كانت متصلة
بتسألوني كيف عرفت انها هي هو مسجل رقمها "عدمالرد" لانها اتصلت اكثر من مرة وهو راواني الرقم وقالي انها تتصل من فترة وهوما يرد عليها
المهم طلعت وواجهته بكل هدوء كانت دموعي تنزل وانا اتكلمبحزن واحسه واايد تأثر "هو جنوبي غربي"
اول شي كان رده انتي مب من حقج تنبشين في اغراضي الشخصيةوهاي خصوصياتي
رديت بهدوء انا اعرف اني غلطت بس انت نسيت تغلق التلفونوياك المسج وانا فالحمام
من وصلنا الفندق انا انهرت قمت اجمع ثيابي وقلتله انا مااقدر استمر وياك ومب قادرة اصدقك
قالي والله العظيم مابيننا اي شي وهي من فترة تحاول تتصلانا ما ارد وهالمسج او انها طرشته بالغلط او انها تتعمد تسويلي مشاكل فبيتي
المهم سكتت بعد ما حلف
بس من يومها لين هاللحظة الوساوس معكرة مزاجي من بعد ماكنت احب الضحك والسوالف صارت هالانسانة شغلي الشاغل لدرجة اني خزنت رقمها عشاناراقب دخولها ع الواتساب واموت لو اشوفه داخل في نفس الوقت
ساعدوني بنات الله ينولكن الي فبالكن تعبت واحس اني بديتاكتئب واخاف انه من اسلوبي ينفر
مب قادرة اصدقه ماعرف شو اسوي اتم ولا اصدقه ولا اسيربيت هلي ولا شو اسوي وكيف اتاكد انه صادق او يجذب علي
اسم الموضوع : مب قادرة انسى
|
المصدر : الأستشارات الزوجية العامة