ما بعد الخيانة ☹ (العودة او الانفصال) مطلوب تجاربكم وليس ارائكم

ف

فرقتنا الخيانة

New member
إنضم
2010/01/24
المشاركات
86
الخيانة خيانة سواء كانت مسنجر او تلفون او مقابلات او او او..........


كثير من النساء اكتشفن خيانة ازواجهن

ومهما كانت ردة فعل الزوج سواء الاعتذار او الانكار لرغبته بعدم تشويه صورته الجميله


هل عدتم الى بعض (باطفال او بدون)

ام الانفصال كان هو الحل؟



وبعد العودة كيف كانت حياتكم؟ فالحل الوحيد للمرأة المسكينه ان تلقي كل شي خلف ظهرها وتبدأ من جديد وتحاول النسيان

لكن هناك اماكن وكلمات واشياء اخرى تعيد بذاكرتنا الى تلك الخيانة المؤلمة

مالحل وقتها؟

كيف مضيتم بقية عمركم بين النسيان والذكريات؟

تجاربكم وليست ارائكم رجاءً

​
 
أنا طالعة من قصة خيانة من 3اشهر قضيت فيها أصعب الايام وجفت عيوني من البكا حتى كنت فكر وفكر ووصل انه لازم موت نفسي عشان ارتاح حتى وصلت طبيب نفسي ولكن اهم شي عيوني التفكير الخاطىء للي اغلبنا نفكر فيه الانفصال وانا اول وحدت فكرت هيك
الحين الأهم بعد ما حكينا وتناقشنا وعدت عليي ايام رهيبة نصيحة لا تتركي بيتك نعم رجعت لبيتي واتفق معي زوجي يفتح صفحة جديدة وانه كانت تسلية او تقصير مني الحين مع زوجي واولادي رجعت حياتنا متل قبل طبيبعية ويمكن احلى ما اخفي عليكي كل فترة بتذكر وبعمل مشكلة بالكلام لكن زوجي فهمني وصار يهديني ويحلفلي خلص انتهت القصة لهيك اهم شي لا تتركي بيتك لحدا أنتي أحق من الكل ولا تتركي زوجك ابدا وشوي شوي بترجع الحياة طبيعية صدقيني انا جربت هالشي
 
الله لاييييييييييييييييييكتبهااا الخياانه اعوذ بالله منهاااااااااااااااااااااااا
 
شكرا على الموضوع انا بعد تعرضت للخيانه وموخيانه سهله خاني مع اقرب صديقه لي وحلف لي انه فتح صفحه جديده وبتدى معي حياه نظيفه بس انا مقدرت انسى لعدت امور واولها الي يخون مره يخون الف مره
 
الصراحه اول زواجي كذا مره استوت بينا مشاكل بسبب الخيانه .. بس من 3 سنوات ونص تقريبا وصلت لحد اني طااابت نفسي الكلام في هالموضوع .. طابت نفسي اشوفه يجذب وامثل اني مصدقه.. ياما اكتشفت جذبه بس .. ساكته وصابره .. نيتي اني ساكته لوجه الله .. وانه بيي اليوم اللي بصلح فيه ربي حال زوجي..
اقدر اكلمه و اواجهه باثباتات عخيانته .. بس ساكته لوجه الله .. وباذن الله ربي بيرزقني على نيتي
انا من رايي ان الخيانه او اللي قاعد يخونّي معاها ماتستاهل اني اخرب عيشتي وصحتي وبيتي عشانها .. اذا تركت البيت انا الخسرانه .. والصبر زين.. فيه الاجر باذن الله

بعد ماننهي المشكله ترد حياتي عاديه وياه .. بس نصيحه ابدي فنفسج شوفي شو السبب اللي خلاه يخون من الاساس.. واجتهدي واحتسبي الاجر.. والله يكون في عوننا
 
انا تجرعت مرارة الخيانه من زوجي وجفت عيناي من الدموع ولكن بعد تدخلات الأهل ولأجل اطفال تحملت على نفسي وبقيت في منزلي اهتم بأطفالي وتوكلت على الله ولكن اصبحت لااحبه كالسابق ولا أثق فيه مطلقا وأطلب من الله ان يعوضني خيرا في جنته
 
مر الخيانه والمها والله ثم والله اني مااتمناه لعدوتي
راح على الموضوع سنه وأنا احاول أتناسى أطنش لكن ماأخفيكي مو دايم أقدر
لأنه كان شي فوق الحب والعشق الي بيني وبينه
واكتشفت ان هذا الشي كان من جهتي انا بس
وقتها كنت مشوشه مرررررررررره فيه الي نصحوني اني اتركه واني جميله وربي بيعوضني لكن بيننا أطفال ووقتها هددته ان لو تكرر الموضوع راح اترك الجمل بما حمل
وناس انصحوني اني اقعد والرجال كلهم كذا
لكن كنت في دوامه وقتها وما عرفت وش الصح من الغلط وكنت طول الوقت وانا ادعي واستخير رب العالمين
وربي هداني اني اقعد واعطيه فرصه ثانيه عشاااااااااان الاولاد بسسسسسس
ورب ضارة نافعه بعد هذا الموضوع صرت أحكم عقلي في كثير من الامور وخليت قلبي في الثلاجه وأصبحت أنا رقم وااااااااااااااااحد في الحياة
والحمدلله على كل حال
 
انا جربت خيانة زوجي .. بس الحمدلله رب العالمين حكمت عقلي وخليته يحوس ويدور في مكانه
وانا مبررررررررررررده اعصابي .. بس بداخلي اموت واحيا كل دقيقه .. قعدت 4 شهور وانا اكره اشوف وجهه .. واكره دخوله للبيت .. احسه عدوي مو زوجي ..
وبعد ما كنت على وشك الانهيار من كثر ما صبرت على خيانته وهو يتوقع اني مو عارفه .. صدمته بالضربه القاضيه .. وعلمته شي واحد بس اي شي تسويه داخل البيت راح يكون عندي خبر وراح اتصرف ..
والبنت اللي كان يكلمها متزوجه وعندها بنت, بس جبت رقمها هي وزوجها وتفاهمت معاها هي قبل بس عاهدتني انها تتوووووووووووووووب .. وزوجي ما تكلمه بعد ولا تعرفه .. لاني اخذت صورها والاغراض عندي ..
هههههههه المنتصره ..
 
العوده او الانفصال ؟؟

سوال صعب لمن خانها زوجها ...

مررت بهذه التجربه التي لا اود حتى تذكرهاا

مر على خيانته لي 3 سنوات ووالله الى الان وانا ابكي واتجرع الالم والعذاب

واتذكره وكانه بالامس

بالرغم ما يفعله لي من سفر وهدايا واعتذار


باختصار انا عدت لزوجي لكن لم استطع ان انسى

فلكم ان تتخيلوا الحياه التي اعيشهاااا
 
يالها من ايام صعبه جربت الخيانه من اول زواجي الى الان ولكن من اجل اولادي سابقى اما هو فسمحت حبه من قلبي والان اعيش من اجل نفسي التي كادت ان تموت الما وجسره لمن لايستحق والعوض في جنات النعييييييييييييييم باذن الله
 
يا الله يا الله يا أخواتي جبتوها ع الجرح

وانا جرحه لسه طري .... آآآآآآآآآآآآآآآآآآه من طعم الخيانه وخصوصا لاضحيتي كثييييييييييييييير عشانه وتكتشفي
إنه مو أهل للتضحيات..... والأصعب والأمر إذا كنتي عروسه مثلي توكم ب 4 اشهر......

آآآآآآآآآآآآآآآآآآآآه جرحي جديد اكتشفت خيانته هذا الشهر
وتأكدت قبل أسبوع...... الخائن أخرج كل حبه من قلبي والله لم أعد أتلهف له وأحب أنشغل عنه
هو لم يعد كفؤا بنظري حتى أهديه عمري وتضحياتي لذلك شكرته إييه والله شكرته وقالي ليش؟ قلتله لأنك وعيتني .. صحيتني على حياة جديدة انت مستمتع فيها وأنا بعد أبغي أستمتع فيها.....

لا زال صدى كلماتي يرن بأذني وانا كنت أوظب أغراضي ليس غضبا عليه فهو لم يستحق أن أغضب لأجلهه..
ولا أعتقد أنكم تصدقون إني والله ما بكيت تدرون ليش؟؟؟
لأني انصدمت فيه وحاااااااااااسه ومؤمنه إيمان تام ويقين مطلق أنه لا يستحق لا يستحق لا يستحق والله أن أبكي عليه أو على حالي معه... فتصرفه أيقضني من سبات حبه والهاله البريئة الشرقية اللي راسمها حواليه...

والله إن دموعي عزيزة وغاليه على هكذا إنسان لم يقدر شيء ولم يقدر الدموع والتضحيات اللي قدمتها لأجله بأيام الملكه....

بصراحه أتعمد أحيانا تذكير نفسي بأفعاله مو لأني أحب أفعاله الشينه طبعا

بس عشان أتذكر إن هالإنسان ما يستحق أضيق بروحي عشانه وأفني حياتي بنكد عشانه

صحيح ضبيت أغراضي وهو كان يحاااااااااااااايل فيني أدخلهم بالكبات
سبحان الله قووووووووووووووه عجيبه ما ادري من وين جات
**أكلمه بثقة وقوه وعيني بعينه
نعم فقد فاض الكيل يا زوجي ولن أعود منكسره تحطمني وتذهب خارجا
نعم قلتها له أنا مو خسرانه انت الخسران


والحين أنا ف بيته ولكن أعامله رسمي ولا قادره أقوله حبيبي وعمري و.......
أحسهم كثااااااااااااااااااااااااااااااار عليه

وأغراضي لساتهم بالشنط
ومهددته مو إن هو غلط لاااااااااااا الحال تحول مو هو الي يحدد ويوجه مسار حياتي
بل
مهددته إن إذا الوضع معاه مو مريحني على طول أختفي من حياته وأشيل شنطي حتى بدون لا أعلمه لأنه ما يستحق اعلمه عن حالي..... وارجع بيت أهلي وأعيش حياتي وأبدأ حياة جديده بدونه وارتاح منه....

يعني باختصار تقدري تقولي معطيته فرصه ولو أنه ما يستاهل
واللي الله كاتبه أكيد خير
 
لالالالالا
الخيانة صعبة الانفصال هو الحل
لانك لورجعتي ماراح تنسي
وانا الحين طالبة الطلاق والله يعوضنا
 
بصراحة ألم الخيانه مؤلم جدا أنا مررت في هذا الموقف وما زلت فيه أعاني من خيانة زوجي لي وقصتي طويله لن أسردها هنا ولكن هي موجودة في ركن الهوايات قسم دفتر اليوميات وعنوانها(خيانة أغلى الناس لي !!!!!!!!!!!) أنا عندما تزوجت زوجي عشت معاه أحلى أيام عمري حياتي لم تكن معاه شهر واحد عسل ولكن كانت شهور عسل إلى أن جاء اليوم الذي إنقلب فيه رأسا على عقب وإنقلبت حياتي 360 درجة وصبرت لأني لم اكن أعلم ما سر الإنقلاب وما سر التغيير وبعد سنيين وأنا أعيش حياة بائسة معاه إكتشفته بالخيانه وصدمت صدمة ما تتخيلونها أبدا كنت أثق فيه ثقة عمياء كنت أحبه حب وصل إلى العشق تعدى عشق عنتر وعبلة وروميو وجلييت وقيس وليلى عشق خيالي لدرجة كنا إذا بعدنا عن بعض يعني نمت في بيت أهلي أو رحت لبيت أهلي زيارة نحن الإثنين نمرض كنا متعلقين ببعض تعلق خيالي
فذهبت لبيت أهلي عندما كشفته وجلست شهرين وهو جلس يحلف ويقسم إنه تاب خلاص ويطلب مني أن أرجع فرجعت ولكن للأسف رجعت ريمى لعادتها القديمة ولا كأن شي صار وكشفته مرة ثانية ومافي فايدة إلى أن وصلت لمرحله حرجة جدا مرضت ونفسيتي تدهورت وطلبت الطلاق ورفض
أنا الأن في بيت زوجي ولكن بجسدي فقط أما مشاعري وأحاسيسي وحبي وعواطفي غير موجوده , أنا في بيته بجسد بلا روح بائسة محطمة كئيبة طول اليوم أفكر في الأيام التي إنقضت من عمري !كيف عشتها !وأين ومع من !
أفكر بمكالماته مع البنات !أشك فيه بكل لحظة وكل دقيقة !الثقة إنعدمت بدون رجعة !
وأنا جالسة عنده من أجل أولادي ولكن بدون أي شيء تجاهه لا مشاعر ولا أحاسيس ولا حب ولا عواطف ولا ثقة
والإنفصال هو الأفضل وأنا الحين أعطيته أخر فرصة له وهو وضميره !
 
?اه بس ندمت اني سامحته المره الاولى
اول مره صدمت بس كنت قويه بالموقف واجهته ولا دمعه نزلت
جمعت اغراضي ومشيت لاهلي وكان نادم اشد الندم يترجاني ومستعد يدفع مل شي علشاني لمن انا ارخصت نفسي نعم ارخصت نفسي رجعت له بعد 15 يوم بدون محد يدري من اهلي عن الموضوع وبدون ماخذ رضوه
بس شرط شرط واحد الي هو انك تحافظ على صلاتك والصلاه تنهى عنرالفحشاء والمنكر
استمر شهر محافظ وعايشين احسن حياه لين ما اكتشفته وهو جايب واحد من ربعه بالبيت ومدخله غرفه النوم الله العالم اش كانو يسوون وواجهته وعرف كيف يطلع نفسه منها وسكت مابي المشاكل تكبر وياليتني ماسكت تطور الوضع وسفت مسج في جواله قاعد يتواعد انه بيطلع معها سكت وفي كل مره اكتشف موقف اقوى لين ماوصلت لدرجه انه ماصار يحترمني وصار يكلمها قدامي واذا تكلمت رد لك بيت ومصروف وغيره مالك كلمه

وهذا انا ببيت اهلي من شهر ونص انتظر طلاقي
 
اصعب شي لن حطيتي ثقتك بشخص فتحتي عيونك ومراهقتك عليه
وتعلقتي فيه لدرجه انك ماتشوفين انسان ثاني غيره
حتى اهلك تنسينهم في سبيل انه يرضى عنك
كان كل شي بحباتي
الى ان انصدمت اول صدمه منه واكتشفت انه يبغى يتزوج عشان الاطفال
وهذا بعد 6 سنوات زواج وهو مايدري اني عرفت بنيته
وكتب الله وجبت طفلتين وبعدها ب 3 سنوات قال بيتزوج وسبحان الله تعالجت وحملت
وبعدها استمرت الحياة وكان شي ما صار
والحين وبعد 22 سنه كنت فيها مثل الخدامه لا الخدامه يقدرونها اكثر مني ويحترمونها
اكتشفت انه جالس يخوني مع قريبه له متزوجه وعندها اطفال
ماتتخيلون الحاله اللي صابتني
والبكاء اللي بكيته من القهر على نفسي
ليش وش سويت عشان يكافئني كذا
كل شي كل شي اسويه له
وعمري مارفعت صوتي ولا عارضته بشي
لكن من بعد خيانته لي صرت محطمه داخليا
مرت 4 شهور او 5 على خيانته
بس مو قادره انسى
كرهته وكرهت حياتي معاه
اسلوبه صار اسوء
تصرفاته وسبه ولعنه لي ولاطفالي
وانا لا احساس
ميته عقليا
وقلبيا
مشاعري باااااااارده
محطمه
والثقه من الاساس صفر
لكن حكمت عقلي وجلست عشان عيالي لان مالي ظهر اتسند عليه
اهلي كل واحد يالله نفسي
ولا احد يدري عن الثاني
وهو عارف هذا الشي عشان كذا مايعتبرني شي
بس ما اقول الا حسبي الله ونعم الوكيل
 
السلام عليكم
يا اهل الخير سبحان من لا يخطئ, الله سبحانه وتعالى بعظمته يقبل التوبة فكيف بالعبد!
اصعب شي مش الخيانة ولاكن مراحل ما بعد الخيانة اصعب وامر.
اهم شي البنت تحاول ان لا تفكر بالموضوع كثير لان حتتعب وتنهار والشيطان لعنه الله يدخل على الخط وتتطور الامورلا سامح الله.
يا خواتي لا بد من معرفة الاسباب التي ادت للخيانة؟ في اسباب كثيرة ومنها الكثير التي لا نشعر بها! فاذا عرفنا السبب قطعنا نصف الطريق.
لكل رجل مفتاح! وعلى المراة ايجاده؟
اتمنى التوفيق للجميع ورمضان الخير والبركة على المسلمين وكل رمضان وحوائجكم مقضية باذن الله تعالى
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل