ما اعرف ازعل بجد

حبيبة المجهول

حبيبة المجهول

New member
إنضم
2009/06/07
المشاركات
11
السلام عليكم ورحمة الله

كيفكم ياحلواااااااااااااااات ؟

حبيباتي انا متزوجه لي 5 اشهر تقريباً الحمد لله

بصراحه زوجي حبوب وطيوب وماعمري شفت عليه شي .

بس بعض الاحيان اذا رحنا السوق اشوفه يقز الحريم واذا سألته قال هي مطلعه مفاتنها علشان نشوفها
والا يقول اطالعها ابي احرجها ,
هو مو راعي ترقيم الحمد لله
لكن قبل الزواج مدري عن ماضيه بس من كلامه انو عاقل ودايم يحلف لي << بس الرجال دايم يحلفون كذب اذا انزنقوا :31:


المهم ..

انا كنت عند اهلي الاسبوع اللي فات كنت تعبانه ورجعت هالاسبوع
وامس لقيت بجواله مكالمات لارقام غريبه ع الساعه 1 و2 بالليل وكلها بمده طويله
انقهرت وعصبت ورحت ادق من جوالي ردت علي بنت :no:

ولما سألته عصب علي وقال كالعاده لو كان عندي لعب ولف ودوران كان ما اخلي جوالي مرمي عندك 24 ساعه

وصار يقولي ان هذا رقم يدق عليه ويرسل له مسجات ولما يتصل زوجي عليه محد يرد ؟؟!!!!!!!!!



بصراحه ماخشت مزاجي , لكن انا دايم اجيه من باب الدين والحرام والعقاب من الله
وقام يحلف لي ويقول انا احلف بربي ليش ماتصدقين ؟!!

خفت من الله لا اكون ظلمته وع طول رضيت ..


لكن يوم راح للدوام الحين قعدت اراجع نفسي واقول مافيه احد بيكلم مدة 15 دقيقه والطرف الاخر ساكت ؟!!!

<< ع حسب كلامه انو هو يدق والطرف الثاني ساكت ومايدري هو بنت او ولد !


تكفون ابي حد ينصحني وربي متوتره ماني قادره ارضى تمام وانسى وبنفس الوقت احس اني سخيفه لو برجع اناقشه بالموضوع , وانا ماودي اسأل احد من اخواتي والا صاحباتي
مابي افشي سره عند احد ..


ربي يجزاكم بالجنه لو رديتوا :32:
 
دام زوجك حلف لك صدقية وتأكدي لو كذب عليك راح ينكشف سواء الحين او بعدين ....
اصبري وخلي في بالك زوجك يحبك ومايحب يزعلك والا كان ماحلف ولا خلى الجوال عندك...........
لاتخلين للشيطان باب عليك.....
لكي ودي..
 
ما ادري والله

لو كنت مكانج اتصل بالرقم واسأل البينت شو علاقتج بفلان
 
انا واثقة من زوجي بس و لله لمن نروح السواق او حتا وحنا بسيارة انة يهدي ويطالع لو الود ودة ينقز عليها ولمن اقول وش فيك نفس الرد مطلعة مفتنها سمي بالله وهدي نفسك واذا انت مسلمة حق صدقية من حلف بالله فصدقة كفية اعتذر لك وحلف حبيبتي لا تكبرين الموضيع وتخربين حياتك وبيتك ترا الشيطان كبير وبتسمي وهدي نفسك كل الرجال كذا
 
وعليكم السلام ورحمة الله وبركاته


بخير وانتي شخبارك ؟


ابصراحه انا اذا انحطيت بهيك موقف بيكون مصيرهـ الجلد هههههههههه < لا تصدقين


اذكري الله اول شيء


اسمعي يا حرمه انتي متزوجه جديد و عندك العصا امسكيها من الوسط


يعني


لا تسكتين عن اللي صار وبنفس الوقت لا تشدين وياهـ


ممكن تخزنين الارقام عندك بمكان سري و تراقبينه من بعيد لبعيد والاهم ما يحس في مراقبتك له ابداً


عشان تتأكدين اذا هو راعي سوابق او لا وان شاء الله يارب ما يكون زوجك من النوع اللي يحب هالسوالف


بعض الرقاله تلاقينهم يحب يشوف و يكلم واذا جيتيه يقولك انا ما خنتك لأن من وجهة نظرهـ ما يشوفها خيانة


بس المهم والاهم في الموضوع دام كلامه ما يدخل العقل لا تحلفينه لأن الله اسمى من هالحلفان اللي ماله داعي


عموماً هي مسألة وقت بس انتي حاولي تحسسينه من الحين عشان ما يكون عندهـ وقت يلعب بذيله


طيب سؤال انتي يوم هو يكلم بهالوقت المتأخر وين كنتي فيه ؟


ما حسيتي انه مو موجود معك بالسرير ؟


هذا واحد من الأسباب اللي يخلي الزوج يتمادى بحركات خزعبليه


الله يوفقك ويعينك وبالخدمة أن شاء الله


أختك بالله
 
ياربي على الرجال و حركاتهم
صحيح هو يضحك و هم يبكي
يا حجتهم واحد من الربع استخدم جوالي
ولا لو عندي شي ما اخلي جوالي قدامك
يا ويلي يا ويلي منهم
ما يهبطو
 
عديها هالمره له والرجال حلف فليزمك التصديق له

ومن الآن وصاعداً راقبيه من بعيد شوفي يهتم في جواله كثير يخليه عندك على قولته24 ساعه

ادعي الله له بالحفظ واستودعيه الله

ولاعاد تفتحين الموضوع وخليك جداً طبيعيه والله يهنيك حبيبتي
 
الله يعين

وش الرجال هذولي
اذا تزوج ينسعر على الحريم بزياده

الله يعينك

بالبداية لاتروحين السوق معه كثير عشان ماتطيح عيونه على الحريم
واملي عليه وقته
وراقبيه بدون مايحس
اشغلي وقته

ولاتواجهينه بالخيانه لانك اذا واجهتيه خلاص ماراح يخاف منك
وبيخونك قدام عينك
 
الله يعينك المشكله اذاالثقه انعدمت صعبه الوحده تتطمن وتبطل شك

بس اناراايي مثل ماقالو عديهاهلمره

واذالاحظ انك تشكين فيه وتنبشين من وراه اكيدرح يكون له ردة فعل ثانيه

فااحرصي وحاولي تبعدين عن الشك
 
غاليتي الله يتم زواجكم بالخير والسعادة.
اقفلي هذا الموضوع امامه ولا تقفلي اعينك عنع ولا تكوني قطة مغمضة وخلي بالك وعيونك عليه بس بو تكرر الموضوع او مسكت عليه شيئ فعلا اتركيه الى الابد لانة اللي يعمل هالشيئ قبل ما يبدا حتى السنة الاولي على خير يعني انه هو متعود او في مشكلة كبيرة .
واذا اردت نصيحة سديدة اخري حملك بحجة انك ترغبي بالاستمتاع معه اولا.حتى لا تندمي وتاكدي قبل.
 
الله يسعدكم حبيبتي
لا تخلين للشك مكااان بحياااتك
صدقيه وادعي ربي يحفظه من كل هالاشيااااء
 
الله يصلح قلبه ويهديه وياحلوه اذا صرتي اشغليه برسائل الشوق و.........عشان مايدور لغيرك
الله لايشغله الابطاعته ثم بك انتي زوجته
ولماتروحي السوق انتي اجلسي طالعي بالرجال اللي حولك خليه تشتعل الغيره بقلبه وينسى المطالعه والقز من فوق لتحت
الله لايجعلني سبب في خراب مابينكم
سامحيني اذا قلت شي بدون قصد
 
اقصد اذا صرتي عنداهلك اواي احد اشغليه بالرسايل
يارب رجع لي حبيبي بالسلامه
ااااه ياناس البيت ماله داعي بدونه
 
الله يجزاكم بالجنه جميع اللي ردوا علي ..

ويرجع كل حبيب لحبيبته يارب ويهدي بالكم اجمعين :)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل