ماهي أفضل طرق ترغيب الطفل بالأكل؟؟

[قثة]

السلام عليكم ورحمة الله..
بنات الله يسعدكم.. أنقذوني..
:sadwalk:
محمدي.. عمره سنتين وشهرين..
مايحب الأكل!!؟؟
:schmoll:
كيف ممكن أرغبه بالأكل؟؟
المشكلة.. انه أطول من عمره.. بس نحيييييف!ِ​

 

[أم ايلانه]

شربيه حلبه وان شاء الله بتفتح نفسه وكثري له من التمر ترى مررررره يسمن

 

[rosemiss]

اقري له قصة اطفال واكليه وهو يتصفح القصة ولا مثلا يطالع تلفزيون ولقمي وطولي بالج ترى كلهم جذي يكبرون وياكلون انشالله لا تحاتين والكل لما يقعد في السفرة اكلي وخلي ينافس اخوه ولا اي طفل يحبه اكليهم الاثنين والله يعطي عيالنا الصحة والقوة والعافية

 

[عيون قلبي]

نفس المعااناه
بعطيك نصيحه تري هو لما يشوفك مركزه على اللقمه وتقولين له يالله ياماما همي (يعني كل) مدري وش تسمينها انتي خخخخ
يعاند ويرفض
انتي خلي تركيزك مثلا في التلفزيزن وقولي له شفت الكرتون هذا وسولفي له عن اللي بالتلفزيون او اللي بالكتاب لا تنبهينه انك مهتمه وحريصه انه ياك
ل
اصرفي نظرك عن الاكل وخليه يفكر ان الاكل شئ مسلم مو لازم يالله ياماما وجيب ياماما ومن ذالحركات
اذا مانفعت العبي معه لعبة البيت والضيف اكيد عرفتي من الضيف ومن البيت خخخخخخخخ

هذي من بنات افكاري
فمه هو البيت واللقمه هي الضيف واذا هو مقفل فمه مايفتح دقي على فمه دقه خفيفه وقولي
طق طق طق طق طق افتح الباب انا الهمي (اليمي) (اللقمه) خخخخ
جربيه وردي لي تكفيييييييين وشو صار معك ووش ردة فعله

ان شاء الله فهتي اللي كتبته؟؟؟؟!!!!!!

 

[مسرات]

السلام عليكم يمكن ابنك يتناول سكريات كثير ومشروبات عليك منعه عنه الحلويات لانها تسد شهية الطفل واتركيه لمدة زمنية تتراوح من ساعتين الى ثلاث ساعات بين الوجبات ولا تعطيه شئا يؤكل حينها ومن ثم اطعميه الطعام المراد تقديمه اما الحلويا تقدم بعد الوجبة هذه نصيحة احد الاطباء المختصين عملت بها وجابت نتيجة جيدة مع ابنتي عمرها 14 شهرا وصار اكلها بمواعيد
موفقة

 

[واثقة]

اذا ابنك ما زال يشرب الحليب من الرضاعه فقد تكون السبب في منعه من الرغبه في الأكل..

 

[قثة]

يااااااااااحلاتكم!!
شكراً للردود المتحمسة!!

أم إيلانه..
شكراً.. راح أجرب الحلبة
***
Rosemiss
التلفزيون جاب نتيجة حلوه.. يعطيك العافية
***
عيون قلبي
من جد شكرا!!
مثل ماقلتي عن التلفزيون.. حلو
وفكرة الضيف والبيت.. خطييييره.. لسه ماجربتها.. موفرتها للأزمات!
***
مسرات حبيبتي
لا والله أبداً.. أنا محددة كمية قليلة من الحلويات يومياً
بس فكرة التجويع بين الوجبات حلوه.. يعطيك العافية
***
أختي واثقه
هو فعلاً مازال يشرب حليب.. بس حتى الحليب مايتحمس له.. كمية قليلة تشبعه..
مشكوره على الرد حبيبتي

 

[mmna]

عوديه ياكل مع اطفال من الغيرة تنفتح نفسه
الله يخليلك اياه

 

[قثة]

شكراً mmna
مع انه مو دائماً أحصل أحد ياكل معاه.. تسلمين على ردك

 

[فتون111]

الله يصلحهم ويهديهم حتى ولدي كذا ماياكل الا اذا انشغل بشي وعند الناس ما ياكل

 

[عذابات]

ولدي مثل ولدج عمره سنتين مايحب الاكل اعطيه الاكل مثل الدواء بالغصب الحين خليته يولي مابياكل بطقاق

صاير كنه باربي من ضعفه لافاد معاه لافيتامينات ولا حلبه ولا شي

اخوه يمشي على نفس الدرب يسكر فمه مايقبل ياكل الا تفاح وبالغصب بعد