ماكنت أتوقع هذا الشيء .... إلحقوا علي وش أسوي !!!!

[دلع وحبي ولع]

بدخل بالمشكله على طول من غير مقدمات وياليت إللي عندها حل ترد علي بسرعه وياليت يكون من المشرفات أو إللي عندها خبر ...

أنا وزوجي أحلى من العسل مع بعض والحمدلله مبسوطين ...
وعمري ماقصرت عليه بشيء في الفراش ...
فجأة أمس نمت بدري ومو عادتي العاده أجلس أسهر للصبح
ويوم نمت أمس بدري هو مازال صاحي وإستغرب إني بنام .. ومر اليوم بسلام وعادي وجاء بلليل وصحاني من النوم عشان رغبته الجنسيه وقبلت وصحيت من نومي عشانه
اليوم هو نايم بدري وأنا سهرانه وفجأه دخلت على google ولقيت بالبحث حق قوقل كاتب ((( عاريااااااااات ))) والحين أنا في حاله يرثى لها دلوني وش أسوي أواجهه وإلا وش الحل ميته من القهر وهو نايم الحين وش أسوي والله مره إنقهرت ماتوقعت هذا الشيء منه ... وليه ومع مين معاي أنا إللي عمري ماقصرت معاه بشيء وأجيه كني قمر دايما .....

دلوووووووووووووني وش أسوي الله يجزاكم خير وبسرعه أبي يجي الصباح وأتفاهم معااااه

 

[الحُرّه]

لاتتضايقين ياعمري...

الرجال ترى طبعه عينه زايغه هههه

ولا ماكان ربنا حكم علينا بلبس الحجاب ...صح ولا لا؟

انا نصيحتي لج...اذا صحى من النوم واجهيه

لكن...بهدوء وماله داعي تعصبيه ...شمعي وجهت نظره

قولي له انا امس دخلت على النت ودخلت قوقل وشفت عاريات

انت كاتب هالكلمه؟

ويمكن بيدافع عن نفسه...ووووالخ)

قولي له انا احبك والله...وماابي احس اني مقصره بحقك

اذا تبي شي تعال لي ....

(بهدوووووووووووووووء ممنوع العصبيه والانفعال)...

الله يوفقك

 

[نور نجد]

من رايي لاتكبري الموضوع

الرجال عيونهم ماتشبع ولاتحسي انه نقص فيك

 

[نور نجد]

لا خيتي لاتواجهينه احس تستفسري بشكل غير مباشر احلى

 

[دلع وحبي ولع]

إيه بس شلوووووووووون ..
أنا عادي بواجهه بطريقه هاديه ولا راح أعصب
بس راح يعطيني مية عذر وعذر إنه ماكان قاصد ..
بس أبي أأدبه يعني أبي أزعل والحين أنا زعلانه ومالي خلق أشوف وجهه وش أسوي ...
ماأقدر أخليه كذا من غير ماأقول شيء يبين علي إذا زعلانه

 

[دلع وحبي ولع]

بس ماأقدر أصدقه لو يقول وش يقول راح أشك فيه على طوووووول هذا القهر ...
بعد ماكنا عسل نصير كذا الحين والله قهر قهر قهر ....
ماأقدر أصدقه لو يحلف لي عالمصحف

 

[sahar1982]

حبيبتي ...

هدي اعصابك و لا تخسري زوجك ..

زوجك انسان طيب و محترم ... حتى لو فرضا فتح موقع عاريات .. هو بشر و ماهو منزه من الخطأ ... ولا لكي حق تعاملي كطفل

نصيحتي لك اياكي تفاتحيه ... لانك بتكسريه ..
ممكن تلمحيله عن مسألة غض البصر و انه ما يجوز الواحد يطالع ووو و مساوئها

استهدي بالله وهدي اعصابك المسألة ما تسوى و انتي بنفسك قلتي انه جاكي و صحاكي ... يعني ماراح لاحد ثاني او مارس العادة السرية ككثير من الرجال فاياكي تكسري نفسه ..

هذي نصيحتي لك و الله يهدي الامور بينكم و يسخركم لبعض

 

[شخصيات]

الهون ابرك ما يكون والانسان بطبيعته يحب يستكشف بس يستكشف الشي الصحيح
الله يغفر ويسامح نحنا بشر وكلنا خطا ئن
مافي احد كامل

 

[كاميليا روز]

ليش الزعل هذا كلنا فضوليين وهذا نقص فيه مو فيك
خذي الجانب الايجابي وهو انه كمل حاجته فيك مو في نفسه ولا في غيرك
صدقيني انا امراة واحيانا نفسي اشوف بعض الاشياء التي يسوونها الماصخات لان مافي احد يعلمنا لكني اسوييها مع زوجي واعتقد ان زوجك حب يجامعك فاثار رغبته وانتي نايمة
استهدي بالله وحطي نفسك مكانه كانك رجل
وانصحك لا تواجهينه بس اذا جاء موقف لمحيله بهدوء وبيني العقاب في الدنيا والاخرة بهدوء واصمتي بعدها ولا تغيري الموضوع حتى ياخذ في التفكيير في كلامك

 

[ضياء القمر]

ابدا لا تواجيهية ابدا ابدا ....خاصة هالفترة

النقطة ربما مؤشر لك علشان تفتحين عيونك عدل ....مو عشان اتشكين بس اتفتحين عيونك



ادخلي على الهيستوري شوفي ويش كان ايطالع ....


عندما تكتشفين اي شئ جديد من هالسوالف وصار عندك ادلة ...

بيكون معاة موضوع نقاش ومصارحة بس بالعقل والحكمة والهدوء

اما اللحين لا تحاولين تكلمينة عن الموضوع ولربما تكون هاي المرة الاولى والاخير تعرفين الشيطان ما مات وما يخلي احد بحالة ........


احملي على زوجك 70 محمل خير

انتي وضحتي ان زوجك انسان طيب فاخلقي الاعذار علشانة

 

[همسة حب 2]

انا من راي أختي fadak يمكن المره الاولى ... أذا تكرر الموضوع قوليله أنك اول ما كتبتي حرف ع طلعتلك الكلمه وبهدوء مثل ما اتفقنا ... بس بصراحه فيها احراج كبير له ....
وزوجج أنسان والشيطان مامات ..... أدعيله .. وقطي نغزه أن الذنب هذي الايام مضاعف ... وصدقيني لا تاخذينه على محمل شخصي تفهمي طبيعته كرجل .. وتغاضي .. شفنا بلاوي أكثر من هالشي صدقيني ... لا تسوين مشكله وعلى فكره أعتقد في طريقة وضع رقابه للابتوب لهذي المواقع أشرايج تاخذينه من وراه وتجربين ...... والله يهديه ... وهذا شي خاص بينه وبين ربه ....

 

[دلع وحبي ولع]

للأسف واجهته وقال أنا ماأدري عن أي شيء ووشلون إنتكتب كلمه عاريات ..
قلت له وشلون ومافيه غيري انا وياك يمسك اللاب توب
قال والله أنا ماأدري ولو فتحت شيء ليش ماأقول إني فاتحه .......!!!!!
وقام يعطيني ميه عذر وعذر .. بس ماإقتنعت وقلت له على العموم أنا ماراح أفتح اللاب توب حقك أبدا لأني أحيانا أخذ اللاب توب حقه وأشوف إيميلي ....
وعلى أخر نقاشنا هو قال أنا ماأدري مين إللي كتبت هالشيء وإذا ماإنتي مصدقتني بكيفك !!!!!!!!!!!!!!!!!!!!!!!!!!!!!!!!!!!
قلت له أتمنى هذا الشيء لأني ماأبي أخسر ثقتي فيك ...
والأعذار بيني وبينكم مادخلت مزاجي وأنا أكلمه حسيت إنه يصبب عرق من على وجهه .... وقلت بمشيها بس والله لأدبه تأديب عليه الكلام ...
بس سؤالي الحين أمشي الموضوع عادي وأبد معه عادي يعني زي كل يوم ..... وإلأا وش أسوي ؟؟؟؟
لأني إذا زعلت مرررررره يبان علي الزعل والحين انا ماني طايقته ... وإذا فاتحني بالموضوع مره ثانيه بقوله عادي وحصل خير يمكن أحد دخل جهازك وإنت ماتدري وصار سوء تفاهم بيني وبينك ..
بس أنا كلمته بكل هدوووء ... وهو عادي ومستغرب وش إلللي صاير ..
وقالي إنتي تشيرين بأصابع الإتهام علي أنا ؟؟؟
قلت له إيه لأن مافيه غيري وغيرك على الجهاز ّ!ّّّّ

 

[سونيتا]

أختي الكريمه ....لاتفاتحينه في الموضوع أبد وأنتبهي لبيتك وزوجك وقولي الحمدلله أنه مومثل بعض الرجال اللي ممكن يشاهدون الشي هذا ويكملون بالعاده السريه الرجال رجعلك وكمل معك فهذا تحسب له وهدي يا أختي وهذا فضول عند البعض وحب استطلاع ذكريه بعد فتره أن هناك بعض الأمور اللي محرمه ولها عقاب خوفيه ببعض الأحاديث والله يهديه ويهدي الجميع للخير أن شالله .....نصيحه أخويه لاتفاتحيه بالموضوع ..

 

[المتمكنه]

خلاص اختي انسي الموضوع

النكران منه احسن من المجاهره

يعني خجلان من اللي مسويه


ادعي الله يهديه وحطي بالك عليه اكثر


مادام انكر اشوفه شي حلووو بس المهم تكون اخر مره

وحاولي تحسسينه بالثقه وانك نسيتي الموضوع

الله يوفقكم

 

[أمل كبييير]

أه يا حبيبتي
فتحتي جرح كنت باديه انساه
صار عندي نفس الموقف تقريبا ومن صدمتي كل جسمي يرتعش وانا اشوف الصور
ومن من زوجي الملتزم اللي ينصح الناس اللي كل ما احط مسلسل يقول لي غيري مب زين نجلس نطالع مفاصيخ
مب قهر !!
هو اكتشف اني شفت الصور في الفلاش ماله بالصدفه وتم يلمح ان الفلاش وايد ناس يستخدموه غيره ..مع اني ما فاتحته ولا سالته خير شر بس فهمت انه يحاول يبرر موقفه وطبعا لاحظ تغيري وحزني طول الوقتيعني يمكن 3 ايام وطبعا سمعت كلام الاخوات وقلت هو مب معصوم والشيطان شاطر الله يغفر له كل حد يشيل وزره
بس تنقهرين لما تكونين مو مقصره معاه وخاصة جنسيا وبعد ما تملين عينه!!
والمشكله بتميين تشكين دايما وهذا المتعب والصعب
المهم سامحيه حبيببتي وانسي لأن ما فيه حل ثاني عشان تعيشين معاه بسعاده خاصه انه زين معاج
والله يهنيكم

 

[b~4~u]

ياحبيبتي صدقيني الرجال ما يشبع وله الف طريقه وطريقه وبصراحه انا مع الاخوات لا تصارحيه بس حاولي تجسي نبضه من بعيد لبعيد وشوفي وش كان الهدف من هالشي وحتى لو شاف يعني فضول وتطفل بس هدي نفسك واعصابك واعرفي ان الرجال ما يملا عينهم شي

 

[نور نجد]

ربي يهداك

 

[الكناري]

انا برايي تواجهينه من البدايه علشان يحسب حسابك

 

[دلع وحبي ولع]

والمهم الحين إني واجهته وريحت نفسي لأني ماأقدر أصبر شيء يعور قلبي ولازم أفتحه بس المصيبه إني ماإقتنعت بكلامه بس مشيتها وقلت له كلمه رنت بإذنه يوم قالي أنا ماأفكر بهذي الأشياء وكبرت عنها ...
قلت له (((( أتمنى هذا الشيء ... لأني ماأبي أخسر ثقتي فيك ))))
حسيت إنه قعد يفكر بهذي الكلمه طووول الوقت وأنا بالنسبه لي إرتحت لأني ماقدرت أخليها بقلبي ..
وأشكركم على مساعدتكم لي والله إنكم أكثر من خوات يوم حسيت إني أبي أفضفض وأتكلم ....
من كل قلبي مشكووورين ..

 

[دلع وحبي ولع]

وفعلا راح يحسب حسابي لأني ماراح أفوت غيرها ....