ماعندي ثقة بنفسي

[في صمتي حكمة]

السلام عليكم
شخباركم

تعبت وانا شايلة هالهم بصدري
ودي احكيه وافتك

بنات
انا احس اني ما اثق بنفسي

انا احب اهتم بنفسي وادلعها واحب البس
بس عيبي
لما اطلع اجلس اقول هذيك احلى مني
هذيك جسمها احلى مني
هذيك لبسها احلى مني

حتى صرت اقول اني ما اعرف البس ولا اتشيك
ولا حتى احط مكياج

تعبت احس اني ما اثق بنفسي مرة
لدرجة ان وجهي وجسمي انعدم حبوب

ساعدوني
كيف اكون واثقة من نفسي

 

[سهم العشق]

انت دائما قولي لنفسك انا لا ينقصني شىء انا جميله وانظري نفسك في المرايه وكرري انا واثقه بنفسي 00 وكرري هذه التجربه ثلاث مرات في اليوم وان شاء الله تجيب نتجيه 00 ​

 

[تلميذة ناعمة]

الثقة بالنفس ماتجي من فراغ
يعني اذا وحدة جاهلة مو متعلمة ولا تهتم بنفسها تقول ابي اثق بنفسي
الثقة بالنفس مو شيء يشترى ويباع ومو كلمتين مدح نقولهم لك
الثقة بالنفس تبي جهد ومقومات اولا اختي لازم تعرفي انه قيمة الانسان مو في شكلة قيمته في علمه وتقواه فزيدي من علمك بالأطلاع والقراة وتقربي من ربك ولتعلو همتك ليعلو شانك
ثم يأتي من بعد ذلك شكلك وهندامك

 

[البتول11]

الله يهديكي بس الامر سهل جدا 00 توكلي على الله انا جميلة واخت زوجي تعدمني لانها جميله وانا اجمل منها ماشاء الله بس ماتبي احد يكون مثلها من حسدها وغرورها وثقتها الدائمه في نففسها اكثر من الزوم ذهب الجمال من الحسد والغيرة والحقد

 

[رقة خزامى]

الثقه بالنفس مش كلمات نرددها أو فكره نتخذها ..

الموضوع مو بها البساطه ..

من أكبر عيوبك إنك تقارنين .. المقارنه شي يهدم النفس مو بس يعدم الثقه ..

وليش المقارنه هذي ارزاق ربي وزعها .. ممكن اللي انتي تشوفينها أجمل منك .. تتمنى صفات ناقصتها تكون موجود فيك .. واكيد فيك مميزات كثيره انتي غاضه الطرف عنها ..
إذا بتقعدين تراقبين من اجمل منك بتتعبين اقتنعي انك جميله وفيه اللي اجمل منك واللي اقل منك ..

وإذا انتي بتبنين تقديرك بذاتك على الشكل أسمحيلي بتكونين سطحيه وتافهه ..

الشكل مو كل شي ..

اللي لاحظتيها اجمل منك تتوقعين جمالها بيدخلها الجنه ! أو بيعيشها سعيده ويجنبها المشاكل .. الله أعلم ممكن يكون جمالها نقمه عليها ..
اعترف ان مجتمعنا شكلي درجه اولى وفيه تافهين يعاملون الناس على حسب جمالهم ومالهم .. لاكن يظل الجوهر هو الأصل .. والجمال يجذب لااكثر .. لاكن ماراح يخلي الناس تقدرك وتحترمك كثر شخصيتك وأخلاقك ..

ابني لنفسك شخصيه تفخرين فيها وتعيشك بثقه ولاتربطين الثقه بلبس ومكياج وشكل ..
ربي عطاك قدر من الجمال ارضي فيه واعتني بنفسك ..
والتفتي لروحك وشخصيتك ..
ولاتسمحين لأي فكره سودا تطري ببالك اطردي الافكار السلبيه ازيحيها بجمل ايجابيه كذا بتنزال عنك غمامه سودا .. وبتكون فيك هاله تجذب اللي حولك لك غصب بغض النظر عن شكلك ..

فيه كلام كثير حابه اقوله بس مايحضرني اللحين .. اقري كثير بخصوص بناء الذات وتطوير الشخصيه صدقيني بتستفيدين ​