التعيسه
New member
- إنضم
- 2014/02/22
- المشاركات
- 456
السلام عليكم خواتي
تعرفون مشاكلي الكثيرة بس حبيت احجي بتفصيل شوي وأنفه عن نفسي لان راح اطقققققققق من قهري
انا كنت بنت احب المزح والضحك والأصدقاء واحب التأنق واحب شغل البيت وأبدع في الطبخ والترتيب والنظافة واحب اعرف كل شي يخص المراة مااحب يكون شي ناقصني او غيري أحسن مني تعلمت الخياطة والتطريز وكل شي تهتم بي المراة لما كنت في الكلية وبعد مااتخرجت خطبوني والله كثيرين بس سبحان الله ماصار نصيب معاهم ما رفضت بدون سبب واحيانا كنت خلاص قابله ومقتنعه بس كان لازم يصير شي يخرب النصيب وكلت عادي لان مو نصيبي وكنت متفائلة انه الله يريدلي الأفضل أكيد لحد ما وصل زوجي العزيز وصار النصيب وبدت الصدمات ،، البارحة والله وأنا جالسه اتفرج على التلفزيون وكانو عارضين فيلم في زفاف وزوجي العزيز من محبته الي يحب يذكرني دائما انه هو ماسوالي شي يفرحني وكالي انتي تشوفين العرس وأكيد تذكرين انج ماسويتي عرس ولا حفله مو كذا ويضحك باستهزاء،،،، سكتت والله وتركته لان بعد مايفيد الكلام وخلص الكلام أصلا وكعدت أتذكر انه فعلا من يوم عرفت زوجي من الخطوبة وأنا ماتهنيت بشي اول ماخطبني اجه من السفر وبسرعة بسرعه عملنه حفله لان مستعجل حته يسافر وهههههه تخيلو تكاليف الحفله كانت على اهلي مع العلم انه عدنه لازم الحفله على الزوج وفتره الخطوبه ماتهنيت لان كضيتهة على النت وبس مافرحت مثل البنات يزورهة خطيبهة ماحسيت بهالفترة الحلوة ومن ردت أتزوج اتصل بيه وكال خلي اهلج يجيبوج الي لان عندي شغل ومااكدر اعوفه ورفض بابا هالشي وكال عيب لازم هو يجي ياخذهة هذي عروس وأول مرة تسافر وهذي الأصول وهو طبعا زعل وصار يكلي انا كلمتي هسه تمشي عليج مو أبوج وإذا اريد اجيبج غصب عنج عن طريق السفارة لان انتي زوجتي وأنا والله ماجبت طاري ها لكلام لأبويه لان أكيد راح تصير مشكلة وياريت كلتلهة وفركشنه من ذاك الوكت المهم اجه زوجي وسافرت معا بدون لا زفه ولا فستان ابيض ولاشي لان مستعجل وعنده شغل مافرحت بالعرس مثل البنات لما وصلت للبلد الي احنه في بعد كم يوم رادو البنات الي هناك يعملولي حفله بسيطة لزواجي كالو احنه نسوي كل شي بس انتي اشتري فستان وروحي الصالون كلت لزوجي ورفض بحجه انه مشغول ومايريد دوخه بالبيت وفركشششش ،، وبدت طبعا مشاكل اشكال وألوان إلى ان حملت كلت يمكن وجه خير علينه يوم الي حللت حمل سوالي مشكله لها اول مالهة اخر وشنو كان السبب برأيكم ،،،،ليش خابرتي امج وبشرتيهة قبل ماتخابرين امي ،،،،،وأنا والله كنت في السيارة معا وخابرت امه اول شي بس ماردت وأهلي همه الي اتصلو مباشرتا وكتلهم طلعت النتيجة واعتقد حته لو هذا مو سبب المهم ،،،،، وكال طز بيج وبالطفل الي شايلته واني أصلا مو حاب شي منج بعد فتره سافرت لأهلي حته أولد وتسببلي بمليون مشكلة وأنا حامل ونفسيتي تعبت لدرجة اني ماكدرت أولد طبيعي أصلا ويوم الي ولدت وبعثتله صور بنتي صار يقلد ويستهزء بالطفله مع العلم والله مو لان بنتي مثل القمر وكل الناس تعجبو بيهة وما فرحت بولادتي وكسر فرحتي وبقت المشاكل إلى ان قررنه ارجع أسافر وإذا بي بايع أغراض البيت كلهة ومو راضي يشتري سرير حته للبيبي ويكلي تنام معانا على الأرض الا اشتكيت لأهلي وبابا عصب علي وكلمه كاله لو تحترم بنتي وبنتهة وإلا مالك عدنه الزوجة ولا البنت يالله تعدل واشترا أغراض للشقه من وصلت عنده رجع مشاكل جديدة ومو حاب يصرف علي ولا على بنتي وأنا بهالموال لحد الان كل ها لأشياء غيرت من شخصيتي كثير صرت عصبية وحزينه وكارهة عيشتي وكنت عاطفية جداً والله على اي موقف ابكي من عاطفتي صرت هسه قاسية جداً حته اذا اسمع باي احد مات مايهتز بمشاعري ولا وتر صرت أتقصد الإهمال في كل شي لان شفت محد يستحق التعب والتضحية حته اذا أسوي شي لنفسي يتخيله انه لخاطره ويقلب علي تغيرت شخصيتي كرهت العالم كرهت نفسي انكسرت بيه كثير من الصفات الي أحاول ارجعهة بس خلص مو كادرة ،،،، وهل ممكن انه بيوم من الأيام احب هذا الإنسان حته لو شعل العشرة شمع حته لو كالني بالذهب ممكن اسامحه على الي سوا بيه وحطم حياتي ودمرني مستحيييل حبيت افضفضلكم .............
تعرفون مشاكلي الكثيرة بس حبيت احجي بتفصيل شوي وأنفه عن نفسي لان راح اطقققققققق من قهري
انا كنت بنت احب المزح والضحك والأصدقاء واحب التأنق واحب شغل البيت وأبدع في الطبخ والترتيب والنظافة واحب اعرف كل شي يخص المراة مااحب يكون شي ناقصني او غيري أحسن مني تعلمت الخياطة والتطريز وكل شي تهتم بي المراة لما كنت في الكلية وبعد مااتخرجت خطبوني والله كثيرين بس سبحان الله ماصار نصيب معاهم ما رفضت بدون سبب واحيانا كنت خلاص قابله ومقتنعه بس كان لازم يصير شي يخرب النصيب وكلت عادي لان مو نصيبي وكنت متفائلة انه الله يريدلي الأفضل أكيد لحد ما وصل زوجي العزيز وصار النصيب وبدت الصدمات ،، البارحة والله وأنا جالسه اتفرج على التلفزيون وكانو عارضين فيلم في زفاف وزوجي العزيز من محبته الي يحب يذكرني دائما انه هو ماسوالي شي يفرحني وكالي انتي تشوفين العرس وأكيد تذكرين انج ماسويتي عرس ولا حفله مو كذا ويضحك باستهزاء،،،، سكتت والله وتركته لان بعد مايفيد الكلام وخلص الكلام أصلا وكعدت أتذكر انه فعلا من يوم عرفت زوجي من الخطوبة وأنا ماتهنيت بشي اول ماخطبني اجه من السفر وبسرعة بسرعه عملنه حفله لان مستعجل حته يسافر وهههههه تخيلو تكاليف الحفله كانت على اهلي مع العلم انه عدنه لازم الحفله على الزوج وفتره الخطوبه ماتهنيت لان كضيتهة على النت وبس مافرحت مثل البنات يزورهة خطيبهة ماحسيت بهالفترة الحلوة ومن ردت أتزوج اتصل بيه وكال خلي اهلج يجيبوج الي لان عندي شغل ومااكدر اعوفه ورفض بابا هالشي وكال عيب لازم هو يجي ياخذهة هذي عروس وأول مرة تسافر وهذي الأصول وهو طبعا زعل وصار يكلي انا كلمتي هسه تمشي عليج مو أبوج وإذا اريد اجيبج غصب عنج عن طريق السفارة لان انتي زوجتي وأنا والله ماجبت طاري ها لكلام لأبويه لان أكيد راح تصير مشكلة وياريت كلتلهة وفركشنه من ذاك الوكت المهم اجه زوجي وسافرت معا بدون لا زفه ولا فستان ابيض ولاشي لان مستعجل وعنده شغل مافرحت بالعرس مثل البنات لما وصلت للبلد الي احنه في بعد كم يوم رادو البنات الي هناك يعملولي حفله بسيطة لزواجي كالو احنه نسوي كل شي بس انتي اشتري فستان وروحي الصالون كلت لزوجي ورفض بحجه انه مشغول ومايريد دوخه بالبيت وفركشششش ،، وبدت طبعا مشاكل اشكال وألوان إلى ان حملت كلت يمكن وجه خير علينه يوم الي حللت حمل سوالي مشكله لها اول مالهة اخر وشنو كان السبب برأيكم ،،،،ليش خابرتي امج وبشرتيهة قبل ماتخابرين امي ،،،،،وأنا والله كنت في السيارة معا وخابرت امه اول شي بس ماردت وأهلي همه الي اتصلو مباشرتا وكتلهم طلعت النتيجة واعتقد حته لو هذا مو سبب المهم ،،،،، وكال طز بيج وبالطفل الي شايلته واني أصلا مو حاب شي منج بعد فتره سافرت لأهلي حته أولد وتسببلي بمليون مشكلة وأنا حامل ونفسيتي تعبت لدرجة اني ماكدرت أولد طبيعي أصلا ويوم الي ولدت وبعثتله صور بنتي صار يقلد ويستهزء بالطفله مع العلم والله مو لان بنتي مثل القمر وكل الناس تعجبو بيهة وما فرحت بولادتي وكسر فرحتي وبقت المشاكل إلى ان قررنه ارجع أسافر وإذا بي بايع أغراض البيت كلهة ومو راضي يشتري سرير حته للبيبي ويكلي تنام معانا على الأرض الا اشتكيت لأهلي وبابا عصب علي وكلمه كاله لو تحترم بنتي وبنتهة وإلا مالك عدنه الزوجة ولا البنت يالله تعدل واشترا أغراض للشقه من وصلت عنده رجع مشاكل جديدة ومو حاب يصرف علي ولا على بنتي وأنا بهالموال لحد الان كل ها لأشياء غيرت من شخصيتي كثير صرت عصبية وحزينه وكارهة عيشتي وكنت عاطفية جداً والله على اي موقف ابكي من عاطفتي صرت هسه قاسية جداً حته اذا اسمع باي احد مات مايهتز بمشاعري ولا وتر صرت أتقصد الإهمال في كل شي لان شفت محد يستحق التعب والتضحية حته اذا أسوي شي لنفسي يتخيله انه لخاطره ويقلب علي تغيرت شخصيتي كرهت العالم كرهت نفسي انكسرت بيه كثير من الصفات الي أحاول ارجعهة بس خلص مو كادرة ،،،، وهل ممكن انه بيوم من الأيام احب هذا الإنسان حته لو شعل العشرة شمع حته لو كالني بالذهب ممكن اسامحه على الي سوا بيه وحطم حياتي ودمرني مستحيييل حبيت افضفضلكم .............
