ماسويت له شي .... ليش يكذب؟

ا

القطرية2

New member
إنضم
2008/02/26
المشاركات
42

​
مرحبا أخواتي ....
بغيتكم في تفسير في اللي صار وياي البارحة مع زوجي ....كذب علي بطلعة مع ربعه مع إني مامنعته في حياتي معاه المهم السالفة بالعادة يتصل فيني بعد مايطلع من الدوام هالمرة كان غير ماشي اتصال ولاسؤال دقيت عليه مرة مرتين 3 و4 .....إلخ لما طلع لي لايوجد رد.....وإتصلت على أبوه وأمه الكل قام يحاتيه وفي الأخير رد علي بكل برود وقام ألف قصة مشاكله مع دوامه ماصدقته كلش وسويت روحي الموضوع مايهمني ومن داخل احترق حيل....وبعد شوي خطرت لي في بالي إني اتصل على دوامه واستفسر طلع الريال مش موجود وإنه رايح مع ربعه البحر.....يالله شو سويت به عشان يعاملني بهالصورة مع إني والله العظيم ماقصرت معاه بشي وبالعادة دوم يخبرني إنه طالع مع ربعه كشته أو شي ليش هالمرة غير؟
وكل شوي يدق علي ويطرش مسجات ( شكله حاس بالذنب) وأنا مرة ألمح على كذبته ومرة أصدقه يعني خليته شوي حالة من الشك والخوف.
خواتي أرشدوني شو اسوي مع زوجي أخاف لاسكت وماتفاهمت معاه يكرر هالحركة وياي مرة ثانية ولو فتحت معاه الموضوع تكبر السالفة وتصير مشكلة في عدم الثقة.​
 
لا تكلمينة في الموضوع بس خلي في نظرات بينكم يعني كل شوي خلي عينج في عينه,طول اليوم وحاولي تكوني هادية وماتفتحين المضوع لين ماينهار ,,ترا ماراح يتحمل الضغط,,ونصيحه سمعيه للآخر بدون مقاطعة بس عينج في عينه..ومهما سمعتي خليج هادية ولا تبكين عشان يحس بقوتج ترا الهادي صوته أعلى ويخوف أكثر من الباكي والصوت العالي..
 
مشكورة يالوفيرا ..... بس وين خواتي يشوفون المشكلة ومايردون يمكن الموضوع مايهم لكن يهمني أنا لإني عايشة الموقف وحاسه بخاطري منه على هالحركة :sadwalk::icon1366:
 
اهم شي انه طالع مع أصحابه وهذا شي عادي
صحيح مو من حقه يكذب عليك لكن لاتخلي الشك يسيطر عليك
 
الله يهديه انا زوجي اذا بيطلع من البيت يسالني تبين شي او يله انا طالع بس لي اربع ايام جاء للبيت وجلسنا ساكت مايتكلم واذا يطلع من البيت ماعاد يسال ولا يقول انا رايح تبن شي انا شفته كذى قمت طنشته ولا عاد اكلمه ولا قلتله فيك شي مخليته على راحته لاني واثقه من نفسي اني ما زعلته
الله يصبرنا عليهم
 
1-المصارحة مطلوبه من وقت لوقت.
2- الصاحب ساحب .
3-ارجل يتأثرا كثيرا بأراء اصحابه .
4-الله يسامحنيئ اذاضلمت
 
قولي له مادري ليش أحس إن وراك شي وإنه في شي مخبيه علي ... إذا في شي قول ولا تخليني أوسوس أكثر ومن هالكلام إلى ما ينجر بالكلام ويقولك إللي بخاطره وإن شاء الله الموضوع بسيط :icon26:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل