مارأيكم في الكلام هذا ( ارجو رد معقول وناضج )

  • بادئ الموضوع بادئ الموضوع طرايف
  • تاريخ البدء تاريخ البدء
ط

طرايف

New member
إنضم
2008/04/15
المشاركات
304
مرحبا خواتي كيف حالكم حبيت اطرح عليكم سوال

شو رايكم بلبنت اللي تتزوج الرجل وهي زوجه ثانيه طبعا عن علاقة موده وحب او اعجاب مش زواج تقليدي يعني يتزوجها عن اقتناع وانه هو مش مرتاح في بيته بسسبب زوجته

والبنت تبغيه على سنة الله ورسوله يعني زوجه ثانيه مافي مشكله عندها والرجل مقتدر جداااااااااا وراعي منصب عالي وشخصيه شماليه يعني جاد وعنيد واللي في راسه يسويه

بس المشكله هل تبقى سعيده بعد الزواج طبعا كل شي بديها هي لكن شو ردة فعل منكم اي زوجه اولى يتزوج عليها الزوج الثانيه

وكيف تعيش الثانيه يعني التغييرات المفترض انها تسويها ؟؟

ارجو الرد بطريقه مقنعه وناضجه يا خواتي بدون رد عادي او ليش ؟؟؟:fish:
 
يعني شلون مب مرتاح فبيته ايش العذر بالظبط والعيب فزوجته شنو
طبعا الشرع حلل الزواج للرجل اذا كان مقتدر وانه يقدر يكون عاااااااااااااااااااااااااااااااااااااااادل بين الزوجتين بس انا من (وجهة نظري) اذا كان الزواج الثاني يهدم البيت الاول الافضل انه مايتزوج لان راح يسبب طلاق وتشتت للاطفال بعدين شلون فهم واقتنع فالثانيه كان بعلاقه غير شرعيه معاها
 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اتمنى التوضيح اختي​
 
الله معاش
حبيبتي ياليت اقدر اساعدك بس تنقصني الخبرة اتمنى من ذوات الخبرة يعينوكي وانشاللة الله بيقدملك الخير بس ياريت كمان اعتمادك الاول على الصلاة (الاستخارة )​
 
الموضوع يبيله تفكير واستخاره .. يعني الزواج مو لعبه .. وخاصه لو كانت زوجه ثانيه يعني لازم تحسبين للموضوع الف حساب .. بمعنى اخر لا تتكوقعين رضى الزوجه وتقبل اهل الزوج لك بهذه السرعه يعني لازم بكون في عواقب جدامك .. والمفروض تكونين دارستها عدل .. بعدين انا اشوف مافيها شي لو هو مصمم والبنت تبيه يعني الشرع حلل اربعه بس لازم يطبقون الشروط .. بس سؤالج هل تبقى سعيده بعد الزواج هذا بعلم الغيب يعني محد يقدر يحكم على الموضوع .. واكيد اي وحده ماراح ترضى زوجها يتزوج عليها وراح تشن الحرب عليه هو وزوجته الجديده .. الا اذا كان هناك اسباب وزوجته الاولى مقتنعه ان زوجها لازم يتزوج هناك يمكن يكون الوضع نوعا ما عادي بس الحياة الزوجيه لا تخلو من المشاكل

والله يكون بالعون
 
اختي العزيزة الزواج الثاني دائماً يكون مصحوب بكم من التضحيات الكبيرة من قبل الزوجة الثانية ,,,ستكون ثانية في كل شيء حتى لو كان معجب فيها ويحبها ,,وحتى لو كان مثل ما يقول انه غير مرتاح مع زوجته مع انه اغلب اللي يبغون يتزوجون مرة ثانية بيقولوا هذا الكلام ,,,لكن اختي صدقيني الاولى تبقى اولى في كل شيء فهي ام اولاده اللي فرح بيهم اول مرة وهي اللي وقفت بجانبه لفترات طويلة ,,,اختي العزيزة قد يفتر الحب بين الزوج وزوجته ويفكر بالزواج من ثانية لكن ما ان يتزوج حتى يبدأ بالمقارنة بين حياته الاولى وحياته بعد الزواج من ثانية ,,,وانا لا اقصد ابدا ان تكون الثانية سيئة لا لكن هي المسؤوليات الجديدة اللي تجعل الزوج مشتت بين بيتين يبدأ مباشرة بالندم على فعلته وكذلك الزوج حتى لو كان غير مرتاح مع زوجته الاولى لكن صدقيني يااختي العشرة متهون ,,,هو جايز الان ماحاس بهذا الشي لكن بعد زواجه بيحن لزوجته الاولى ,,,والله اعرف شخص اقربائي كان طيلة فترة زواجه بالاولى لمدة عشرين سنة وهو يقول بتزوج وزوجتي لم اتزوجها عن حب وزوجتي غير جميلة ووووووووو وتزوج الثانية بنت جميلة جدا ولطيفة جدا وصغيرة بالعمر والله ثم والله ثم والله عاد ثاني يوم بعد زواجه من الثانيه وقال بالحرف الواحد لوالدي بأنه الان عرف ان معزة زوجته الاولى في قلبه والله يااختي عاد يبكي لزوجته الاولى وعاش مع الاثنين لكن قلبه ضل مايل لزوجته الاولى تعرفين لماذالان بعد الزواج والعشرة يبدئون الاثنين يفهمون بعض من النظرة مو من الكلمة فصعب على الزوج يبدي حياة ثانية مع وحده ثانية محتاج فترات طويلة حتى تعتاد عليه وتفهمه من نظرة راح يكون مع كل شي يطلبه يحتاج تفسير وكلام من هنا تبدا المقارنه غير المشاكل اللي ممكن تحدث وتجعله يندم على اليوم اللي اتزوج مرة ثانية ,,,فاللي عدها استعداد لتحمل هذا كله خلي تتزوج وتكون زوجة ثانية ,,,اختي اللي بتتزوج وتكون زوجه اولى بتواجه مشاكل في حياتها بعد الزواج كثيرة وانتي تقرين المنتدى والمشاكل اللي فيه عاد اللي تتزوج شخص هو عنده مشاكل كبيرة من قبل الزواج
اني هذا ردي على الموضوع اسفة جداً اذا ازعجك لكن انتي من طلب المشورة
 
مشكورات على ردكم بس ردكم ما يقنعني يا عزيزاتي لاني مش الانسانه البنت هي بنت اختي

وثاني شي انا شفت وايدات متزوجات ومرتاحات بلعكس عيشته الحب اللي ماكان شايفنه ماقول في حب موده رحمه ويحنلها الاولى لكن مب معناته انه ما يحب الثانيه وخصوصا عن قناعه وحب ودراسه مش رجل صغير هو

ابا افهم يعني شو المشاكل اللي تواجه الزوجه الثانيه وهي بعيده عنها وعن طايفته شو المشاكل اللي بتيه
 
فعلآ أختي زواجكـ كـ زوجة ثانية راح يكون مصحوب بتضحيات كثيرة
ولازم أختي مثل ماسمعتي منه تسمعي من الطرف الثاني
اللي هي زوجتهـ الأولى لأنه الإستماع لـ طرف واحد لايكفي
يعني أنا عندي إنسانة جدآ قريبة مني وأعرفها زين
جالها عريس وطبعآ تعتبر زوجة ثانية لهـ
وسألتهـ عن السبب فـ قال إنه مو مرتاح مع زوجته الأولى وإنها
منقصة عليه أشياء كثيرة جدآ في حقوقهـ
وتعالي شوفي بعد ماأتزوجته مسكينة وربي شافت معاهـ صنوف العذاب
أشكال وألوان وماجلست معاهـ غير سنتين الله العالم كيف مرت عليها
هـ السنتين وبعدين تطلقت منهـ وبـ فضيحة بعد ...
أختي أنا ماأبي أكرهكـ فيهـ لكن يشهد الله إني خايفة عليكي وأعتبرك مثل أختي
وكل اللي أبيهـ منكـ تحاولين توسطين ناس يسألون عن زوجته الأولى ويكونون يعرفونها
وهذا كله في مصلحتك لأنه أشوف إنكـ تنجرحين إلحين ولاتنجرحين بعدين
ويكون عندكـ منه عيال وساعتها ماتفيد كلمة ياليت
هذا رأيي أختي وربي يوفقك ويكتبلك اللي فيه الخير
 
عزيزتي ,,

الموضوع لا يحتاج لذكاء او فطنة ............

تتساءلين عن نوع المشاكل اللتي احتمال ان توجد .....

عذاب الضمير الذي ممكن ان يصاحب الزوج بعد الدخلة (( بالاخرى )) اي فورا بعد اشباع الرغبة ...... او كلما حن

لام اولاده .......

انشغاله باطفاله ومتطلباتهم .........

ايتاء زوجته الاولى (حقها الشرعي) يعنى في كثير حالات : حرمان (( الاخرى ))

المقصد : اذا وافقت (( بنت اختك )) فلترحب بكثير من التنازلات ف حقها ....
 
:no::no::no:الزوجه الثانيه دمار للبيت الاول يعني خلاص ما في ريايل الا المتزوجين ليش تخرب حياة غيرها وبعدين خليها تكون في نفس موقف الزوجه الاولى هل توافق انه يتزوج عليها مستحيل وعلى فكره الريال لين بقى يتزوج بيطلع العيب في المره يا انها مهمله يا وصخه يا مقصره وكله كلام وبكره بيطلع عليها كلام لين بقى يتزوج الثالثه لانه مقتدر وعنده فلوس ما يهمه انا اقول هالكلام بناء عن تجربه حصلت لخال زوجي كان مع زوجته الاولى مضرب الامثال في الحب لكن قص عليه واحد وزوجه اخته ولما سألناه ليش قال لانها مقصره اوكي بلعناها وبعد فتره اخذ الثالثه وقد بناته صغيره يعني خلاص جن يعني مو مسأله ان هناك عيب في الزوجه ولكن مزاج الزوج واللي حواليه وقديما قالوا في الامثال ( المقبرة ولا المرة )
 
راح تظلم نفسها
واكيد راح تندم
انا مااتكلم من عاطفه لكن التجارب الحريم تقول كذا
الزوجة الثانية اهي اللي تضيع
لان الاولى راح تدافع عن زوجها وبيتها وبتالي.............. اقول خلها تستنتج اهي وش راح يصير
 
يكفي انها راح تتزوج نص رجال .. !!

وكل حياته بتصير النص بالنص ... هذا بعد إذا عدل
 
صح أم فهد مافي ريايل الا المتزوجين شو ذنب الأولى ..... الريال اذا تملل وزهق بيغيررررر والحرمة اتقبل وتسكت ...مايقدرون ايسون نفس الحبيب محمد ويعدلون .... ممكن الحرمه اتملل وتبي اتغيرررر واخطأهم الي اتملل اكثر من اخطأنه ايوافقووون ؟؟؟؟
 
هي تعرف نفسها وطبعها اذا تقدر تضبط نفسها من الغيرة عليه خاصة اذا تحبه بتصير تتعب من الغيرة ،
وتحط في بالها انه وقته كله مو لها ، مقسم بينها وبين بيته ومسؤولياته الكثيرة .
لان اذا ما تتحمل ما في داعي لهالزواج لانها ببتعس وببتعسه معها ، هو يبي يرتاح بهالزواج مو يتنكد فلازم تحط هالشي في بالها وتحط اعصابها في ثلاجة .

وتستخير قبل اي شي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل