ماذا يمكن ان يكون بداخل شنطة شهر العسل//شاركونا

[دانة البنفسج]

​

مرحبا ياعرايسنـــــا الغاليات ......​

اليوم حبيت انزل لكم موضوع مهم جدا لكل عرووسه ... واكيد اغلبكم محتارين فيه .... ​

اغلب العرايس يسافرون لشهر العسل .... وكثير منهم لما يسافرون يكتشفون انهم نسوا أغراض ... وتبدأ رحلة الاحراج ..... ​

وبناء على هذا قررت أنزل الموضوع عن شنطة شهر العسل راجية من رب العالمين يوفق كل عروســـه ويسهل أمورهــــا ويتمم لها على خيـــــــر ​

أول شي نبدأ بالاشياء اللي لازم تعرفينها عن البلد اللي بتقضون فيها شهــر العسل : ​

1- هل البلد جوها في هذا الوقت بارد ..حار... معتدل ؟؟ ​

2- المناطق اللي بتروح لها العروس ؟؟ هل هي قرى ... مدن ... أو جبال ... أو منطقة ترفيهيه مثلا ؟؟ ​

3- اعداد قائمه خاصه لشنطة شهر العسل بما يتناسب مع المده والمكان ... يعني مب تسافرين اسبوع وتاخذين شنطه لشهر وتقولين عروووس .......لا اخذي اللي يكفيك عشان ماتتعبين ولاتتعبين زوجك معاك .... ​

مستلزمـات ومحتويات شنطة شهر العســــــــل : ​

​

​

مستلزمات العنايه بالبشره ​

​

كريمات ترطيــب الجســـم​

مجموعــة عطورات​

​

مجموعة الاستحمام ​

​

وطبعا الشامبو ... وكريمات عنايه للشعر لوتحتاجين​

​

الملابـــــــس والاكسسوار​

قمصان نوم ( بكل أنواعها طويل وقصير )

​

​

بجامات ( سواء صيفيه شورتات أوشتويه على حسب البلد ) ومعاها السليبرز

​

أطقم داخليه ( مايمنع تاخذين اطقمك كلها لانها هي الي تستهلك أكثر )

​

تنانير وحركات دلع قصيــره ​

ملابس للطلعات المميزه .. مثلا عشا في الفندق أوغيره بتحتاجين ملابس كشخه وغير عن الملابس العمليه ​

أحذيـــه عملــــيه لان شهر العسل معروف انه كله حركه وتجوال فلاتتعبين رجلك وبتلقين أحذيه عمليه وراقيه في نفس الوقت ​

شيل وعبايات ​

اكسسوارات الشعــر ​

طقــــــم فــــوط لك ..... ولزوجك​

بالنسبه للذهب والالماس ... نصيحه لاتاخذون معاكم الا الي بتلبسونه يعني الدبله طبعا على كم حلق وكم خاتم وتعليقتين او 3 ... يعني مب تاخذووون الذهب كله معاكــــم ​

واذا عندكم اي معلومات ثانيه للشنطة شهر العسل​

نترياها​

علشان العرايس يستفيدن​

​

 

[صــدى الصمـت]

موضوع رائع وجميل ياادانة

معلومات الموضوع باذن الله راح تنفع كل عروس وكل وحده بتسافر ويا زوجها

وانا أضيف

قبل كل شئ واهم شئ سجادة صلاة +مصحف+كتيب الاذكار :tears: صار لي موقف لاحسد :tears: علشان جذه مهم لاتنسونهم .

حبيب قلبي ورفيق دربي في كل مكان وزمان :blow: معقم الايادي

:cupidarrow:

فرشاة ومعجون

بلاضافة لملعقة اللسان

غسول الفم

منكهات للفم

عدة خياطة لحالة الطوارئ

بندول +لزقة جروح احطياط +سبرتو صغيرون

مزيل طلاء الاظافر

سشوار/جل مثبت للشعر/معطر للشعر

لاتنسين تشيلين معاج كوايه صغيره و بخاخ معاها للماء صغيييير... والكليب للكهربا بعد!!!!!!!
شموع معطره +معطر دورة المياه:blushing:

مزيل العرق وآله ازالة الشعر براون +فوط صحية يومية
مقص أظافر.. وعدة ترتيب الأظافر كاملة

واهم شئ غسول نسائي +مطهر +دش مهبلي +ملح خشن لوقت اللزوم اول ايام الزواج الوحده تتعرض للالتهابات وحكة لعدم خبرتها بالنظافه

هذا اللي تذكرته من اتذكر برد لكم

 

[دانة البنفسج]

تسلمين صدى الصمت على مرورج ....وذكرتي اشياء مفيدة نسيت اذكرها ...​

واهم شي سجادة الصلاة .....لاني انا بعد صارلي موقف معاها :nosweat:​

وفي اشياء بعد نست احطها بالموضوع ...علبة حلاوه (شيره) لازال الشعر​

دهن العود والمسك للمنطقه الحساسه ومزيل طلاء الاظافروعطر الفراش​

مستلزمات حقيبة اليد :​

باكيت صغير للكلينكس.
- نعناع أو أي حلاوة لنفس منعش.
- زجاجة عطر صغيرة.
- علبة كريم صغيرة لليدين(عادة تيوب).
- فوطة صحية واحدة.
-المكياج اليومي ( بودره – كحل – قلوس )​

وان شاء اكوون ما نسيت شي​

واتمنى انه يفيد العرايس

والموضوع مفتوح لجميع الاخوات

فمن تريد ان تضيف شي فلتتفضل


:clap::clap:​

 

[amy_rania]

شكرا لكن اخواتي و الله أفدتونا

 

[دانة البنفسج]

تسلمين الغلا على المرور ... ​

أخواتي اذا عندكم اضافات وافكار للشنطة شهر العسل ​

نترياها ... علشان عرايسنا الغاليات​

 

["azeeza"]

مشكوووووووورين حبايبنا عشان نستفيد احنا(( العزابيه)):nosweat:

 

[اسيرة الامل]

مشكورة حبيبتي دانة البنفسج .. انتي وصدى

واكيد هالمعلومات راح تفيد كل عروس .. ننتظر جديدك

 

[قمــرمصــر]

الموضوع رائع ومفيد
ربنا يخليكوا لينا

 

[دانة البنفسج]

تسلموون حبايبي على المرور


:cupidarrow:​

 

[أوركيد]

موضوعك جداً رائع يادانه ​

انا أشوف إنها تحتاج ​

1- كريمات والشمبوهات من الاحجام الصغيره لاتاخذي الاحجام الكبيره​

2- العروس دائما تحب تكون شيك من ناحيه الملابس والاحذيه (الله يكرمكم )بس لاتنسي كمان تأخذي الشيء المريح من الاحذيه بالذات لانه طلعاتك راح تكون كثيييره خلي الأكعاب للمساء والسبوهات والجزم الرياضه للنهار​

3- مناديل معطره ومناديل لازالة المكياج كلهم مهمين ( من أي شركه تحبينها عاد كل وحده وذوقها )​

​

​

4-حتي السشوار لاتخذين النوع الكبير في نوع يجي بفرشته سهل ومايتعبك مثل إلي في الصوره ​

​

 

[دانة البنفسج]

تسلمين ... اوركيد ....:bigsmile:

ومشكوره لمرورج للموضوع ... وان شاء الله عرايسنا تستفيد :icon26::icon26:​

 

[nehoyo]

غاليتي دانه موضوع عن جد مميز سلمت الايادي علي كل نصيحه قدمتيها اوقدمتها العزيزه صدي الصمت التي تكرمت باضافت ما هو ضروري ايضا وكذلك العزيزه اوركيد مشكورات حبيباتي علي التميز

 

[ليدي2]

أشياء كلها مهمة وضرورية بس يارب تدخل كل أشيائي
الله يعطيكي العافية

 

[***حلولو***]

مشكوووووووووريييييييييييييييييييييييييين

فعلا موضوع يجنننن ومهممممممممم ..

 

[shining star]

ميغسي خواتي موضووع جميل ورائع ومفيد

تسلمين اختي على الطرح

 

[أوركيد]

وطبعاً لا تنسو الكاميرا





عشان أحلي اللقطاات ​

 

[أميرة بأخلاقي]

جميييييييييل الموضوووع ياريت لو كل المواضيييع مثله .. روووعه الله يجزيج الخير و اتمــــــــنى اذا عندج اضاافات اكثر تضيفينها حتى لو كانت كماليـــااات

الف شكر

 

[زاوية حرجة]

مرحبااااااااا
كمان لاتنسوا شاحن الجوال
وبدل شنطة اليد احسن لك وأريح شنطة ظهر
محفظة للجواز
ومحفة الفلوس عملية وتتحمل
..................ونصيحة لاتحطين كل أغراضك بشنطة وحدة (خوفا من فقدها اوتأخرها في الشحن)
يعني حطي لك شنطة صغيرة ماتدخل الشحن فيها كم قطعة من الملابس ومكياجك وذهبك(حفاظا عليهم) والأشياء الأساسية الي احتمال ما تلاقينها اومن المحرج طلبها في الأيام الأولى..:blushing::blushing:
وبالتوفيق ياأحلى ملكااااااااات:cupidarrow::cupidarrow:

 

[عجايب00]

غسول خاص للمنطقه الحساسه ومناديل لمنطقه الحساسه فوط صحيه للاستخدام اليومي مناديل ديتول لمسح اليدين او اي شي تريد استخدامه با الاماكن العامه با النسبه للبس قمصان النوم والسهرات الخاصه على عدد الليالي اللي بتقضينها في السفر الجزم تكرمون والشنط تكون باالوان محايده عشان تمشي مع اغلب ملابسك
بس اذا ذكرت شي برجع

 

[To Fe]

ااااااااااالله يسعدكم
شريت الشنط اخيرن ولله الحمد
بس محتااااااااااارة ماني عارفة وش اخذ معاي
انا بسافر ماليزيا بالصيف يعني الجو بكون عادي وبقعد اسبوعين
كم بنطلون للطلعات اخذ كم فستان للسهرة معه كم قميص وبجامة ؟؟؟؟؟؟
كم شنطة عموما اخذ
انا افكر اخذ شنطة المقاس الوسط مع شنطة مكياج احط فيها الشامبو والكريمات وهالشغلات
بس وين احط الجزم وانتم بكرامة ؟؟؟؟؟
محتارة مرة
الله يجزاكم بالخير موضوع بالمرة مفيد ياريت تكملو