ماذا ستختارين !الزوج؟ام الأمومه؟

[همس وسكون]

السلام عليكم ورحمة الله وبركاته

انا عضوة جديدة في هذا الصرح الرائع اللي اتمنى اقدر افيد فيه واللي متأكدة ان شاء الله اني راح استفيد فيه

بغيت استشيركم في موضوع
ابي اعرف شنو القرار اللي راح تختارونه لو كنتو مكان البنت اللي بقولكم قصتها

في واحد تقدم لوحده وطبعا بعد السؤال تم الموافقه على هذا الشاب وبعد الملجة(عقد القران)
وقبل العرس اعترف هذا الشاب للبنت انه لايستطيع الانجاب طبعا البنت انصدمت وخذت قرار سريع بالاستمرار معاه هذا بعد ماستخارت مع العلم انه ماكان مريحها بس هي تعلقت فيه تعرفون البنات بسرعه يتعلقون يعني كان في مشاكل في فترة الخطوبه بس هو دايم كان يقول انه بعد الزواج بيكون غير
وتم الزواج بحمد الله
وبدا الزواج وبدات مشاكله ,,,,,,, طبعا كانت امتداد للمشاكل اللي كانت موجودة فترة الخطوبه واساس هالمشكله ان الشاب مو مستوعب انه صار انسان متزوج ورجل مسؤول عن زوجه وكان لايزال يعيش حياة العزوبيه ويبي يستمر فيها وكان هذا اكبر سبب للمشاكل بينهم يعني يبي يطلع ويدش متى مابغا ويتذكر انه عنده زوجه متى ماخطر في باله حقه الشرعي وماكان يحترمها وفي المقابل يقول لها كلام جارح يعني معاملة سيئه +تقصير في حقوقها كزوجه + تقصير في الدين
طبعا الزوجه ماقدرت تتحمل الوضع وكانت تستخير على الانفصال وخاصه انها مضحيه بشي كبير عشانه وهو انها تكون ام في يوم من الايام وكبرت المشاكل بينهم لحد ماوصل الموضوع اهل الطرفين وحاولو يحلون المشكله بشكل ودي ووعد الزوج انه يحاول يتغير ويقوم بحقوق الزوجه ومازال يحاول

لو كنتو مكان هذه الزوجه شراح يكون قراركم هل هو بالاستمرار ام بالنفصال من اجل تحقيق حلم اي فتاه بان تكون ام لطفل


اسمحولي علاطاله وعلى رداءة الاسلوب في الكتابه:blushing:

اختكم في الله
همس وسكون
:bye1:
​

 

[هوى نجد]

صراحه انا اشوف انه راح اتنازل عن الامومه مقابل انه الشخص يستاهل
ومو مقصر معاي بشي ومقدرني
اما انه مقصر وانا مضحيه باغلى شي احسه شي صعب لانه مافيه شي يخليني اتحمل

 

[&الماس&]

مادام انه مثل ما ذكرتي مقصر معها ولا يستاهل التضحيه فأرى انها تنفصل عسى ان يرزقها الله زوج يستاهلها ويرزقها الله الذريه الصالحه.

 

[نسيم عابر]

الله يعينها
لو يستاهل بعطيه عيوني
لكن جذيه صعبه
الامومه واايد احسن لها

 

[ربي ارحمنا]

الله يكون بعونها ويرزقهم الذريه الصالحه..........

 

[صدىالجنوب]

الله يكون في عونها اما لو كنت مكانها ما في نقاش

اتركه والله يغنيها ويعوضها خير ولو هو يستاهل التضحية قلنا واصلي

بس ما يستاهل ولا تحاول لانه شكله كذاب مخادع

 

[وصيت قلبي~~]

هلا اختــــــــي
ارى ان ترجح عقلها وتستخير وتنظر في الاولويات لد يهااالزوج ام الاطفال
وترجح سلبياته ام ايجابياته اذا كانت تستطيع العيش معه وتصبر
او انها ستعيش وهي نادمه على تضحيتها
فاتختار والله يكتب لها الخيره في امرها

 

[تميمية(1)]

اذا كان يستاهل تصبر..
اما اذا كان ما مقدر وضعها و تضحيتها .. فأظن انه من الافضل الانفصال..

 

[نحول]

عني انا ابختار الامومه
لكن حبيت اذكرلكم تجربة جارتنا الله يستر عليها انقطعت اخبارها من سنين كانت متزوجه وزوجها عقيم وضحت بالامومه ن اجل الحب وبعد ان بلغت 47 سنه من عمرها ذهب زوجها الى دوله عربيه وتزوج ببنت عمرها14 سنه وجابها للبيت عندها وبعد فتره طلقها وتركتنا وذهبت الى اهلها مكسورة الجناح وماتتخيلون كانت كيف تبكي على عمرها اللي ضاع مع زوج لايستحق وكيف طلعت خسرانه لازوج ولاولد لانها عقب هالعمر ماراح تقدر تحمل والصراحه ان كلمت ماما تسوى عندي 100 رجل لايمكن التنبئ بخيانتهم ولا من زين الطبايع معاملته زفت صدق شين وقوي عين ولا بيزيد لانها هي من الاول تنازلت له عن اجمل شي في حياة المراه الامومه هاللحين اللي يتوفى زوجها ماتتزوج علشان اعيالها وهي تضحي علشان واحد مايستاهل

 

[ام يامن]

الله يعينها بصراحه لو هو انسان يستاهل ممكن تصبرعشانه لكنه ما يستاهل تنفصل
احسن لها وربي يعوضها باانسان احسن منه

 

[همس وسكون]

اشكر كل من رد على الموضوع
واشكركم على ارائكم اللي طرحتوها
هي قررت تستمر معاه وتوكلت على الله لان هو قاعد يتحسن معاها مثل ما وعد
والله العالم شنو مخبي لها الزمان من مفاجآت
ادعولها ان الله يقدرها على الصبر عن الامومه وان الله يرزقها ومافي شي بعيد عن رب العالمين

تحياتي لكم
المحبه
همس وسكون

 

[بنت المغرب]

بصراحة ان كان يستهل أختار الزوج على الأمومة​

 

[gara3]

السلام عليكم ورحمة الله وبركاته​

انا عضوة جديدة في هذا الصرح الرائع اللي اتمنى اقدر افيد فيه واللي متأكدة ان شاء الله اني راح استفيد فيه​

بغيت استشيركم في موضوع
ابي اعرف شنو القرار اللي راح تختارونه لو كنتو مكان البنت اللي بقولكم قصتها​

في واحد تقدم لوحده وطبعا بعد السؤال تم الموافقه على هذا الشاب وبعد الملجة(عقد القران)
وقبل العرس اعترف هذا الشاب للبنت انه لايستطيع الانجاب طبعا البنت انصدمت وخذت قرار سريع بالاستمرار معاه هذا بعد ماستخارت مع العلم انه ماكان مريحها بس هي تعلقت فيه تعرفون البنات بسرعه يتعلقون يعني كان في مشاكل في فترة الخطوبه بس هو دايم كان يقول انه بعد الزواج بيكون غير
وتم الزواج بحمد الله
وبدا الزواج وبدات مشاكله ,,,,,,, طبعا كانت امتداد للمشاكل اللي كانت موجودة فترة الخطوبه واساس هالمشكله ان الشاب مو مستوعب انه صار انسان متزوج ورجل مسؤول عن زوجه وكان لايزال يعيش حياة العزوبيه ويبي يستمر فيها وكان هذا اكبر سبب للمشاكل بينهم يعني يبي يطلع ويدش متى مابغا ويتذكر انه عنده زوجه متى ماخطر في باله حقه الشرعي وماكان يحترمها وفي المقابل يقول لها كلام جارح يعني معاملة سيئه +تقصير في حقوقها كزوجه + تقصير في الدين
طبعا الزوجه ماقدرت تتحمل الوضع وكانت تستخير على الانفصال وخاصه انها مضحيه بشي كبير عشانه وهو انها تكون ام في يوم من الايام وكبرت المشاكل بينهم لحد ماوصل الموضوع اهل الطرفين وحاولو يحلون المشكله بشكل ودي ووعد الزوج انه يحاول يتغير ويقوم بحقوق الزوجه ومازال يحاول​

لو كنتو مكان هذه الزوجه شراح يكون قراركم هل هو بالاستمرار ام بالنفصال من اجل تحقيق حلم اي فتاه بان تكون ام لطفل​

اسمحولي علاطاله وعلى رداءة الاسلوب في الكتابه:blushing:​

اختكم في الله
همس وسكون
:bye1:​

اول شي موضوع انه ما ينجب هذا شي باراده الله يعني ما ينحسب عليه خصوصا انه عطاها خبر وهيا قررت انه تكمل معاه بكامل ارادتها يعني اهيا ضحت بامومتها من البدايه وماله داعي اذا صارت بينهم مشاكل تمسكه من ايده الي اتعوره او تذله بهالموضوع اكيد اهوا ايعاني بما فيه الكفايه

يعني لازم ترد تفكر مره ثانيه بموضوع الانجاب وتتخذ قرار حازم لاني اتوقع انها تحسفت على قرارها