مادرى اللى انا فية شى عادى

[جروح الغربة]

السلام عليكم
انا متزوجة لى سنتين ونص وعندى ولد ومشكلتى انى انام بغرفة وزوجى بغرفة بداعى انة مايبى ازعاج وان عندة دوام وان واللة تعبانة من الحالة احس ان لى ثلاثين سنة متزوجة
حبيبتى وش فية تنصحينى:sad_1:

 

[خيالة الشرق]

وين ما يروح روحى وراة
والااحسن انك تحطين الصغير بغرفه لحاله وتحطين الجهاز حق الاطفال بحيث اذا صاح الطفل تروحين عندة وبكذا تنامين انت وزوجك في غرفتكم
طالبدايه صعبه بس قوى قلبك واتحملى المرمطه والله يسخرة لك

 

[عنقود عنب]

لا يا اختي لا تقبلين بهذا الوضع

المثل يقول بعيد عن المخدة بعيد عن الموده

لازم ترجعين لغرفتك ...يزعل شوي و بعدين يرضى

حاولي انك تنظمي نوم ابنك

لكن لا تتأخرين في العودة الى غرفتك مع زوجك

وربي يسعدكم

 

[جروح الغربة]

المشكلة رافض الحل بداعى انة صغير وصعبة يكون بروحه

 

[خياليه]

عندي الحل

اللي انتي فيه شي عادي :bigsmile:

انا مريت بنفس الحاله بس الموضوع يبي له صبر لأني ظليت فتره انا وياه على هالحال انا ماكلمته ولا قلت له ليش ماتنام معاي بس مره وحده وبعدين قلت له طييييييييييييييييييب على راحتك ياقلبي:icon28:



بقول لج شنو سويت انا مع زوجي

وماعاد يكرررها أبدا إلا في الظروف الصعبه

الطريقه :

ارتب الغرفه وابخرها وآخذ شور واتعطر واتبخر واحط جلوس واسشور شعري والبس ملابس النوم ومرات اتعمد البس شي جديد وخلي الاظاءه هااااادئه
وطبعا هو يجلس معانا شوي قبل مايروح ينام طبعا يشوفني وانا مسترخيه عالسرير وأقرا لي مجله او كتاب او مندمجه في أي مسلسل وبنتي جنبي تلعب وأتستمتع في قضاء وقتي معاها ولا كأنه هامني شي
مثل مايقولون be coool

وأنا أدري ان قلبه معاي وحتى لو كان عندنا فرصه وبنتي نايمه ماكنت أخليه يقربني إلا قليل
عشان يتأدب :a043:


وبينما انا مرتبه ومنظفه غرفتي كنت أخلي الغرفه اللي ينام فيها مو مرتبه ومو مريحه خخخخخ :a115:





وبعدين الله يسلمك يوم من الايام جاني قال وحشتيني .....الخ :c018:

وقال خلاص مارااح انام إلا جنبك


وسلامتك جربي هالطريقه وبشريني :c014:​

 

[جروح الغربة]

مشكورة حبيبتى خيالية انا كمان يقولى مشتاق لك بس يرجع وينام بروحة واللة احيانا افكر لية تزوج اصلا

 

[دونيا123]

الله يفك كربك ويريح بالك ويسعدك ويهديلك زوجك
اعتقدالاخوات كفوكي ومالقيت غير ادعيلك

 

[زهرة البوادي2006]

اختي دائما الزوج يحب يكون عنده اطفال لكن عند النوم ينسى اطفاله وهمه كيف ينام اختي حاولي انك تنظمي وقت نوم الولد وترجعي تنامي معه لان اذا استمريتي على هذه الحال راحه ياخذه عذر انه ما يستطيع النوم وان نومك بنفس الغرفة انتي والولد يزعجه لا تتركي له المجال وتعوديه على النوم بروحه والله يوفقك

 

[همسة حب 2]

مثل ما قالوا الخوات حاولي تنظمين نومة الولد ... وتدلعي وقوليله انك تستاحشين بروحك .. وتبينه بجنبك ... ولا تبتعدين عنه ... وخلية يتعود ..

 

[ضياء القمر]

جربي فكرة الاخت خيالية