ماحب زوجي ولاني قادره ساعدوني ماابيه

[كويتيه28]

بنات انا زوجي يموت فيني مو مقصر معاي ابداااا بس انا مو بالعته ابداااا وماني قادره احبه

قلت لاهلي قالولي باجر تندمين مايحترمونج الناس مطلقه مرتين زوجي عمره 38 سنه وانا 27 سنه

واحسه ابوي مادري ليش والله ماني قادره احبه صارلي شهرين ونص

زوجي خفيف حيل وحركاته ماتعجبني دفش ومادري شسوي والله تعبت عن جد خواااتي

مع اني شفته بالخطبه بس بعد الزواج غير شسوي والله محتاره حيل

واستخرت انا

وطرت فيه حيل يوم خطبني

والحين تحسفت لو ماخذه من عمري احسلي لو على عمره والله


ابي رايكم

 

[Miyo0osh]

اختي هونيها وتهون
ادعي الله يحببه لقلبك ان كان فيه خير لك ولا استخيري وداومي على الاستغفار
وبعدين الحب ما يجي على طول
طولي بالك اختي وتعوذي من الشيطان
وماعليك من كلام الناس اهم شئ انتي تكوني مرتاح
والله يكتب لك ما كان فيه خير وصالح

 

[فكر راقي]

عزيزتي اكثري من الاستغفار والدعاء والله يوفقك .

 

[سمراء وافتخر]

السلام عليكم
يا الغاليه لا تسسرعين خوفك باجر تندمين اول شي صلي صلاه الحاجه وادعي رب العالمين يحببك فيه ويسخره لج ويعدين اقري سوره البقره وانت شوفي شنو الشغلات المشتركه بينك واستغليها خلي بينكم حوار وطلعات وسوالف وشوفي شنوي الشغلات اللي تخليك ما تبلعينه وصلحيها وربك المستعان وما بلعتيه استخيري واستشيري اهلك وربك المستعان

 

[waimnnn5]

حبيبتي وسعي صدرك ترى الدينا ما تجي لك مره وحدة الحياة يبيلها صبر انتي بطريقتك تغيرينه كيف ما تبين حطي بالك لو انك ماخذه واحد سكير والا راعي حريم والا بخيل بالله ما تنغثين زيادة بالعكس مشكلتك مره بسيطة حليها بكل عقل وهدوء ما تدرين بكره لو تطلقتي منه وش بيجيك اكيد اردى منه
اختي لا تستعجلين جربي نفسك وشوفي لعل الله يهدي سرك

 

[كويتيه28]

رفععععععععععع

 

[رجاي الله]

ياقلبي انتي مو صغيره والوحده كل ماكبرت قلت فرصها بالحياه وهو توه بعز شابه احمدي ربك جاك واحد كويس وطيب وعمره زين ماجاك واحد متزوج وعنده درزن اطفال قولي الحمد لله

وبعدين حلو انه خفيف وحليل وش تبين تبين واحد يطلع عينك ليل نهار ومتقاسمته انتي ووحده ثانيه احمدي ربك يابنت تراك بنعمه لاتتبطررين

وصدقيني لو صار شرس معك وغثيث ويطلع عينك بتموتين فيه حتى وهو معذبك والله الحريم مايعجبهم العجب

 

[الحُرّه]

اختي معليش....


بس انتي مو صغيرة... انتي كبيرة

والفرق بينك وبين زوجك ماهو كثير؟؟؟؟

تتوقعين وانتي عمرك 27 سنه بيجي واحد عمره 29 يخطبك؟؟؟

اكيد لا يبي وحده صغيره...


خليك راضيه باللي رزقك الله فيه ...

ولاتزعلين

 

[نور الدنياء]

حرام عليك اش ذنبه هوه
طالما ماتبغينه ليش تزوجتيه من الاساس وطالما مو مصر تحمد ربك وخليك دايم مو مقصره زصدقين راح تحبينه مع الوقت وانت مو صغيره
وبكره لاقدر الله يجيك واحد يضربك او يهينك حافظي على زوجك هذا الزمن مافيه رجال الا بلاسم فقط
فكري وادعي الله انه يصبرك ويشرح صدرك ويحببك فيه يارب لاتظلمين الرجال

 

[غربة طموح]

السلام عليكم و رحمة الله وبركاته

اختي تعوذي من ابليس

استخيري و ادعي ان الله يفتح عليج

يمكن اللي فيج حالة نفسية تكون عادة بعد الزواج ....

اقري المعوذات كل يوم و شغلي شريط سورة البقرة فالبيت

توكلي على الله ....

والبنات الحين يتمنون الزواج يا اختي

 

[بالاحلام]

السلام عليكم
حبيبتي احمدي ربك على النعمة وأهم شيء انه يحبببببببببك
موضروري تحبينه دام يقوم بكامل واجباته خلاص ليش ما تحبينه!
اختي مثل ما قالوا هلك أنتي الخسرانة ادا تطلقتي ويمكن ماتحصلي واحد مومتزوج
حاولي تحبين زوجك وأسعديه دامه يحبك ولا تكرهينه فيك بعدين تندمين

 

[الفـ البعيد ـجر]

الله يفرج همك ويكتب لك مافيه الخير يارب

 

[um_noora]

ادعي له ولك بالهدايه
وان الله يجمه بينكم ع خير
ويوفقكم باذنه تعالى
اللهم آآآآآآآآمين

 

[الشمس المعتمه]

عليك بالدعاء وان الله يحببه لقلبج وتعوذي من ابليس ولا تناظريين السلبيات ناظري الايجابيات اللي فيه وانت توج اصبري وبتحبينه ان شاء الله الله يحببج له

 

[كويتيه28]

ان شالله يارب احبه ادعوووووووووووووووووولي

 

[رنودة**]

يا بنت الحلال احمدي ربك انت في نعمة

لا تزعلي مني انت مطلقة من قبل وفي هذا الزمن البنات مو لا قين رجال

يعني احمدي ربك على زوجك وحاولي تعدلي عيوبه

 

[نونومحمد]

شوفي حبيبتي ادري ان اغلب ردود البنات تقول استخيري والخ.. وادري انك تقولين في نفسك مو طايقته مااحبه والوحده اذا صارت ماتحب زوجها صعب حتى تعطيه حقوقه صح؟؟ شوفي حبيبتي يمكن تقولين مافي احد يحس فيني لان كل وحده ردت تحب زوجها مو حاسه باللي احس .. عاد تدرين اني مثل حالتك وأردى انا اذا جامعني استفرغ عذرا على الكلام مااحبه ولا اطيقه ولا احب ريحته كأني متوحمه ماتحمل منه كلمه ةاتعيجز حتى اخدمه بس تدرين وش سويت شغلت نفسي عنه صرت ادرس اقرأ اروح بيت اهلي وانام عندهم اعطيه حقوقه الزوجيه مرتين الى 3 مرات في الاسبوع وش بعد .. اروح السوق شغلت نفسي مو كل وحده متزوجه تحب زوجها بس مو كل مره رجال بعد وانتي كبيره مو صغيرع بنات في نهايه على 18 و19 مالقوا رجال ومهما كان عز المرأه زوجها على الاقل ماحد يتدخل فيك ولا ينكد عليك ومدامه يحبك خلاصصص على قوله المثل خذي اللي يبيك ولاتاخذين اللي تبينه وعاد مااعلمك مجتمعنا ونظرته لللمطلقه مايحتاج كاأنها مجرمه شوفي مهما كان زوجك هو اللي يعزك حتى لو مافيه خير وشلون وهو يحبك بقولك شي مادام هو يحبك انبسطي والله الحين مافي رجال كلهم دمار

 

[ريم البنفسج]

اذا هو جي مب عايبنج عيل لو يخونج ويمسيج بطراق ويصبح عليج بطراق شو بتقولين ؟؟!!

بعدين انتي ما صارلج الا شهرين ونص .. توكم يدد على بعض

عطي الريال فرصة .. كلنا فبداية زواجنا ما كان عايبنا الوضع اليديد الين تعودنا على ريايلنا

والحياه حلوة ترى .. بس يبغيلها وقت

 

[كيوت مامي]

حاولي تدورين على الصفات الحلوة اللي فيه وركزي عليها...والله يوفقج

 

[كويتيه28]

رفعععععععععععععععععععععععععععععععععععععع