مابي اعتذر بس مابيه يشيل بخاطره

[من قلبي]

صباح الخير غاليتي​

اشكرس على هالقسم الروعه لمناقشة قضايانا اللي ماتنتهي
انا الصراحه البارحه تعرضت لموقف لااحسد عليه وابي استشاره تفيدني اصلح خطأي بدون مااقدم اعتذار
زوجي كان يخوني وبعد ماصدته اعتذر مني وحلف انه كان غلطان ومعترف بخطأه وانه ندمان عاللي سواه وانه ماراح يعيدها لانه عرف قدري عنده ومايبي يخسرني بس انا للاسف موب قادره
انسى الصراحه ومسلسل خياناته كل يوم قدام عيوني وخصوصا انه اكثرهم كان يعرفهم عن طريق رسايل الجوال يعني حتى صوتهم ماسمعه ويسولف معاهم كأنه يعرفهم من سنين ويسكس معاهم بعد وكأنها قدامه
بس البارحه رجعت لي ذكرى الخيانه والتفت عليه
وقلت له تدري انك غبي
قال لي انا غبي قلت اي قال اوك مشكوره
قال طيب ليه
قلت له لانك تتعلق بوحده بالرسايل من اسلوبها بس ومسحبتك على وجهك بغض النظر عنها هي نفسها
وحسيت اني جرحته بس بنفس الوقت احس اني ارتحت واجد لأني بينت له غباءه
والسؤال هنا هل انا صح مع اني اعرف الجواب مع انه بعدها نمنا مع بعض وكأن حنا عرسان جداد وكان مرتاح جدا معاي ويحلف
لي انه لي انا وبس وانه ندمان على خياناته لي وابي تعلميني كيف اقدر انسى واطوفها له عشان مااتعب مع اني متغيره واجد
وصايره علاقتنا حلوه الا ممتازه من بعد مادخلت هالمنتدى وغيرت بنفسي واجد بس باقي هالنقطه ابي اتحكم بنفسي لما اتذكر الخيانه
ساعديني الله يرضى عليس ويوفقس​

 

[بحرينيه زقرتيه]

ياريت احد يرد عليها الان ابي اعرف الجووواب


وبالتوفيق

 

[من قلبي]

تسلمين اختي عالمرور بس شسالفه وينهي الاستشاريه ماردت علينا انا محتاجه استشارتها بسرعه
ياليت تردين علي يااستاذه ورد بسرعه

 

[mahaba]

الخيانة لاتنسى اخذيها قاعدة لان الخيانة جرح عميق وايذاء لمشاعر المراةوانا صارلي سنين طويلة احاول انسى ولكن يجي موقف يذكرني بكل شي من الالف الى الياء

 

[حواء في ارض ادم]

والله زين حلوو كلامج وقوي
ههههههه
زين سويتي فيه
علشان يعرف انج موب سهله وماترضين بالغلط

 

[د.ورد]

غاليتي لماذا تقلبين الام وجراح الماضي ..

أخطأ .. واعتذر وتاب عن خياناته ..

فهو في النهايه انسان .. وغير معصوم من الخطأ ..

الان انتي أخطأتي ولا تريدين الاعتذار لماذا ..

لا تتعاملي معه كأنه مذنب طوال الوقت عزيزتي .. ماذا تريدين منه بعد الاعتذار والتوبه حتى يبرر لكي انه لم يعد يخون ..

لا تذكريه بالماضي .. فلربما انتي تقلبين في افكاره اشياء استمتع بها ويقارنها الان بتصرفاتك اللاذعه معه ..فيرجع الى الماضي ويرجع الى الخيانه للتعويض ..

اعتذري عزيزتي .. فأنت أخطأت في حقه بكلمة غبي وهي لا تقال بين الزوج والزوجه

 

[اليوم حلو وبكرى]

حبيبتي انا والله اتمنى السعاده لكي ولكن لاتعتذرين خلاص انسو الموضوع وابدوا حياه جديده وحلوه واستمتعوا بكل لحظه انتم فيها مع بعض مره انتي اعزميه ع العشاء باي مطعم
وصلحي مره قهوه وحلى بالبيت عشان يصير فيه شي يجذبه للبيت غيري بطلتك وبطريقه اسلوبك بالكلام ودلعيه بكل الوسائل