لييييه بس سبب واحد

[ام المليحه]

السلام عليكم ورحمه الله وبركاته

كيفكم يا اخواتي اللي لم تلدهم امي :32: والله اني احبكم واحزن كثيييييير على بعض المشاكل اللي احس مالها حل الا عند رب العالمين لكن ما اقول الا الله يصلح حالنا وحالكم وحال المسلمين والمسلمات (قولوا امين)

معليش طولت عليكم بس مشكلتي باختصار زوجي شمالي متعصب وانا جنوبيه مره
يعني انا وياه عكس تماما حاولت افهمه واتعامل معه بكل الطرق الصحيحه والحمد لله احس اني عارفته بس شي واحد ماقدرت اقبله وهو البخل:sadwalk:

المهم هو مايحب اني امتلك اي فلوس ابدا الا اذا هو تحسن علي وطبعا من العيد للعيد

ويزعل مره اذا اهلي عطوني مره يصير بينفجر من الزعل ولما اشترك في جمعيه (طبعا بعد ترجي وتمهيد مدته 3شهور يواقف) بس لازم ياخذ منها

وهو بخيل معي وانا من عايله الحمد لله كريمه ماشاء الله بس يزعل اذا شاف معي فلوس

تعبت مره الحريم (خواته وسلفاتي) كلهم بفلوسهم في شنطهم يشترون اللي يبون وانا انتظر صدقات الناس عشان اشتري اللي اشتهييه تناقشنا كثييييييييييييييييييييييييييييييييير في الموضوع بس مافيه فايده لا بالحوار ولا بالزعل ولا بالقوه والله يابنات مافي طريقه ما جربتها بس ما فاد احس اني كارهته مره وانا والله مو انسانه مبذره ابدا بس احب يكون عندي لو 100 ريال في شنطتي لو في الشهر لاني احس اني شغاله عنده

والله اني تعبت مره نفسي انا اشتري لاولادي او اشتري لزوجي هديه بس ما اقدر

بس الله يعين عليه
تكفون عطوني تجاربكم كيف اخليه يعطيني وهو رافض فكره المصروف تماما :8:


معليش انا دخولي قليل لان ماعندي نت مستمر بس انشاء الله احصل ردودكم قريب لان الحين موجود النت لفتره محدوده

 

[غدا نلقى الآحبة]

عادي اختي العزيزة اكثر الرجال هكذا ,,زوجك يشعر بتفكيره انه يصرف عليك ويلبي طلباتك وقايم بواجباته معك ومكفيك .. فليش المصروف الي ماله داعي ..

برأيي لاتجعليها مشكلة بس قولي له باسلوب انت مكفيني ومو مقصر الله يعطيك العافية بس ماتدري شو بيصير اخاف احتاج واكون بموقف مضطرة ومايكون معي ..

والزمي الاستغفار يرزقك ربك من حيث لاتحتسبي ..

 

[Sقلبي كبيرS]

اذا اهلك اودك فلوس لايدري عنها مو لازم تقوليله اكثر الرجال يزعلوا يقول انا مو منقص عليك

 

[غدا نلقى الآحبة]

وشي ثاني لاتحسسيه بالاهانة بأنك تاخذي من اهلك ,,ممكن تقولي له انا احتجت ومااخذت من احد لان عندي زوجي حبيبي الي مسؤول عني ..

ونقطة مهمة ذكرتي ان اخواته وسلفاتك بشنطتهم فلوس ,, فنصيحة لاتنظري لغيرك بتتعبي ..

انا مثلك جنوبية وزوجي شمالي كان يعطيني مصروف والان لا ولكن لم اجعل منها مشكلة لانه مكفيني متطلباتي لذلك هو يعرف اني لااطلب مصروف منه الا اذا كنت محتاجة بالفعل فهو يعطيني اذا احتجت ..

اظن ان زوجك يعرف انك غير محتاجة للمصروف وانما تطلبين مثل فلانة وغيرها .. لذلك يمنعه عنك ..

 

[قل قسم]

ماعليك منه صراحه بخيل يعني بالله 100 ريال وش تجيب هذي تشترين فيها حلاو من البقاله

تفاهمي معه اذا هو مو فقير وباخل عليك وعلى عياله اوكي اذا مو معه لا تضغطين عليه بس معه ومايعطيك مشكله هذي

فحاولي تتفاهمين معه ولاتاخذين من الناس مدامك على ذمته ملزوم يعطيك الي تبينه بحدود

انصدمت انا لما قلتي ميه استفزتني الكلمه صراحه

الله يسهل امورك اختي

 

[خوخة خجولة]

الله يعينك والله ع البخل لانه داء ليس له دواء الا ما رحم ربي...........

 

[واثقة]

لا تطلبي منه مصروف

ربما يحسه التزام ثقيل عليه

لكن إذا أردتي الذهاب لمكان يغلب على ظنك أنك ستحتاجين فيه مال

اطلبي مبلغ بسيط في البدايه

مثلا قولي

عطنا الله يخليك عشرين ريال افرح فيها العيال يمكن ... واذكري سبب الطلب

المره اللي بعدها زيدي المبلغ

بالتدريج

وكل مره اشكريه والله يكثر خيرك وكلام لطيف

اذا رأيتيه ابتدأ يتقبل الفكره .. من أول موقف يحصل وأنتي بدون مال قولي اليوم انحرجت من أهلك كانو بيطلبون من المطعم والبوك فاضي


فكري كيف تغيرين قناعاته بهدوء

لا تأتين بالصعب من البدايه

بل بالتدريج حتى تصلي لما تريدين..
​

 

[ام المليحه]

انتوا يمكن فهمتوني غلط اني حاطه لهذا الموضوع مشكله اكبر من حجمها لا والله او انها منكده حياتي


لا بالعكس بس والله يابنات جيت بكل الاساليب لان بعض الاحيان يصير قطات انا انحرج ما ادفع او اشتهي شي وما يكون عندي ولما اقوله والله ياقلبي اليوم انحرجت قطوا البنات كلهم الا انا يقول مو لازم
كلام فاضي وخلاص اسكت بس تعود على هذا الاسلوب

وان انسانه ما احب المشاكل ابدا ابدا وهو عصبي بدرجه فضيعه حتى اني من زمااااان معد اطلبه لاني كرهت المضوع تماما حتى نقاش خلاص مابينا بس قلت يمكن عندكم طريقه جديده

وعلى فكره هو انسان مقتدر بس الله يعين شكلكم فهمتونيغلط اني مخليه هذي المشكله منكده حياتي
لا والله عندي اللي اكبر منها بس قلت حابه تعطوني نصايح
على العموم انا اشكر كل وحده ردت علي لان هذا يدل على رقيها وتعاملها الحلو والمثقف مع عضوات هذا المنتدى الراىع .