ليه يسوووي فيني كذا شسووووي ,,

ت

تعبت ياربي

New member
إنضم
2011/06/03
المشاركات
11
السلام عليكم :5:..,,
بنات الله يخليكم ساعدوني وربي دموعي ماوقفت ...
اليوم خطيبي كل شوي يقولي نامي كنا نتراسل قلت له اوكي انا ماابي انام انت نام قال لاخلاص بشوف التلفزيون قلت له اهم تستانس <<هو كذا يقول لانه يعرف غيرتي
شوي ارسل انه فلم مره خطير قلت له بتابعه انا بعد واحنا ماعندنا تلفزيون الا فوق عند اخواني ومافيني اطلع وقلت له اني بديت اشوفه ارسل شفتي هذي وقال اسمها تو وضح منها كل شي
انا انهررررررررت احس حطمممني ليه يسوي فيني كذا وهو يدري اني اغااار ااااه مقهوووره ومارديت بعدين ارسل نمتي مارديت ولا ارسل شي وعنده اختبار بكره وش اسوي وشلووون اتصرف وانا والله حتى نوم مو قااادره انام احس كرهته ليييييييييه يسوي فيني كذا...
انتظر ردودكم:25:ودعواتكم لي احس نفسيتي مررره تعبانه ومو عارفه وش اسوي ...​
 
شـــوفي حبيبتي هي وحده من أثنين :

يا أن زوجك يقولك هذا الكلام ( ليرى غيرتك ويفرح ...لكي يحس

بغلاتــه عندك ....وهذه تصرّفات أغلب الرّجال ...

أو أنّ خطيبك ( انسان عفـــوي وتلقائــــي ) ومايراه يقـــوله ..

ففــي كلتا الحاتين :

كــــوني واثقه من نفسك كلّ الثّقــه ولا تهتمّـــي ولا تحزنــي

بل ( تقــبّلي المــوقف بسعة صدر ووناسه ...وبادلـــيه الرّأي

ولكن قـــولي له ( لا يكثـــر هههه ) يعنــي خذيها بوناسه وضحك

ربّــي يوفقكم ويجمع بكم على خير ..
 
بس يباا يقهرج سوي طاف للمموضوع واذا مدح او وصف وحده ثانيه قول هي والله حلو البنت وبيسكت ولا بيعيدها خذي الحياه مزح بعدج ع الهم
 
تشكرات //وربي بالعكس هو دايم يقول خففي من غيرتك ,,,
اما عفوي احس بعيييييده عنه..
بس والله انقهرررت طيب هويدري بغيرتي ليه يقول كذا ولو مررتها بيعيدها ثاني افكر ابين له زعلي,,\
\وانا اغاااااااااار وشلون اتقبلها بصدر رحب يقول وضح كل شي والله بكيت الى ماقلت امين..
 
شوفي حبيبتي

لا تبينين له غيرتك سوي نفسك بااااااردة وواثقة من نفسك

عطيـــــــــــــــــــه اكبر طااااااف
 
هههههه حبيبتي خليكي واثقة من نفسك واذا قال هاذي حلوة قليلها انا احلها منها وربي يوفقك دعوتك لي ولزوجي 
 
ربي يوفقك بحياتك ..
صدقيني هم الرجال كذا واغلبهم على نفس شاكلة زوجك
والافضل تقولين له ..ما اسمح لك تجرحني وتثير غيرتي ..مهما كان انا زوجتك ولي عليك حق ..
والواجب دام ان الله سبحانه اعفك بالحلال انك تغض البصر وهذا هو برهان حبك لي ..

نعلبوا بليسهم لو انعكست الايه ومدحتي رجل غريب او اعجبتي بوسامته او شخصيته قوم الدنيا وما قعدها ولا يسمح
وبيزعل اضعاف اضعاف ومو بعيده يهجرك فتره من الزمن الين تجيه صاغره ومعتذره
فكيف يرضونها على انفسهم ..
اعرف وحده يناديها زوجها وهي في المطبخ او نايمه او من عند ضيوفها عشان يوريها الجميلات ..
في الشاشه او بجواله ..
و وحست بلقهر ..وفي يوم نادته وقالتله يازين هالشخص احس اني معجبه باسلوبه وشخصيته ..
والله بعدها تأدب

ان قالك فلانه حلوه قوليله الجمال مو بس بالحريم حتى في الرجال وزوجة العزيز افتتنت بيوسف عليه السلام ..
وانا من النساء يعني ممكن لكن اغض بصري خوفا من الله اولا ثم احترام لشخصك ..و
ياليت تكون مثلي ويكون بيننا احترام متبادل .
 
ما دام قال خففي من غيرتك هدي شوي ياما بيوت انهدمت بسسبب الغيره واذا قال حلوه يعنى وصل لها ولا با سها خير يا طير راي وخليه يبدي رايه وعيشى حياتك لاتنكدين على عمرك وتنكدين عليه وينفر منك انا غيوره ما تتخيلين بس صرت امسك نفسي واعد لين العشره قبل لا اعلق والله ,,ترتا حين وتخف ضيقات الصدر اللي تعيشينها الدنيا حلوهانبسطي
 
يا اختي هيه بنت وفي التلفزيون يعني لا شافها راح يكون شايف جمال صناعي لانها تلقينها عامله تجميل لحد ماتغيرت خلقتها يعني انتي خلي عقلك اكبر من عقله ولا تغارين من وحدة بالتلفزيون
 
ايمومي ودلع.. ربي يسعدكم ويفرج همكم,,,\

استثنائيه ..امين يارب وياك ,, وربي انك صادقه اذكر مره بس قلت له شفت صور عاديه لممثل صلح لي سالفه وزعل موب وحده !!!وربي قهرني!!
وربي يسعدك ..
هلا ,,بس هو يدري اني مره اغار ليه يتعمد يثير غيرتي !! لو انا قلت له كذا وش بيسوي فيني!! ولو قال حلوه بمشيها بس هو يقول واضحه كلها وربي متتتت قهر حتى لو مافيها نقطة جمال بغار من كذا ,,وربي يسعدك

نحمده ونشكره ,,بس استفزني بحركته وربي ..ربي يسعدك
 
بنات تكفون الحين شسوي ارسل له هو اختباره بكره وانا بعد رسالته ذيك ماارسلت له شي وابين له زعلي او اعلق ع الموضوع ولا لا ؟؟؟
 
لا يالغاليه لاترسلين له ولا شئ ..بعد الاختبار اتصلي علي وتطمني عليه وشجعيه ..
وكوني رااااقيه في تعاملك معه لتملكيه ولترتفعي به عن حركات المراهقين والمراهقات ..
غاليتي المرأه الواثقه من نفسها لاتغااار ..لسببين الاول انها ترى نفسها الاجمل والافضل والامثل ..
ثانيا لان من تغار عليه مجرد رجل ..فالرجل كمخلوق غريب عجيب يفكر بنفسه طوااال الوقت ..
يحب نفسه فوق الوصف ..لايعرف معنى التعب والمعاناه المتمثله في الحمل والولاده والتربيه
بل ويكره المرأه المريضه ويمل منها ويستبدلها باخرى تسعده ..
الرجل مخلوق لا يعرف الوفاء ماان تموت زوجته حتى يتزوج بعدها بفترة قصيره
باحثا عن ام لاولاده وامرأة لفراشه ..هكذا جبلته ..
لايقدر ان يربي ابناءه عشرات السنوات بلا شريك مثل ماتفعل النساء ..
فكري مليا ..لماذا تغارين؟..بسبب الحب ؟ فلتحبيه ولكن لاتحبيه اكثر من نفسك ..
لانه وقتها سيسرق نفسك منك وستفقدينها ..اذن لماذا تغارين ..تحبين التملك ؟؟
لن تملكين الرجل مهما فعلتي لانه يحب نفسه اكثر من حبه لك ..
سيفضل اهله عليك ويطالبك بالقيام بواجباتك نحوهم ..
سيحب اصدقاءه اكثر منك ولن يقطع تواصله او سهره معهم لاجلك ..
اتعلمين لماذا لانه لايريد ان يفقد نفسه من اجلك ..
وليس المقصود هنا خطيبك فقط بل كل الرجال على نفس الشاكله ..
توقفي تماما عن ابدأ غيرتك له ومع الوقت ستخف وتنتهي ..
حتى ولو استفزك ليرى مدى حبك له ..عبري عن حبك بطرق اخرى لاتمرضك نفسيا ..
اياك تمتدحي رجل اخر امامه فتفكيره لن يكون ابدا ببراءة تفكيرك ..
كل الرجال هكذا ..يسيئون الظن ويتذكرون قصص الخيانه التي يسمعونها ويرونها احيانا بأعينهم ..
اجعلي من كل يوم قصه سعيده تجمعك بخطيبك وتجنبي المشاكل ومايجر اليها
فالنتيجه تعب والم وحسره وغالبا الانثى تتجرع النصيب الاكبر منها ...موفقه ياصغيرتي
 
بقولك شي حبيبتي بس لاتزعلين احسك مكبره الموضوع راس مالها كلمه وياما قدامك بالحياه وياما راح تشوفي لذا خوذي الامر ببساطه لانك انتي اللي راح تتعبين الحياه يبغى لها صبر وطوله بال ولو يدري هالمسكين بحالتك كان قال ياكلمه ارجعي مكانك..حبيبتي هدي قدامك مشواااااااااار طوييييييييييل مع الرجل والا ماراح يتعب الاانتي ياقلبي
اتمنى لك الهدوء والسكينه وراحة البال
 
أنصحك لايبان عليك الغيره لانك راح تتعبين بعد الزواج راح يستفزك ويحرك غيرتك
ويعتبرها نقطه ضعفك الله يهديك ويعينك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل