ليش كلا تقولون حسبيا الله على بنات الحرام

[دعسوقة123]

السلام عليكم

انا فتحت هالموضوع ابا اعرف رايكم ليش كل البنات من زوجها يتعرف على اي وحدة ويخونها تدعي عالبنت ماتدعي على زوجها مع انه هو الغلطان في الغالب ويركض ورا البنات ويبى البنات طبعا اكيد فيه فئه من البنات خرابات بيوت بس منو الي يرقض ورا الثاني ولو البنت الي تركض ورا الريال هو ليش ماتمسك في دينه وزرجته وعفته وانا اجوف واايد بنات يدعون دعاوي مب طبيعيه على البنت وجنه زوجها البراءة تطلع من عيونه وكلا قاصين عليه
للعلم فقط : انا متزوجه ولست مع البنات لي تتعرف من التلفون بس وايد كانو بنات يتصلون عتلفون ريلي وينصدمون لما يعرفون ان انا زوجته وهو كلا يقول لهم انا مو متزوج والله يتاسفون مني ومايردون ادقون وطبعا في البعض لا عينها قويه وتباه بس الغلط في النهايه من منو؟

الزوج صح ولا انا غلطانه ؟

 

[بهلولة]

معذورة الزوجة يوم انها تتحسب
من القهر والظيم
يااختي الريال ما ينجرف ورا هالبنات الا من المياعة والمياصة اللي يشوفها
والله مرات يوم اسير المول ويا ريلي دمي يفووور من المناظر
شي فظيع وضحك بصوت عالي ودلع ومكياج على الاخر والبنطلونات الضيقة تحت العبي المفتوحة
وين ما تبين الريال يتخبل
انا ما اقول غير الله يهديهم
وهاييل ما بيعقلون الا يوم يعرسون ويستوي عندهم رياييل
وعقب بيعرفون حرقة الدم اللي نعيشها احنا المتزوجات

 

[دعسوقة123]

معذورة الزوجة يوم انها تتحسب
من القهر والظيم
يااختي الريال ما ينجرف ورا هالبنات الا من المياعة والمياصة اللي يشوفها
والله مرات يوم اسير المول ويا ريلي دمي يفووور من المناظر
شي فظيع وضحك بصوت عالي ودلع ومكياج على الاخر والبنطلونات الضيقة تحت العبي المفتوحة
وين ما تبين الريال يتخبل
انا ما اقول غير الله يهديهم
وهاييل ما بيعقلون الا يوم يعرسون ويستوي عندهم رياييل
وعقب بيعرفون حرقة الدم اللي نعيشها احنا المتزوجات

الله يوفقج يارب

 

[زوجه متألقه]

الرجال لو ماحصل هانوعيه من البنات قدام عينه ماراح يدورها...

 

[ريم الغلاااا]

صح انا وياج بكل كلمه قلتيها


شي حريم يدعون ع البنات وينسون ريايلهم ماعنهم 100
%100 الريال هو الغلطان يعني عسب ريلها غالي عليها تروح تدعي ع بنت ناس


يا اختي كلهم مشتركين ف جريمه وحده


شي بنات هب مال مولات وخرابيطه قاعدين بيوتهم مستورين يروحون ريايل يتصلون ع بنات الناس ياذونهم اذيه يقولون نحن ندور ع بنت الحلال كله جذب بالجذب يطلع بنهايه واحد متزوج والبنت ماتدري

تصدق كلامه وعيشها باوهام وخرابيط مالها داعي


اصلا البنت غلطانه يوم تصدق ريال ياماما خليج بيتج مستوره وبيج ولد الحلال ليش مستعيله ع رزقج




الله يهديهن يارب




الحمدالله انا مخطوبه واحب ريلي عسب لاتقولون انها ادافع عن البنات هي منهن بس انا ادافع عن الحق



كلمة الحق مايزعل منها لانه شي بنات يكونون برئيات مالهن خص بهاي سوالف تكون ضحية وشي بنات يكونون بلاوي هن يركضن ويا ريايل


يعني هب كل بنات نفس شي الله يستر عليهن ويستر ع جميع المسلمين



بدال ماتدعون عليهن ادعولهن بالهدايه

 

[الورد والياسمين]

وربي يستاهلون ادري ان الزوج غلطان لكن هم السبب

 

[عآشقة زوجهآ]

المفروض الوحدة ماتدعي لاعلى زوجهآ ولآ على البنت وتدعيلهم كلهم بالهدايه

بس يا اختي المرأه دائما هي سبب الفتنه ووالله فيه بنات مايهمهم متزوج ولا لا

والرجال لو مالقى بنات الحرام ما انحرف احيانا زوجته تكون في ظروف صحية تمنعها انها تكون مثل اللي يبي ولمن يطلع ويشوف برى هالبنات من الطبيعي بينحرررررف

ما اقول بس الا الله يهدي كل بنت يارب ويرزق كل بنت بالزوج الصالح اللي يعفها عن الحرام ووالله يخلي كل زوج لمرته ويهنيهم والله يهدي كل رجال يخون زوجته وجعله يشوف زوجته اجمل نساء العالم يارب

 

[دلوعة مجودي]

الله يهدي الجميع يارب ويوفق كل بنات وحريم وعجايز وشباب وشياب ويسعدهم ياااااااااارب

 

[دلوعة عمرو]

كلامك صح دعسوقه دفيت لسانك اصلا الغلط 100% على الرجال لو ما اعطى البنت وجه كان ما تمادت صح؟

والغلط الكبير ان الزوجه اذا اكتشف ان زوجها يخونها تاخذه باللين ولا تدعي عليه صح؟​

 

[ام معصب]

الرجال ربي فطرهم كذا
الرجل ينجذب بسرعه للبنت بعكس البنت ماتنجذب بسرعه للرجال
لو البنات ماتزينوا ولا تميعوا قدام الرجال كان محد ناظرهم وانفتن فيهم
انا ما اقول الرجال ماغلطوا بس بعد البنت غلطها اكبر
بعض الرجال مايقدر يمسك نفسه
ولا ليش ربي امر الحريم بالحجاب عشان الفتنه

 

[بااااتي]

ههههههههههههههههه

والله يابنااااااااااات لاحد يسمعكم
الحين شابك مع نص بناااات خلق الله ودعيله بلهدايه وشلون تجي ههههه
وبعدين نصف المنتداء يشتكون من رجالهم يعني
هم متبيلن على البنااااات مستحيل
بس والله مقدر انا كل قصه اقرها في المنتداء ارفع يدي وادعيل له ان الل ينتقم منه
طبعا مو اي قصه القصه الي تحرق القلب
بس تدرين بحاول اعود نفسي ادعي للي يغلط في حقي بالهدايه
بس يابنااات والله من القهر يطلع كل هالحكي
الله يصلح الحااااااااااااال لنا ولكم

 

[بيرق امل]

والله انا اشوف فيه بعض البنات ماتعرف الحياء ولا الخوف من الله تتكلم مع الرجال وتتميع عاااااااادي

انا ما اقول ذا الكلام من فراااااااغ كثير يتصلون على زوجي ويتدلعن ويتغنجن تبي تتعرف ولما يصرفها او يهاوشها ويسكر الخط ترجع تتصل مره ثاني والله قلةادب..وطبعا الرجال ما ينظمنون يصرف قدامك ويكلمها
من وراك مدامه لقا له وحده من غير مايدورها هي الي تدوره..وبعض البنات الله يهديهم فيهم عقد ويطلعونه
بخراب البيوت عموما ماقول الا الله يهديهن ويسترهن بالدنيا والاخره ويحفظ ازواجنا ويبعدنا وياهم عن الحرام وما يغضب الله..​

 

[وردة الغرام]

هلا الغاليه بس في هالزمان والله البنت هي الي تركض ورى الرجال وصدقيني الرجال لما يشوف البنت تراسله وتتصل فيه شي اكيد بيكمل معاها كتسليه

 

[لمعةالماس]

لانهالوهي نظيفة ماكلمت واستجابت والرجال مايعيبه الي يعيب البنت:30::30:

 

[عقل وقلب وروح]

الله سبحانه وتعالى وجه خطاب للحريم وكلمة حرمه من حرام على الرجل لذلك قال ربنا

وقرن في بيوتكن ولا تبرجن تبرج الجاهلية الأولى المرأه فتنه مجرد خروجها من بيتها لتقضي

حاجتها وحاجة أطفالها فهي فتنه حتى ترجع يسشرفها الشيطان حتى ترجع بيتها سالمه

لذلك الله كرم المرأه بقوله وقرن في بيوتكن أما اللي نشوفه بالمولات فهو عكس القول تماما

وكأنهم يعاندون قول الله اذا من المتسبب الأول في هذه المشكله ؟؟؟؟؟؟؟؟؟؟؟؟؟:30:​

 

[الشتاء الدافئ]

النساء حبائل الشيطان

 

[umm yusuf]

شي بنات هب مال مولات وخرابيطه قاعدين بيوتهم مستورين يروحون ريايل يتصلون ع بنات الناس ياذونهم اذيه يقولون نحن ندور ع بنت الحلال كله جذب بالجذب يطلع بنهايه واحد متزوج والبنت ماتدري

تصدق كلامه وعيشها باوهام وخرابيط مالها داعي

صح كلامك وانا معك في بنات ناس وعائلات محترمه بس مثل مايقولوا الزن على الودان امر من السحر
وتلاقيه يجرها باحلام ورديه وهي المسكينه خبله ماتدري انه متزوج وعنده عيال برقبته
المفروض الوحده تكون منصفه حتى وهي قهرانه وتعرف ان زوجها لو كان شاريها وشاري بيته وعياله مابتأثر فيه بنات الحرام
الله يهديهم اجمعين

 

[الصبوره]

كلامك صحيح وأنا من النوع اللي إذا زوجي غلط أنظر للموضوع بموضوعية من البادئ فإذا هو أقول زوجي الغلطان وإذا البنت هي اللي بدت وزوجي سايرها أقول هم الإثنين غلطانين لأنه ما كان المفروض يطاوعها لو هو فعلا محترم نفسه.

 

[كاتياباسل]

أنا أشوف أنو الأفضل ندعي لهم باالهدايه بدل الدعوات اللي تخرع>> أمكن دعوتك تستجاب ويهديهم الله بسبب هالدعوة وتكسبين أجرهم

بس ماألو م الزوجات لمن يشوفون الخيانه والله مسكينااااااااات معذورات
الحريم يغارون ع أزواجهم
ومافيه وحده ترضى تشوف البنات يسروقون زوجها ،،،وراحتها،،،وأستقرارها
وبما أنها ضعيفه مابيدها لاحول ولا قوة تتجه لربها سبحانه لينتصر لها
***********************************
بس أنا معاك الزوج مشارك بالغلط

لــــــــــــــــــــــكن :
البنات صايرين يشبون بالكبد:icon28::icon28::icon28:
والله البارح بالمول(وطبعا زوجي مو معاي)
بس والله لو تشوفون لبس البنات،،،،ومياعتهم
ياربييييييييييه
شي فضيع:33:
كنهم مو بسوق
العبايات كتف،،،وضييييييييييقه،،،والوجه ماباقي غير الأفم بس
والعدســـــــــــات،،،،والله ثم والله شوف عيني
العبايه إلى الركبه بسسسس الباقي مفتوح
ولابسه برمودا،،،،،والسيقان تلق ،،،،
شــــــــــــــــي صراحه!!!!!!!!
كيف ماتبون الرجال ينفتنون؟؟؟؟؟؟؟؟
وأحنا الحريم مبهورات بالأجسام وأنواع العبايات بكل شكل ولون
وكأن السوق صاله لعرض الأزياء
(حمدت رب أنو زوجي مجال عمله بعيد عن السوق تماما)(ولايحب ينزل السوق خير شر)

 

[مذكرات طفله]

لأن البنااات هم من يركض وراء الرجااال
والفتنه هي المراءه الرسول حذر منهن هي من تسعى وتتميع
وتسوي نفسها أبو الرومانسيه عشان تطيحه بشباااكهااا
حسبي الله عليهم خرباات البيوت الله يكفيني وزوجي والمسلماات منهن
اللهم من أرادني أنا وزوجي بسوء أو كيدا من شياطين الجن والأنس اللهم فرد كيده في نحره
اللهم وأجعل تدبيره تدميره بقدرة يااقادر يااكريم اللهم عليك بهم يااارب