مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

ليش كذا

إنضم
17 أبريل 2009
المشاركات
283
السلام عليكم
خواتي وش اسوي بزوجي اذا كشخت اخر كشخه يقول بروح لمي :8::8:
واذا جلست بكشتي وحالتي حاله:30:جلس في البت والله ميب حااااله وش اسوي
نفسين مندمره يعني اجلس بقرفي ووساختي وريحتي مطبخ والله حاله تخيلوا رحت طلبت من البقاله شكلاته وقهوه وتمر قال يالله بشرب معك قال ليش معبيه الزمزميه قهوه يالله باخذها لمي شربت معه واخذ الزمزميه وطلع الحين وش اسوي بكشختي مالة عليه والي يكشخله :8::8::8::8::8::8::8::8:
 

رندا كووول

~◦ღ( حكيمة الإستشارات الزوجية )ღ◦
إنضم
31 مارس 2011
المشاركات
3,260
خليك كاشخه ف كل وقت .موجود او غير موجود عشان نفسك مو علشانه
روحي معه زوري امه وتقهوي معاهم
موووفقه
 

الجده الصغيره

~◦ღ( حكيمة الإستشارات الزوجية )ღ◦
إنضم
10 مارس 2010
المشاركات
3,729
التطيب والتزين لك انت مو بس لزوجك.........الوحده اذا صارت نظيفه وكاشخه تكون مرتاحه نفسيا......اذا جا حياه الله عين فراش وعين غطا وان رااح بسلامته .......لاتضيقين صدرك وهو ماادرى عنك...
 
إنضم
3 أغسطس 2011
المشاركات
528
طيب لو راح لأمه روحي معاه وخليك دامآ كاشخه على طووووووووول وفي يوم من الأيام لا تكشخين
وشوفي كيف تكون ردة فعله صدقيني هو عارف أنك تكشخين له بس ما يعلق أبدآ مثل زوجي سويت معاه نفس الحركه
وفي اليوم اللي ما كشخت فيه قال أشفيك تعبانه
يعني هذي طبيعة بعض الرجال وما نقدر نغيرها إلا بالحيل ...
 

رندا كووول

~◦ღ( حكيمة الإستشارات الزوجية )ღ◦
إنضم
31 مارس 2011
المشاركات
3,260
وش رايكم ارسل له رالسه اقوله الحين شايفني كاشخه وتطلع وتتركني
لا طبعا لاترسلين يشوفك ميته عليه ويطنشك اكثر .
اثقلي خلاص يعني لازم تحسسيه انك كاشخه عشانه .طيب هو يدري وشافك وراح.
وخليك كاشخه وهو يرجع براحته ..
 
إنضم
26 أغسطس 2010
المشاركات
1,345
التزين لك وحدك وزوجك يظهر حقود
يحب يكثر فيك روح الانثى اهتمى بنفسك
اكثر وكونى واثقة من نفسك قوية
 

منااااير99

New member
إنضم
3 يوليو 2011
المشاركات
252
بغض النظر عن تصرفات زوجك
انتي البسي لنفسك مو لغيرك
انا كنت البس واذا سويت شي كان عشان زوجي كنت امل بسرعه وكنت انتظر الحين لاااااااااا
البس اكشخ واتعطر وكأن عندي ضيوف ولا علي منه والله انه مرات ما يدري عني حيه والا ميته ومرات ما اشوفه الا اليوم الثاني
بس بكيفه نفسي مهمه عندي تصدقين اني استمريت لانه هالشي لنفسي مو لغيري
عطي نفسك حقها عشان يعطيك اللي تبيه
الله يصلح الاحوال يا رب
 

سمسم كيوت

New member
إنضم
9 سبتمبر 2011
المشاركات
323
دعاء الكرب


لا إله إلا الله العظيم الحليم ، لا إله إلا الله رب العرش العظيم ، لا إله إلا الله رب السموات و رب العرش الكريم ". ( متفق عليه ) قال صلى الله عليه وسلم دعاء المكروب :" اللهم رحمتك أرجو فلا تكلني إلى نفسي طرفة عين ِ و أصلح لي شأني كله لا إله إلا أنت ". " الله ، الله ربي لاأشرك به شيئا

 

رياميس

New member
إنضم
4 يناير 2010
المشاركات
199
لو ارسلتي هالرسالة
بتطيحين من عينه
ليش هو موشايفك تكشخين عشان يجلس
المفروض انه مو غريب عليك التزين يعني عادي اذاطلع
ترا ماتعصب الا اللي ماتتسبح الا بالعيد فتتضايق اذا ماقدر كشختها اما اللي متعودة عالنظافه والزين مايهمها
 
أعلى