ليش الريال يلعب بذيله

[ام وضــاح]

السلام عليكم
بدخل في صلب الموضوع لقيت اليوم في تلفون زوجي الله يهديه صورة بنت واخذ التلفون من ايدي بسرعة يعني مالحقت ادور وانقهرت وبكيت اكيد مش قدامه وبعدها ع طول طلعنا السوق وهو قاعد يكلمني ولا كأن شي صار بس انا ماعطيته ويه وجاه اتصال يابنات وينقص صوته ويتكلم مع صاحب الاتصال بالرموز وانا بحلف انه يكلم بنت الله يخليكم قولو لي شو أسوي معاه قاهرني وهو ماعنده خبر وع فكرة لما سألته شو جاب صورة البنات في موبايلك يقولي يعني لازم اسوي رمز سري للموبايل

 

[تؤام روحي وقلبي]

نصيحه اتركي عالموضوع وعيشي حياتك

 

[ندى الفجررر]

لا تتسرعي ولا تضايقي نفسك يمكن هذه واحد من اصحابه راسله له او شي معهم موضوع عنها
نصيحتي راقبيه فتره بدون مايحس وبعده كلميه وقوليله اذا شفتني آخذ جوالك لا تمنعني مابي تجيني وساويس:24:

 

[المضطرة]

حسبي الله عليهم الرياجيل ليش هم كذا
عادي يكلمون وحنا اذا شافو من غلط ما يرحمونا
قولي له ترى انا زوجك واذا كلمت بنات يمكن انا بعد يجي احد ويكلمني من وراك

 

[ام وضــاح]

جزاكن الله الف خير بس هو ماعنده خبر يعني مطنش ... ماأقول غير حسبي الله ونعم الوكيل

 

[ام حماده السكر]

اهلين اختي بصراحه لو اني مكانك اناقشه في وقت يكون مناسب ومستحيل اطنش الموضوع هذا زوجي حلالي ومن حقي بل ومن ابسط حقوقي اني احافظ عليه وانا اولى من البنت الي يكلمها انا استغرب من البنات الي يقولون طنشي وما عليك انتم ترضون ازواجكم يخونون وانتم تتفرجون وتسكتون لا حبيبتي والله ما اسكتله نصيحه مني ياعسل ناقشيه ولاتخلينه يروح من يدك بعدين تقولي زوجي خانني والله انا اعتبرك مثل اختي عشان كيذا انفعلت شوي والله يسخرلك زوجك ان شالله

 

[ام وضــاح]

مشكرة اختي وكلامك عين الحق

 

[كالفورنيا]

لازم يكون لك وقفه لا تهملين الموضوع بس بعقل وحكمه
إذا سكتي ومررتيها يمكن يستمر أكثر واكثر
الله يهديه لك

 

[زين المزايا]

لو كان المتصل بنت ماكان بيرد عليها
قدامج اكيد بس يمكن واحد من ربعه
بينهم موضوع ومب حاب انج تعرفيه
تعرفي الرياييل ما يحبون احد يطلع
على اسرارهم ,, ولاضايقي عمرج
كلهم عندهم هالسوالف بس احنا
ما مفيسينهم بسبب صدعة الراس
اذا فاتحناهم ف خصوصياتهم ما عيبهم
وقلبو الموضوع ضدج عسب جي لا
تابعيه من وراه خليه اروحه مع الوقت والدعاء
بينهدي للصراط المستقيم وبعدين هالزمن
بنات الحراااااااااااام واااايد وما مخليات لا شاب ولا شايب
الله لا يوفقهن وجزاهن على الله