ليس لدي مشكله بل مشاكل معقده

[bent-uae]

السلام عليكم ورحمته الله وبركاته...

اولا اشكر اختي ضاع الوفا ..لانها هي من شجعتني ان اكتب مشكلتي في المنتدى..
انا عمري 25 سنه ومتزوجه من شاب بنفس عمري.. انا متعلمه والحمدلله وزوجي كذلك..ولدي منه طفلاان..وحامل ..
ومتزوجه منه من 5 سنوات وساكنه مع اهله ..وانا زوجه الولد الوحيده ..زوجي اكبر
الاولاد ..
ما اعرف كيف ابدا بطرح مشكلتي ...لانه ليس لدي مشكله بل مشاكل معقده في وجهة
نظري..
اول ما تزوجت من زوجي لم تصادفني اي مشاكل سواء من اخته الصغرى..كانت في عمر 13
او 14 سنه..
ولكنهاا كانت تصرفاتها كا من تعدت 30 من العمر..واكنت في البدايه اطش تصرفاتها
واسلوبهاا المستفز معي وحتى امام اهلها كانت تغلط علي ببعض الكلمات..ولكن للاسف
كانوا الاهل يسكتون عنهاا..وانا كذلك سكت عن حقي في الدفااع عن نفسي..
ام زوجي صغيره في السن وتخااف الله وكذلك والد زوجي..والله يشهد كانوا يعاملوني
معامله وكانني ابنتهم..ولكن ام زوجي لاتسمع الا من ابنتها وتقتنع برايهاا..
علما اني اكتشفت منذ فتره بسيطه ومن امها ان البنت ناقله عني كلام لم اتفوه به
سيء لامهاا في اول ما تزوجت وطبعا الام تبرر افعال ابنتهاا لاني من الاساس قلت كلام
سيء للبنت والله اعلم اني لم اتفوه بهذا الكلام..وحتى انها ذات يوم تجرات وقالت لي انها
تمنع امها احيانا من انها تعطيني هديه او شي او حتى اذا امها اشترت لي شيا فهي تمنعهاا
انا حائره في هذه البنت كيف تاثيرها على والدتهاا بهذا الشكل؟؟؟؟
وولكن حسبي الله على ابنتهم غيرتهم علي...وحسيت بتغير في تصرفاتهم وجفاء..
واصبحوا معي متغلبين ..
والله يعلم اني اتقي الله فيهم ولا اعصي لهم امراا..حتى يوم يتدخلون في اموري الخاصه
او يقمون بنتقادي لزوجي لا ارد عليهم احاول ان اكون هادئه واعاملهم كوالدي..بالرغم
ان تصرفاتهم تسبب لي مشاكل مع زوجي..
انا اريد تغيرر جذري في شخصيتي اريد اعيش حياتي دون تدخلات اريد اكون انسانه قادرة
على اتخاذ القرارات الصائبه واكون قادره على الدفاع عن نفسي..واريد اعيش حيااتي مع ابنائي وزوجي
حياه مستقره ...انا تعبت من اسلوبهم الذي يتبعونه معي...يعني امامي هم ابريااء لايتدخلون
ومن ظهري العكس تماما..يحرضون زوجي علي..
لا اعرف كيف اجعل الغير من اهل زوجي يعاملني معامله افضل وان اقف الكل عند حده
ولكن بدون ما اجرح مشاعر الغير...واريد زوجي ان يكون اكثر ثقه بنفسه وبي..ولا يكون
شخص متردد ومتاثر بكلاام الغير...
ساعدوني ارجوكم لاني فعلااا اصبحت من كثر ما اكبت ما بداخلي اشعر بقهرر فضيع
وهم يصاحباني طوال الوقت..
وساعات انعزل في غرفتي ...بالايام ولا احد يسال عني من اهل البيت..
انا اعاني من مشكلات ولا استطيع سردهاا واتمنى ان لاتنسوني من دعائكم لي

 

[bent-uae]

ماشالله 16 مشاهده ولا رد؟؟؟؟؟؟
على الاقل دعوه صادقه من القلب..

 

[أسيرة الماضي]

الله يعينج الغاليه ..

وان شاء الله يردون عليج صاحبات الخبره ..

 

[يخون الود]

الله يعينك اختي وييسر لها وتتزوج وتفكك من شرها

 

[ملكة الخليج]

حاولي انج تقربين من البنت الصغيره وتحسسينها انج تحبينها وانج اختها الكبيره

يمكن في البدايه مثل ماقلتي امها وابوها كانوا يعاملونج اوكي وامورج كلها ماشيه والحمدلله لانهم يحبونج ولهذا السبب خلى البنت تغار من حبهم لج

يمكن حبت تسوي مشاكل وتنقل كلام عشان تثير المشاكل من بينكم وتكرهم فيج

هذا الكلام انا اقوله مجرد وجهة نظر وارد فيها الصح والخطأ والله يوفقج في حياتج :a200:

 

[الحلى كله]

الله يصبرك يوخيتي ولوو تقدرين تقنعين زوجك يأخذ لك شقه احسن لان المشاكل بتزيد اهل الرجل زوريهم بس لاتسكنين معهم اسألي مجرب وابعدي عن بنتهم ولاتحاولين تقربين منها ابد اريح لك وتسلميين من المشاكل والله يعينك ويفرجها عليك

 

[عنقود عنب]

والله يا اختي الموقف حساس

اولا واهم شي ان اهل زوجك يحبونك

تقربي لهم اكثر ... وخليك ذكية جدا في المعاملة معاهم ... وصفي نيتك .. واعتبري ام زوجك في مقام اختك الكبيرة ...

اما اخت زوجك ...فهي في عمر حرج... و يمكن تكون غارت منك بسبب حب اهلها لك

انت تقربي منها ولكن بحذر ...يعني لا تتكلمي معها عن امورهم الشخصية ...خليها تهتم بالاولاد اكثر ..يعني اعطيها نوع من المسؤولية عشان تحس انك مطمنه لها ...

واذا اخطأت في حقك ... لا تتوقعين زوجك راح ياخذ لك حقك...انت خليك في هذه المواقف حاسمة .. ولا تترددين للحظة انك توضحي لهم الامر عشان يحسوا انك لك كلمة ولك شخصية

اي كلمة ما تعجبك من اختك زوجك على طول واجهيها ولكن بهدوء ... يعني قولي لها كلام قوي لكن بصوت منخفض... وبس يخلص الكلام اللي عندك ارجعي عامليها مثل اول واحسن ..لكن لا تترددي في انك تواجهينها باي خطأ ترتكبة في حقك..مرة ومرتين راح تتأدب وتعرف انك مو ضعيفة

هي اللي خلاها تتمادى انك ما تواجهينها باللي تسوية من وراك ...فتظن انك ضعيفة

وكوني على ثقة ان اغلب البيوب فيها مشاكل

والواحدة الذكية هي اللي تحل مشاكله بدون ما تكبرها وفي نفس الوقت تاخذ كامل حقها

وربي يسعدكم

 

[ضاع الوفا]

الله يكون في عونج يالغاليه ..

ان شاء الله الدكتورة ناعمه ما تقصر فيج و كذلك خواتي المشرفات ما بيقصرن ... كلهن يد وحده ...

بس الغاليه نصيحه :

لازم تكون عندج شخصيه اقوى من جذي .... والطاعه ما تكون بها الطريقة .. في شي اسمه انج تحترمينهم (بدون قيود من ناحيتهم) .. الاحترام غير والطاعه غير ... وكون انج يالغاليه تسكتين عن حقج مش معناته انج تحترمينهم .. انتي اللي تسوينه الحين انج تفتحين المجال في انهم يتحكمون فيج عالرايج والجاي وانتي ساكته تحت شعار (الاحترام والطاعه) ... خطأ .. ...:idea:


ما بقدر اعطيج الرأي السديد في مشكلتج حبوبه .. واتمنى من المشرفات ان يخففون عنج بالنصايح الذهبيه أنا اسميها لأن فعلا نصايحهم اكثر من ذهب:icon31:

 

[سجايا]

السلام عليكم

اختي الغالية ... انا رأيي يمكن يختلف عن رايي باقي الاخوات اللي سبقوني وردو عليج .. انا أشوف ان النقطة المهمه في مشكلتج هو ريلج اذا هو شخصيته قويه وله كلمة ورايي حاولي تتعمدين التعامل الطيب جدامه مب قصدج بهالشي الكيد اوغيره ولكن هم حدوج على هذا وانا بعد ما اقصد انج يوم يكون مب موجود تعاملينهم بسوء لا .. ودومج ادعي الله سبحانه بالدعاء ... اللهم اني ادراء بك في نحورهم واعوذ بك من شرورهم اللهم آمين كرريها وايد ...
اما اذا شخصية ريلج مب قويه ابدي به هو ولاتحاولين تتصادمين معاه بسبب نرفزتهم لج تحملي من هالشي لان اخته اذا هي متعمده اذيتج هاي بتكون فرصتها وهي زرع الفتنيه بين وبين ريلج .. ولاتعطينها هالفرصة .. وحاولي تكسبين اخته وهو يوم تسيرين سوق او غيره يبي لها اي شي وقدميه جدام امها وابوها وريلج وانتي ويا ريلج في السوق قولي له هذا وايد حلو خاطري اخذه لفلانه اللي هي اخته وجي من هالاشياء وربي يكفيج شرها ... ولكن صدقيني دام نيتج صافيه ربي مابيخليج وبيصرف شرها عنج .

 

[bent-uae]

خواتي انا من ناحيتي اتعامل معاها بكل حب والله اني اعتبرها مثل اختي..الحين هي عمرها فوق 19 سنه..
ودايما اذا شفت شي عاجبني اشتري الها ..وامها وكل الي في البيت يشوف تعاملي معاهاا انا ابد ما قللت من شانها او اعاملها معامله مب زينه...معنهاا هي معاي نيتها مب صافيه ...تدروون يوم يكون احد من اهلها موجود
ماتكلمني ابد...ولا حرف..ويوم محد موجود بتسولف عادي !!!!!!!!احس تحاول اتبين لاهلها شي مب فاهمتنه..

وانا يا اخواتي الي مصبرني اني والله يشهد اني اعتبرهم مثل اهلي واحاول ما احسس من كلامهم او شي
ودايما اخلي نيتي صافيه اتجاهم...
بس تدرون اذا هم غلطوا علي وزعلت انا مثلاا بياخذون مني موقف..وبالرغم اني يوم اكون زعلانه اسلم عليهم
ايلس معاهم بس اكون ساكته..احاول اشاركهم في كلامهم بس ما اقدر لاني اكون مخنوقه عن جد ..
مثلا صار لي موقف معاهم من اسبوع غير مباشر وانا زعلت منهم لانهم سببوا لي خلاف مع زوجي..
وصرت بس اسلم عليهم اجلس شوي معاهم ...
بس محد منهم سالني ليش زعلانه ؟؟؟او حاول يوضح لي موقفه؟؟؟
وعلى فكره زوجي يعرف المشكله وفاهم الوضع ..بس ما يحب يكبر المشاكل ولا يكبر الخلاف مع اهله
وهو يعرف انهم ظلموني ...بس ما باليد حيله...
وفي زمناا الي بيدافع عن زوجته قالوا عنه ماله شخصيه وحرمته اتمشيه على كيفهاا...؟؟؟
الله المستعان

 

[زهرة البوادي2006]

اختي اعانك الله لكن نصيحتي انك تتقربي من هذه الفتاه لانها مراهقة وحاولي ان تشتري لها هديه وتحسسيها انك اختها مو زوجة اخوها واصبري كم شهر وراح تشوفي النتيجة

 

[bent-uae]

انا الحين ...اريد اتغير...اريد اكون غير..
لاني تعبت من كثر ما احاول اراضي الغير..على حساب نفسي..
والحمدلله انا ما غلطت على احد..واذا حدث وغلطت بدون اقصد على طول اعتذر..
تعبت من محاولاتي تعبت وانا عايشه بس في هم كيف ارضي فلانه وعلانه..
بالرغم محد اهتم لي او حاول ارضائي؟؟؟؟؟؟؟؟؟
الله يوفق الجميع ومشكورات حبيباتي على الرد

 

[حبيبة زوجها]

غاليتي انا اخت زوجي نفس الشيء والله يمكن اسوأ لأنها كانت السبب في ان زوجي يقاطع اهله سنتين

تقريبا من غيرتها ومن كثر كذبها والله تقول كلام عن لساني عمري في حياتي ما قلته لكنها كبيرة

عمرها الأن 30 سنة وكل مالها تزداد سوء عن قبل والله ان كل اللي حواليه كانوا يكرهوني بسببها

لكن بعضهم اصبحوا صديقات لي والله يقولوا كلام ما يخطر على بالي ابدا اني اقوله على احد حسبي الله

عليها لكن ما قدرت اواجهها لأني ما ابغى مشاكل لأنها وقحه وممكن تفتري على اي احد من غير ما


تخاف الله الأن الكل سار عارفها لأنها ما سابت احد في حاله حسبي الله عليها لكن والله عشان تعيشي

مبسوطة ارمي تكالك كله على اللي عينه ما تنام والله والله ان الله نصرني عليها من غير ما افتح فمي

معاها بكلمة كل اللي افترته على الناس اترد عليها يالطيف وامها اللي كانت تطبلها وهي ترقص ما

سارت تصدقها في كلمة بعد ما سارت تفتري على اختها اللي اصغر منها بعد ما اتزوجت وبدأت الغيره

تاكلها وطبعا الام كانت تصارح بنتها الصغيره لانها بنتها مو زينا احنا حريم الاولاد وبعد مواجهات

ومشاكل وخصام ماله اول من اخر عرفت الام لغوصة بنتها واصلا بعد القطيعة انا اتقربت من الام

فسارت تقول انا ما اتوقع ان فلانة اللي هي انا يطلع منها زي الحركات هادي ترى تعبت من الكتابة اول

مره في حياتي اكتب كده بس من القهر فكرتيني بالذي مضى بس تراها زايده في حركاتها بس الفرق ان

محد معبرها الله لا يوقع احد تحت يدها والله لما تتكلم تقولي ملاك وغلبانه اللهم لا شماته اطلقت من

زوجها وقعدت لنا ونفس الاسباب هي اللي كان زوجها يقولها عنها لما طلقها انها كذابة وملغوصه

وفرقت اهله وكرهت الناس فيهم وكلااااااااااااااااام ما اقدر اذكره من فظاعته الله عليها ان شاء الله

لي رجعه.