معلومات راجيه الرضا
- إنضم
- 18 فبراير 2017
- المشاركات
- 14,542
- مستوى التفاعل
- 9,665
- النقاط
- 113
ليست تلك هي الحلول
الجواز مش حل لمشاكلك.....حل مشاكلك ...انك تحل مشاكلك.......?
الشغل مش حل مشاكلك...حل مشاكلك انك تحل مشاكلك....
?.
عاوزة اقول ان حل المشاكل ان احنا نشتغل عليها ونحلها هي مش بخطوة
?الزواج ...يحتاج الي عطاء عاطفي ونفسي وليس مادي فقط.....امنح زوجتك العطاء النفسي وامنحيه لزوجك......من أفكاره...
١ كتابة ورقة صغيرة وتركها في مكان ملحوظ بها كلمة طيبة
٢الاتيان ببعض الطلبات البسيطة مثل نوع شوكولاتة او حلوي
٣ البسمة والله بتفرق جدا
٤ كلمة معاك حق او معاكي حق معلش ....
٥ الطبطبة ومسح الرأس
٦ الاستماع والإنصات........ايامك تمضي وتشعر ان عمرك قد ضاع.....
وكيف ذاك وكل شئ عند الله بمقدار
(..اولئك الذين يبدل الله سيئاتهم حسنات)
ادع الله ان تكون منهم...
ان يبدأ سيئاتك حسنات
عندها لن يكون العمر قد ضاع....
كل شئ بمقدار
لن تموت بغير من تركوك..
انت ونفسك قادران باذن الله علي التعافي والتعايش
لا تذهب نفسك حسرات علي خذلان وترك وخوف...انت خليط من المشاعر
انت عبد للقوي العزيز....//////وكمان الزوج يريد زوجة .....مش دادة....مش ست شاطرة في شغلها مش ست بتجامل اهله...الزوج يريد زوجة تشعر به وترفق به....وتفهمه.
خدعوا الزوجة .....بإهمال نفسها من أجل البيت والاولاد....وإهمال العواطف والحب....ثم البحث عنها خارج نطاق الحلال....ليه متجدد مشاعرنا
_____
نصيحة كمان
وردة في أوانها خير من باقة ورد بعد الاوان.......
يعني ايه؟؟؟؟؟
أحيانا كثيرا ينبه أحد الشريكين الي شئ يرغبه ويؤثر فيه ..فيكون الرد التجاهل واللا مبالاة.....وعندما تمر السنوات وتبدأ التراكمات تطبع أسوأ الآثار علي النفسيات.....يجري يجيب الحاجة اللي انطلبت من ١٠ سنوات ...فلا تؤثر...أعلم أن العطايا المتأخرة.....ثمنها اكبر ولن تكون ابدا مقبولة بسهولة للاسف.....والزمن المناسب مهم لتقديم العطاء.....
______
الحوار.....
من أهم ما ينقصنا كازواج وزوجات...
الحوار
الحوار
الحوار
ازاي ينقصنا؟؟؟؟
اما مفيش حوار
او فيه حوار بأسلوب غلط....
الإنسان محتاج الحوار....ولو ملاقاش حوار بيدور عليه.. بعيد...
ايه الحوار؟؟
الحوار ان حد يتكلم والتاني يسمعه
ويتناقش معاه في اللي قاله
الحوار مش سب ولا اتهامات ولا لوم ولا عتاب ولا ....?
تعالوا نتخيل الحوارات ليه بتفسد ؟
١(الحوار اللي هدفه الاتهام . ..ده خناق مش حوار
٢(الحوار اللي فيه سخرية ده م
اهانة مش حوار
٣(الحوار اللي فيه سب ده اهانة مش حوار.....
مثال
سمية تقول لاحمد
انت مبتجبش حقي خالص من امك....(مثال)
تحليل الجملة؛؛كلمة انت كلمة محفزة لعقل احمد مجهز نفسه عشان يرد.....وباقي الجملة مبتجبش حقي=ظالم او ضعيف
______
السؤال هنا
هل هدف سمية من الحوار ان تثبت أن احمد ظالم اوضعيف؟؟؟
هتلاقي الرد لا....
هدفها التنبيه بحيث يجيب حقها مش بحيث نتخانق معاه
نرجع للحوار
_________
نبدأ الجملة
سمية تقول لاحمد
انا عارفة انك اكتر شخص حريص عليٍّ وعلي نفسيتي
نفسيتي متأثرة من كذا وكلماتك بتهديني
_________
هنا سمية جنبت احمد الاتهام....هيسمع بشكل اهدأ....
وليس بشكل اتهامي.....
)طبعا ده مع الناس السوية فيه ناس...?!!!!!!!!)
__________
مثال تاني
احمد بيقول لسمية
اكلك وحش وناقص ملح
السؤال مني هنا(هل هدفك ان تحزن وتكف عن إعداد الاكل؟)اكيد لا...هدفك تنبه....
يبقي الأسلوب الافضل
اكلك جميل اوي وهيحلو اكتر بتضبيط الملح ...
________
أكاد أسمع هو انا فاضي عايز اعيش براحتي
لا معلش هو الانتقادات
خلتكم تعيشوا براحتكم ؟؟؟؟؟؟
هو الخناقات اللي هتنتهي بانهيار البيت دي راحتكم؟؟؟؟؟؟؟
هو الانتقام من بعض ده راحتكم؟؟؟؟؟؟؟؟؟؟؟؟
____
الراحة ان الشريك يبقي مرتاح
لانه شريك.........
شخص مهم جدا يرتاح....
وراحته من راحتي........
يبقي عاوزين حوار خالي من الاتهام ....
ممكن الحوار المتنرفز نؤجله.....لان هدفنا الفايدة وليس الخناق
عندما ينظر كل طرف لراحة الاخر باستخفاف تكون النتيجة طلاق القلوب حتي وان استمرت الصلة ......
لو نفهم أن راحتنا احنا الاتنين مهمة
لو نبطل تريقة علي الجواز والمتجوزين
لو نبطل مقارنة بين حالنا وحال غيرنا
لو منقارنش بين الام والزوجة ولا نقول امي اهم منك بانها مش مسابقة ....وفشل امك في احتواء مراتك مش نجاح ولا فشل زوجتك في احترام والدتك
لو يتعامل كل طرف مع احتياجات الاخر باهتمام
انت اللي هترتاح...انت اللي هتتفادي الوحدة والغربة النفسية
لما شريك الحياة يبقي شريك فعلا
انت وانتي هترتاحوا نفسيا
..
منقول...عن الدكتوره ايناس فوزي
اسم الموضوع : ليست تلك هي الحلول
|
المصدر : الزوج والزواج
