ليت الزمن يرجع

[ليت الزمان يعود]

السلام عليكم يا أحلى نسوة
بصراحه أنا متابعه من زمان وهذي أول مشاركة لي وان شاء الله القى اللي ترشدني للصواب بعد الله منكن
ارجووو المشوورة منكن جزاكن الله الجنه
قبل ثمان سنوات انخطبت وكان كلام بين الرجال وبعدهآ بست شهوور تملكت
وجلست متملكة شهرين وبعدين تزوجت
المشكلة :
أنا اول وحده تملكت من اخواتي مع اني مو الكبيرة
ماكان عندي أي فكرة انو رح يشوفني
عآدي كنت صغيرة بالعمر 17 سنه ولا عمري فكرت بهالشئ
أو استعديت له نهآيئآ
جآ بعد الملكة (( طبعآ ملكة الرجال )) جآ يبي يشوفن وأهلي ماعلموني الا وهو جالس بالمجلس طبعآ رفضت وبعد اصرار منهم قمت رحت غسلت وجههي لأني كنت نايمة ركزو غسلت بس وجهي ولبست تنورة عآديه بس كان جسمي ماشاء الله تبارك الله يجنن طبعآ ماعندي اي ادوات تجميل غير الكحل نهآيئآ حتى بودرة ماعندي وأخوي باقي شوي يعطيني كف ليش تأخرت والرجال ينتظر في المجلس مع ان السبب منه والخبر عنده قبلهآ بليله المفروض قال لي
الموهيم دخلت شفته بصراحه ماعجبني شكله بس حبيته << كيف ما أدري
وهو يقول اني عجبته وكيذا
جت بعدهآ فترة امتحانات خللصت على طول كان التحضير للزواج وهنا بدأت المصايب :
أمي الله يهديهآ ماعطتني فلوس اشتري لو حتى كريم لوجههي
جسمي علامات ولون مو موحد
خواتي كانو يجهزون انفسهم لزواج الناس وزواجي لا
لدرجة انهم لبسو في زواجي فساتينهم القديمة مع انهم يقدرون لو بخمسمية ريال فستان جديد لزواج اختنا
طبعآ أنواع المشاكل ليش قلت لأمي أبي اشتري أغراض لي
عشان الزواج كان تطنشني ولا كأني أكلمههآ مشغوله بزواج الجيران وخواتي أنواع النغزات والتجريح وأنا من النوع اللي يسكت بس يعجبني الزمان لما يدور
جا ليلة الحنا وانا ماعندي شي البسه لبست لبس البيت عادي وسويت نفسي فرحانه وجو اهله شكل خخواتي سمعو منهم كلام او شي الله أعلم
قامت وحده منهم راحت السووق وجابت لي أغراض في شنطة صغيره يعني لوشنات عاديه جدآ تبع ابو ريالين
أقسم لكم حتى معجون اسنان وفرشه أو استشوار أو مشط حتى مافي وعطر واحد بس الحمدلله على كل حال
ملابس داخليه ماعندي ولا حتى وحده تكون جديده البسهآ تحت الفستان الزفه سووهآ أي كلام لدرجة خللصت وانا باقي ماوصلت نص الممر
تصدقون الكوافيرة يوم شافتني قالت اسويلك تنظيف بشرة ع السريع تخيلو قالت لي انتي بشرتك ماتعرف الصابوون
والله استحيت ورحمت نفسي كثيير ياليت كان بيدي شي واسويه والله ممنوع اطلب أي شي وماعندي الا صابونة ابو ريال لوجههي
مدري ليه بعض الأهل يكون بإمكانهم يسعدون عيالهم بأبسط شي بس ماينتبهون الا بعد فوات الأوان
بنات أنا ما أبالغ والله اني حتى مكينة حلاقه ابو ريال كان ماعندي لدرجة ليلة الحنا لقيت وحده مستعملة في الحمام وعقمتهآ بديتول ومويا حارة واستعملتهآ
ليديني بس ورجولي وبصراحه خفت اقربهآ من هذيك المنطقه وهي مستعملة
بنات أنا وربي ما أبالغ هذا غيض من فيض عشان تاخذون فكرة عند مصيبتي الأكبر من البداية :
انتهت ليلة الزواج ورحت مع زووجي وصلت هناك مو عارفه اسوي شي والله حتى مزيل عرق ماحصلته في الشنطة لأني ماكنت أعرف وش فيهآ الا يوم فتحتهآ
في الفندق
لقيت بجامة لونهآ بيج عآديه هي البجامة الوحيده لبستهآ
بنات تخيلو الإحراج هذيك المنطقه مو نظييفه
وافتقر لأبسط شي
بالله ذي عروووووس ؟؟؟؟؟؟؟؟؟؟؟؟؟؟؟؟؟؟؟
الحمدلله زووجي حسسني ان كل شي عآدي وطبيعي مدري مجاملة منه او لا
مرت الأيام طبعآ انا ماعرفت كيف اهتم ولا كنت اعرف معطرات جسم ولا نكهآت ولا شي
وزووجي عآدي
لا مو عآدي
كان يموووت فيني يحبني يدلعني كل طلباتي اوامر
مرت الأيام ،،،،،،،،،،،
بعد حملي بأول بيبي لاحظت التغير ونفور زوجي مني كان يقولي ماعندي رغبة فيك
ريحة نفسك مو حلوة انتي ماتعرفين فن الجنس وكلام جارح كثيير
أنا انصدمت
بعد سنة وثلاث شهوور من زواجنا يقول كذا ؟؟ ليه طيب
مو كان مبسوط على الآخر ؟!؟
وش اللي صار
عآد أنا من يومهآ قررت ادخل النت من أوسع أبوابه وتثقفت في كل شي والحمدلله مهتمة بنفسي
وصار عندي ثلاث أطفال ومهتمة فيهم والبيت مهتمة فيه كثيير وشغاله من سنتين على جسمي والحمدلله في تحسن
واضح
اليوووم وبعد مرور ثمان سنين على زواجي :
زووجي بارد جنسيآ لدرجة ينام معي بنفس الغرفه شهر شهرين ثلاثه مايصير شي أبدآ
وعآدي عنده الوضع يسولف ويضحك واذا شافني زعلانه مايسألني وشفيك لين أنكد على نفسي وانكد عليه
واقووله ،،،،،،، ويصير هذاك الشي في أقل من ثلاث ثواني والله العظيم
وأحسه مايشتاق لي ولا يتلهف علي بصراحه يوم اشوف عرووس ومعاملة اهلهآ وزوجهآ لهآ والله اني اتحسف على نفسي
اللهم لا حسد ماشاء الله تبارك الله احس الوحده زوجهآ اذا شاف اهلهآ مو مقصرين عليهآ بشي يحاول يصير احسن منهم ويغدقهآ
بكرمه وحبه واحترامه لهآ
احس ما عشت مراهقتي ولاتهنيت بزواجي ولا فرحت مثل فرحة أي عرووس
بنات
ترى اليووم أنا وأمي وخواتي زي السمن على العسل ماشاء الله تبارك وكل وحده راحت لنصيبهآ ونتواصل دايم مع بعض
بس زمان مدري ليه كانت القلووب قاسيه

كيف تساعدوني :
اول شي انا ارتحت لأني فضفضت وبذلك اعتبركم ساعدتوني
مشكلتي أبي أغير أجواء البيت شوي ألطفهآ يعني بيني وبين زوجي أعوض اللي فاتني بصراحه ابي أمتع زووجي وأهنيه
وأعوض نفسي وأعوضه عن كل اللي فات هل أقدر اسوي شي مع وجود الأطفال ؟؟
أبي مشورتكم لأني احيانآ أكوون متضايقه واذا قريت موضووع عن شهر العسل أو تجهيز العرايس أو شفت عروس او وحده
سوت اللي كنت أتمنى أسويه بزواجي بصراحه تخنقني العبرة واتضايق واقول ليت الزمن يرجع عشان أغير اللي ماقدرت عليه زمان
ولا أفوت على نفسي لحظه حلوة وأعيش اللحظات الحلوة اللي انحرمت منهآ
ثاني شي أبي ارجع أحب زووجي وامووت فيه مثل اول ومو قادرة بصراحه
مدري هي مشكله أو فضفضه المهم أني تكلمت وطلعت بعض اللي فخاطري على الزمن

 

[نبراس الهداية]

عزيزتي ... أعلم أن في النفس حسرة ومن سيلومك على ذلك ولكن البكاء على اطلال الماضي يورث حسرة أكبر فلا تضيعي ما بقي على ما فات ... والحمدلله إنك استدركتي الأمور وطورتي من نفسك فحاولي أن تكسري هذا الحاجز في قلبك كما كسرتية من حياتك .. أنا على يقين أن ما آل إليه وضعك مع زوجك في العلاقة الزوجية هي مدخل المشكلة حالياً وهي ما يعيدك إلى الماضي دائما .
بداية أسالك متى بداء زوجك يتغير في الجنس معك بعد ما أنتقدك أول مرة ...... الم يلحظ التغيرات اللي عملتيها على نفسك؟ الم تلحظي عليه اي تصرفات غريبة ؟
أن توتر العلاقة بينكم لتصل للإنقطاع لهذه الفترة فلو حلت ستكون هي مدخل الحل لأغلب مشاكلك لأن نفسياتكم وقتها راح تتحسن وسوفي تنسى الماضي وتنظري للحياة بتفأل لأن شعورك الحالي انكي شخص منبوذ وغير مرغوب فيه وهذا يعيد لكي ذكريات الماضي وهذا شئ طبيعي .....

أختي أنا مشكلتي قريبة من مشكلتك ولكن أسبابها مختلفة .. لكني وعن تجربة أقول لكي لا تتنازلي عن حقك ابدااااااااااااا نعم الزواج لكي يستمتع كل منا بالآخر فهذه الغريزة تكون في الأنثى والرجل فلستي كالمتاع إذا رغب فيك جاء وإذا لم يرغب عافك وكأنه ليس لكي مشاعر ..
الحمدلله لم أتنازل عن حقي خاصة وإني أكتشفت أنه قد يكون له علاقة بأحد النساء (لم أستطع فعل شئ لأنه ليس لدي دليل بس خطئي إني واجهته وهذا نفره مني أكثر) وقمت ببعض الأمور وأشتغلت على نفسي وقريت في النت كثير وبدأت هذه المسأله تتحسن ولكن ليس مثل الأول والحمدلله ... نحاول التغاضي قدر الإمكان حتى تسير هذه السفينة ....
لا أقول لكي أن تعرضي نفسك عليه عرض ولكن أستخدمي اسلوب الحيلة ...... مثال "كان مرة سهران بره فرسلت له رسالة "حبي حاول تجي مبكر عشان بسويلك مساج رائع" رد علي بضحكة هههههه وبعدها كتب تمام حبي وفعلا رجع وحتى قبل لا يوصل رسل مسج أنه وصل المنطقة اللي قبل منطقتنا خاف اكون نمت هههه... بس المهم سوي هالحركة وانتو فيوم تكونوا رايقين .... وعلى فكرة في أحيان تفشل الحيلة بس ما أبين له إني متضايقة هههههه ... وأسعدي نفسك به أو بدونه وهذا اللي جاعدة أسويه بغيت أروح مكان قلته حبيبي توديني قال لا ومشغول وكذا وكذا .. اقول خلاص بعد إذنك حبيببي أنا بروح بنفسي .... تصدقي صار في بعض الأحيان يتصل ويقول خلاص انتظريني انا جاي لا تروحي ... واحيانا يطنش بس ما اتضايق ولا أحط في بالي ..... أكيد تظل أوقات النفس تتضايق وتمل وقتها أفرش سجادتي وأمسك مصحفي والحمدلله حتى البكاء ما صرت أبكي على اي شئ مثل أول

عموما يا حبيبتي صدقيني أحس إني خرجت من هذه التجربة أكثر ثقة بربي وبنفسي وإن ما عند الله خيرا وأبقى ....

 

[حياتي بناتي وبس]

شوفي حبيبتي الماضي لاتتذكرينهلان راح يجيك احباط عيشي حياتك من اول وجديد

 

[ليت الزمان يعود]

آسففففففففففه جدآ على التأخير لأنو لأيوجد عندي نت



مشكوووووورات أخواتي نبراس وحياتي على الردوود ولكن ما قدرت انسى كل شي يذكرني
حتى اذا شفت نفسي في المرايه

اختي نبراس هو بدأ يتغير من بداية حملي بطفلي الأول مع انه كان بإنتظار الحمل بفارغ الصبر
هو طيووووب والله وقلبه أبيض جنوبي غربي ولاعنده خرابيط ومتفاني في شغله
بس مهملني ولايحس فيني حتى لو تعبانه مايكلف عمرة يتطمن علي لو بمسج
ويغيب عن البيت بحكم عمله مايفكر يتصل يتطمن واذا فكر يرسل رساله عاديه عن احوالنا بس
وبصراحه أبدن مو ملاحظ علي تغيير لدرجة اذا أرسلته في أغراض من الصيدلية يقوول ياكثر خلطاتك وكريماتك ولا استفدتي منهآ :'(
أنا شماليه وأبي اهتمام منه
بصراحه آخر سنتين صرت أعصب وأغلط عليه وارفع صوتي ويزعل علي بس بعدين يرضى عآدي ولا كأنو صار شي مدري اذا يحقد علي بقلبه

أبيكم تنصحووني كيف اتمالك أعصابي خاصة اذا صحيت من النوم او كنت زعلانه لأن غلطاتي كثرت هاليومين ومخوفني تغاضيه وسكوته
هل تغاضيه وسكووته عن غلطي عليه وعلى عيالي يعني عآدي عنده والا مطنش وبعدين يعطيني ضربه قاضيه

أبي قاعدة امشي عليهآ للتعامل مع الجنووبي الغربي

 

[نبراس الهداية]

هلا حبيبتي .. للأسف ما عندي خبرة في الجنوبي الغربي وإن شاء الخبيرات يفيدوكي وحبيت أرفع موضوعك

وثانيا مع إني ما الومك على فقدك أعصابك لأن هذا شئ طبيعي لوضعك فالتوتر الحاصل وإنقطاع العلاقة سبب كبير لهذا الشئ بس حاولي قدر افمكان تمسكي أعصابك وأوصيكي بشئ فادني كثير وهو إني استودع زوجي في كل مرة يطلع من البيت ....واحيانا لما يجيني تفكير سلبي او اتضايق منه أقعد أستغفر الله أحيانا أكثر من 200 مرة وسبحان الله الا شوي يتصل ويكلمني من نفسه ... بالنسبة للمسجات صرت أغير مرة اقول حبيبي مرة حبي مرة الغالي وهكذا تصديقي صار يرد بنفس الكلمات مع انه اول ما ممكن يكتبلي اياها هو صحيح ما يقول بفمه بس ع الأقل يكتبها .... يعني أنتي عودية يبيلها صبر وجهاد وخلي في بالك مو دائما تنجح احيانا يرد بجفوة بس طنشي غيري من أسلوبك صدقيني بيستغرب ولا تحاولي تغلطي علي أحتسبي الأجر .....

الحمدلله أنا أستفدت من المنتدى وصدقيني أقري وخاصة عن نمطه فيه مواضيع بتفيدك كثير .... والله يا حبيبتي الحياة قصيرة ومن هذا اللي بضيع عمري في الحزن ع شأنه بويش راح ينفعني بعدين في لحظة قالوا فلان مات .. المهم رضى رب العالمين ...في كلمة دائما الأخوات تقولها أعتبريه اضافة لحياتك مش كل حياتك
اسال الله لنا جميعا التوفيق وأن يفرج الله كروبنا وهمومنا ويرزقنا من حيث لا نحتسب .....

 

[om sabae]

أعتبريه اضافة لحياتك مش كل حياتك
​

ما عدمت يداك ،وهدا حل ألمشكلة ،ألا نحنا ما نعمل بها الشي ،ونجعله محور حياتنا وهدا أكبر غلط فادح،الله يعينا بس يا رب.

 

[يالوردي]

صحيح ان اهلك غلطو
بس انسي هالشي تذكر ي محاسن زوجك
الجنوبي الغربي من اسهل الشخصيات
ويهرب من النكد والهواش
يحب الوناسه والفرفشه
اما موضوع الجنس معه حاولي تتفاهمين معه وتعرفين السبب
الجنوبي حنون وعاطفي اكسبيه بالعاطفه