ليتني منيب أخصائيه اجتماعيه المصيبه الجمتني

[جنينة امها]

انا أخصائيه بمدرسه متوسطه ولي مدة سنه تقريبن وانا احل مشكلة طالبه عندي لكن للاسف البنت اختفت حاولت اوصل لها لكن اهلها يقولون خلاص لاتسئلين البنت تزوجت وانا متاكده انها مش متزوجه البنت عمرها 16 سنه
في البدايه لاحضو معلماتها عليها تغير بعد ماكانت البنت حيويه ومنكسره مع انها ماكانت شاطره بالمدرسه بس محترمه على انها مراهقه وطلبو مني اشوف ليش تغير سلوكها
بنات عند زوجي الحين رجال عطيتهم قهوه وشاي وبروح اجهز العشاء وجايه للتكمله سالفت البنت اللي يشيب لها الرواس

 

[مليت اقول ياليت]

بانتظارك صراحه حمستيني بس لاتطولين علينا

 

[like sugar]

بالانتظار

 

[&ملكة زماني&]

يالله ننتظرك

 

[عيون عزيز]

أنا كنت مدرسة سابقا وشفت العجب العجااب مع طالبات الاعدادي.......خليها على الله بس...

 

[الأنثى الجميله]

ان شاالله خير
انا بانتظارك

 

[سكنات في القلوب]

ننتظر

 

[ام ريما&&]

هيا لاتبطين علينا واعطينا نغصة من عشاك هههههههههههههه

 

[وجد27]

ف انتظارك ..

انا وامي الحالنا وطفشانين..واول ماقريت موضوعك قلت اسمعي القصه يمـــــــــــه

ويوم وصلت اخر سطر واقول (اجهزالقهوه واشاء والعشاء) ضحكنا انا وامي..

قالت امي هااه كملي ؟؟ قلت اصبري بتسوي عشى زوجها وبترجع..

 

[دلع قلبه]

يغلق الى ان تعود صاحبته.

 

[جنينة امها]

اهلين بنات ماعليش تاخرت عليكم بس ولله البارح يوم فضيت ونام زوجي وعيالي لقيت الموضوع تسكر وطلبت فتحه ولا كنت بكمل
المهم انا مسكت البنت وقعدت معها كم جلسه وقبلها كنت مطلعه على وضعها الاجتماعي وعرفت ان امها من الشمال طبعن شمال المملكه وماعمرها شافتها تطلقت وعمرها سنه بعدها تزوج ابوها من وحده من جنسيه عربيه والبنت في الفتره هذي خذتها عمتها ماتزوجت العمه عايشه مع ابوها بعد ماصار عمر البنت اربع سنوات عاشت في بيت ابوها لان عمتها تزوجت
انا بتكلم لكم عن البنت من طفولتها مع ان البنت ماصرحت لي عن حياتها وهي طفله لكن انا عرفت من وحده من قرايبي كنت اتكلم عنها وعرفتها وقالت انا درستها رياضيات في 1و2و3 ابتدائي ولله ان حالت البنت توجع القلب تجي المدرسه مش مرتبه وشعرها مش مشط كل هذا ماعليه لكن الضرب وعلامته في جسمها وتقول بعد اثر الملعقه في جسمها بعد الحرق حتى مره من المرات البنت جتها حراره من الحرق لانه صار يصب دم ويطلع منه ماده
لا تقلون وين المدرسه عنه والمديره تقول ولله انا ماخلينا شي ماسويناه استدعينا مرة ابوها وتقول فيها قوه وبجاحه ماتتخيلون وعليها الافاظ قمه في قلة الادب حتى ارفضت ان يكون بينا وبين ابو البنت تواصل لكن المدرسه ماسكتت اقدرت عن طريق مساعده من احد امهات الطالبات انها تجيب رقم زوجها اللي هو ابو البنت لكن الطامه الكبره ان الابو العن من زوجته وقال مالكم دخل وان البنت عنيده ومرة ابوها تأدبها ولا ينفع في البنت الا الضرب والعقاب ومن زود العناد قامت كل يوم مرسلتها للمدرسه بعلامه شكل
تقول ماكان من المديره الا توجهت للتوجيه تعرض مشكلت البنت وتطلب تحقيق ولله ان ادارة التعليم ماقصرت معها حتى انهم راحو للبيت واستخدمو التهديد وتدرين وش كان جوابهم نقلو البنت من المدرسه ونقول هم بكبرهم من البيت ولا كان فيه اي تواصل قطعت اخباره
طبعن كل هذا سمعته من قريبتي اللي كانت البنت نفسها عندهم وهي صغيره
من بديت انا مع البنت والتقرب لها ماكانت تقولي عن نوع تعذيب مرة ابوها لها
بس من بدت ترتاح للكلاام معي قالت انها تعاملني شين لين كبرت وصرت انا اللي اعتني باولادها صارت ماتضربني ولا تخلي ابوي يضربني لانها كانت تخاف انتقم منها في عيالها
ايه الظاهر ماقلت نوع التغير اللي شافوه المعلمات عليه
البنت صارت ترد عليهم وعليها حركات مستفزه وصحبتها صارت سيئه
المههم حتى الصلاة كانت ماتصلي تقول ان زوجة ابوي ماتصلي تقول الصلاة مابنصلي الا لين نصير عجايز شفتو حسن التربيه
البنت تتمتع بدرجه كبيره من الجمال ماشاءالله
تقول بدت حياتي تتغير يوم تعرفت على شاب من منطقه ثانيه من مناطق المملكه وعايش في الرياض للدراسه واهله موجدين في منطقتهم المهم الولد عايش بعماره فيها عزابيه في نفس حي البنت اللي لاحض الولد ان البنت ترجع على ارجولها من المدرسه بدون حرص من الاهل واحيانن تجلس في المدرسه فتره طويله وبعدين تطلع والشارع فاضي طبعن الولد صار يرمي شباكه حول البنت
واللي ساعده هلى الموضوع ان ابو البنت تجيه انتدابات خارج الرياض وياخذ العله ام شرين زوجته معه والبنت تجلس عند اخوانها تخيلو مراهقه تجلس بشقه مع ثلاث اطفال مدة اسبوع ويمكن يكون اكثر او اقل
المهم البنت وهي تتكلم لي عن قصتها مع الشاب تتكلم بستمتاع وهيام ماتتخيلون يابنات ولله ان عيوني بس تدمع من القهر على حالتها مبسوطه بذا العلاقه
المهم اول مابد فيه الولد كلم البنت على تلفون البيت اذا غاب ابوها وزوجته
من اقتناعه منه تقول تصدقين ابلا من حبه لي سوا المستحيل لين اخذ تلفون بيتنا وعشانه يخاف علي وعلى سمعتي مافكر انه يكلمني في الشارع
قلت طيب وشلون تعرف عليتس قالت انه ينتظرني دايم عند عمارته اذا رجعت من المدرسه شوف الخبيث الله ينتقم منه
سئلتها كيف اخذ تلفون البيت تتخيلون من مين خذ رقم بيتهم
اقولكم خذ الرقم من ابوها نفسه الغبي بتسئلوني وشلون ابوها عطاه الرقم
الرجال تعرف عليه عن طريق جار ويسلم عليه من السوالف بين الاثنين ابو البنت علمه انه صاحب انتدابات مع الشغل و الولد عرض عليه انه يساعده بالحجز لانه يعرف صاحب له في الحجوزات ماكان من الاب الا عطاه ارقامه من جوال وبيت قال انت بس ماعليك الا تعلمني بالموعد وانا احجز شفتو الخبث
طبعن هو يعرف متى يسافر ابوها ومتى يرجع من السفر في الفتره هذي اخذ الشاب يتصل عليها ويعرض عليها اذا تبي شي او لا
على فكره البنت في ذاك الوقت عمرها 14 وطبعن اذا الام مش موجوده من بيعلم البنت على الاحتشام
تقول انا ماغطي وجهي لان زوجة ابوها تقول انتي بعدك صغيره لان زوجة ابوها اصلن مهيب محتشمه
وطبعن الولد مطلع على هذا الجمال حتى شكلها ماشاءالله يعطي اكر من عمها
المهم مع الكلام معها والبنت فاقده الحنان تعلقت فيه البنت بشكل كبير
ومن زود دهائه ماطلب منها تقابله في مكالمته الاوله ماطلب منها المقابله الا بعد 6 او 7 مكالمات
وطبعن متى اذا كان ابوها مسافر هو وزوجته
ولله يابنات اني تعبت من الكتابه ماعليه بريح اشوي وبعدين ارجع اكتب وترا انا ماحب اقطع انشاءالله اسردها كلها اليوم لكم بس بصلي واريح وارجع انتظروني طبعن مع الردود اشوف وشنظرتكم خاصه مع زوجة الاب وتعذيبها للبنت واهمالها لها لانها مش بنتها وسذاجت الاب وتصديقه للعقرب زوجته

 

[مشاعر مهمله]

الله المستعان ااااخ يالقهر
والله ما يروح وطي في طلاق الزوجين الا الاطفال

الله يستر على بنات المسلمين

 

[ديمة مطر]

يااختي والله اني اكررره هالاسلوووب>>>>طيب ليش تكتبينها من البداايه

 

[أم توت وعسل]

مافي لا انج توصلين حق الام اذا تبي بنتها ووتاكدين عليها ان البنت الابو هاملها ويسافر مع زوجتة ويخليهم برووحهم ووطبعا من جواز السفر البنت ماتسافر مع ابووها ووهي تقعد في البيت مع اخوانها اذا الام تبي بنتها

ومافي الا انج تنصحينها وتكونين معاها بلين وتخلين البنت تركب بااااص ووتحاولين معاها من ناحية الاشرطة الدينية والمحاضرات
والله يحقظها وويبعد عنها كل شر

 

[كوتوموتو]

يابنات لحد يلومها هي انسانه ولازم تتعب من الكتابه
بالعكس لومو نفسكم مافيكم صبر !!!!!
واعتبروه تمرين لكم علشان تتعلموو الصبر
ههههههههههههههههههه

 

[أم توت وعسل]

اقصد ان ما جواز سفر البنت بينعرف البنت ماتسافر مع ابوها وو تقدر الام اذا تبي بنتها ترفع قضية ع الابو تاخذ البنت

 

[ذرات حلوة]

كملي الله يجزاك خير تحمسسست

 

[غراابيل]

متحمسه لاني معلمه ومرشده مثلك كملي خيتو

 

[راجية رضا ربها]

الي ماليه "أمها " حاله يغم
حسبي الله ونعم الوكيل في مرة ابوها وابوها بذاته
الله يمهل ولا يهمل​

 

[راجية رضا ربها]

الي ماليه أم حاله يغم​