لو كنت في هذا الموقف

[روعة أنثى]

​

هذه فكرة جديدة من ابتكاري
توصف الكاتبة موقف في الحياة الزوجية قد يكون واقعي أو خيالي وتطرح تساؤل في آخر الموضوع وتتخيل كل وحدة نفسها لو تعرضت لهذا الموقف كيف تكون ردة فعلها
اذا حصل الموقف على خمس ردود يكون المجال مفتوح لكتابة موقف جديد وهكذا ​

 

[وجدان]

هلا ملاك
فكرة حلوة
انا رح ابدأ
مثلا لو كنت مشترية هدية لريلج بمناسبة خاصة لكم و قدمتيها له وما علق و حطها على ركن و ما استخدمها ابدا شو بيكون موقفج؟؟؟؟؟؟

 

[سمرلاند]

باخذها من هالركن وباهديها اخوي :sly:

 

[روعة أنثى]

​

زوجك مسافر له عدة أيام ..... والليلة هو موعد رجوعه من السفر ......كلمك يصف شوقه لرؤيتك .......وحدد لك موعد قدومه ........... طار قلبك فرحا ..........حدثت نفسك بليلة وردية ....حالمة ......أخيرا سوف أنام الليلة في حضن حبيبي ........كل دقيقة تمر .....كل ثانية تمضي تعني لك قرب موعد اللقاء الدافئ .
بدأت تستعدين لملاقته ......اخترت أجمل مالديك من ملابس ........ وضعت الميك أب ......تعطرت بأجمل العطور ........وأعددت أصناف الأطعمة التي يحبها .
وانتظرت ..............وانتظرت .................وانتظرت
مرت ساعة ............ساعتان ............ثلاث
تتصلين على جواله مقفل
ثم ماذا ؟
بعد مرور ساعات
يرن جوالك
انه رقمه
تردين
يتكلم ببرود
أنا جاي في الطريق
تأخرت فين كنت ؟
كنت عند أصحابي
والجوال ليش ما ترد عليه ؟
خلص شحنه
ماهو شعورك في هذا الموقف ؟
هل تتنكدين وتقلبين الليلة نكد
أم
تتجاهلين
أم تستقبلينه بالأحضان
مع تبريرك لردة فعلك
​

 

[كاميرا(الإحساس)]

فكره روووووووعه وانا معاكي واشجعك عليها
:icon30::icon30::icon30::icon30::icon30::icon30::icon30:

 

[روعة أنثى]

وجدان هلا فيك ..........يسعدني استجابتك السريعة ......... وانا كتبت موقفي قبل ما أشوف موقفك
أما عن ردة فعلي أول شي أزعل وآخذ الهدية وأحطها في مكان ما تشوفه عيوني حتى ما أتذكر
ثاني شي راح اختار الهدية المناسبة في المرة القادمة لأن هذي الهدية يمكن ما أعجبته
وهذا الموقف دايما يحصل من الرجال الله يهديهم
بيني وبينك الساعات ماصار لها كرت هذي الأيام مع وجود الجوال
لكن حبي​

 

[المميزة]

موضوع حلو تسلمي حبيبتي ...

اما موقف وجدان مر علي وظلت الهدية اسبوع كامل على التسريحة مغلفة بشكلف روعه وغااااااالية بصراحه مايستاهلها وجلست اسبوع كامل مالمسها بعد اسبوع قال بروح اشتري شغلة انا حاطتها بالهدية قلت لة عندك قال لاماعندي قلت مافتحت الهدية عشان تشوفها راح وفتحها واخذ اللي يبي وترك الباقي والمشكلة كل قطعه احلى واغلى من الثانية !!!!


اما موقف ملاك يمكن اقعد اتهاوش معه بالاول عشان راح لأصحابة وبعدين بناااااااام بحضنه !!!!(خبلة صح؟؟؟)​

 

[مستغربه]

الله وناسه... :clap:
موضوع حلو.... :bigsmile:

الموقف الاول ..

بحرجه وبقوله بكل رقة ودلال...مع مدة بوز خفيفة مثل الأطفال..

حبيبي انا زعلانه عليك...

بيقول ليش؟؟

ما فتحت هديتي اللي جبتها لك.. (مع انه مستحيل ما يفتحها بقعد على راسه يوم اقدمها له وبابتسامة كبيرة بقوله متحمسة حبيبي اشوف عجبتك والا لا)

بيستحي على وجهه وبيقول سامحيني حبيبتي نسيت وبروح اجيبها وبعطيها اياه مره ثانيه وبحطه قدام الامر الواقع...

ترا يا بنات الرجال يختلفون تفكيرهم مب مثل تفكيرنا الرومانسي.. يعني ممكن يكون سوا هالموقف بس ما يقصد يجرحك كثر ماهو فيه مشكلة او شيء شاغل باله... وخصوصا اذا كان شمالي ابدا ما يهتم بهالسوالف..


الموقف الثاني ...

مستحيل اسوي معاه تحقيق وهو راجع من السفر ...

وهذي الكلمات انتبهوا منها ..

ليش ما اتصلت؟ :icon28:-----

ليش مسكر تلفونك؟؟؟ :icon28:----

وين كنت؟؟؟ :icon28: -----

ممكن تسألين باسلوب ثاني..

حبيبي خفت عليك والله وما قدرت انام وقعدت ادعي انك تكون بخير....

حبيبي ما عرفت شسوي قعدت احاتيك خوفتني عليك...

موضوع رائع يا ملااااك....:icon30:

جزاك الله خير...:icon26::icon26:
​

 

[روعة أنثى]

مراحب صبايا ​

سمر لاند
هلافيك ........بصراحة انتي قوية .....تعجبيني:icon30:
المميزة
صارت لي وهدية الزواج كمان ........ أما على الموقف الثاني هذا اللي سهل على ابو الشباب
يسوي هذا الموقف عارف طيبة القلب
مستغربة
كلامك بين القلب والعقل ......... وطريقتك في التعامل رائعة

لاتحرمونا من هالطلات الحلوة​

 

[وجدان]

هلا بنات
اممممممممممم بالنسبة لموقف الثاني
انا صارت لي مرة بس كان راجع من الدوام و كان وقت مباراة فراح عند ربعو يجوفها
و انا كنت قاعدة اتريه على العشا و طابخة و متعدلة و كل شي
لما اتصلت قال ما بيي :icon28::icon28::icon28: انا فولت بس ما قتله شي و سكت
بس لما رجع بالييل عاتبته بس بدون صراخ
قتله انت توك ياي من الدوام وتسير عني؟؟؟ _( اتكلم وانا زعلانة وادلع عليه) قال شسوي عشان المباراة ( و حسيته استحى):clap:
و عدى الموقف على خير
يعني احس ما في داعي نكبر السالفة زيادة عن اللزوم وتمشي الحياة :icon30:​

 

[فديت ريلي]

اوكي .. شو بتسووون اذا كنتي بتطلعين واستوا موقف منعج من الطلعه .. يعني ظروف.. وقالج ريلج في التليفون خلاص لاتطلعين يلا مع السلامه.. وانتي استغربتي وقلتيله ان شاء الله مابروح بس ليش جييه تكلمني انا مايخصني.. لانه انتي مالج ذنب.. وراح وسواها سالفه انج ماتحترمينه وعل منج بدال ماتزعلين منه..!!!!!!!!!

تراهم وايديسوونها.. اونه رفتي صوتج وماتحترميينه.. شو بيكون موقفج..!

 

[فديت ريلي]

ع الموقف الثاني.. عادي مرات يسويها اموووووت قهر من داخل .. بس اطنش واقوله كنت اترياااك وانته اتاخرت.. وهو عادي يمشي بعد يراضيني ببوسه .. وطبعا انا خلااص اكون بردت وما اسوي اللي جهزته..

 

[نورعيني]

موضوع حلوووووووووو

اخيلوا طيب مثلا ارسلتي له مسج تعبرين له عن شوقك له

وتطلبين منه الرد

ويرد لك برد ماله دخل باللي قلتيه


شو ردت فعلك؟؟

 

[روعة أنثى]

هلا أخواتي منورين
​

فديت ريلي /
زوجك يتبع أسلوب الهجوم خير وسيلة للدفاع
ويمكن يكون زعلان
أو طريقتك في الكلام معاه فيها رفع للصوت وهذه الطريقة يكرهوها الرجال مرة وتعصبهم
ردة فعلي لو كنت في موقفك اذا روقت ممكن أوضح له وجهة نظري في ساعة صفاء
واذا حسيت انه ممكن أمررها أخليها تمر
أم لارا /
راح أحس انه يتغلى وأنا كمان راح أثقل عليه حتى يحس انه رسايلي لها قيمة و ماهي مجانية
أحبتي /
ياليت لما ترد وحدة على موقف تحدد اسم صاحبة الموقف حتى يكون الموضوع مرتب
ونستفيد كلنا منه.​

لكن حبي ​

 

[فديت ريلي]

شو بتسوين اذا اتصلتي بريلج ومارد عليج .. وبعدين يوم تسالينه يقولج والله شي راجعلي !!!!!!!!!!!!!!!!!!!!

 

[احلى من العسل]

رد على فديت ريلي
شنو شي راجعلي والله على كيفه مايرد علي
ازعل عليه

 

[*** مذهلة ***]

واااو موضوووع ممتاااز الصراحه :nosweat:

انا طبعا ردود فعلي قاعده احاول اغيرها بعد ما دخلت هالمنتدى الراااائع :blush-anim-cl:

رد على موقف فديت ريلي ...
راح اقوله .. صح كلامك حبيبي ... بس الظاهر لاني انا احبك فاحاتييك واايد .. سوري ( مع نظرة انكسار ..لان زوجي جنوبي ههههه ) و اهو ان شاء الله بعدها بيتحسف و بيقول بعد عمري حبيبتييي تحاتينييي ..:in_love:

 

[روحي تحبه]

مستغربة ومذهلة ..طريقتكم في الرد صحيحة 100% ، وعلى أساس علمي بعد (ياشين التفلسف ههههههه) دايما دايما ياخواتي بدل ما تهاجمون اشرحوا مشاعركم ..يعني بدل ما تقول الزوجة ليش تأخرت ؟؟ تقول : ( قلقت عليك وايد ، وما جاني نوم وأنا خايفة عليك ..:icon30 مو علشان بس يتعاطفون معانا لاااااااااا علشان بعد يحسون إنها موهجوم لأن الهجوم طبيعي يولد الدفاع ...صح يا حلوات ؟؟؟:harhar1:

بالنسبة لي بطرح موقف يبط الجبد وااااااايد سمعته وواجهته ...أنتوا عارفين طبعا حركات النسوان ، مسجات وهدايا وفواحات وورود وقمصان نوم ...الخ تخيلوا لو ما يلاحظها الزوج أساسا أو يقرأ المسج وما يفهمه ويحتاج لشرح عيني عيييييييييينك .... يووه أحسها ماسخة يعني كل شي ياإما واااااااااضح ومباشر أو ما ينفهم ولا ينحس ..في وحدة أعرفها أرسلت لزوجها مسج إغرائي تدعوه للفراش بأسلوب إيحائي:blushing: ... وانتظرت وانتظرت وانتظرت ..وطاااااااااااااااال الانتظار وما في أي استجابة ..اتصلت فيه قالت له شرايك في المسج ؟؟ قال إي صج مشكورة عليه ، حلو وايد ..قالت له فهمته ، قال ليش فيه شي غريب عشان ما ينفهم ، مسج حلو وعجبني !!!!!!!!!!!! فهمته على قصدها (مسكيييييييييييينة ):sad_1: ورد عليها بصراحة ما فهمت إنه بهالمعنى (آآآآآآآآآآه) مع إنه إيحاءه بسيط وينفهم بسرعة ...
قولوا لي شرايكم في هالمواقف ؟؟؟؟

 

[onotha]

روحي تحبه ......... انا برد عليه بكل هدااوه وبقوله حبيبي انا حبيت هالمره اغير من اسلوب الدعوه للفراش بطريقه ثانيه .. فتوقعت انك ماتفهمني بسرعه لانه اول مره اطلبها منك بهالاسلوب ... بس من اليوم ورايح كل مره اسلوب يديد مره مني ومره منك ....

ملاااااااك14 .... موضوعج رااااااااااائع ووواقعي بالفعل ... تسلمين حبيبتي على هالفكره ..

 

[روعة أنثى]

أسعدني مروركن
واعجابكن بالموضوع
وفقكن الله لما فيه الخير ​

فديت ريلي /
اذا كنت في هذا الموقف راح أحس انه يستفزني :shutup::shutup:اذن بكل بساطة لا أفرحه ببلوغ هدفه
أبتعد عن المكان الذي يتواجد فيه
وأشغل نفسي بأي شئ آخر يوصل له رسالة أنا سعيدة ولم أتأثر بكلامك :msn-wink::msn-wink:
وبعدها راح يجي هو ويسأل فيك شي زعلت من كلامي وأقوله لا عادي بس أنا مشغولة
وماني فاضية
روحي تحبه /
في البداية أنا ماراح اتصل عليه لأن الرسالة كافية .
أما اذا تم الإتصال كما ذكرت فإنه
على حسب الوضع في حالتين
1- اذا كان يستعبط أو يتغابى أقابله بالمثل وأقول لا أنا ما قصدت شي بس كنت أبشوف ردة فعلك.:sly::sly:
2- اذا كان يا عيني فهمه بطئ أوضح له وأعذره والباقي عليه .:dunno::dunno:

لكن حبي​