لو كنتي مكاني وش تسوين؟؟؟

[سهرانه لحالي]

السلام عليكم ورحمة الله وبركاته
يالغاليات إكتشفت بالصدفه إن زوجي عنده جوال ثاني(سري) ومخبيه بالسياره:icon28:
وبطريقتتي الخاصه قدرت اجيب رقمه الجديد
واشتريت انا كمان شريحه ثانيه وصرت اراسله بالرقم الجديد وصار يرد عليا ويتصل ويبغى يتعرف!!
إيش رايكم اواجه واحرجه قدام نفسه
أو اشتري جهاز تغير الاصوات واعيشه قصص الحب اللي يسمع عنها من زملاءه:in_love:
أو أسرق الجوال من السياره وارميه:msn-wink:
أو ارسل له من الرقم الجديد اللي عندي رسايل دينيه وتهديد يمكن يعقل:shutup:
مع العلم ان شخصيته(جنوبي شرقي)
بليز ساعدوني بخبرتكم ولكم كل تحياتي وشكري:icon26:​

 

[زعفرانه7]

حبيبتي لا تفتحين على عمرج باااااااااب تتراوغين وياه وتذبحين حالج من الغيظ.....واجهيه وسأليه شوه لزوم الموبايل الثاني وليش مخبنه؟؟؟؟؟بس لا تقوليله انج عالجتي الغلط بالغلط ورحتي وطلعتي شريحه نفسه ممكن يشك فيج؟؟؟؟ويجلبها عليج........صدقيني انتي الي بتتعبين لو تميتي اتراسلينه ...وتشوفينه يتجاوب وياج...لا يا الغاليه قطعي الموضوع بالمصارحه ودوري شوه الاسباب الي اتخليه يدور على المكالمات ويا البنات!!!!!
الله يهديه ويسخره لج...........

 

[من إماراتي]

لا .. في طريقة أحسن إذا تبين تعرفين قدرج عنده .. لنه في رياييل يسوون هاي الأشيا على يتسلون بس و ما في بالهم إنه خيانة لزوجاتهم عشان جذي جربي معاه حتى يخبرج إذا متزوج و اذا خبرج جربي تتكلمين معاه عن زوجته _ انت _ بأسلوب مب حلو و شوفي رد فعله .. هل بيتضايج أو بيطنش أو بيسايرج عشان تمين تراسيلنه و جذي بتعرفين قدرج عنده .... احتفظي بكل المسجات اللي بينكم لوقت الضرورة .

 

[شوق المزون]

اخذي الشريحه منها وارميها واسكتي على باقي علمج
واذا اسالج قولي له ليش هو انت عندك شريحه ثانيه

 

[اعلامية طموحة]

لاتفتحي للشيطان باب بينج وبين زوجك

الخيانات عند الازواج صارت من الاشياء الشائعه

لكن انك تدخلي انتي في النص ... هذا اسمه لعب بالنار

الرجال يعاملو زوجاتهم كدرر مكنونه .. والعشيقات للعب بس

لا تنزلي نفسج لهذا المستوى .. اكسري بطاقتج .. تراج بتنزلي من عيينه

شو دراج بعدين انه بيصدقج .. وبيصدق انك اكتشفتي رقمه وراسلتيه

شو دراج مايقولج اكيد لعبتي بهذي البطاقه

انتي تعرفي نمط زوجك .. كملي معروفك واقرأي مواضيع التعامل مع الجنوبي الشرقي

والهدايه بإيد الله ما بإيد العباد

الله يهديكن ياحريم .. من كثر ماتركضن خلف هالزوج صرتن تتصرفن بجنون

وفي الأخير نهايات مدمره

الزوج غالي نعم .. واسعى ان استرجعه نعم .. بس ما اتهور .. وأضيع نفسي واحط نفسي في مناطق شبهة

في الأخير اذا حد شم خبر عن الموضوع .. بيقولو فلانه زوجة فلان بغت تغازل وبالصدفه غازلت زوجها

عقلي اختي وكسري البطاقه ودوري على حلول منطقية

ربي يهدي زوجك​

 

[أمواج وبحار]

انا من رايي الشخصي ولو بكون مكانج ماراح اسوي ولا شي بس راح آخذ التلفون عندي او الشريحة واسوي نفسي مادري عن شي ترى جذي هو راح يتعذب اكثر وراح استمتع بنظرته اللي كلها تساؤلات وخوف من افتضاح امره بس اعرف نفسي فترة وراح اواجهه لاني احب الصراحة ومااحب اعيش بتمثيل والله هالرياييل بلوى ابتلينا فيهم

 

[نهر الحياه]

ربيعتي سوت نفسج

كان ريله يروح الاتصالات ويكشفها والله انها ماسامحها

وبهدلها وكرها ...........

 

[كشخة دبي]

ماعرف شو اقولج انا ماعرف اتصرف واقعد اصيح

 

[دونيا123]

عليكي بالدعاء اختي الله يهديه ووييسرهولك شوفي جايز انتي مقصره بشئ يمكن ؟؟
حاولي تغيري من حياتكمعاه شويا وصبي اهتمامك به اكثر

 

[حبيبي لودي]

اللي سويتيه هو الغلط
ليش تتبعين عورة مسلم
ايه هو غلطان لكن مو معناه انك تغلطين وياه
كل انسان مسؤول عن نفسه
وشوفي الحين تتجرعين مرارة خيانته وهوا ولا داري عنك
نصيحتي لك بطلي مراسلته وادعي ربك يهديه
واذا صارت فرصه مناسبه صارحيه واعرفي منه سبب لجوءه للمعاكسات
اتمنى افدتك
تحاياي

 

[اسرار الحب]

لاتفتحي للشيطان باب بينج وبين زوجك​

الخيانات عند الازواج صارت من الاشياء الشائعه​

لكن انك تدخلي انتي في النص ... هذا اسمه لعب بالنار​

الرجال يعاملو زوجاتهم كدرر مكنونه .. والعشيقات للعب بس​

لا تنزلي نفسج لهذا المستوى .. اكسري بطاقتج .. تراج بتنزلي من عيينه​

شو دراج بعدين انه بيصدقج .. وبيصدق انك اكتشفتي رقمه وراسلتيه​

شو دراج مايقولج اكيد لعبتي بهذي البطاقه​

انتي تعرفي نمط زوجك .. كملي معروفك واقرأي مواضيع التعامل مع الجنوبي الشرقي​

والهدايه بإيد الله ما بإيد العباد​

الله يهديكن ياحريم .. من كثر ماتركضن خلف هالزوج صرتن تتصرفن بجنون​

وفي الأخير نهايات مدمره​

الزوج غالي نعم .. واسعى ان استرجعه نعم .. بس ما اتهور .. وأضيع نفسي واحط نفسي في مناطق شبهة​

في الأخير اذا حد شم خبر عن الموضوع .. بيقولو فلانه زوجة فلان بغت تغازل وبالصدفه غازلت زوجها ​

عقلي اختي وكسري البطاقه ودوري على حلول منطقية​

ربي يهدي زوجك​

كلام 100% انتبهيييييييييي بس من هاللعبه صارحيه احسن لك :santa_1:

وانا معاها بنفس الي قالته ربي يوفقها ويوفقك ويهدي زوجك ...:icon31:

 

[احسـاس الدنيا]

ارمي شريحتك والله مارح تجيب لك الا المشاكل وخذي جواله وخبيه عندك وخليه فتره يتعذب طبعا ماراح يتجرأ يسالك وحاولي تشوفين اذا منقصه عليه بشي وبعدين اذا صارحيه بهدوووووووووووء وازعلي عليه خليه يحس بغلطته الله يصلح بينكم ويسخركم لبعض

 

[زحمه احاسيس]

صباحك مسك
انا مو مع الاخوات اللي يقولون خذي الجوال واخفيه اوخوذي الشريحه
لانه ماراح تصعب عليه اكيد بيطلع غيره ولا يهمه
حاولي تغيري من نفسك تزيني تدلعي عليه اشغلي وقته لاتقصري عليه بشي
غيري من اسلوبك معه في الكلام خليه على طول يعيش معك جو كله رومانسيه
وبعدها اذا حسيتي انه مانفع معاه ومازال يخونك واجهيه قولي له وش قصرت عليك فيه
انت ماتستاهلني ياانا ياجوالك الثاني وترا عندك زوجه وخوات وبنات اذا عندك المفروض تخاف عليهم
وممكن يصيرلهم مثل ماتسوي ببنات خلق الله
واتركيه مع نفسه فتره وبعدين شوفي النتيجه
بس لاتكثري معه الكلام حتى يحس انك جاده ويحترمك
الله يعينك
لك ودي
زحومههههههههههههههههههههههههه

 

[يادنيا ياغرابه]

الله يعينك ماادري ماصرت اعررررررررررررف ارد من كثر البلاوي يارب يكون بعونك ويصلحه لك

 

[أحبه ولكن]

الله يعينك ,,,ويسخر لك زوجك يارب

 

[LADY A]

الله يفرج همج اختي ويعينج
بس مثل ماتفضلوا الاخواات اذا شك رح يعرف رقمج ويكشف انه انتي صاحبه الرقم الجديد الافضل انج ماتلعبين بالنار واجهيه واساليه علشريحه الجديده وشنو لازمتها بس باسلوب هادئ واكثري من الدعاء ربي يسخركم لبعض

 

[الدانــهــ 11]

الله يعينك على ما ابتلاك

 

[زوجة ولكن]

بسم الله الرحمن الرحيم

يالغالية شوفي لا تفتحين على نفسج شيئ أنتي مو قده
ترى كله بالنهاية بيطيح على راسج
انا ريلي كان عنده خطين اول ما حط الخط الثاني ما رضا يعطيني الرقم وخليته على راحته وما ناقشته بالموضوع بس قلت له مو إلا أعرفه عادي بعدها بفتره رد هو وعطاني الرقم
والحين صكر هالخطين وقال لي أنا ماعندي موبايل ومرتاح
واكتشفت بالصدفه انه حاط له واحد ثالث وهم خليته على راحته ولا كلمته بالموضوع لانه يعرف نفسه غلطان حبيبتي الرجال اذا تدورين من وراه بتتعبين خليها على ربج وعيشي حياتج​

 

[bad day]

ان الله مع الصابرين

ياقلبي نصيحه لوجه الله لاتتهوري واكثري من الاستغفار اكثر ما اخافه انه يقلب المشكله عليكي

 

[بسمه مجروحه]

انا من رايي الشخصي ولو بكون مكانج ماراح اسوي ولا شي بس راح آخذ التلفون عندي او الشريحة واسوي نفسي مادري عن شي ترى جذي هو راح يتعذب اكثر وراح استمتع بنظرته اللي كلها تساؤلات وخوف من افتضاح امره بس اعرف نفسي فترة وراح اواجهه لاني احب الصراحة ومااحب اعيش بتمثيل والله هالرياييل بلوى ابتلينا فيهم
هالفكره حلوة...والله ح يخاااااااااااف..ويلبي طلباتك..الله يكون بعونك