لو كنتي مكاني ..شبتسوين ؟

ص

صدى النور

New member
إنضم
2009/06/03
المشاركات
37
سلام ..

عندي مشكلة صحية تمنعني من الانجاب بطريقة طبيعية .. و لازم أطفال أنابيب حتى أحمل

و جربتها مرتين و ربي ما كتب لي النجاح فيهم

و طبعا نفسيتي و نفسية زوجي من سيء إلى أسوء

و قاعد أفكر في هالفترة أطلب الطلاق ..

لأنه ما أبغى أظلم زوجي وياي .. و من حقه يصير أب .. و ما أقدر أتحمل يتزوج علي

و صايرة واجد مشاكل بيني و بينه في هالفترة على هالموضوع

بنات أني أحببببه موووت و أدري انه بعد يحبني

بس المشاكل قاعدة تتعقد بينا ..

وصلت إلى الخيانة و عدم الصلاة من صوبه ..

يبررها بأنه الله ما قاعد يعطيه اللي يبيه من أطفال .. فليش هو يصلي .. فالصلاة شكر على نعمه و ما قاعد يحس بهالنعمة !

أدري انه اللي يقوله غلط في غلط .. بس كل ما فتحت وياه نقاش .. صارخ و عصب ..!

حتى الفراش صاير ما يجيني الا بين فترة و فترة ..

لأنه ما منه فايدة مثل ما يقول !!

أروح بيت أهلي شوي .. أفكر في الموضوع ؟
و إلا أستمر في زواجي على أمل أن ينصلح حاله مع ربه و معاي .. و ربي يفرجها علي و أحمل ..

بنات تصدقون .. اني و لا مرة رحت بيت اهلي .. رغم اني شفت البلاوي وياه على خياناته و مكالماته و كلهم من بنات الانترنت .. حسبي الله عليهم ..و ما أدري هذي نقطة تنحسب الي و إلا علي !

كل مرة اكتشف علاقة من علاقاته .. انهار فترة و بعدين اطنش و أرد أحن عليه ..و أرجع معاه طبيعية من أحسن ما يكون ..

يبرر لي خياناته بأنه مدمن عليهم و انهم يحس بأنه ناقص بأن الله ما كتب ليه يصير أب لحين .. فهم يعوضون هذا النقص ..!!

تعبانة واااااااااااااااااااجد و محتاجة دعوة صادقة منكم ..


 
الله يهدي زوجك ويسخره لك
وانتي لازم تفهميه الواحد لازم يكون مع الله عشان الله يكون معه
والمفروض انه يلتجأ الى الله ويتقرب اليه اكثر
ويطلب منه كل امانيه وان يحسن الظن بالله
واكثروا من الا ستغفار وسوف ترون العجب
والله يرزقكم بالذريه الصالحه​
 
الله يوفقك ويرزقك الذريه الصالحه انا من رأيي اصبري وخليك معاه وعاونيه على الصلاة والرجوع الى ربه فهذا عظيم عند رب العالمين ويمكن بهذا اللي تسوينه ربي يرزقك بالذريه الصالحه واهم شئ صلاة تالي اليل والحي بالدعاء وهذا الشئ لاتنسينه ابتلاء من ربي ليختبر ايمانك وتعلقك به بان يكفيك شره وشر البنااات اللي يكلمهم والله يفرج همك وهم المسلمين اجمعين ان شاء الله يفيدونك الاخوات​
 
أستغفر الله العظيم شوفي حبيبتي الأنسان أذا يأس من رحمة الله يضيع وأذا أنتي تحبينه زي ما قلتي خليه يتزوج لا تصيرين أنانيه لأن اذا عدم أنجابكم للأطفال سبب كل هذي المشاكل والبعد عن الله واليأس من رحمته والخيانه وما فيه شي أكبر من كذا توصلون له وسامحيني بس أنتي تتحملين أكبر جزء من الذنب لأنك ما تسمحيله يتزوج وأذا كنتي تغاضيتي عن خيانته وهي حرام الله بيقويك وتتغاظين عن زواجه لأنه حلال لا تخلين الحب والأنانيه تغطي عيونك عن الحق علشان نهايتكم ما تصير سيئه ومو لازم تطلبي الطلاق لأنك بتخسرين زوجك وحياتك وخصوصآ اذا كان العيب فيك ..
هداك الله لفعل الصواب ورزقك بالذريه الصالحه .
 
حبيبتي تقربوا من الله واستغفري واذا كانت مشكلتك لها علاج روحي تعالجي وسوي تمريخ عند حرمه اذا كان رحمك مقلوب او حاجه وادعي في اخر الليل ان ربي يرزقك في ناس حالتهم مرررررره صعبه ورزقهم الله وبعدين الانابيب ماتنجح من اول محاوله وكثير ماتنجح الابعد ست محاولات واكثر قبل ماتسون انابيب استغفري وتصدقي
وكمان ماسمعت عن التلقيح المجهري نتايجه افضل توكلي على الله وسوا المحاوله الثالثه وربي يرزقك
اما من ناحيه تتركيه مره ماينفع بكره يقول طلقتها ماتجيب عيال وبعدين ماراح تتزوجين
اذا كان زوجك يتضايق من مسأله تحليله في كل محاوله خليه يجمد الحيوانات المنويه ويصير كذا اسهل وكل مابغيت ان تسوي انابيب روحي المستشفى وسويها وترا في ناس يحملوا بالمجمده احسن من الفريش
 
زوجك يحاول يبرر كل أخطاؤه بانه الله ما رزقه بالأولاد استغفر الله شو يعني؟؟؟؟؟؟

المفروض إنسان بوضعيته يكثف الصلاة و الدعاء و التقرب من الله عشان ربي يعطيه

الغالية الله يعينك مع زوج بهذه العقلية
 
الله يشفيكي يا اختي ويرزقك الذريه الصالحه ويبعد زوجك عن الحرام ويهديه
 
يقول انو محروم من النعمه عشان كده ما لو لزمه انو يصلي ايه هذا التفكير بس للاسف زوجك صار يسمع كلام الشيطان وعنده ضعف في الايمان انت لا تخلي هذا التفكير يسطير عليه ووعيه بأهدائه محاضرات عن اهمية الصلاه وعقاب تاركها 000 وفضل الصبر عن الابتلاء 000 والحمد لله انت مو عقيم وفي عندك امل كبير بأنك تحملي بأذن الله 00 روحي ريحي بيت اهلك كل يوم واستخيري في موضوع زواجك واذا زوجك ما اتخلي عنك انت لا تتخلي عنه واستشيري احد من اهلك في موضوعك 000 وعليك بالاستغفار والدعاء 00 ​
 
رجل يمن على الله بصلاته اعطيتك ما اعطيتني فالحل اني اتوقف ...!!قولي له يستغفر ربه كثير ولا يمن على الله بل الله يمن عليكم

الاولاد رزق من الله لا احد يفعل ما يريد ...لو كنت مكانك كنت اعالج خيانته ان لم تصل لحد الزنا ولا ادعه يبرر لنفسه .طيب قولي له وانا ايضا اريد ان اعوض النقص مثلك! ما ستكون ردة فعله
 
ياقلبي اسمع عن ناااس قعدوووو سنبن يتعااالجووو بس ماايصخطووو هذا ابتلا فلازم تصبروو يمكن ربي يبغى يشووف مدى صبركم بلعكس المفرووض تتقربو من الله وربي مررة كنت في المستشفي وكنت قاااعدة انتضرر نتيجة التحاااليل والى واحد يصيح من الفرحة عاااد انا ملقووفة قلت لازم اشوووف ايش صااير الى اسمعة يقووول الحمد لله بعد عشرررين سنة انتضااار يعني زووجتة طلعة حااااااااامل اللة يرزقك الصبرررررررررر مفتح الفررررج اختى
 
لا حول ولا قوة إلا بالله ماهذا التجرؤ على الله
خوفيه بالله وأن ما يفعله من التجروء على الله وسب الذات الإلاهية وترك الصلاة أنه كفر بواح
ناصحية وإن لم يستجب لايجوز لك البقاء معه بداعي الحب لعل الله يهديه وإن لم يتب لايجوز لك الرجوع له وربي يعوضك خيرا منه
من ترك شيئا لله عوضه الله خيرا منه ومع هذا كله مافيه خلفة ياختي ماعليه حسافة اللي كذا
وأي حب بعد هذا لاقيمة له فثقي أن أروع الحب في طاعة الله تعالى وليس مع من هم بعيدين عن طاعة الله
 
الله يعنيك وعليك بالدعاء واكثار الاستغفار واذهبي لممرخه وشوفي ايش تقول لك وبالله التوفيق
 
زوجك حاط مسألة الخلفه الشماعه الي يعلق عليها كل خياناته .
 
يااااارب يرزقك الذريه الصالحه ......بصرااااحه زوجك بيحاااول يبرر اغلاطه ويخليها شمااااعه هذه قسمة ونصيب كل شي مقدر واذا كان هو مدمن علاقااات لا يلصقها بالخلفه عشااان يحسسك بتأنيب الضمير ويسوي الي يبيه ......
لو كاااان قصده فعلا الانجااااب كااان فكر جديا انه يتزوج بالحلااااااال ,,,,
الحل بيدك اجلسي معاه وتكلمو بصرااااااااحه افضل حل .....
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل