لو سمحتن ...أحتاجك..خدماتكن..

[ليتني غير]

السلام عليكم ورحمة الله وبركاته

أخواتي العزيزات يا ليت اللي مجربة أو عندها خلفية عن الموضوع تفيدني ولها مني دعوة قلبية
صادقة .. ربي يجمعنا سوا بالجنة .. آمين..

أخواتي:
كيف تتم معالجة الالتهاب اللي يصير على الجرح المخيوط ( بسبب الولادة ) ............

فية من نصحني بالاغتسال بالماي والملح لمدة نص ساعة ,
وفيه من نصحني بالماء والديتول ..

انا جربت الماي مع الملح وبعد يومين صار لي التهاب..هل هذا معناه ان فيه هناك من يناسبة
الماء والملح وبعضهم ممكن يستضر ؟

أرجو منكن النصح .وشكراً.

 

[أحب بناتي]

وعليكم السلام ورحمة الله وبركااااااااااااااااااااااته

الحمدلله على سلامتك يالغلا ومبروووووووك ماجاكم

والله بالنسبه لي أنا أستخدم المره وقشر الرمان

المره أنقعها في علبة تكون ثقيله ....ولمن أدخل الحمام الله يكرمك أسخن ماء حار واضع شويه من المره عليه

وأجلس جوته على كيفي متى ماطفشت خخخخخخخ

وقشر الرمان ....أغليه الي أن يدفئ شويه أجلس فيه وبعد الين ماأطفش *_^

والملح ماأستخدمه غير بعد 20يوم من النفاس ....لأنه يفك الغرز بسرعه والجرح ماطاب ....والله أعلم

<<<< أتكلم عن نفسي فقط

 

[بسمة فررررح]

حبيبتي لاتعبثين الي قالت لك الدكتوره سويه انا دكتورتي عطتني فيوسدن الاحمر[ابو اسد] وقالت اغسلي بشاي مر


وقدامك العافيه ان شاء الله

 

[ليتني غير]

وعليكم السلام ورحمة الله وبركااااااااااااااااااااااته

الحمدلله على سلامتك يالغلا ومبروووووووك ماجاكم

والله بالنسبه لي أنا أستخدم المره وقشر الرمان

المره أنقعها في علبة تكون ثقيله ....ولمن أدخل الحمام الله يكرمك أسخن ماء حار واضع شويه من المره عليه

وأجلس جوته على كيفي متى ماطفشت خخخخخخخ

وقشر الرمان ....أغليه الي أن يدفئ شويه أجلس فيه وبعد الين ماأطفش *_^

والملح ماأستخدمه غير بعد 20يوم من النفاس ....لأنه يفك الغرز بسرعه والجرح ماطاب ....والله أعلم

<<<< أتكلم عن نفسي فقط

الله يسلمك .. ويبارك لك ف بناتك ,,وجزاك الله ألف خير على الرد .
هذي معلومة جديدة ..
أنا على بالي الغرز تتفك من أول أسبوع ما توقعت انها تظل لين 20 يوم أو أكثر ..:tears: !!
لأن غرزاتي كثير توجعني..والحين بس أطب طب عليها بماء دافي وأحط مرهم بس ما فيه
لحد الحين نتيحة ايجابية,,
بإذن الله راح أجرب خلطتك ,,وان شاء الله تتم على خير .

ونفسي من العضوات تطرح تجاربهن ف هالموضوع حتى نستفيد وشكرا ..

 

[ليتني غير]

حبيبتي لاتعبثين الي قالت لك الدكتوره سويه انا دكتورتي عطتني فيوسدن الاحمر[ابو اسد] وقالت اغسلي بشاي مر


وقدامك العافيه ان شاء الله

الدكتورة عطتني مرهم اسمه فيوسيباكت.وقالت لي أرش الجرح بماي وملح.
بس الألم نفسة نفسة مو راضي يخف..الحرقان..ونطعات الخرز,كل هذا يخلي الوحدة تتضايق!

 

[أحب بناتي]

حبيبت قلبي ليتني غير .....الغرز تنفك حوالي بعد 10أو 15يوم بالكثير

بس أنا أستخدم الملح الخشن بعد 20يوم للأحتياط ....؟؟؟

وإن شاء الله البنات يفيدونك أكثر

 

[@مرح@]

تشطفي بموية دافية مع مرة شووووووووويه يعني ريحة بس وشوي ملح
لأن الإكثار من المرة يسبب حكة وممكن تنفك الغرز قبل وقتها
ولازم تتنشفين كوييييس بعد دورة المياه لأن الرطوبة شينة على هالمنطقة
صرآحة عمري ماستخدمت كريمات أو مراهم المستشفى على كثر ماولدت فقط استخدم اللي قلتلك عليه والحمد لله كل شي تمام
الديتول ماأنصح به مع وجود المرة
المرة تجيبين لك مجموعة وتنقعينه في مويه مغلية في علبة زجاج وتخلينها جو الحمام ( وانتي بكرامه)
وكل مادخلتي الحمام صبي لك بضع قطرات مو كثير يعني مثل ماقلت لك ريحة بس
وان شاء الله ماقدامك إلا العافية
ملاحظة :
إستعمال المرة مع وجود مرهم مضاد للجرح أخاف يكون فيه تفاعل , يعني ياانك تستمري على مرهمك ياأنك تتركيه وتستعملي المرة
والله يقومك بالسلامة يارب

 

[الفنوديه]

مرحبا اختي

غلط انج تستخدمين الماي والملح والخياطه مابرت لين الحين ...

اول شي روحي لدكتوره اذا فيه التهاب....واستخدمي مرهم اسمه mebo يساعد على التآم الجرح

انا اللي اعرفه انه بعد 15 يوم من الولاده وبستخدام مرهم ميبو من بدايه الولاده يساعد على ألتآم الجرح وبعدين تقدرين تروحين لدكتوره شاطره تشل الخيوط<<<< هذا اللي سويته فولادتي ببكري والحمدلله كان كل شي تمام التمام

 

[رموش نمله]

هلا حبيبتي لازم تهتمين بعمرك حبيبتي حتا مايزيد عليك التهاب
انا يوم بنتي صاير اللتهاب من جوا ومن برا جلست 5 شهور وانا اتعالج


اسمعس اخطاء الي مريت فيها اول شئ انا ولدت وعطوني مضاد ب 5 ايام فقط وقالتلي خلاص لاتاكلينها


صحيح لازم تاكلين مضاد اكيد بمتابعه مع دكتوره

صدقيني انا يوم زادت التهابات كانت دكتوره تعطيني مضاد بس ماكان قوي
رحت لدكتوره ثانيه في مستشفا ثاني وسوتلي زراعه من الألتهابات وبعد 3ايام عطتني مضاد مناسب والله كلما ذكرتها دعيتلها من كل قلبي
حبيبتي اشئ الثاني انه المطهر الي تستخدمينه مو المطهر العادي انشاء الله فهمتيني
حبيبتي في شئ يسما مطهر يكون خاص بلنفاس تقريباااا علا ماذكر هو علبه طويله مدببه لونه احمر وغطاه ابيض تقريبااااا
هاذا مره حلوووووووووو
طبعااا انصحك بشرب ماء المر المنقوع مره حلوووووووووو بس اذا كنتي تاكلين مضاد فلا تشربينه
سدقيني هو سبب انه يختفي الكرشه خخخخخ يعني البطن وينضفه لك

 

[رموش نمله]

ومن ناحيه ثانيه فوط النسائيه ألوز المهم ماعرفت اكتبه اذا كانت هاذي فوطه الي تستخدمينها هو سبب في زياده الألتهاااااااااااااااااااااااااب فياليت تغيرينه ونصحك بفام مره حلوووووو ولايسببلك حكه

ونفس الكلام الدكتووووووووووووووووره الي نصحتني جزاه الله الف خير


شئ الثاني لاتستعجلين بفك الخيووووووووووووط اياكي خليهاااااا هي بطيح من نفسها

ونصحك لازم تهتمين بعمرك لانه الالتهابات مايخلي الجرح يلتأم ويمكن بعدها يطلبون منك بعاده الخياطه

نصيحه مني انا مجربه وشفت الموت فحذاري اختي


معليش وسموحه اني رديت مرتين

 

[عيون حورية]

أول شي الحمد لله على اااااااااااااااااااااااااااااالسلامه
انا والله ملقووفه ما اولد الا قيصريه بس اشوف اخواتي يشترون (خوا جوا)
ويخمر لمدة يومين ثم تتوضين به وهم يمدحووووووووووووونه مره واتمنى اني افدتك
والله يقومك بالسلالالامه

 

[حبيبي ربي]

نحن امي علمتنا نحط على الخياطه ميكروكروم الاحمر البارد (لانه فيه منه الحار)+بودرة ال ام بي ونخلطهم مع بعض وبقطنه الاذن امسح عدة مرات في اليوم والحمدلله ولا وحده منا تعاني من التهابات الخياطه

 

[ليتني غير]

أنا خلاص الالتهابات تمكنت مني..لأن من البداية ما أحد علمني كيف أنظف مكان الخياطة
ولا حتى الطبيبة........لولا حريم حارتنا..نبهوني على هذا الأمر!

راح احاول أمشي على طريقة من الطرق اللي طرحتوها ,,
اما حاليا فأستخدم المرهم وأنظف المنطقة كل ساعة وأجففها زين زين بس شكلها جدا مقزز ويبكي!
رغم اني أحس بتحسن بتخفيف الألم..

مشكورات حبيباتي استفدت من تجاربكن...ف ميزان حسناتكن إن شاء الله.

 

[محرومه من زوجي]

الحمدلله على السلامه ومبروك ماجبتي..
حبيبتي انا تعرضت للالتهاب رحت للطبيبه قالت تغسلي بمويه دافيه وملح
وعطتني بودره علبه بيضاء صغيره فيها خط احمر,,نسيت اسمها
استخدمتها ثلاث ايام وطبت,,,,