لو زوجك بيسافر؟

[tofifee]

السلام عليكم ورحمة الله وبركاته
كيفكم ياحلوات؟
زوجي احتمال يسافر فالعطله برا ومع اصدقائه اللي هم يصيرون له يعني سياحه واناموراضيه وقلت له لكن زوجي من النوع اللي يسوي الي في راسه اذا كان وده يعني ماهمه كلامي وقلت له اني انا اولى منهم بالسفر معاه ويقول ان مشكلته مايقدر يتحمل المصاريف بس اذا سافر مع ربعه بيكون كل شي مقسوم بينهم السكن والاكل والصراحه لو كان عندي دخل شهري كان تقاسمت معاه تكاليف السفر مثل مايسووون كثير من الموظفات ولايسافر لحاله,ولاشو رايكم بهالطريقه؟
وابغى استشيركم اذا جاء بيسافر شلون اودعه بعتب ولابشنو؟مع انه بيتضايق وانا مااقدر على زعله وضميري بيأنبني .
و دايما يقولي اذا نكدتي علي مااتذكرك بالخير ويصير ماودي ارجع وحلو تودعيني بابتسامه عشان اشتاقلك مدري صادق او يلعب علي بيريح راسه:sad_1:
للمعلوميه زوجي شمالي غربي وانا جنوبيه شرقيه
ارجو الرد وخصوصا اللي عندها خبره وانا اثق فيكم وعادتكم مثل خواتي ومشكووووووووورين مقدما:bye1:

 

[هيوونه]

مرحبا حبيبتي سبحان الله وانا اقرا مشكلتك كانك تتكلمين عني انا وزوجي حتى نفس الانماط :tears:
ياشيخه توكلي على الله وخليه يسافر (لانه بيسافر سواء رضيت او زعلت) فخليه يسافر وهو راضي عنك احسن من انه يسافر وانتم متزاعلين وهو طبعا بيستانس هناك وينبسط مع اصدقائه ولاراح يكلمك ويمكن ما يعطيك مصروف لك ولعيالك :schmoll: وانتي في هالفتره انبسطي بأي وسيله روحي للأسواق روحي لصديقاتك واذا ماحصلك طلعه اعتبريها فترة نقاهه وراحه لك (اصلا احنا الجنوبيات مانقوى هاالشمالين الله يعيننا عليهم) خوذيها مني نصيحه ياما سافر زوجي وهو زعلان مني لاني توقعت اني اقدر امنعه بالعكس كان يمدد في سفرته بدال ما يقعد اسبوع يقعد عشره ايام ومن غير ما يعطيني مصروف ولا حتى يكلم يسأل عن عياله والله انك قلبتي علي المواجع :sadwalk:
اهم نصيحه اذا جاء من السفره لاتسوين له حفله ولا عشاء فاخر ولاشي خليك عاديه بالمره البسي لبس حلو وخليك ثقيله ولاتتكلمين كثير عن اي شي سويته بس بيني له انك كنت مبسوووووطه واستمتعت بوقتك.
اتمني حبيبتي اني اكون افدتك

 

[ماء الهنا]

الله يكون بعونك بس انا مع كلام زوجك من ناحية التوديع خليك مبتسمه وكلامك حلو حتى تكون الذكرى حلوه​

 

[tofifee]

عزيزتي هيونه صدقتي كلش ولا التطنيش كلامك ريحني كثير الله يريح بالك
مشكوووووووووره عالرد

 

[tofifee]

ماءالهنا بكون مبتسمه بس من جوا:busted_red:
الله يكون بالعون مشكووووووووره عزيزتي عالرد

 

[antelope]

مرحبا tofifee بعض الأزواج يوم يشوفون الزوجة تحن عليه وتقوله لا تسير يسوي اللي في باله،

حتى لو تحسين إنه انتي أولى بالسفر ... هو أما تقنعينه إنه يوديج أي بلد، وإلا تسيرين وياه في

البلاد، تغيرون جو ... أو إذا كان ملزم وسافر، لا تعاتبينه بالمره ...

صديقتي زوجها يحب يسافر دولة جريبه مه ربعه ويتركها وكل مره تقوله تراني ما احب هذا

الطاري، فهو يكرر السفره، لكن آخر مره سافر فيها من اسبوع، قالها بسافر وماردت عليه، قالها

غريبه ما قلتي شي، ردت عليه وقالت له انت اللي تبغيه بتسويه وخلاص ..

المهم سافر تم يومين ورجع من نفسه، واثناء السفر ما كانت تتصل به وايد، تخليه على راحته

هو بنفسه رجع وحس بملل مع إنه حوالي 10 من ربعه معاه ....

 

[جفاف العاطفه]

عزيزتي هوني على نفسك أنا قرأت في هذا
المنتدى عن طريقة تمنعي زوجك من السفر
وهي ان تصلي صلاة الاستخارة وتدعي بدعاء
الاستخارة ثم تسمي حاجتك وتقولي يارب ان
كان في سفره هذا خير يسره له وان كان فيه
شر فصرفه عنه وانت موقنه بالله والمهم حسن
الظن بالله

 

[tofifee]

عزيزتي antelope..
اذا اصريت عليه يقول نكديه واذا طنشت بيقول راضيه ويحلا له الموضوع بس انا بسوي انه ماهمني
مشكوووووووووره عالرد

 

[tofifee]

جفاف العاطفه..فعلا انا جربت الدعاء وهو خير طريقه,مره كان زوجي بيسافر دوله راح لها مره ومااعجبته وقال مابروح لها ثاني بس اصدقائه اقنعوه وقرر يسافر معهم تضايقت ودعيت الله وبعد كم يوم تكنسلت السفره شقد كانت فرحتي وحمدت ربي وشكرته كثير
مشكككككككوره عالرد

 

[joryah]

اه اه والله كانك تكلميني عن زوجي والله اني اموت قهر إذا سافر لاكن لا نملك غير الدعاء الله يهديهم