له حق يحاسبني على معاشي...؟؟ ساااااااااعدوني

[وين اروح]

:8:السلام عليكم

اخواتي والله مو عارفه شقول ..
مشاكلي زايده هالايام
احس صايدني اكتئاب مو طبيعي ابدا

كارهه الكل الكل بلا استثناء..
قاعده اتناجر على اقل شي
احس خلااص اكتفيت قاعده اطلع صمت السنين والله

بالامس تناجرت مع زوجي والسبب فلووووس

هو ما يقصر علي والحق ينقال
بس دائما يسالني معاشي وين يروح
هل من حقه
تكلمت وصرخت وسكت وتعبت قلت له هذي معاشي لو اقطه بالزباله محد له حق يكلمني

صحيح اني مبذره
بس والله حسو فيني
انا بنت طول عمري احلم بالوظيفه حق اخذ اللي خاطري فيه
مااحب اطلب من احد
والله انه لو يكون خاطري بشي غالي مااقوله
انطر الراتب ينزل لي واروح اشتري

ادري كلامي ملخبط
بس مقهوره
تعبت من هالمجتمع الذكوري
يحاسبني على شي مو من حقه
ليه انا مااحاسبه
وفوق كل هذا يقول بيكلم الوالد اليوم عني باني مبذره
يعني تخيلو بيقول لابوي قدام امي وخواتي مو قهر انا طفله يسوي لي هالحركات
والله قهرني ومن شدة قهري قلت له لا انت لك حق تحاسبني ولو والدي كلمني بقوله ماله حق ولو تجيبون جدي بعد بقول مالكم كلكم حق تحاسبوني


بالله عليكم فهموني
مقهوررررررره خاطري اطلع اللي بخاطري كله..

 

[غراابيل]

هلا حبيبتي انتي ليش اعصابك ثايره ريلاكس اول شي

تكلمي بهدووء معه وبالحرف الواحد راتبي يخصني

وحتى لو قال لاابوك بالحرف الواحد لابوك برضو (راتبي لي ومن حقه يصرف بدوم مايسأل وين يروح راتبي)

خليك هادية وحاولي ماتوضحين له راتب الشهر هذا بقى او مابقى

 

[سوالف رحلتي]

الراتب حق من حقوق المراه والرجل لا شأن له فيه

قد يكون نصحه لك من باب الحرص على مالك وقد تكونين من النساء اللاتي يشترن مايحتاجنه ومالا يحتاجنه .

قد تكونين صدقا مبذره .


شوفي اختي فلوسك خليها معك ..وان كان راتبك مثلا عشره اشتري بخمسه وخلي الخمس ذخر للزمن ولا تقوليله انج تجمعين .

قوليله اتبرع فيهم للاعمال الخيريه مثلا 1500 و1000 اعطي والدتي او اشتريت هديه لبنت خالتي او اي شيء اخر توجيب يعني كوني نبيهه


لا تخلينه يحط عينه على مالج


بس انتي اهدي حتى لو قال لابوج شو يعني ؟؟


شو بيسوي ابوج قوليله انته شو مكانك في حياتي يوم انك تلجأ لابوي


كوني ذكيه والموضوع مايستاهل غضبك

 

[وين اروح]

خواتي اكذب او اطلع جاحده لي قلت انه هو يقصر علي ابدا والله

بس مشلكتي مااحب احد يتدخل بخصوصياتي
واحس راتبي من خصوصياتي لاين احمر
والله ادخر منه
بس شاسوي

ليش يبي يقول لوالدي
يعني شنو
حلالي ما اقدر اتصر فيه

شهالتخلف
يعني يابنت ما تتصرفين بحلالج الا بشور ريال

 

[الجده الصغيره]

يمكن انك صدق مبذره....راجعي نفسك....

وحاولي تحطين لك مشروع تتربحين منه..عشان يشوف زوجك انك سنعه مو لعابه.........

 

[U.A.E]

حبيبتي لا ت كبرين الموضوع سمعي من اذن وطلعي من الاذن الثانيه

خذي الي يعيبج ويناسبج من الكلام والباقي عقية ورا ظهرج

ظاهريا بينيله انج مقتنعه وتسمعين كلامه وباطنيا سوي الي يريحج

لا تسوين مشكله من لا شيء , الريال يحب يمشي كلمته ويتدخل في خصوصيات مرته

يبوج ريلج احسن عن غيره الي ياخذ معاش مرته والي ما يعطيها مصروف بحجة انها تشتغل ومب بحاجه

 

[كان الحب لك]

حبيبتي خافي الله والله انك محاسبه/وبعدين ماغلط ولاقصر بس سألك ايش رأيك في يبون راتب الزوج وتصرف عليهم انت بنعمه ابعدي الغشاوة عن عيونك
حرام عمرك يروح في الوظيفة وانت لاهيه يالله ابدئي من الان خلي شي للزمن وجزء لمتطلباتك وجزء صدقه اوكفالة يتيم شوفي كم بيت مايعرفون الاكل-وابوك وامك حرام لاتنسينهم-بلغي زوجك وقلي انك كافله ايتام بس ماتحبي تعلمين وتذكري اكيد فيه شي ممكن تسوينه حرام تضيعينه في الاسواق غيرك مالقى والله انصحك من قلب

 

[اشراقه جديده]

احفظي دراهمك ببنك ولايجي يوم وتحتاجيها ولا يدري زوجك عن ادخارك افضل ولو تسوي كافلة يتيم بعد افضل وخليك ريلاكس ياحلوه
موفقه

 

[مَلآمِحْ حُلمْ]

هدي شوي يا قلبي و راتبك حلالك فهميه ان الراتب خاص فيك و لا يفتح سالفه الراتب مرة ثانية بس انتي الله يهداك لا تذبحي روحك بالصراخ و الزعل هونك على نفسك و مع الايام ما راح يفتح سالفة الراتب بس هاه لا تقولي له لا تصرف علي ترا بتضيعي حق من حقوقك ..​