لهذا السبب انا اكره الرجال واحتقرهم ..
السلام عليكم ورحمة الله وبركاته ..
بداية اعتذر اني وضعت الموضوع هنا وانا غير متزوجه ...اكثر عن مره ادخل قسم استشارات البنات واطلع ...اقول في خاطري اخاف الي اكتبه يأثر عليهن احسهن صغار ...اخاف اني اكون مريضه واعدي خواتي بهالمرض..واخاف الفت انتباهن لشي هن ما يعرفنه.....اما لو المشرفات شافو ان نقله شي لابد منه فلهن اكيد الخيار والحرية المطلقة ....
اعرفكم بنفسي اول شي....فتاة ...عمري 19 ..ادرس قانون في الجامعة...وحيدة امي وابويه الله يحفظهم ....ولهذا السبب متعلقه بصديقاتي بدرجة كبيره....
ما اذكر كيف بدا هالشي وياي...بس بداخلي كره وحقد كبيــــــــــر للرجال....اكرهم وابغض وجودهم ...بت آمن ان وراء كل امرأة محطمة رجل...وراء كل دمعة حزن رجل قاسي....وجود الرجال ارتبط عندي بالمعاناه ..والسبب اكثر من موقف تتالت وحفرت في ذاكرتي صور وفي قلبي احزان لا تنسى....
كانت طفولتي جداً سعيدة ...ما اذكر مر يوم تعيس عليه ابداً ...كبرت وكبرت بداخلي طفلة بريئة ...دخلت المدرسه الى ان انهيت دراستي الثانويه والتحقت بالجامعه ...
والجامعه عالم كبيـــــــر مختلف ...فيه بنات من كل الاعمار..و اود اوضحلكم ان كل صديقاتي اكبر مني واغلبهن متزوجات ....
كل يوم الصبح اجلس مع الشلة ...تقريبن 8 بنات..وتبدا كل وحده تسرد معاناتها مع زوجها...هذي زوجها متزوجنها غصبن عنه وهي مغصوبه عليه و لا يحبها...وهذي زوجها يخونها..وهذي اليوم بايته تصيح من الضرب....تعقدت تعقدت وكرهت الرجال بشكل ...وتعرفون ان 4 من صديقاتي مغتصبات !!!..ارجع البيت...الاقي الوالده تشتكي من الوالد وتشك في خيانته لها ...وكل يوم تكرر على مسامعي " الرجال كلهم سواء كلهم يبون يلغون شخصية المرأة كل الرجال خونة..يا بنتي لا توثقين بأي رجال "....الله يهديها....
ازور بنات اعمامي وخوالي...كل وحده متعذبه مع زوجها ...اشوي اشوي اترسخت الفكره فعلن وصدقت النظريه ...وراء كل امراة محطمة رجل...فكرت حولي طالعت غريــــــــب فعلن ما في وحده مرتاحه ؟؟؟.خلاص يا خواتي وصلت لمرحلة يقيــــن ان الرجال كلهم ذئاب ووحوش...وايقنت ان الزواج مجرد شكليات للرجال ..ولا يمنعهم هذا الرابط المقدس عن الفواحش والزنا!!
واحتقر الرجال اكثر لما اعرف انهم مخلوقات بصريه تستبيح الزنا ..اي بنت جميله تغريهم وتجعلهم يرتكبون المعاصي...ليش لانها جميله ....اذا حرمته مب حلوة ياخذ هذا الشيء كدافع للخيانه ...مجرد كائنات سطحية وغبية !!! و الحرمة مهما يأذيها زوجها ويهينها تصبر وتتحمل وهو ؟؟؟
والله اني سمعت عن انسان وهو في عز الصوم يزني !! والاخس انه " متزوج" كم تكدر خاطري على مرته رغم اني ما اعرفها وزاد احتقاري للرجال....
مضت الايام ...
احسست بانجذاب ابن خالي لي ..في البداية ما اعطيته اي اهتمام خاصه اني شبعانه عقد ....بس ويا الوقت قلت لا يمكن هذا غير ..ويا بنت خلاص مب كل الرجال سواء اعطي نفسج فرصة تنسين فيها هالعقده ...وحاولي ولو مره تعيشين الحب مثل كل البنات ..بس طبعاً في نطاق الشريعه ومن غير محرمات ...
ما كان يختلي فيه ابدن ....ما اشوفه الا لما اسير بيت خالي واكون لاصقه بامي ...حتى ما اقوله كيف حالك...هو يبادر ويسألني...وانا اروح بكامل حجابي ولا اتزين ولا اخذ واعطي معه ...بس نظراته وكلامه لي يحسسوني بانه يحبني...وانا ما تعرفون لأي درجة يهمني الطهر في الناس ...واحب الحب العذري...الحب الي من بعيد لبعيد ..لآ مكالمات ولا اختلاءات ولا زنا ولا اغضاب لله..مجرد احساس في القلب...
حسيت انه هذا الانسان عنده شي يشبهني في ضميره ...لانه ما حاول يختلي فيه ولا ياخذ رقمي ولا اعترفلي حتى بحبه ...على عكس ما كنت اسمع من صديقاتي ان الي يحب يزني وهالشي كان مكرهني بالحب ....فشوي شوي بدت محبته ومكانته تكبر بداخلي وقلت معليش ليش لا دامه اول رجل بهالمواصفات قبالي...ويمكن انا كنت غلطانه ....
الى ان جا ذاك اليوم ...كان يوم العيد ...انا متزينه ومتعدله ...وصلتني الوالده لبيت خالي وقالت جلسي ويا بنات خالج وانا بجيب جدتج وراجعه ...طعتها ودخلت ...هود هود يا اهل الدار...ما احد هنيه ...دخلت مجلس الضيوف ...لأقيت ولد خالي...استحيت وكنت بطلع بس قالي يا فلانه قربي قربي...
نزلت راسي وقلتله وين خواتي ( بنات خالي) ..قالي تعالي استريحي الحين بيون ...انا : ليش طالعات؟؟ رد عليه : لالا استريحي انتي بس وهم بيوون الحين ...ما طولت السوالف وقعدت على اقرب كرسي...وهو شل عمره وطلع ...قلت خلاص بما انه طلع ما بيرجع فنزلت الشيله من راسي ..ورحت عند الفواله ( سفرة العيد) وخذت حلاوة وقعدت اكل بحكم اني متعوده على بيت خالي ...فجأة يدخل عليه ولد خالي وانا تفاجأت وخفت لاني بليا حجاب على طول رفعت حجابي وصديت وجهي عنه ووقفت بسير عند بنات خالي لانهن تأخرن ...بس استغربت من ولد خالي وهو مقرب مني بسرعه وعطاني ورده كانت بيده ...ما اعرف كيف سمحت لنفسي وخذتها على استحياء...يمكن هو اعتبرها اشاره مني.. ما وعيت به الا وهو ماسكني من كتوفي ويحاول ينزع عباتي ..انصدمت وحسيت الصدمه كبيره و كنت ارتجف ..الموقف كان فضيييع فضيييع يا خواتي انا ماسكه العباه وهو يحاول ينزعها ...هو رجل طول بعرض وزنه فوق المية وانا بنت حجمي ضئيل لا حول لي ولا قوه ...انتابتني كل الذكريات الاليمه ...اتذكرت كل وحده من صديقاتي الاربع وهي تحكيلي قصة اغتصابها ....اذكر دموعهن والمهن ...وانا لازلت اقاومه واقوله : احمد لا يا احمد قوم قوم عني ...احمد ما ابغي ..بس ما كان يسمع الا نفسه ..حاولت اعلى صوتي وابين له خوفي فقلتله : يا احمد بصيح بصيح كررتها 3 مرات ..بس بعده يحاول بكل قوته حتى ان العقمة ( ازرار ) العبايه تقطعت ..في الاخير دفشته بكل قوتي وبعدته عني ...رفضت اني ارضخ مثل صديقاتي ويكون مصيري مثلهن ...بكل حقد وكره رميته عني..ولا اعرف كيف بس قدرت...ابتعد عني بس راح لعند الباب ..
نظرتله بكل تحدي وانا اتحجب واحاول الم عباتي وقلتله : قوم عني ابغي اطلع قوم عن الباب ...وهو مب راضي بس كاان واضح عليه الندم ..طالعني وقالي انزين بس ابغي احضنج ..احتقرته اكثر كيف يجرأ عقب كل هذا ...مشيت وسرت عند الباب حاول انه يقرب مني بس كنت اسرع عنه فتحت الباب وطلعت ....
لو تشوفون حالتي طلعت اركض حافيه ولا لبست نعالي كانت كعب وكلها ربطات ..طلعت اركض حافيه وبسرعه بس ابغي ابتعد عن الناس ابتعد عن الكل..بيتنا ما كان بعيد وايد ...بس بعد المسافه مب هينه ....وانا امشي اشوف هندي في الشارع بعيد بس قلبي يدق واركض ...ما وعيت الا وانا اوصل بيتنا دخلت الهث ورحت لاول غرفه وكانت للضيوف دخلت وسكرت الباب ...طحت ع الارض بس ما صحت من الصدمه والالم ....شي في داخلي كان يقول تستاهلين ليش توثقين فيه ؟؟ ليش خذتي الورده من يدينه ....بعد ساعات سمعت صوت الوالده في البيت ركضتلها وحضنتها ..توقعت تسالني تقولي شو يابج هنيه وكيف بس كانت عاديه جداً ..ولد خالي قالها انه وصلني البيت لاني تعبت عليهم ..كذب عليها طبعن وانا سكت ولا قلت الها شي...
تخيلو ان ريولي تقطعن وانا ولا حسيت الا في الليل من الصدمه !! وكانت كلها جروح ومتقرحه لاني ركضت حافيه ولا قدرت انام من الالم ...تخيلو انكم تنجرحون و تنزفون من غير لا تحسون ...كانت كلها من الصدمه ...
مرت الايام ...كبرت بداخلي العقده ...بيوم صديقاتي المتزوجات واعرف ان الي بقوله غلط واثم بس ما عليه بنات سامحوني ع صراحتي بس انا فعمري ما بحت لحد ....مره احدى صديقاتي المتزوجات كانت تراوي وحده من الشله فلم على تيلفونها ...فانا بكل لقافه وبراءه رحت وقفت وياهن واثاريهن يشوفن شي من الي بالي بالكم ...ما قدرت اكمل معاهن وحسيت انه الي يشوفونه شي حقير...بس ما نسيت المشهد ...باليوم الثاني رحت للبنت هاذي وقلتلها يا فلانه الي كنتوا تشوفونه هذا اغتصاب صح؟؟ قالت لا يا غبيه هذي حاله عاديه وانا اقولها لا تكذبين عليه هذا جرم و غصبن عن البنت ...ضحكت وقالت المقطع والله عادي وما فيه شي انتي الي معقده كل اللي يسوون جذي .....وصارت عندي عقدة من الزواج والجنس وخوف رهيب ...ما اتخيل اني اكون بين يدين رجل ...وارفض حتى فكرة اني انام ويا رجال حتى لو كان زوجي ...احتقرت الرغبة الانسانيه واعتبرتها شي حيواني...اعتبرها خطيئة وشي غلط مهما كان الدافع ...
وهذا انا اليوم اجلس بين الشله واحس اني غريبه فوسطهم ...حتى اني للاسف كم مره حاولت اشوف افلام مثلهن عسب احس اني طبيعيه الاقي نفسي انفر واخاف ولا اقدر اكمل ابدن احس ان الرجل حقير يغتصب البنت ...والبنت رخيصه لانها طاعته ...
سامحوني طولت عليكم بس الي في خاطري اكبر واكبر ...اسفه على التفاصيل بس كنت حابه اوصل حجم الالم النفسي الي فيه ...اسفه على الالفاظ الثقيله بس والله حاسه بنقص غريب واحساس اني غير عن البنات ....لهالسبب ما بغيت الموضوع فقسم البنات ...
خواتي ساعدوني مستشاراتي وامهاتي ..هل الي انا فيه مرحلة وبتعدي؟؟ كيف اتصرف ..مالي حد يدلني ما عندي اخوات ...
سامحوني ...
بداية اعتذر اني وضعت الموضوع هنا وانا غير متزوجه ...اكثر عن مره ادخل قسم استشارات البنات واطلع ...اقول في خاطري اخاف الي اكتبه يأثر عليهن احسهن صغار ...اخاف اني اكون مريضه واعدي خواتي بهالمرض..واخاف الفت انتباهن لشي هن ما يعرفنه.....اما لو المشرفات شافو ان نقله شي لابد منه فلهن اكيد الخيار والحرية المطلقة ....
اعرفكم بنفسي اول شي....فتاة ...عمري 19 ..ادرس قانون في الجامعة...وحيدة امي وابويه الله يحفظهم ....ولهذا السبب متعلقه بصديقاتي بدرجة كبيره....
ما اذكر كيف بدا هالشي وياي...بس بداخلي كره وحقد كبيــــــــــر للرجال....اكرهم وابغض وجودهم ...بت آمن ان وراء كل امرأة محطمة رجل...وراء كل دمعة حزن رجل قاسي....وجود الرجال ارتبط عندي بالمعاناه ..والسبب اكثر من موقف تتالت وحفرت في ذاكرتي صور وفي قلبي احزان لا تنسى....
كانت طفولتي جداً سعيدة ...ما اذكر مر يوم تعيس عليه ابداً ...كبرت وكبرت بداخلي طفلة بريئة ...دخلت المدرسه الى ان انهيت دراستي الثانويه والتحقت بالجامعه ...
والجامعه عالم كبيـــــــر مختلف ...فيه بنات من كل الاعمار..و اود اوضحلكم ان كل صديقاتي اكبر مني واغلبهن متزوجات ....
كل يوم الصبح اجلس مع الشلة ...تقريبن 8 بنات..وتبدا كل وحده تسرد معاناتها مع زوجها...هذي زوجها متزوجنها غصبن عنه وهي مغصوبه عليه و لا يحبها...وهذي زوجها يخونها..وهذي اليوم بايته تصيح من الضرب....تعقدت تعقدت وكرهت الرجال بشكل ...وتعرفون ان 4 من صديقاتي مغتصبات !!!..ارجع البيت...الاقي الوالده تشتكي من الوالد وتشك في خيانته لها ...وكل يوم تكرر على مسامعي " الرجال كلهم سواء كلهم يبون يلغون شخصية المرأة كل الرجال خونة..يا بنتي لا توثقين بأي رجال "....الله يهديها....
ازور بنات اعمامي وخوالي...كل وحده متعذبه مع زوجها ...اشوي اشوي اترسخت الفكره فعلن وصدقت النظريه ...وراء كل امراة محطمة رجل...فكرت حولي طالعت غريــــــــب فعلن ما في وحده مرتاحه ؟؟؟.خلاص يا خواتي وصلت لمرحلة يقيــــن ان الرجال كلهم ذئاب ووحوش...وايقنت ان الزواج مجرد شكليات للرجال ..ولا يمنعهم هذا الرابط المقدس عن الفواحش والزنا!!
واحتقر الرجال اكثر لما اعرف انهم مخلوقات بصريه تستبيح الزنا ..اي بنت جميله تغريهم وتجعلهم يرتكبون المعاصي...ليش لانها جميله ....اذا حرمته مب حلوة ياخذ هذا الشيء كدافع للخيانه ...مجرد كائنات سطحية وغبية !!! و الحرمة مهما يأذيها زوجها ويهينها تصبر وتتحمل وهو ؟؟؟
والله اني سمعت عن انسان وهو في عز الصوم يزني !! والاخس انه " متزوج" كم تكدر خاطري على مرته رغم اني ما اعرفها وزاد احتقاري للرجال....
مضت الايام ...
احسست بانجذاب ابن خالي لي ..في البداية ما اعطيته اي اهتمام خاصه اني شبعانه عقد ....بس ويا الوقت قلت لا يمكن هذا غير ..ويا بنت خلاص مب كل الرجال سواء اعطي نفسج فرصة تنسين فيها هالعقده ...وحاولي ولو مره تعيشين الحب مثل كل البنات ..بس طبعاً في نطاق الشريعه ومن غير محرمات ...
ما كان يختلي فيه ابدن ....ما اشوفه الا لما اسير بيت خالي واكون لاصقه بامي ...حتى ما اقوله كيف حالك...هو يبادر ويسألني...وانا اروح بكامل حجابي ولا اتزين ولا اخذ واعطي معه ...بس نظراته وكلامه لي يحسسوني بانه يحبني...وانا ما تعرفون لأي درجة يهمني الطهر في الناس ...واحب الحب العذري...الحب الي من بعيد لبعيد ..لآ مكالمات ولا اختلاءات ولا زنا ولا اغضاب لله..مجرد احساس في القلب...
حسيت انه هذا الانسان عنده شي يشبهني في ضميره ...لانه ما حاول يختلي فيه ولا ياخذ رقمي ولا اعترفلي حتى بحبه ...على عكس ما كنت اسمع من صديقاتي ان الي يحب يزني وهالشي كان مكرهني بالحب ....فشوي شوي بدت محبته ومكانته تكبر بداخلي وقلت معليش ليش لا دامه اول رجل بهالمواصفات قبالي...ويمكن انا كنت غلطانه ....
الى ان جا ذاك اليوم ...كان يوم العيد ...انا متزينه ومتعدله ...وصلتني الوالده لبيت خالي وقالت جلسي ويا بنات خالج وانا بجيب جدتج وراجعه ...طعتها ودخلت ...هود هود يا اهل الدار...ما احد هنيه ...دخلت مجلس الضيوف ...لأقيت ولد خالي...استحيت وكنت بطلع بس قالي يا فلانه قربي قربي...
نزلت راسي وقلتله وين خواتي ( بنات خالي) ..قالي تعالي استريحي الحين بيون ...انا : ليش طالعات؟؟ رد عليه : لالا استريحي انتي بس وهم بيوون الحين ...ما طولت السوالف وقعدت على اقرب كرسي...وهو شل عمره وطلع ...قلت خلاص بما انه طلع ما بيرجع فنزلت الشيله من راسي ..ورحت عند الفواله ( سفرة العيد) وخذت حلاوة وقعدت اكل بحكم اني متعوده على بيت خالي ...فجأة يدخل عليه ولد خالي وانا تفاجأت وخفت لاني بليا حجاب على طول رفعت حجابي وصديت وجهي عنه ووقفت بسير عند بنات خالي لانهن تأخرن ...بس استغربت من ولد خالي وهو مقرب مني بسرعه وعطاني ورده كانت بيده ...ما اعرف كيف سمحت لنفسي وخذتها على استحياء...يمكن هو اعتبرها اشاره مني.. ما وعيت به الا وهو ماسكني من كتوفي ويحاول ينزع عباتي ..انصدمت وحسيت الصدمه كبيره و كنت ارتجف ..الموقف كان فضيييع فضيييع يا خواتي انا ماسكه العباه وهو يحاول ينزعها ...هو رجل طول بعرض وزنه فوق المية وانا بنت حجمي ضئيل لا حول لي ولا قوه ...انتابتني كل الذكريات الاليمه ...اتذكرت كل وحده من صديقاتي الاربع وهي تحكيلي قصة اغتصابها ....اذكر دموعهن والمهن ...وانا لازلت اقاومه واقوله : احمد لا يا احمد قوم قوم عني ...احمد ما ابغي ..بس ما كان يسمع الا نفسه ..حاولت اعلى صوتي وابين له خوفي فقلتله : يا احمد بصيح بصيح كررتها 3 مرات ..بس بعده يحاول بكل قوته حتى ان العقمة ( ازرار ) العبايه تقطعت ..في الاخير دفشته بكل قوتي وبعدته عني ...رفضت اني ارضخ مثل صديقاتي ويكون مصيري مثلهن ...بكل حقد وكره رميته عني..ولا اعرف كيف بس قدرت...ابتعد عني بس راح لعند الباب ..
نظرتله بكل تحدي وانا اتحجب واحاول الم عباتي وقلتله : قوم عني ابغي اطلع قوم عن الباب ...وهو مب راضي بس كاان واضح عليه الندم ..طالعني وقالي انزين بس ابغي احضنج ..احتقرته اكثر كيف يجرأ عقب كل هذا ...مشيت وسرت عند الباب حاول انه يقرب مني بس كنت اسرع عنه فتحت الباب وطلعت ....
لو تشوفون حالتي طلعت اركض حافيه ولا لبست نعالي كانت كعب وكلها ربطات ..طلعت اركض حافيه وبسرعه بس ابغي ابتعد عن الناس ابتعد عن الكل..بيتنا ما كان بعيد وايد ...بس بعد المسافه مب هينه ....وانا امشي اشوف هندي في الشارع بعيد بس قلبي يدق واركض ...ما وعيت الا وانا اوصل بيتنا دخلت الهث ورحت لاول غرفه وكانت للضيوف دخلت وسكرت الباب ...طحت ع الارض بس ما صحت من الصدمه والالم ....شي في داخلي كان يقول تستاهلين ليش توثقين فيه ؟؟ ليش خذتي الورده من يدينه ....بعد ساعات سمعت صوت الوالده في البيت ركضتلها وحضنتها ..توقعت تسالني تقولي شو يابج هنيه وكيف بس كانت عاديه جداً ..ولد خالي قالها انه وصلني البيت لاني تعبت عليهم ..كذب عليها طبعن وانا سكت ولا قلت الها شي...
تخيلو ان ريولي تقطعن وانا ولا حسيت الا في الليل من الصدمه !! وكانت كلها جروح ومتقرحه لاني ركضت حافيه ولا قدرت انام من الالم ...تخيلو انكم تنجرحون و تنزفون من غير لا تحسون ...كانت كلها من الصدمه ...
مرت الايام ...كبرت بداخلي العقده ...بيوم صديقاتي المتزوجات واعرف ان الي بقوله غلط واثم بس ما عليه بنات سامحوني ع صراحتي بس انا فعمري ما بحت لحد ....مره احدى صديقاتي المتزوجات كانت تراوي وحده من الشله فلم على تيلفونها ...فانا بكل لقافه وبراءه رحت وقفت وياهن واثاريهن يشوفن شي من الي بالي بالكم ...ما قدرت اكمل معاهن وحسيت انه الي يشوفونه شي حقير...بس ما نسيت المشهد ...باليوم الثاني رحت للبنت هاذي وقلتلها يا فلانه الي كنتوا تشوفونه هذا اغتصاب صح؟؟ قالت لا يا غبيه هذي حاله عاديه وانا اقولها لا تكذبين عليه هذا جرم و غصبن عن البنت ...ضحكت وقالت المقطع والله عادي وما فيه شي انتي الي معقده كل اللي يسوون جذي .....وصارت عندي عقدة من الزواج والجنس وخوف رهيب ...ما اتخيل اني اكون بين يدين رجل ...وارفض حتى فكرة اني انام ويا رجال حتى لو كان زوجي ...احتقرت الرغبة الانسانيه واعتبرتها شي حيواني...اعتبرها خطيئة وشي غلط مهما كان الدافع ...
وهذا انا اليوم اجلس بين الشله واحس اني غريبه فوسطهم ...حتى اني للاسف كم مره حاولت اشوف افلام مثلهن عسب احس اني طبيعيه الاقي نفسي انفر واخاف ولا اقدر اكمل ابدن احس ان الرجل حقير يغتصب البنت ...والبنت رخيصه لانها طاعته ...
سامحوني طولت عليكم بس الي في خاطري اكبر واكبر ...اسفه على التفاصيل بس كنت حابه اوصل حجم الالم النفسي الي فيه ...اسفه على الالفاظ الثقيله بس والله حاسه بنقص غريب واحساس اني غير عن البنات ....لهالسبب ما بغيت الموضوع فقسم البنات ...
خواتي ساعدوني مستشاراتي وامهاتي ..هل الي انا فيه مرحلة وبتعدي؟؟ كيف اتصرف ..مالي حد يدلني ما عندي اخوات ...
سامحوني ...
اسم الموضوع : لهذا السبب انا اكره الرجال واحتقرهم ..
|
المصدر : الأستشارات الزوجية العامة