طيب ياحلوة بكمل بالعامية لان زوجي كان تو داخل البيت وتوقعت يطلب
عشاء بس راح ينام فبكتب براحتي الحين
حنان متزوجه من خمس سنوات وعن حب لانه ولد عمها ولما تتوج الحب بالزواج عاشوا اسعد ثلاث سنوات بحياتها لكن الحياة الحلوة سبحان الله
ماتدوم وبدت تشوف عليه تغيرات سهر بالأيام ونشاط غير طبيعي
وريحة تشمها في البيت ماعمرها شمتها وصار التساؤل لين عرفت الحقيقة
المره حاولت تساعده
وهو كان يظهر الندم والرغبة في العلاج رزقت ببنت
وكان جاد في محاولاته بس سرعان مايضعف وعلاقته الحميمية طبيعيه
جدا كما تقول وبعد ذلك اكتشفت علاقة غراميه بين زوجها ووحدة من بنات
الموبيلات وكان مسجل لهما مقطع ساخن يمارس فيه ع التلفون اكثر من مرة هيه استفرغت من بشاعة ماسمعت دارت بها الدنيا مر شريط سنينهم
مع بعض اشياء يمارسها ويطلبها كانت تطلبه بالحلال يسويها لها يرفض
بحجة مااحب مو لازم ومن ها الكلام المهم صارت المواجهه غصب موب
كيفها هي انسانه احساس وكرامة انهارت ومثل ماقلت ربي يشهد هي
حلوة وكشخة وروحها حلوة صدق زعولة بس صاحبة كته وحضور بين
الحريم على فكره قبل لاتكتشف التسجيل زوجها بدأ في الهجر الجسدي
والعاطفي تدريجيا وكان عذرة امر بحالة نفسية سيئة في الدوام او مزاجي
مو رايق يعني باختصار حتى الجلوس والسؤال عنها مافيه يسأل فقط عن
بنته ويلبي الطلبات مثله مثل الدريول وكان من ضمن التسجيل معاهدة منه
للعشيقة ما يقرب غيرها لين يلتقون وهاك يا ايمان وعهود انه لها
مولغيرها طول ماهي معاه بها الاسلوب المواجهة زادته نفور بتقولون
تروح بيت اهلها امها تعبانة واخوانها واهل زوجها يبغونها تتطلق اليوم قبل
بكره ما هو حب اخوانها ما اتصلوا عليها وهي بيت زوجها ولايدرون
مبسوطة اوزعلانه ومن دروا بالمخدرات حاولوا ياخذونها بس هي رفضت
تبغى البنت تتربى ببيت ابوها هو اب رائع ومو مقصر عنها ولا عن امها
بشيء واهل زوجها يقولون انت سبب ادمان ولدنا لو معاه زوجة صالحة
كان خلته يبطل وعبارتهم الدائمه تطلقي قبل لا يرميك وهي ماتبغى الشماته
منهم صارلها قربة السنة على ها الحال شورا عليها ......
