لمن تعطين راتبك ؟؟

[الروح المسالمة]

السلام عليكم ورحمه الله وبركاته​

سؤالي لكم وأتمنى استفيد من خبرتكم .. لمن تعطين راتبك ؟؟​

أهلك او لزوجك ..مع العلم ان الجميع((الحمد لله)) غير محتاج له​

وكيف تعطينهم بدون ماتعوديهم على ذلك .. ويصبح واجب عليك​

وكيف توصلين هذه الرساله بدون ماتجرحي كرامه أحد​

(( المال لا يهمني لكن لا احب ان اعطي مالي لاحد رغما عني ))​

 

[قـطـريـة]

للحين ما اشتغل بس براايي ..

اول راتب لانج تكونين مستانسه فيه مثــلأاا اشتري فيه هدية حق ريلج وومكن تعطين امج وابوج هدية او فلوس

ولو فلوس افضل مثلا 1000 ريال وهم يشترون الي يبونهم

بس انتي ما تعودينهم على هالشي يعني مثلا شهر شهرين او ثلاثه لا يعني متى ما حبيتي عطيهم

ولا تنسين تخلين لج فلوس انتي بعد لوقت الحاجه الانسان ما يضمن المستقبل

ربي يوفقج وييسر امورج ويسعدج يارب

ولا تنسيني ابي توورته انا بعد ^_^

 

[شمالية شرقية]

حطي نصهم بالبنك برصيد محد يدري عنه وخليها للمستقبل
والنص الباقي لج واذا حابه تعطينك اهلج عادي
اما زوجك لاتعطينه ابد عشان لا يتعود وتوهقين
عطية هدية بسيطة انتي تختارينها بس فلوس لا

وانتي الوحيده اللي تقدرين تحددين الانسب لج


موفقه

 

[خان وذليته]

راتبي اعطيه لابوي وامي مع انهم ماهم محتاجين ولله الحمد بس لولاهم ماوصلت لوظيفتي ونوع من البر..........ز

 

[فلاورز]

اذا هم مو محتاجين اعطيهم بين فترة واخرى

اخر شي هذا تعبج انتي

 

[libra78]

السلام عليكم:bye1:،
أنا عضوة جديدة و اول مرة أكتب في المنتديات:in_love:، بس عجبني الموضوع وحبيت أشارك
أنا أعطي جزء من راتبي لأهلي كل شهر مع أنه الحمدلله أهلي ليس بحاجة و الجزء الآخر أصرف منه على نفسي وفي بعض الأحيان أساعد زوجي في مصروف البيت بس الحمد لله في آخر الشهر ممكن أحوش منه مبلغ معقول، طبعا الواحد لا يعرف شو الأيام مخبيله، والوحدة لازم اتساعد زوجها من غير ما ايحس عشان كرامته.
وفي رأي البنت لازم تعطي أهلها ولو جزء بسيط من راتبها تعبيرا منها على محبتها و تفهمها بالعبء الكبير الذي كان عليهم بالصرف عليها، وكذلك لا يوجد أي مانع أن تساعد المرأة زوجها و تحسسه بأنها شاعرة معه و حامله معه مسئولية البيت و يكفي بأنه سمح لها بالعمل
وشكرا على هذا الموضع أحبيتي

 

[الروح المسالمة]

أشكركم جميعا .. إستفدت من ردودكم كثيرا

جزاكم الله خير

 

[مجدولين]

مرحبا أخواتي:clap:
أنا أأيد أنك تعطينهم من أول راتب هدية يعني أنا وزعته ما بين أمي وأبوي وأخواني وخواتي و والدة ووالد زوجي:icon30:
والشهر الي بعده شرية لزوجي هدية :shiny:
وكل شهر أوزعه بالشكل التالي : جزء للصدقة وجزء للإستثمار حتى لو كان بسيط (أو اشترك بجمعية وإذا جاني الدور استثمره) جزء للإدخار محد يديري عنه ولا اطلع عليه كل شوي عشان ما افكر فيهم (طويل المدى للظروف الصعبة)
بالنسبة للزوج:icon26: لا تساعدينه ولا تشيلين عنه لا هموم ولا مسئولية المصروف بس إذا في خاطرك شي جيبيه لنفسك مع العلم أنه لازم يكون يمد لك مصروف ( إذا تبغين تساعدينه يستاهل وما عنده ووووو أنا من وجهة نظري ساعديه بأنك تخلين أمورك الترفيهيه على حسابك ) عشان هو ما يتعود على قل صرفياتك وإذا جا يوم وطلبتي يقول وش صاير تطلبين واجد هالشهر:in_love:
وبالنسبة للأهل كمان لا تعودينه عشان مسؤولياتك بتغير ويمكن تقللين إلي تمدينه كل شهر (إذا مو محتاجين) يعني إذا شفتي شي حلو ولا يحبونه لا تبخلين بس مو عاده ولا فلوس مقطوعه
:idea:الفلوس عمرها ما كانت وسيلة تعبير عن الحب أو الشكر أو الوفاء ( لا تخلون هالشعارات تضيع تعبكم)
ارجو أني ما اكون طولت عليكم وهذي وجهة نظري

 

[الأميرةالنائمة]

انا حاطة جزء ثابت من راتبي اعطيه لابوي وامي لانهم احق الناس بالمساعدة والباقي اصرف على نفسي والتزامات مادية من قسط وغيره احيانا اساعد زوجي لما يتازم بس للامانة هو نفسه عزيزة بس انا الي اصر اني اساعده