لما كنت مدرسة ..قصتي مع شهادة الزور والتحديات التي واجهتني

[راجيه الرضا]

#تجربة_حياة : من زمان اوي من اكتر من خمسة وعشرين سنة ولما كنت مدرسة اتطلب مني اشهد شهادة زور ضد مدرسة زميله
علاقتي بيها مكنتش اكتر من صباح الخير .. صباح النور بس كنت عارفه انها بتشتغل بضمير وبذمة واضحين جدا
الشهادة كانت مني ومن بعض الزملاء وكان الهدف منها مجازاة المدرسة ونقلها من المدرسة
.
كانت الشهادات لصالح مديرة المدرسة اللي بتكره المدرسة لان ردودها عليها قاسية وحادة امام المدرسين وده بيقلل من هيبة المديرة قدامهم وهيجرأهم عليها .. والمديرة كانت مسيطرة على الجميع ومستفيدة من الجميع (ربنا يسامحها ويغفر لها)
وللامانة انا محضرتش بينهم اي حوار عشان اقدر احدد صحة الكلام ده لكن المدرسة كانت حادة وعصبية وقاسية مع الجميع فعلا
وكنت عارفة ان المديرة بتكرهها جدا ونفسها تمشيها من المدرسة
.
عرفت ان الشهادات كانت مترتبة من كل واحد بمحتوى معين بحيث في الاخر تطعن في سمعة المدرسة اللي ساكنه مع جوزها وبنتها جنب المدرسة
تخيلوا مطلوب تلويث سمعة واحدة وهد بيتها علشان بترد بحدة او قلة ذوق على المديرة
.
اللي اتطلب مني فقط اني اقول انها مش ملتزمة ولا منضبطة في الحضور ولا العمل وان ردودها فيها قلة ذوق واهانة واستهزاء بالمديرة وان علاقتها بالجميع سيئة
مكنش ممكن يتطلب مني اكتر من كده لان الكل كان عارف اني الحمد لله مش ممكن اتكلم على سمعة حد حتى لو شفته بيعمل الغلط
.
رحت الشئون القانونية وشهدت شهادة الحق
قلت للمحقق :
ان المدرسة ممتازة في شغلها ونشيطة ومخلصة وفي نفس الوقت حادة في ردودها وان علاقتها بالمديرة سيئة جدا وان المديرة عايزه تمشيها وان المديرة طلبت مني اروح اشهد على المدرسة واقول .....
المحقق كان متوصي من المديرة وحاول ما يكتبش كل اللي قلته وحاول يغير او يسيب اماكن يضيف فيها بعض ادوات النفي اللي تقلب تماما معنى الكلام
انا الحمد لله كنت مصحصحة جدا وتعمدت اني ما اسيبش له فرصة يحقق غرضه
.
ومع العلم ان علاقتي بالمديرة كانت اكتر من ممتازة ومتميزة
.
لكن مكنش ممكن ابدا ابيع اخرتي بدنيا غيري
شهادة زور وتلويث سمعة خدمة لواحدة عايزة تسيطر على مدرسة ... هو ايه يعني الكلام ده
اومال لو ليها منصب بجد كانت عملت ايه ... اومال لو الاستفادة بتاعتها هتكون بالملايين مثلا كانت داست على كام واحد في طريقها
دي في الاخر مديرة مدرسة في نقطة لاتظهر على خريطة العالم
.
والحمد لله كانت شهادتي سبب في دفع الظلم الشديد عن مدرسة قد تكون مخطئة في طريقة تعاملاتها ولكن سمعتها لا دخل لها ابدا هنا
.
قامت حرب شرسة قاسية ضدي من المديرة واعوانها وكل من يريد مجاملتها استمرت لعامين كاملين تعرضت فيها لضغوط نفسية شديدة جدا وقبلت مضطرة التحدي الذي فرض علئ لكن كدت اصاب فيهم بذبحة صدرية
.
بعد العامين استقر الوضع تماما وكانت نهاية القصة ان الظالم نال جزاؤه والمظلوم تم نصرته والمتفرجين مازالوا كما هم بيمصمصوا شفايفهم ويسقفوا للمنتصر
كانت نهاية كل واحد منهم فيها شفاءا للصدور التي كادت تتمزق من الخوف والقلق والاحساس بالقهر
التفاصيل كثيرة جدا لكن هذا ملخصها
.
كنت خلال هذين العامين وبعدهما اسأل ربي :
هو ليه كده؟
هو ليه ربنا بيعرضنا لكل المشاكل دي؟
ليه الظلم يتمكن كده والحق يتعرض لكل الحرب دي؟
طيب مادام ربنا تعهد بنصرة المظلوم والحق بيظهر في الاخر فليه اصلا نمر بالتجربة المؤلمة؟
ما نعيش في سلام وامان وسعادة على طول
.
ما اعلم رده وتأكدت منه طوال ما مضى من سنوات ?وهذه هي الخلاصة :
.
?? اننا نضج بالخبرة .. والخبرات المؤلمة هي ما نتعلم منها عادة بقوة .. وعلى قدر خبراتنا وعلى قدر ما نتعلمه منها تنضج شخصياتنا وتستوي حياتنا بعد ذلك ??

.
.
ان نتائج تجاربنا هي ما يحدد مسار الارض
وكل منا مرسوم له طريق (وجئت على قدر يا موسى) لو سار فيه بتقوى الله وتحمل الم الاختبار بنزاهة فان العاقبة فيه ستكون لصالحه في الدنيا والاخرة (والعاقبة للتقوى) ستنطبق عليه الايه (واصطنعتك لنفسي)
ولو اختار مصلحته الحالية ولم يقف في جانب الحق بارادته واستشعر ضعفه وقوة الشيطان واستمد منه مواقفه نهايته ستكون درسا وعبرة لكل من حوله وسيكون الثمن كبيرا في الدنيا والاخرة
.
?ولكل من مر او يمر بتجربة مؤلمة اقول :
?اطمئن لو كنت تتقي الله في حياتك .. وثق ان الله لن يتركك ابدا ..
?ثق في الله الحق العدل
?اياك ان تظلم لتحصل على حقك او تسترده ..
?تعامل مع المشكلات على انها خبرات مؤلمة تتعلم منها .. ثق انها ستثقل شخصيتك وانك بالتأكيد ستحصل على المقابل في الدنيا والاخرة.
?قلل من قدر تألمك منها قدر امكانياتك حتى لا تتشرخ شخصيتك
?اياك ان تستسلم للخطأ ..
?لو فُرض عليك التحدي فاقبله وعينك على المستقبل .. بل استمتع بهذا التحدي لو استطعت
?اي تجربة بتمر بيها بتكون كبيرة جدا وقتها وبيكون متهيألك ان حياتك كلها واقفة عندها لكن بعد ما بتمر وتردمها الاحداث وترجع انت تفتكرها بتشعر احيانا انك كنت مديها اكبر بكتير جدا من حجمها وانها بعد كل اللي مر عليك في الدنيا بعدها يقال عليها الان مشكلة وعدت
?والخلاصة هنا بلاش تعيش جوه المشاكل?

ز
.
ان أريد إلا الاصلاح ما استطعت وماتوفيقي إلا بالله عليه توكلت واليه انيب
#دغادة_حشاد