لماذا لم احمل بعد ؟؟؟؟؟؟؟؟؟؟

[ذوق وقدري فوق]

يابنات طمنوني اني لي 5 شهور متزوجه وماحملت وسلفاتي تزوجنا مع بعض حوامل

اني كانت دورتي منتظمه بس عد الزواج لخبطتت شوي ودايم استحاضه وظهري يوجعني


والله اني في هم مايعلمه الا الله يابنات حسوا فيني اتخبلوا روحكم اني وانا وسلفاتي عايشين ببيت واحد اتخيلوا شلون وضعي محرج والله محرج محرج ومحرج
والله نفسيتي تعبانه وايدددددددددددددددددددددددددددددددددددددددد

وخايفه وايددددددددددددددددددددددددددددددددددددددددددددددد

لكن املي بربي كبير وايدددددددددددددددددددددددددددددددددد

احد مرت بهالموقف وحملت تكفون اني بديت اجن والله حالتي صعبه ورب الكعبه

تدمرت تمزقت عجزت من كتر التفكير والوساوس



ريحوني الله يخليلكم عيالكم

 

[أم آرام]

عزيزتي لا تهولي الامور هذه 5 اشهر فقط
تاكدي ما يكون عندك التهابات .. انتبهي لظهرك
والله يرزقك و يوفقك

 

[قلب بو هناد]

لاتحاتين ان شالله بتحملين وماتعرفين يمكن كل تأخيره وفيها خيره
وبعدين انتي توج الا 5 شهور اصبري وتوكلي على ربج واهم شي ان ريلج مايكون مضااايج
واذا حابه تطمنين سيري وافحصي


الله يرزقج ان شالله ويرزقني ويرزق كل محرومه يارب عاجلا غير اجلا

 

[أم لوسي]

يابنت الحلال لا تكثرين تفكير واحملي كل اللي يفرون بالحمل 24 ساعه ماتحمل واللي مطنشه تحمل واكثري من الاستغفار والصلاه على النبي وانشغلي باي شي مفيد وباذن الله تفرحين قريب بالحمل

 

[أم لوسي]

يفكروون

 

[نور الندى]

حبيبتي ذووق خلي أملك بالله كبير

انا حاسة بمعاناتك وخصوصا لما اسمع ان وحدة متزوجة بعدي والحين هي حامل او عندها ولد أو بنت

لكن لكل شي حكمة انا لي الأن سنة وثلاث شهور وصابرة والله يفرجها ان شاء الله

اختي ثلاث سنوات صبرت وهذا هي حملت وولدت وقريب تطلع من الأربعين

 

[ليمونه المينونه]

ياااااااااااااارب تحملين هالشهر
وعليج بالاستغفار بنيه الحمل

طول ما انتي يالسه ادعي واستغفري

 

[دانة2216]

حبيبتي انا صار لي نفس الموقف اتزوجت انا واخت روجي بنفس الشهر وهي 3 اشهر وحملت وانا صرت اسمع كلام ومن غبائي جلست افكر واكل بنفسي ومرت سنة وماحملت وسوينا انا وروجي تحليل وكل شي سليم ماشاء الله تبارك الله الين الدكتورة هاوشتني قالت يابنتي مافيكي الا التفكير هو مانع الحمل والله والله والله من شغلت بالي يارب لك الحمد حملت اشغلي بالك تصدقي ولو بالقليل الصدقة تجيب الرزق باذن الله بدون ما تعلمين احد وادعي وربي يفرجها عليك وعيشي حياتك وانبسطي لسة عروسة انتي بكرة لا جبتي اطفال ان شاء الله بتندمين على الوقت اللي ضيعتية بالحزن سامحيني على الاطاله وياااااااااااااااارب يرزقك عاجلا غير اجل اللهم امين

 

[اميرة مميزه]

التفكير والحاله النفسيه يمنع الحمل
اذا انتي ماعندك التهابات ولا رحمك مايل والدوره تجيك وهرموناتك مو عاليه بإذن الله تحملين
ومن رايي اول ماتجيك الدوره تروحين الدكتوره وتقولك متى اول ماتطهرين يكون رحمك مهيئ للاباضه واذا خلصتي جماع انتي وزوجك لاتقومين خليك على السرير نص ساعه ورافعه رجليك خليها على الجدار عشان ماتتعبي
وانسي الحمل وكثري الاستغفار واذا احد سئلك قولي انا وزوجي مو مستعجلين
انا لي 9 شهور متزوجه وزوجي رافض الحمل وزياده على ذلك دورتي ماتنزلها الا الدكتوره ورحمي مايل وهرموناتي مرتفعه ومؤمنه بالله ولا افكر بالحمل احاول الهي نفسي الله يرزقك وادعيلي احمل

 

[ربي ملاذي]

اذكري الله حبيبتي وقولي لااله الا الله ولازم قبل كل شي تؤمنين بالقدر لان ماراح تردين اللي مكتوب من عند الله
ولا تنسين حسن الظن بالله والتوكل عليه الاستغفار والدعاء في اوقات الاجابة والتداوي بالعسل والحبة السوداء وشرب زمزم (لان زمزم لما شرب له انوي اثناء شربه اي شي تتمنينه )
وبعدين روحي لطبيبة ثقة ثقة ثقة لان بعضهن ماديات مو مخلصات حسبنا الله ونعم الوكيل وخذي التحاليل والفحوصات اللازمة وخلي زوجك يروح كمان اذا مافي مانع بينكم دوري في الطب الشعبي عند وحده ثقة ثقة ثقة
وتذكري ان فيه غيرك لهم سنوات وبذلوا الاسباب كلها لكن الحمد لله على كل حال والرزق على الله
وكل تاخيرة فيها خيرة

الله يرزقك مناك في الدنيا والاخرة


دعواتك لي يا قلبي انت وكل من قرا كلامي ان ربي يفج همي وضيقتي

 

[آنكسار طفلة]

عادي يالغلا عادي ...



انا بعد حالتي مثل حالتك .,....



واسمع تعليقات من اللي حولي تجيب الهم ....



بس احاول اطنش وماااسمع لهم ...


عشان ماااشغل تفكيري ..



لانه يزيد هرمون الحليب ويسبب تاخر بالحمل ...



بس مااكذب عليك احيان يذبحني التفكير ...



بس نويت باذن الله مااافكر بهالشئ واللي كاتبة ربنا بيصير ...



وانتي سوي نفس مااسوي انشغل باشياء ثانية ...



بنفسك ببشرتك بشعرك ...



وادعي واستغفري وربنا يرزقك ويرزقني ويرزق كل محرومة ..



بالذرية الصالحه ...


ولاتنسين انا احنا لسا متزوجات والعمر قدامنا باذن الله ...




اللهم لاتذرني فردا وانت خير الوارثين ...

 

[روز..]

ياقلبي هم بعد انا مثلك والله كريم وانصحك وكلي امرك لله والله رحيما بعباده

 

[غرنوقة M]

غناتيييه طبيعي البنت يوم اتعرس هرمونـــآت تتلخبط والدورة تتــآخر عند بعض البنات في فترة الزوآج هذا تغييير في الهرمون وان شاء الله كل خيـــر .. ولا تفكرييين وااايد بالحمــل مب زيين تراا والله يرزقج الذرية الصالحهـ ..
وأفضــل شي انج تروحيين للدكتورة خليهــآ تسويلج فحص دم للهرمون عشان تشوف مستوى الهرمون يمكن ارتفع او انخفض على حسسب الحالهـ وشوفــي لا سمح الله اذا في التهاباات في المهبـل الله يبعدج عن الشر غناتيهـ ..

وان شاء الله اكون افدتج ... ^^

 

[يفداني بقلبه]

ياعمري والله حالتك النفسيه صعبه
بس حاولي تطنشين
بعدين روحي مستشفى وسوي تحاليل للهرمونات وتصوير للرحم
وان شاء الله خير
حاولي تنسين الحمل ولا تفكرين فيه رغم ان الجو اللي حولك ما يساعد للاسف
لو انتي بسكن بروحك احسن لك والله
الله يرزقنا وياك يارب

 

[israa99]

لا تهتمي لكلام اي احد صدقيني
و بعدهااا تتاثري و الحالة النفسية مهمة
ارتحاااي اختي و لا تفكري بالحمل انسيه
انا تزوجت و كتب الله لي الحمل بعد ستة اشهر
و للاسف سقط و الان صار لي 8 اشهر و ما في حمل
استغفري الله و صلي صلاتك و ادعي
و الله يستجيب منك و اهم شئ نفسيتك لازم تكووون مرتاااحة
و الله يرزقنا و يرزق كل محرووومة
امييييييييييييييييييييييين

 

[um_noora]

ربي يرزقج بالذريه الصالحه

 

[توت وعسل]

شيلي من بااااااالك الحمل

واستانسي باياامك وسفريات وطلعااااااااااااااااااااات ونوووووووووووووووووووووووووووووووم

ولاحقه ع الحمل


في شي مهم انتبهي له احسني الظن بالله وثقي انه بيرزقك بالحمل وتوكلي على الله وودعي التفكيييييييييييييييير اهم شي

اغتنمي ساعاتك شوفيني اعرف النوم باسمه والراحه باسمها



لاارتاح لابطلعه ولاغيرها

وكنت مركبه لولب وشلته وجلست سنه ماحملت انجنيت لاني اشتقت للاطفال ولاني حملت بطفلي الاول من 2 شهر وراجعت قالت سليمه وصرت افكر ليه ؟ وليه ؟؟ وصرت اجيها كل شهر حتى زوجي انجن
الين قالت شيلي الفكره من راااااسك ونشوفين وفعلا حملت سبحااااااااان الله







ويارب تفرحينا قريب

 

[دموع متفائله]

يارب يرزقك الذريه الصالحه عاجل غير آجل
يــــــــــــــــــــارررررررب

 

[lara_sa]

ياحبيبتي توك عروسة بدري عالحمل تفكرين وتضيقين صدرك من الحين؟؟\
عيشي حياتك وانبسطي مع زوجك لاحقة عالحمل وصدقيني مافيك شي هذا كله من التفكير والقلق
اذا عدت سنة وماحملتي وقتها روحي لدكتورة تكشف عليك بس صدقيني مافيك شي وبدري
الله يرزقك ياااب

 

[ذوق وقدري فوق]

شكرا حبيباتي

والله فعلا اخوات


الله العالم اني ارتحت بكلامكن حسيت حد يواسيني


يارب دوووم على كذا قلوبنا على بعضها


تانكس وحده وحده

عسى من شالت همي ماتشل هم ياااارب

واني بشغل نفسي ان شاءالله لين يجي فرج ربي

وبحاول اني ماافكر كثير بالحمل

يارب كون بعوني