لماذا فعلت هذا ؟الالم وقناعاتنا الراسخة

[راجيه الرضا]

انت ليه عملت (او عملتِ) فيا كده ؟؟؟؟؟؟؟
ليه...انا قلت لك (او لكِ) كتير وعاتبتك كتير ..
_______________
مرات كتيرة بنكون عاوزين نقول كده..لناس كتير.....زوج اخت .....صديقة...........ام.....اب........(بس يمكن عتابنا ليهم اقل واصلا انا شايفة أن الوالدين منعاتبهمش ونفوض الامر لله )
انا جاية ....اوضح نقطة محددة..... سبب التعب اللي جوانا او سبب التساؤل....وقت الوجع والالم ....
لما حاجة بتوجعنا اوي اوي من حد فده معناه انها اتصادمت جوانا مع قناعة راسخة...(يعني اي قناعة ..يعني فكرة قوية اوي...../يعني ايه راسخة يعني ثابتة متوطدة)
الحاجة اللي وجعتنا دي اتصادمت مع فكرة ثابتة جوانا.....
اختلفت مع اقتناع راسخ.....جوانا فسببت الم شديد.......الالم ده الم ذهني بيقلب جسدي بعد شوية(قولون/صداع نصفي/حرقان معدة/اكزيما...)
____
معظم محاولاتك للتغيير بعد الالم بتكون ....غلط يعني ايه غلط؟؟؟؟
يعني مش بتغير الشخص الوحيد اللي مفروض يتغير اللي هو انت او انتِ
ازاي؟
طيب الاول نشوف محاولات التغيير اللي غالبا بتتعمل ...ونشرح مثال ....
زوجة متفانية عاشقة....زوجها دايما بيحبطها بتصرفات ...
اتكلمت معاه كتير
عاتبته كتير
بكت كتير
مفيش فايدة
تقوم تقرر تقلب عليه (تخلع الحجاب....اللي هو اي علاقته معرفش؟
تنزل تشتغل
احيانا للاسف تتعرف بحد ...
او...ممكن بس تبقي جامدة معاه وتردله اللي عمله ....)
_______
الاول محتاجين نشوف كم الالم الداخلي
ده جاي منين؟
الزوجة دي مقتنعة بايه؟...لازم هي تفكر وتوصل ولكن دي تصورات
ممكن تكون مقتنعة ان الزوج كل العالم ..
وممكن تكون مقتنعة ان الاهانة بتحصل من حجات كحددة هو بيرتكبها
وممكن تكون مقتنعة بأي فكرة تانية...)
طيب ...هو ايه دور القناعات والافكار؟
دورها تخلينا مرتاحين
تقربنا من ربنا....
وتدخلنا الجنة يارب ان شاء الله
مش دورها تعذبنا وتخلينا وتخلينا في وحدة ....زي ما احنا.
يبقي قبل ما تفكير الزوجة يتجه للزوج او انه يتغير..لازم الاول تبص في قناعاتها هي ...هل قناعاتها فعلا مريحاها؟
هل فعلا هي قناعات توصل للجنة؟
لو هي مش كده ليه امسك فيها كقناعات؟.....
هقولكم مثال من حياتي الشخصية ....
انا كان عندي قناعة راسخة (ان الزوج لازم يحكي لمراته احداثه والقناعة دي جبتهامن بابا الله يرحمه كان بيحكي لماما وكمان انا كنت بحكي له)
زوجي مش بيحكي....
الم كبير جاء من تصادم مع القناعة الراسخة (اللي هي ان الامان في الحكاية...والحوار)
نبهت...قلت اتكلمت......الاستجابة ضعيفة...(كده كل محاولاتي جاية انه هو يتغير ويحكي لي عشان القناعة اللي جوايا ترتاح )
امال الصح اي؟
الصح اني أراجع قناعتي انا. ...
هو انا ليه متخيلة ان الامان انه يحكي لي؟عشان دي الصورة اللي عرفتها...وهي مش الصورة الوحيدة في الكون ....
طيب هو اللي مانعه ايه؟
"وجدت اللي مانعه ..انه نشا مع اسرة مختلفة عن اسرتي الحوار كان اقل ..فمهارة تبادل الحوار مختلفة ...جدا....اذن المهارة لم تتشكل بشكل كافي..."
طيب ما انا قلت له....وعاتبته......ليه مش بيتغير؟؟؟
"
السؤال ده نفسه غلط خلي التساؤل موجه لنفسك انت....
ليه رابطة راحتك العالم بتغيير شحص؟؟؟؟؟؟؟؟؟؟
ليه مقفلة دماغك علي فكرة محددة مالهاش بديل ؟؟؟؟؟
فاهمين قصدي ؟؟
قبل ما توجهي عتابك للي قدامك ...بصي في فكرتك او قناعتك.....اللي معذباك....ومش مريحك مخالفتها....هي اصلا كانت عشان تريحك ليه اتحولت لسبب عذاب؟؟؟؟ وليه متحطيش عليها بعض التغييرات و ايسر الحلول؟؟؟؟اللي تقربك للجنة؟___
ومش معني وضع التغييرات اني لم استمر في المحاول ...لاااااا بل استمر لكن مع الم اقل مع منح العذر مع الفهم... ____
مثال تاني اختك انانية جدا ومش بتفكر غير في نفسها ...
طيب انت موجوعة ومتألمة جدا .....
ليه ؟عشان انانيتها متصادمة مع فكر جواك ....
طيب بصي جوة فكرتك....
مش يمكن فكرتك.مثالية بزيادة؟
مش اول حد قتل التاني كان قابيل اللي قتل هابيل ..
مش يمكن ..انانية اختي دي تدخلني الجنة لو عاملت فيها الله ؟

الامر ده محتاج نمخمخ جوة نفسنا وافكارنا..مفيش تعاقد بينك وبين قناعاتك الراسخة الا الدين ... طبعا.....ف..بيع اي قناعات دنوية.... معذباك ...ايوة كفاية ولاء لقناعات متفاوتة بين الناس........ويلا نمخمخ.. اكبر مخمخة....قبل ما نزعل ونعيش ونعاتب...وناخد قناعات توصلنا الجنة ..ان شاء الله.......
المقال كتبته من قلبي دعواتكم بحسن الخاتمه
ويارب تنتفعوا به
تعديل مهم؛؛؛ الكلام ينطبق علي اي قناعات جواك...
نفترض ان جواك.حاحة صح عاوزها تتطبق ومنهار من عدم تنفيذها....يبقي انت اللي تتغير آآآآآآه انت.......
ليه؟ راجع سيرة النبي صلى الله عليه وسلم ...انت مهما كنت صح..مش هتكون اصح منه....هل انهار؟.هل وجود الخطا حوله جعله يائس؟....دخّل في قناعتك ان دول الناس مش الملايكة وان دي الدنيا...مش الجنة)
تعديل ٢:::الالم بيعمي البصيرة يا حبيبات.....ويصعب الخياة جدا عشان كده بقول نبص جوانا ...لما الالم يهدا هنعرف نتصرف ان شاء الله


د.إيناس فوزي