لماذا أنتى انانيه

[uae_queen]

السلام

أبغى راى الاستشاريات والاخوات بعد مابيقصرون
شو رايكم فى هالموضوع:

اذا الزوج ايقول لزوجته انه حقه الشرعى يتزوج مره ثانيه والزوجه اتقول له انه حقها الشرعى انها تنفصل عنه اذا فكر فى هالشى....و انها بتعتبره مات وبتعتبر نفسها ارمله ومابيكون فى اتصال بينها وبينه.....ويكون موقفه من هالكلام بأنه ينعتها بالانانيه..وان الزوجه لا تحبه وهى مستعده ان تبيعه واتفرط فيه لأتفه الاسباب مع انه سيظل يحبها حتى بعد زواجه الثانى ولن يقصر معها ومع اطفالها


هل ماتقوله الزوجه صحيح وكيف تقنع زوجها برأيها...وتمنعه من الزواج الثانى؟؟؟؟

 

[uae_queen]

السلام عليكم
معقوله وصل موضوعى للصفحه الثانيه من امس ولا احد عبرنى:fish:
شكله موضوعى بيندفن ولا احد بيرد عليه
زعلت خلاص

 

[هدب العين]

حبيتي هو لو كان يحبها ماكان فكر يتزوج عليها ابدآ

هذي مو انانية هذا حق من حقوقها ولو كانت مقصرة معاة مثلا

او ماتقوم بحقوقة وواجباته ,ممكن بعدها يفكر في نفسة:santa_1:

وفي طرق كثيرة ممكن تقنعه بانه يبعد فكرة الزواج من راسه:icon31:

 

[مرمورة]

حبيبتي قولي له ببساطة أنا لاأتحمل أن أشارك غيري في زوجي

هذا يتعبني نفسيا ويجرحني

كما أنه لك الحق في الزواج الثاني وأنا لي الحق في أن أشترط لنفسي أن أكون وحيدة

فلا تكن أنانيا وتحرمني حقي وتدمر نفسيتي

من الأناني هنا؟؟؟!!!

وأنت تحتاجين لخطوات سؤيعة عزيزتي لتعرفي سبب تفكيره بالزواج

فمن الواضح أنه يهيئك لذلك ويجس نبضك

تداركي بيتك

وفقك الله سبحانه وتعالى

 

[الكناري الذهبي]

ما بعرف أقول شيء غير الدعوة الله يبعد عن راسه فكرة الزواج و هاي طبعا مو أنانية منك بل منه

 

[الكناري الذهبي]

صح كلا مك يامرموره و يسلم فمك لا زم تقوله هذا الكلام

 

[ضياء القمر]

احسمي الموضوع معاة


وعرفية ان الاناني هو من يفكر في ذاتة على حساب غيرة


وفرج الله كربك

 

[عطر الكلام]

قولي له خلاص موافقه وراح أخطب لك بنفسي بعد

ولكن لي شرط إذا سويته أنا أسوي لك وعدي

طبعا هذا الكلا كله عشان تحرقين دمه وتعلمينه كيف يحاول يفكر كذا مره ثانيه

قولي له شرطي :رح شف لي واحد من أخوياك بس أبيه يكون وسيم وأخلاقه زينه وأنسان يقدر المسؤوليه وأمين وأبيك تمدحني عنده ثم تطلقني وتخطبني له ،وأبشر باللي يسرك جمال وأخلاق

ونتزوج كلنا بليله وحده،ولا أظلمك ولا تظلمني

صدقيني هالكلمه راح تحرق دمه وتفور غيرته وممكن يمسح الموضوع من راسه، وبنفس الوقت خليه يحس بشعورك يوم قالك بتزوج

 

[الفراشة 3]

ههههههه دائما هذى الحركة اسويها معه اقوله خلاص حتى انا باتزوج واحد ثانى ويعصب وحالته حالة ويسكت ولايعيد الكلام ابد

 

[سنديان]

لا الرجال ماينفع معه انك تعامليه بالمثل.انت لست انانيه لما اعترضتي على زواجه وشعورك طبيعي بس خلك ثابته عند كلمتك وقدها حتى لو خطب وبعدها بيتراجع كثير صار لهم كذا وحتى لو وعدك بأنه بيعدل واهم شي اذا كان عندك عيال لايمسكك فيهم قولي له انا بأشوف نصيبي وانت ابوهم ومطمئنه عليهم معك.صدقيني بعد كذا بيفكر مليييووون مره وماراح يسويها

 

[غربة]

انتي الانانية

والله ضحكتيني

عيل هو ايش سلطان زمانه يبي ايتزوج وانتي اتظلين اتموتين فية والثانيه اتمووت فية

وهو مو عارف وين ايروح من السعااادة

حبيبتي هو في باله يبي ايحقق معادلة صعبة

انتي خلك على رايك واذا قال لك انانية قول لية والله انا مو انانية

لكن ربي ما فرض علي اتحمل واتعب اعصابي عشان حضرتك تنبسط

وانا ابدا ما امنعك لكن هذا حقي وابية

وماتدري يمكن ربي ايسر لي حياة ثانيه بدون تعب قلب واعصاب

 

[مساء الحب]

بالعكس حبيبتي

اتوقع الزوجه الي عادي عندها يتزوج عليها بصراحه عندها بلاده حسيه

او انها ماتحب زوجها

طبيعي في المراه هالاحساس انها ماتبي احد يشاركها بزوجها

حتى الزوج اذا شاف زوجته ماتغار عليه من فكره الزواج من ثاينه معناه انه موب غالي عندها

 

[uae_queen]

هلا خواتى
هدب العين..ماتدرين بالرياييل ..حيلهم وايده..اذا جيتيه شرق جاج غرب...بتقولين له اذا خذت الثانيه معناته انك مااتحبنى..وبيرد عليج لا احبج...ومابقصر معاج فى شى..وكل اللى تحتاجينه بيكون عندج...وانتى ماتبينى كل يوم....

واذا قلتى له اذا جا اليوم اللى وافقت على زواجك يعنى مااحبك,,ايرد ايقول يعنى بتكونين شايفه لج شوفه ثانيه...ويعطيج درس فى الاخلاق..والحرمه مب كل يوم لها ريل...ولازم تتحمل زوجها على كل عيوبه..وشوفى الامهات والجدات ..تنضرب كل يوم..او زوجها ايكون سكير وايعربد وماايسوى لها سالفه بس تتحمل عشان عيالها...الحرمه مالها غير بيتها وزوجها وعيالها..واللى اتفكر تتزوج اكثر عن مره مب حرمه

 

[uae_queen]

اختى مرموره

والله خبرناهم بس بعد ماشى فايده..مخ الرياييل أشبه بالجوتى والاخوات اللى ماايعرفون شو هو الجوتى هو الحذاء.....

هم أصلا مايفهمون ليش نفسيتج تتعب وليش ماترضين اتشتركج فيه وحده ثانيه مدام انه ايحبج ومب مستعد يستغنى عنج

 

[uae_queen]

الكنارى الذهبى مشكوره حبيبتى
fadakمايستوعب الريال انه فى تصرفه هذا انانيه..ايشوفه حق شرعى...وايشوفج انتى انانيه لأنج تبغين تحرمينه منه...وانانيه لأنج بتتخلين عن عيالج وعن حبج له..وأنانيه لأنج اتفكرين تتطلقين وتتزوجين غيره...

 

[uae_queen]

عطر الكلام

صدق انج قويه..ولا فى وحده تتجرأ اتقول له سير دور لى واحد من ربعك وبنعرس انا وانت فى نفس اليوم خخخخخخخخخخ

الفراشه مشكوره

سنديان ...مشكوره حبوبه...الحرمه اذا انفصلت بعد زواجه بالثانيه بتظل مع عيالها ومابتستغنى عنهم

 

[uae_queen]

غربه
وصلته المعلومه انه الحرمه مابتعب اعصابها وهو مستانس فى احضان وحده ثانيه..يعنى قالت له بصريح العباره..خلك وياها خلها تشبع فيك...وايرد ايقول يعنى تتخلين بكل هالسهوله انتى مااتحبينى..واذا قالت له انها اتحبه بس بتدوس على قلبها اذا صار هالشى ايرد لنفس الدوامه انه ماله داعى كل هالشى..وانه ردة الفعل هاذى مالها لازمه وفى حريم وايدات اتزوجوا رياييلهم عليهم وصبروا وماطالبوا بالطلاق او الانفصال...والريال اذا بغا ايعرس بيعرس بالسر

 

[uae_queen]

الريال ماايفكر الا فى احساسه ماايفكر فى احساس الحرمه
ايقول انا انا انا ..والحرمه لازم تصبر مهما صار فى حياتها الزوجيه..ولازم ماتتاثر...وماتتخلى..ومااتفرط فى عيالها...وما اتفكر فى الزواج مره ثانيه..الحرمه بس لها ريال واحد..والريال له حق فى أربع حريم