للمره الالف!. ....... زوجي يخوني!

[الوان]

السلام عليكم خواتي العزيزات

مادري اذا في حد مثلي عنده الحاسه السادسه تجاه الزوج !
انا زوجي اعرفه.. واعرف طبعه يوم يخوووون.. سبحان الله .. والله اني ما افتش وراه .. الا بعد ما احس به متغير ومتبدل عليه..

اعرفه يخوني اذا زادت جرعة مسجات الحب.. والتفدي .. والكلام الحلوو "بزياده" انا ما عودني على هالشي من بداية عرسنا.. عشان جذي احس بالفرق لما يبدا بهشي.
واعرفه يخوني اذا قلت اتصالاته.. يعني يعتمد على المسجات اذا يبغي يسالني شي !
ويتاخر فالليل ويسهر برع البيت .

ويوم مايكون يخوووني.. ناادر مايصير هذا كله :no:


من فتره حسيت بهالاشيا اللي فوق ^^^ ودايما ادعي اني ما اظلمه.. وانه اذا في شي الله يكشفلي اياه
احاول ما اتسرع.. اصبر عليه.. وحركاته زايده يوم عن يوم.. ومشكلته انه جذبه واااضح لي.. مع اني ما ابينله اني مو مصدقتنه..

طبعا مستحيل اوصل تلقونه .. لانه مقفول برقم سري.. ماعندي الا الماسنجر !!
لقيت اسم وحده معاه.. ولاني انا مختاره فالاوبشن انه تنحفظ جميع محادثاته بالوقت والتاريخ
اقدر اشوف مع مين كان يتكلم وعن شو ووووو
اول شي ماشفت بينهم محادثه.. وانا فنفس الوقت بينتله اني حاسه انه يخوني.. بس مش بطريقه مباشره

اما البارحه.. فخرب على عمره.. دخل غرفة اخوه بالكمبيوتر.. وقفل على عمره!
اخوه مش موجود *نحن ساكنين مع اهل زوجي* والوقت متاخر من الليل .. يعني بالعقل.. شو اللي كان يسوييييه؟

طرشتله مسج.. قلتله ليش قافل الباب؟ وانا اراقبه وهو مايدري !
اخذ الابتوب معاه وطلع واتصلي.. حسسته اني متضايجه.. وخلاص شاكه ومتاكده منه
قالي انه كان يسوي شي اخوه موصنه به.. واذا مو مصدقه.. اتصلي واساليه !

طبعا مابغيت اتسرع.. وبت الليل ادعي بان الله يقطع الشك باليقين .. استعنت بالاستغفار.. وانا متاكده بان الله بيفرجها عليه.. صبرت لين المسا فاليوم الثاني.. ورحت لغرفة اخوه.. لقيتها مفتوحه واللابتوب فيها.. فتحت على صفحات المحادثه المحفوظه.. ولقيت البلااااااوي !

محادثه بنفس الوقت اللي كان قافل على عمره .. ومحادثه اول الفجر.. واليوم الظهر!
كان يطلب فيها يشوف صورها.. وهلكااااان الحبيب .. وهي !!! ماريد اسبها.. بس اقول الله يهديها
مو مقصره معاه..
بتقولون يمكن انج مقصره.. وبقولكم لااا والله اني مش مقصره.. والكل يشهد على شكلي ورشاقتي وعدولي له
لكن هذا طبع زوجي من تزوجنا.. وهو يخووني .. مايقدر عليهن :no:

الحين نحن متزاعلين.. وافكر ما ارضى بسهوله.. يعني اطنشه وارويه اني ما ابالي به.. ما ادري هذا الحل بيفيد هالمره.. والا بيتعذر وبيحلف لي انه مابيعيدها.. وبصدقه كالعاده وبتستمر قصة الف ليله وليله؟؟؟

ادعولي .. والله اني محتاجه لدعائكم :tears:

 

[شـغـف]

سارعي بالاشتراك في دورة استراتيجيات التعامل مع الزوج الخائن..

إن شاء الله بتفيدج..

 

[شـغـف]

على فكرة لا تكشفي أوراقك لزوجك أبدا.. لأن ما سيفعله هو زيادة الحرص.. فقط!

 

[الوان]

تسلمين يالغاليه.. وباذن الله اني بكون من المشتركين فيها

ااوراقي محفوظه ماعليج.. من بداية عرسنا وانا اكشفه بهالطريقه وهو مصدق ومقتنع انا لما احس انه يخوني معناها انه احساسي صح وفي محله ! مايدري عن شي.. والا بينظف من وراه اعرفه ..

 

[نحول]

الله يعينك اول شي طنشيه ثم طالبيه ببيت مستقل

 

[meme]

حبيبتي ألوان و الله اني اتألمت لج.:tears: يعل حياتج كلها ألوان في ألوان و الله يسعدج انشاء الله..و يسخرلج:icon26: زوجج ... و يبعد عنه هالأشكال. :a037: :a043: ..انشاءالله ينضربن جي..خخخخ....
.اللهم آمــــــــــــــــــــــــــــين

 

[حب عذري]

السلام عليكم ورحمة الله

الوااااااااااااااااااااااااااااااااااان خليك على اسمك كل يوم اطلعيله بلون غير لين تحول عيونه

سبحان الله الرجال يتشابهون في التصرفات خاصه الخيانه

الله معاك ..................

 

[دلوعة عزيز]

حبيبي سوي لك ايميل جديد مايدري عنه واضيفي ايميله وادخلي بأوقات كثيره على النت وحطي لك ماسنجرين اثنين وفيه برامج تخليك تدخلين بالف ايميل بنفس الوقت انت اسألي واذا هو يحب الماسن خليك ماشيه معه وهبلي فيه وقولي له بشوفك واذا جاء وقت الشوفه انتي خليك عند اهلك وتضبطي وتعدلي وقابليه طبعا هو مابيدري انه انتي لن ستسلك بيكون غير جدا جدا جدا خليه يحجز لك غرفه وقول ي له ابي تحطي فلوس قبل وخذيها قولي له عشان اشتري لك واتضبط لك وفعلا خذيها وغيري بشكلك ...
بعدها ادخلي الغرفه عليه او خليه هو اللي يددخل عليك وفاجيه انك انتي اللي يكون معها انا عجبتني افكره كانت بمسلسل طاش ما طاش .. جربيها بس خلي لقائكم بالفندق وانتي اسبقيه وطبعا لاتكلمينه بالتلفون وخليه يجب لك معه جهاز وخليه يحجز لك اسبوع قولي له اني بقول لأهلي اني بنام عند قريبتي وبطلع معك انا ابيك ..
هو مابيصدق بيحاول يجيب اي شئ تتطلبه الحبيبه عشان يرضيها وخذي صور لكل المحادثات وقولي كل شئ انت سويته بنفسك خلاص انا مابيك طلقني عاد هو مابيصدق بيكون مصدوم وماراح يطللقكك... جربي وقولي لي بس انتبهي لا تغيرين نظراتك له خليك مررررررره طيبه معه ولا تبينين عشان اذا اكتشف بيقول انها سوت وانا سويت وبيتأدب