للمره االاخيره ارجع لكم

أ

أجوااااان

New member
إنضم
2008/01/17
المشاركات
194
اخواتي وربي الكعبه انا في ضيق مايعلم فيه الا ربي انا قلت لكم قصتي

http://www.niswh.com/vb/showthread.php?t=226415
http://www.niswh.com/vb/showthread.php?t=236460

امس ارسلت رساله لزوجي دق ابيك اذا انت فاضي
ولا اتصل قلت لام زوجي ان اخوي بيجي ياخذ زوجته واغراضهم بيشحنها بسياره كبيره
وبيمر ياخذ اغراضي معهم لان السياره مايبيها تصير زحمه وكل همي ان قلت لها علشان لما تشوف السياره ماتفرح تحسب ان بيننا انا وزوجي شي
المهم قمت الصبح على جوالي يدق وطلع زوجي يهزئني انت وش بتشحنين من البيت ومن هالكلام
قلت ولاشي اخوي كذا وكذا وبشيل اغراضي وبس وقام يهاوش ويسكر السماعه
لبست عبايتي ورحت لام زوجي قومتها من النوم الساعه 10 قلت لها انت دقيتي على زوجي وقلت له بس انه بتجي سياره تشحن ماقلتي باقي السالفه قالت انا ماكلمته
وطلعت كلمت زوجها الي هو ابو زوجي وهو الي وصل له الكلام
ومادريت الا قالت اصلا زوجك مايبيك ويقول انك ماتريحينه ولا شي تخيلووووووووووو
قلت زوجي رجال لي دامه مايبيني ماجاء للبيت وقال هالكلام وشلت اغراضي ورحت لبيت اهلي بدون مايتكلم بظهري وقدامي مايقول شي
قالت ماادري عنكم قلت له انت ليه ماتقول تبيني او ماتبيني
قال انا صابر على المر والضيم منك :33:
قلت وش فيه من الي مظلوم انا او انت قالت انتي تمشين وتقولين لاهلي ان حقه مايقوم
شفتو الي احس وقف قلبي ماقدرت اتنفس
اذا هو حقه مايقوم اجل عيالي من وين جايين جبت 2 وسقطت 2 وحامل الحين
وربي مو قادره اكتب اكثر
 
نفسي انصحك بشي بس اخافاكون غلطانة بنصيحتي لك....بس للأسف مدري كيف انتي متحملتيه كل هالفترة انا اقول الله يعينك ويوفقك ويعينا بس....
اتمنى البنات يساعدونك
 
والله ماادري يا اختي مشكلتك مشكلة
طيب شوفي انا باقول لك على حاجة خذي لك ورقة وقلم ارسمي خط طولي يقسم الصحة نصين
اكتبي الإيجابيات والسلبيات من بقائك مع زوجك اكتبي كل اللي يخطر ببالك وساعتها يمكن تقدرين تتخذين قرار

الله يهدي بالك وييسر امورك ويكتب لك اللي فيه الخير

بس رايي الشخصي اذا قالك زوجك ما ابيك وبكل برود وحسيت انه صادق في اللي قاله(وهذي حطيها مع السلبيات) مو بس عناد فيك وكانو اهلك يقدرون يتكفلون فيك انت وعيالك خلاص روحي لهم

والله كرامة الانسان اهم من كل شي
وفي النهاية كل شي راجع لك
 
الله يكتب لك اللي فيه الخير
واهم شى نفسك وعيالك ربيهم احسن تربيه ماحد راح ينفعك غيرهم ومصيرهم يكبرون ويعرفون ابوهم كيف كان يعاملكم الله يحفظهم لك ويقومك بالسلامه يارب:e032:
 
الكلمه المعتاده الي لازم نقولها لكل العضواااات
اصبرووو على مابلاكم وخاصه وراكم عياااال
لاتعيشونهم بنفسيه حرااام
الله يفرج همك وييسر امرك
 
فرج الله همك واصلح شئنك والله مشكلتك كل مره تتعقد وتزيد
بس انتي كمان متعبه عمرك يا حبيبتي شخصية الشمالي الشرقي كذاجاف عنيد ما يرحم وما فيه اطول نفس منه على المشاكل
وانتي باين عليكي ما عندك صبر مرررره صدقيني توقعي منه الأسوء اذا انتي ما تبين الطلالالالالالاق خليه هو واهله يسوووون ويقولون الي يقولون خليكي بارده اسمعي وطنشي واحقريهم خلي همك بنفسك وعياللك انتي قدامك خيارين التطنيش والحقران او تروحين بيت اهلك ويرسلك ورقتك ويمكن هذا الي يبي يوصلك له علشان قدام الناس وقدام عيالك لا كبروا انتي الي خرجتي وانتي الغلطانه وحقوقك تضيع
وفوضي امرك لله فيه
:
والله زوجي مثل زوجك شمالي شرقي يتصرف تصرفات ترفع الضغط ويمكن يزعل بالشهور في البدايه تعبت بس الحين صار الموضوع عندي عادي والله الحقران ازين علاج متى ما انطحن الحب الي براسه اعتذر وانعدل ما عاد يهمني وجوده من عدمه
:
كثري الأستغفار والصدقه وصلاة الليل وادعي الله انه يبدل حاله من حال الى حال
قلب العبد بين اصبعين من اصابع الرحمن يقلبه كيف يشاء
وثقي بالله
اللهم افرغ عليها صبرا​
 
شوفي انا اعيش نفس مشكلتك وكم مره تركت البيت وازواجنا نفس بعض يخافون من اهاليهم
واهليهم حسبي الله عليهم يحاولون يفرقون بيننا وبين ازواجنا
بس لاتعطينهم الفرصه اجلسي في بيتك لاتتحركين منه لاتسمحين لهم يهدمون اللي بينكم اكثر
اذا رحتي بيت اهلك والله بيحصلون فرصه اكبر علشان يعبون راسه
لاني انا لاحظت يوم ازعل واروح عند اهلي يقلب علي اكثر وكلامه يسير نفس كلامهم
حطي عقلك في راسك واقلبي السالفه عنااااااااد
 
الله يعينك على همك ويساعدك وصدقيني كل وحده منا عندها مشكلة والسبب فيها دائما رجل الله يفرج لك ولنا
 
حبوبه الريال ما يبي وحده ترخص نفسها وخاصة اذا وراه اهل مثل اهله واحس انه بايع ومادي وما اقدر الا اني ادعيلج واطلب من الله يصبر قلبج ويفرج همج
 
ياينات انتم كلكم تقولون اقعد انا تحملت 8 سنين وصلت السالفه لشرف عيالي صارو عيال حرام تخيلتو السالفه وقبل كانو معبين راسه اني اكلم
امي وهي امي الي مافيه امل ام تقول لبنتها تطلقي تقولي تعالي وانا امك وربي بعد كم شهر بنجي ناخذك من الهيئه من قوه التبلي بشرفي
يابنات انا اهلي كلهم معي واخواني كلهم كبار وكل واحد يقول تدللي
 
حبيبتي الله يفرج همك اول واذانتي صادقه ومظلومه قولي حسبي الله ونعم الوكيل على من ظلمني قدام زوجك وفي صلاتك واصري على الدعاء الى الله بان الله يفرج همك وانتي جيبي اهلك الكبير فيهم واشرحي الوضع له وجيبي من اهله الفهم واشرحي الوضع له مع اهلك وجيبو الرجال وخليه يقول من قال هاالكلام بشهود اول وخليه اهله مايدخلون فيك مادامك الحالك وانتي احترميهم هم اكبار والدنيادوره وانااختك بس عشان الله ثم زوجك ثم اعيالك وكما تدين تدان ولو بعد حين وحافظي على زوجك ولا تخلين فرصه للي يبي يفرق بينك وبينه وقولي قدامه ان الله كاتب لي انا وياك حياه انا زوجتك وام اعيالك والله يوفقن وان الله اراد افراق حسبي الله على من فرق بيني وبينك والله العظيم يااختى هالكلمه قويه عند الرجال وهو بيحسى بعدين لن في اعيال بينك وبينه وهو بيحس انك صادقه ومظلومه والله يفرج همك وهمي ويسعدك ويصلح امورك ويوفق قولي امين انشاء الله
 
من جد من جد مابي احرضك على زوجك
بس صبرك عليه صبر ايوب
اعوذ ابلله منه ومن اهله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل