لكل من تعاني من تصرفات زوجها تأتي وتقرأ هذه الكلمات لتعرف الحل تمامااااا وعلى ضمانتي

الحالة
مغلق و غير مفتوح للمزيد من الردود.
ي

ياعمري ابيك

عضوة مخالفة لقوانين المنتدى
إنضم
2009/04/30
المشاركات
398
بسم الله الرحمن الرحيم
ان شاء الله سأختصر لكن بكلمات بسيطه من هو زوجك الذي وكأنه جاء من كوكب أخر لم تستطيعي فهمه ولا كيفية التعامل معه :30:
الرجل هو ابوك اخوك زوجك ​

كلهم معاملتهم واحده لانهم كلهم رجال
لكن لماذا المرأه لم تتشاجر مع اخوها او ابوها .. بقدر ماتشاجرت مع زوجها ؟
سأختصر عليكن كيف تعاملي زوجك
فيه حالتين ..
اما انك تثقلي او تطنشي
وانا دائما احذر انه لازم نعرف الفرق ...​


الثقل مو معناها انه اذا كلمك ماتسمعين ..واذا سألك ماتجاوبيه وتسوي انك ماسمعتيه ..
او اذا دخل البيت مايهمك الموضوع ..
اذا جاب لك شيء ماتفرحي فيه .. اذا طلب منك شيء ماتلبيه له ..
هذا تطنيش وليس ثقل ..
الثقل بأختصااااااار .. تعاملي معه مثل اتعاملك مع احد اخوانك ..
طبعا مع الفرق
نتكلم عن معامله البنت لاخيها :
تسولفي معه تضحكي معه لجا تفرحي لسألك تجاوبي لطلبك تلبي بكرامه .. اذا كان يحب اكله معينه تسويها له ..؟
بس انك تسوين له بثقل يعني مو دووم اذا اشتهيتي ماتلزقين بأخوك ..
معطيته خصوصيه ماتتدخلي بخصوصياته ..
لكن اذا طلع اخوك من البيت هل ترجينه بالاتصالات والمسجات ..؟؟
من اتصل عليك مع منو كنت ليش تاخرت ليش ووين
هل تهدين اخوك هديه على الرايح والجاي بكل مناسبه ..؟؟
ولا تهدين له مره مرتين وبمناسبه قويه ..
مثلا تزوج او توظف ..
او لشكره على خدمه كبيره ..
اذا ماردها لك ماتزعلي ولا تطالبيه بالهديه ..
انما ماتهديه مره ثانيه صح ....؟
اذا جاء اخوك تلزقين له ولا تتركينه بغرفته مع خصوصياته ..والله حتى لو اخوك يسوي العاده السريه .. تتركيه وماتواجهينه لانك عارفه انها اهانه له .. وبالتالي رابط الاخوه بينكم يهتز ؟؟
نفس الشيء الزوج ...........​


هل اذا اتصلتي على اخوك ومارد تهزئينه وتزعلين يومين وتسوينها سالفه وتقلدينه ماتردي عليه .. ولا تتوقعي فيه عذر
ببساطه الرجل هو اخوك زوجك ابوك .. كلهم معاملتهم واحده
الفرق هو الفراش .. الرومنسيه طبيعي تزيد بالفراش ..
لكن هل الحياه كلها رومنسيه وكلام حب وغزل ..؟؟؟؟؟؟؟؟؟​


طبعا لا لها اوقاتها ومناسباتها ..
من هنا خذي قاعده عرييضه ..
تعاملتي مع اخوك ببساطه ولم يكن بنظرك رجل معقد او غامض
ولم تعرفي حتى نمطه ..
وبالرغم من ذلك عرفتي كيف تتعاملي معه ..
الآن اخوك سيصبح زوج لفتاه .. وسيصبح بنظر زوجته انه رجل غامض .. يجب ان اعرف نمطه وااللف وادور بالمنتديات ابحث عن حلول لألغازه وتصرفاته
وكأنه جاء من كوكب اخر ..
اذا اين الغلط ؟
الغلط هو أنك لم تتنبهي ان :
اخاك سيصبح زوج
وزوجك كان أخ ​


اذا القاعده العريضه التي انصحكن بها هي :
اي مشكله تمرين بها او موقف ولو بسيط .. ضعي زوجك في مكان الاخ
وستعرفين حل مشكلتك وكيفية التصرف مع الموقف
......​




تحياتي ​


دعواتكن​
 
كلامك عين العقل ونمطقي جدا
بس وش تسوي اللي زوجها يعامل خواته احسن منهاااا بكثير ويردلها طلبات كثيره بس خواته لو بنص الليل يروح لهم وبعز طفرته يروح يتسلف علشانهم ويطلعهم ويمشيهم وزوجته مسويته ملك ومو وخليه عليه قاصر منبطه كبدي من زوجي واحس اني ابكرهه خواته والسبب طريقة تعامله مع اني واللللللله امووووووووووووت عليهم ومثل خواتي بس زوجي يقهررررني
 
مامثلي بشر قال:
كلامك عين العقل ونمطقي جدا
أنقر للتوسيع...
مامثلي بشر قال:
بس وش تسوي اللي زوجها يعامل خواته احسن منهاااا بكثير ويردلها طلبات كثيره بس خواته لو بنص الليل يروح لهم وبعز طفرته يروح يتسلف علشانهم ويطلعهم ويمشيهم وزوجته مسويته ملك ومو وخليه عليه قاصر منبطه كبدي من زوجي واحس اني ابكرهه خواته والسبب طريقة تعامله مع اني واللللللله امووووووووووووت عليهم ومثل خواتي بس زوجي يقهررررني​
أنقر للتوسيع...


أخوك .. يرد لك طلب ؟؟؟!!!

ثانياً: انا قلت الاخت تشوف اخوها بسيط و واضح لأنها تعرف تتعامل معه وهي المعامله البسيطه
.. والزوجه تشوفه معقد وغامض لأنها ماتعرف تتعامل معه بل تعاملتي بتعقيد << وهذا الي حاصل معك​

ثالثاً: انتي أنزلتي زوجك منزلة الملك اذاً هو يحتاج لخادمه ..
فكما جعلتيه ملك لاتزعلي اذاجعلك له خادمه .. ( جدا غلط هذا العمل يا اختي )​

في المقابل أخواته مانزلوه مثلك منزلة الملك .. لذلك يعاملهم غير عنك لأنه مايعتبرهم خدم للملك ​

فهمتي قصدي ؟؟؟؟!!
هذا زوجك .. وليس ملك​


ياليت ياختي ماتسوين من زوجك ملك ... ولا تقولين انك مو مقصره معاه .. خلي عطائك محدود كما هو مع اخوك علشان مايجي يوم وتقولين أنا سويت وسويت وهو بيرد عليك ( ماقلت لك تسوين كل هالاشياء ) ​



قلتلك عاملي زوجك زي ماتعاملي اخوك لا تخلينه لا ملك بلا أمير
هو زوووج زيك زيه ​
 
مامثلي بشر قال:
كلامك عين العقل ونمطقي جدا
بس وش تسوي اللي زوجها يعامل خواته احسن منهاااا بكثير ويردلها طلبات كثيره بس خواته لو بنص الليل يروح لهم وبعز طفرته يروح يتسلف علشانهم ويطلعهم ويمشيهم وزوجته مسويته ملك ومو وخليه عليه قاصر منبطه كبدي من زوجي واحس اني ابكرهه خواته والسبب طريقة تعامله مع اني واللللللله امووووووووووووت عليهم ومثل خواتي بس زوجي يقهررررني
أنقر للتوسيع...
شوفي يفضل خواته كثير مثله بس يتسلف عشانهم شي ماينسكت عليه شوفي لاكان يحبك ومتأكده من هالشي ازعلي كم اسبوع عند اهلك وقولي له انت ماكأنك متزوج وانا ولا شي عند اهلك ليه مو انا زوجتك ؟دامهم غالين عندك هالكثر ارجع عش معهم
 
اعجبني مقولتك حينما قلت لاتجعليه ملكا حتى لايجعلك خادمه صدق بعض الناس يستغلون طيبة الضعفاء

كلامك صحيح لكن اختلف معك ببعض الاشياء وهي ان الزوجه تقلق مع زوجها وتهتم كثير هذا طبيعي لانه اذا اهملها ستفقد شي كبير بقلبها لانه مافي انسان بالدنيا يقدر يعطيني العاطفه والجنس وووووالازوجي فعشن كذا نهتم معاهم اما اخوي يحبن ولاما يحبني ماعلي منه
افهمي قصد وقصد الاخريات
 
ربي يعطينا على قد نياتنا الطيبه
هبلونا الرجال

يسلموو ياعسل
 
]والله ثم والله مابيرتاح إلاوحده عندها مثل قلب ياعمري أبيك..
طيب ممكن اسألك سؤال وتجاوبيني بصراحه..
إذا إنتي متزوجه وتعاملين زوجك كذا..لودخل عليك وقال لك يافلانه أناخطبت عندالعائله الفلانيه وعندهم بنت يمدحون أخلاقها وأنابصراحه يبي لي وحده تهتم فيني تحسسني بوجودي وتعيشني ملك..إيش رح يكون جوابك ياعمري أبيك..؟
 
كلامك عين العقل وسليم مية بالمية !!!


أخواتي العضوات الباقيات : حبيباتي أنا أكاد أجزم إنه ما فهمتوا كلامها رجاااء اقرأوه مرة واثنين وثلاثة !!
هي قالت فيه فرق بين التطنيش والثقل !!

يعني هذا مو يدل على إنك تصيري باردة وما تدرين عنه ولا تسألين عنه !!!
أخووووك ما راح تسألي عنه وتحرصي عليه كأخ !!

صدقوني اللي ما تقتنع بهذا الكلام مع احترامي وحبي لها ماراح تتغير ..

طيب حبيبتي جربي خذي لك شهر وجربي اللي تقوله وشوفوا النتايج بعدين احكموا
وعندي اقتراح لا تعاملوهم مثل تعاملكم مع أخوانكم بالحقيقة لأنه ممكن يكون تعاملكم غير سليم فكروا بالطريقة المثالية وابحثوا عن كيفية التعامل مع أخوانكم ثم طبقوها على الزوج واستمتعوا بالنتايج !!!!!
والله يوفقكم جميعا !!
 
جزاك الله خير
ودي اعرف كيف حياتك مع زوجك
اسلوبك غااالبه قوي شوي هذا الي لاحظته من خلال قرائتي لردودك ع مشاكل البنات
هل نفعك بتقليل المشاكل الزوجيه في حياتك؟!!
 
حبيبة قلبي كلاامك عين العقل ومتاكده انه كل وحده فينا واااثقه انه هدا الاسلووب الصح ومتاكده بعد
انه اغلب المتزووجات جربو هالاسلوب ونفع معهم ,,
بس بصراااحه صعب انه الوحده تستمررر على شيء هو اصلا مو طبعهااا يعني انا طبعي حيل لاازقه فزوووجي وطبعا مو عاجبه هالشيء وبين كل فتره والتانيه ينبهني انه يبي مسااحه ,,
احياانا ابعد عنه بثقل والاحظ انه تغيير وانه عاطفته صاار يحاول يبينها اكترر وانبسط حيييل ,,والتغيير اللي طرا مني يااااثر علييه كثيييير للاحسن < بس تقريبا اسبووع وارجع مثل مااااكنت مااقدررر استمرررر ابداا ,, مع اني شااايفه النتااايج وراااضيه فيييها ..
بس احس التطبيق وانه الوحده تطبع بشيء مو من طبااعها صععععب مرررره انه استمر فيه
 
ابيك قسم والله كلامك درر اتعب وانا اقول لك ابدعتي
 
مااااشااااااااء الله موضوع جداً رااائع ... ياليت يا بنات تقرون وتفهمون مابين السطور ...اغلب الرجال التعامل معااااااااااااهم جداً سهل ... بس المشكلة في بعض الزوجات تسيرها عواطفها ... يللا طلعوا الذكاااء والدهاااء والعبقريه ... انا وحده استمتع لما اخذ اللي ابيه من زوجي بذكائي ... والاهم مايكون زوجك هو محور حياتج اهتمي فيه كجزء من حياتج مو كل شي ...
 
قال النبي صلى الله عليه وسلم ( تزوجوا الودود الولود ...الخ الحديث)

معنى ودود -هي المرأة المحبة والتي تتودد لزوجها

أنا معك في ان الثقل جيد لكن مو بكل وقت

فكما يمل الزوج من المرأة اللزقة والمطفوقة
ايضا يمل من الثقيلة دائما

خير الامور الوسط

فأنا لا اؤيد الثقل الا بأوقات وخاصة عند الزعل
او عند خطأ الزوج على الزوجة

وايضا عندما تخطأ الزوجة احسن تثقل وتنطش
خاصة مع الشمالي

لكن ان المرأة تجعل الثقل هو قاعدتها فعذرا ان هذه النصيحة
تذكرني بامي حفظها الله وجداتي رحمهن الله

ونرى ان رجالهن عددو النساء ولم يتميزن بشيء عن غيرهن

كما نرى ان الساقطات -اللاتي تسمونهن عشيقات -
يركضن وراء الرجل ويعطينه ما أراد !!!

ويملكن لب قلبه وهن طائشات ؟؟؟؟

فلماذا تثقل الزوجة وتجعل زوجها فريسة سهلة لمثل هؤلاء الساقطات؟؟

انا مع الثقل لكن مو دائماااا فنحن نرى بعض الجنسيات العربية
يعاملن الزوج وكأنه سي السيد وملكنه بالتأكيد فهو يعاملها كالملكة

فأهم شيء الاحتساااااب ( كوني له أمة يكن لك عبدا)

ولي تعليق بسيط على تشبيهك بمعاملة الزوج كالاخ عذرا اختي فشتااان بينهما

الزوج جنتي وناري اما اخي فعلي صلة الرحم ومحبته الاخوية لكن الزوج علاقة سامية

لايوجد وجه شبه ابدا بينهما لكل منها قدره !!! كما ان الزوج لايعاملني كأخواته فلماذا اعامله كأخوتي ؟؟

شكرا لاجتهادك فاختلاف الرأي لايفسد للود قضية ....​
 
الصراحة اطبق كلامك يمكن سبوع سبوعين بس مااتحمل احس هذا مو تصرفاتي يعني ودنا هم يتغيروا بعد عشان احنا نرتاح بعد مو كل شئ علينا تعبنا هذه عشرة سنين مو سنة اوسنتين
 
الحالة
مغلق و غير مفتوح للمزيد من الردود.
عودة
أعلى أسفل