لكل مطلللقه لي كل من تزوج عليها زوجها تعالو كلموني
السلام عليكم حبيباتي حبيت من اخواتي المطلقااات يوقفون جنبي ويووواسوني ونفضفض لي بعض عشان يخف من ضيقتي شويه واحس اني مو الوحده في العالم الي مطلقه وارتااح شوي ... بنات انا طليقي لسا ما جاب ورقه طلقي فقط كلم الوالد وقاله انا رحت للمحكمه وطلقت خلاص بس باقي الاجراءات ماتطلع الا بعد الحج يعني بعد شهرين اول شي تتوقعون انه طلاقني وانتهينا خلاص ولا الامور ماتتم في المحكمه كذا وخاصه ان عندي بنت وبهاذي السرعه؟؟ طليقي يابنات هو الي طلقني برغبه منه ومافي سبب مقنع ووجيهه وهو كااان متاكد اني ماابغا الطلاق وابغاه وهو كان لين اخر لحظه في ثاني شهر من العده يسالني هل ابغا استمر معه او لا واجبت بشكل غير مباشر اني ابغا استمررر بنات انا تعبت ... تجيني حالات افكر في بنتي كيف لو كبرت بعد مرور 5 سنوات ويجي ياخذهااا تتربا عنده .. افكر كيف اقدر بعد كذا اعيش بدونها واجلس وووحيده حتا بدون زواج ؟؟؟ لكل مطلقه وعندها عيال تشااااركني كيف عاااايشه ولكل من تزوج عليها زوجها تشاركني كيف كملت حياتها معاااه ؟؟؟ لان طليقي طلقني طلقه وانا حااائض وقالي بنفسه تراها في وقت غضب وتراني ماقصدت فيها البعد عن بعضنا ؟؟ فجاه اكتشفت بموضوع الخطبه من وحده غيري فجاه قال للوالد انا طلقت وخلاص والاجراءت تطلع بعد شهرروين يعني تتوقعون طلقني خلاص ولا له جلسه لسع بعد شهرين ؟؟ انا حاليا افكر في بنتي وبعدها عني لاني مااقدر اعيش بدونها اموووت وتنتهي حياتي لو اخذها مني .. وغير كذا ما ادري ليش احس لساعي فيني شوووق لطليقي فيني حب عيا ينتهي رغم كل الي سواه رغم قسوته ونظرته الناس في مجتمعنا للمطلقه انها انسان يستحق الشفقه ويلومنها وينظرون لها انه اكيد فيك عيب عشان كذا تطلقت ... بنات احس لما سمعت بموضوع خطبته تتكررر شريط الذكريات وقمت اتذكر نفسي ايام خطبتي له وكيف كنت فرحانه وكيف كنت مبسوطه في هذيك الايام وكيف رسمت احلامي معاه وصرت اموت لما احسه كررها مع انسانه غيري واللحين عايش جوه ومبسووط وتخلا عني وطلقني وهو كان واعدني مايتخلا عني وانه يحبني ويموت فيني ... لما اشوف احد من العائله مبسوطه مع زوجها وتروح وتجي احس اني وحيده في هاذي الدنيا وتضيق نفسي ليش مااني مبسوطه مثلهااا ليش ماعندي زوج يشاركني حياتي واحبه ويحبني ... تجيني حاله افكر في طليقي وفي نمط الحياه الي تعودت عليها معاه طريقه اكلنا نومنا الاكلات الي احبها انا ويااااه الضحك والفرفشه وخفه الدم والمواقف الي ضحكني فيها والمواقف الي كنت سعيده فيها شرررررريط حياتي معاه شغااااااال مايرووووح ولما ماااايشتغل احس بضيقه وبلوحده وكل شي صار ماله طعم ولا معنا عندي واتذكر سفرتي معاه خارج المملكه والايام الحلوه الي قصيتها معاه والي اللحين جااااالس يقضيها مع وحده غيري والي اعتبرني ميته ورمااا جناااازتي ومافكر في شي او موقف شفعلي عنده مع ان مواقفي الطيبه كثيره الي كانت معاه بعكس جروحه الكبيره الي الي تحملتها ... احياننا تجيني فكره اروح اتصل فيه واقوله رجعني بعيش معاك مازلت احبك فراقك ما اقدر اكمل حياتي من غيرك ولاكن لما اتذكر انه فيه زوجه ثانيه اتراجع واحياننا اقول ماعليه اعيش معاه حتا مع وجود الزوجه الثانيه لاني مااقدر اعيش اصلا بدونه لاني مازال قلبي يبغاه اتمنا انه يرجعني وراح ارجع له بس ماااااظن ولا اتوقع تركني وعاش حياته تركني ووووحيده مع الحزن والهم ... ولا راح اقدر انساه الا لو تقدملي زوج غيره بيخف المي شوي شوي
اسم الموضوع : لكل مطلللقه لي كل من تزوج عليها زوجها تعالو كلموني
|
المصدر : الأستشارات الزوجية العامة
